அஜீத்திடம் வாலை ஆட்டிய சுதான்ஷுவுடன் மோதும் கௌதம் கார்த்திக்

சென்னை: அஜீத்தின் பில்லா 2 படத்தில் வில்லனாக நடித்த சுதான்ஷு கௌதம் கார்த்திக்கின் இந்திரஜித் படத்தில் வில்லனாக வருகிறார்.

அஜீத்தின் நடிப்பில் வெளியான பில்லா 2 படத்தில் வில்லனாக வந்தவர் பாலிவுட் நடிகர் சுதான்ஷு பாண்டே. அதன் பிறகு தமிழ் படங்களில் நடிக்காமல் இருந்த அவர் தற்போது கௌதம் கார்த்திக் நடித்து வரும் இந்திரஜித் படம் மூலம் மீண்டும் கோலிவுட் வந்துள்ளார்.

தயாரிப்பாளர் கலைப்புலி எஸ். தாணுவின் மகன் கலாபிரபு இயக்கும் இந்த படத்தில் கௌதமுக்கு ஜோடியாக சோனாரிகா பொடோரியா நடித்து வருகிறார். படத்தின் 50 சதவீத காட்சிகள் படமாக்கப்பட்டுள்ளன.

இந்த படத்தில் கௌதம் ஆக்ஷன் ஹீரோவாக வருகிறாராம். அவர் இந்த படத்தை தவிர்த்து சிப்பாய், வை ராஜா வை ஆகிய படங்களிலும் நடித்து வருகிறார்.

கௌதம் கார்த்திக் நடிப்பில் வெளியான கடல் மற்றும் என்னமோ ஏதோ ஆகிய படங்கள் தோல்வி அடைந்துள்ள நிலையில் அவர் இந்த படத்தை பெரிதும் எதிர்பார்க்கிறார்.