சூப்பர் பொண்ணு சுமாரான பையன்... ஹீரோவாகும் வடிவேலுவின் ரீல் மகன்!

வடிவேலு மகன்:

நான் சிறு வயது முதல் சினிமாவில் பயணிக்கிறேன். வியாபாரி படத்தில் வடிவேலு மகனாகவும், நான் கடவுள் படத்தில் ஆர்யாவின் சின்ன வயது கதாபாத்திரத்திலும், 16 படத்தில் 2வது நாயகனாகவும், மீன்குழம்பும் மண்பானையும் முக்கிய கதாபாத்திரத்திலும் நடித்துள்ளேன்.

ஹீரோவாக:

மேலும் பாக்கியராஜ் ,அப்புகுட்டி ஆகியோருடன் இணைந்து குஸ்கா படத்தில் கதாநாயகனாகவும், அராத்து எனும் படத்தில் ராபர்ட் மாஸ்டருடன் இணைந்து இரண்டாவது ஹீரோவாகவும் நடித்துள்ளேன்.

தாத்தா காரை தொடாதே:

நடிப்பு மட்டுமின்றி தாத்தா காரை தொடாதே எனும் படத்தை இயக்கியும் உள்ளேன். இதில் ராபர்ட் மாஸ்டர் மற்றும் எம்ஜிஆர் பேரன் ராமசந்திரனும் கதாநாயகர்கள். சூப்பர் பொண்ணு சுமாரான பையன் எனது இயக்கத்தில் இரண்டாவது படம்.

தந்தை, மகன் பாசம்:

இப்படத்தை ஒரு கமர்ஷியல் கதையாக உருவாக்கி உள்ளேன். இது தந்தைக்கும் மகனுக்குமான சென்டிமென்டை மையமாக கொண்ட கதை. என் தந்தையாக மாரிமுத்து நடிக்கிறார். முக்கிய கதாபாத்திரத்தில் செந்தில், ஷகிலா ஆகியோர் நடிக்கிறார்கள்.

மலேசியாவில் படப்பிடிப்பு:

ஜனவரி முதல் வாரத்தில் படப்பிடிப்பை மலேசியாவில் தொடங்கி தேனி மற்றும் சுற்று வட்டார பகுதிகளில் படப்பிடிப்பு நடத்த உள்ளோம்" என இவ்வாறு அவர் தெரிவித்தார். இப்படத்திற்கு ஸ்ரீகாந்த் தேவா இசையமைக்கிறார்.