Don't Miss!
- Technology இனி கேபிள் டிவி கனெக்ஷன் எதுக்கு? சிங்கிள் பேமண்ட்.. வெறும் ரூ.199 தான்.. 400 TV சேனல்கள்.. 13 OTT தளங்கள்!
- Automobiles வெறும் 1 மணி நேரத்தில் சென்னைல இருந்து பெங்களூர் போயிரலாம்! உலகையே மிரள வைக்கும் புல்லட் ரயில் சீறி பாய போகுது
- News கெஜ்ரிவால் கைது+காங். வங்கி கணக்கு முடக்கம்.. அமெரிக்கா, ஜெர்மனியை தொடர்ந்து கருத்து தெரிவித்த ஐநா
- Lifestyle ஒரு டைம் காளானை வாங்கி இப்படி ட்ரை பண்ணுங்க.. சும்மா அள்ளும்...
- Finance மக்கள் அதிகம் வாங்குவதாலேயே தங்கம் விலை உயர்கிறதா..? உண்மை என்ன..?!
- Sports மும்பை பாணியில் கம்பீர் எடுத்த முடிவு.. 16 வயது சிறுவனை ஒப்பந்தம் செய்த கேகேஆர்.. யாருப்பா அந்த பையன்?
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
மே மாதம்... வசூலை அள்ள வரும் சம்மர் ஸ்பெஷல் படங்கள்!
சென்னை: கோடை விடுமுறை முடிய இன்னும் சரியாக ஒரு மாதம்தான் உள்ளது. இந்த விடுமுறைக்குள் இருக்கிற படங்களை வெளியிட்டு வசூலை அள்ள வரிசையில் நிற்கின்றன முக்கியமான படங்கள்.
கிட்டத்தட்ட 12 படங்கள் மே மாத ரிலீசுக்கு காத்திருந்தாலும், ரஜினியின் கோச்சடையான் வருகை காரணமாக திரையரங்குகள் கிடைப்பது கடினமான விஷயமாகிவிட்டது, மற்ற படங்களுக்கு.
கோச்சடையான் வெளியாகி இரண்டு அல்லது மூன்று வாரங்கள் வரை வேறு படங்களுக்குத் தர முடியாது என்பதை ஏற்கெனவே திரையரங்க உரிமையாளர்கள் கூறிவிட்டனர். அதன் பிறகுதான் மற்ற படங்கள் வெளியாக முடியும்.
இனி சம்மர் ஸ்பெஷல் படங்கள்...
கோச்சடையான்
ரஜினியின் கோச்சடையான் மிகப் பெரிய எதிர்ப்பார்ப்புக்கு மத்தியில் வெளியாகிறது. தமிழகத்தில் உள்ள மொத்த அரங்குகளில் 90 சதவீதம் கோச்சடையானுக்குத்தான் தரப்பட உள்ளது. கோச்சடையான் வெளியாகும் நாளில் மட்டுமல்ல, அதற்கடுத்த வாரத்திலும் கூட வேறு படங்கள் வெளியாவது கஷ்டம்தான்.
பூலோகம்
ஜெயம் ரவி - த்ரிஷா நடித்துள்ள இந்தப் படம் நீண்ட நாட்களாக தயாரிப்பில் உள்ளது. குத்துச்சண்டையை அடிப்படையாகக் கொண்ட இந்தப் படமும் மே மாத ரிலீசுக்குக் காத்திருக்கிறது.
வல்லவனுக்கு புல்லும் ஆயுதம்
சந்தானம் நாயகனாக நடித்துள்ள வல்லவனுக்கு புல்லும் ஆயுதம் படம் ஓரளவு எதிர்ப்பார்ப்பைக் கிளப்பியுள்ளது. மே 16 ம் தேதி வெளியிடத் திட்டமிட்டிருந்தனர். ஆனால் அந்த வாரம் தியேட்டர் கிடைக்காவிட்டால், மேலும் தள்ளிப் போகலாம்.
மஞ்சப் பை
விமல், லட்சுமி மேனன், ராஜ்கிரண் நடித்துள்ள இந்தப் படம், இயக்குநர் சற்குணத்தின் சொந்தப் படம். மே இறுதி வாரத்தில் வெளியிடத் திட்டமிட்டுள்ளனர்.
சைவம்
இயக்குநர் விஜய் தயாரித்து இயக்கியுள்ள சைவம் படமும் இம்மாத வெளியீடுதான். உதயநிதி ஸ்டாலின் வெளியிடுகிறார். விஜய் - அமலா பால் திருமணத்துக்கு முன் படம் வெளியாகிவிடும் என்கிறார்கள்.
பிற படங்கள்..
இவை தவிர, திருமணம் எனும் நிக்காஹ், விஜய் சேதுபதி நடிக்கும் மெல்லிசை, ஸ்ரீகாந்தின் நம்பியார், விமல் நடித்த ரெண்டாவது படம், விக்ரம் பிரபுவின் அரிமா நம்பி, கிருஷ்ணா நடித்த யாமிருக்க பயமே... போன்றவையும் மே மாதத்தை குறி வைத்துக் காத்திருக்கின்றன.