அலற வைக்கும் ஆண்டிரியா , அட்டகாசம் செய்யும் கோவை சரளா, அழகால் மிரட்டும் ஹன்சிகா- “அரண்மனை”!

கோவை சரளாவின் காதல்:

பழமையான அரண்மனையின் வாரிசுகளில் ஒருவர்தான் நம்ம கோவை சரளா. அவர் மனோபாலாவை காதலித்து, அரண்மனையை விட்டு ஓட்டம் பிடித்து விடுகின்றார்.

அரண்மனையை விற்க பிளான்:

இந்நிலையில் வினய் மற்றும் அவரது மனைவியான ஆண்ட்ரியா சில காரணங்களுக்காக அந்த அரண்மனையை விற்பதற்காக வருகின்றனர்.

பேய் பிடிக்கும் யாரோ:

உறவினர்கள் நிறைந்திருக்கும் அந்த வீட்டில் யாரோ ஒருவருக்கு பேய் பிடித்து விடுகின்றது.

அட்டகாச அலப்பறைகள்:

அதன்பின்னர் அந்த பேய் பண்ணும் அலப்பறைகளும், பேய்க்கு பயந்து நம்ம கோவை சரளா அண்ட் கோ பண்ணும் அட்டாகாசங்களும்தான் மீதிக்கதை.

கிராமத்து தேவதை ஹன்சிகா:

இதில் பிற்பாதி பிளாஷ்பேக்கில் அழகான கிராமத்துக் குயிலாக வருகிறார் ஹன்சிகா. ஆண்டிரியாவிற்கு அண்ணனாகவும், வக்கீலாகவும் வந்து அரண்மனையில் நடக்கும் பேய் பற்றிய விஷயங்களை ஆராய்ந்து கண்டறியும் பாத்திரத்தில் சுந்தர்.சி.

இப்போ இது போதும்:

ஹை...அவ்ளோதான் இதுக்குமேலலாம் கதை சொல்ல முடியாது. தியேட்டர்ல பார்த்துக்கோங்க.

குறைவில்லாத காமெடி:

கோவை சரளா, சந்தானம் என்று காமெடி கோஷ்டியே இருப்பதால் காமெடிக்கு ஒன்றும் குறைவில்லை. பரத்வாஜ்ஜின் இசையில் பாடல்கள் அவ்வளவாக மனதில் நிறையவில்லை.

அழகாய் விளையாடும் கேமரா:

செந்தில்குமாரின் ஒளிப்பதிவுதான் படத்திற்கே பலமாகத் திகழ்கின்றது. அரண்மனையையும், பேயையும் கூட அழகாகக் காட்டியுள்ளது கேமரா.

ஜெயிச்சுப்புட்டீங்க போங்க:

அரண்மனையில் பேய் என்ற கதைக்களம் பலர் எடுத்திருந்தாலும், பார்க்கப் பார்க்க சலிக்காத பேய் கான்செப்ட் எடுத்து சுந்தர்.சி கல்லாவைத் தக்க வைத்துக் கொண்டுள்ளார் என்பதுதான் உண்மை.