ரிலீசுக்கு முன்னரே வசூல் வேட்டை நடத்திய சுல்தான்!

பாக்யராஜ் கண்ணன்

ரெமோ வெளியாகி மிகப்பெரிய வெற்றி பெற்ற நிலையில் முதல் படத்திலேயே தனது ஆணித்தனமான வெற்றியை பதித்த இயக்குனர் பாக்யராஜ் கண்ணன் தற்பொழுது அடுத்த படத்தை மிகப்பிரம்மாண்ட முறையில் இயக்கியுள்ளார்.

பிரபலமான நட்சத்திரங்கள்

முதல் படத்தில் திகட்டாத காதல் காட்சிகள் வயிறு குலுங்க சிரிக்க வைக்கும் காமெடிகள் என அசத்தியிருந்த பாக்யராஜ் கண்ணன் சுல்தான் படத்தை பக்கா ஆக்சன் படமாக இயக்கியுள்ளார். மேலும் இதில் கார்த்திக் மற்றும் ரஷ்மிகா மந்தனா ஆகியோர் லீட் ரோலில் நடிக்க பல பிரபலமான நட்சத்திரங்கள் இந்த படத்தில் முக்கிய வேடத்தில் நடித்துள்ளனர்.

டிக்கெட் விற்பனை

இதுவரை தான் தயாரிக்கும் ஒவ்வொரு படங்களுக்கும் பார்த்து பார்த்து செலவிட்டு வந்த ட்ரீம் வாரியர் பிக்சர்ஸ் தயாரிப்பாளர் எஸ் ஆர் பிரபு சுல்தான் படத்திற்கு பட்ஜெட்டை வாரி குவித்துள்ளார். எதிர்பார்க்காத அளவிற்கு மிகப்பெரிய பொருட்செலவில் சுல்தான் படம் உருவாகியிருக்க தற்பொழுது இதன் டிக்கெட் விற்பனை திரையரங்குகளில் அமோகமாக நடைபெற்று கொண்டுள்ளது.

லாபம் கிடைத்துள்ளதாக

சில மாதங்களுக்கு முன்பே வெளியாகியிருக்க வேண்டிய சுல்தான் கொரானா சூழல் காரணமாக இன்று வெளியாகி உள்ளது. ரிலீசுக்கு முன்பே மின்னல் வேகத்தில் டிக்கெட்டுகள் விற்றுத் தீர்ந்து விட்டதாகவும். 40 கோடி பட்ஜெட்டில் உருவான சுல்தான் தற்போது 67 கோடி ரூபாய் வரை மார்க்கெட்டிங் செய்யப்பட்டுள்ளதாக தகவல்கள் சொல்லப்படுகிறது. எனவே அதன்படி கிட்டத்தட்ட 27 கோடி ரூபாய் ரிலீசுக்கு முன்னரே லாபம் கிடைத்துள்ளதாக கூறப்படுகிறது.