வாவ் நடிப்பு.. பலே பாட்டு.. வாயைப் பிளக்க வைத்த.. சூப்பர் சிங்கர் மாளவிகா !

பாடகி மாளவிகா

வெல்வெட் நகரம் படத்தில் பாடகி மாளவிகா ஒரு முக்கிய வேடத்தில் நடித்திருக்கிறார். வெல்வெட் நகரம் பார்த்த பலரும் படத்தை பற்றிய பல விசயங்களை பகிரும் போது மாளவிகாவின் கதாபாத்திரம் பற்றியும் மாளவிகாவின் நடிப்பு பற்றியும் புகழ்ந்து பேசினார்கள். மாளவிகா இந்த படத்தில் மிக முக்கிய மற்றும் கதையின் திருப்புமுனை கதாபாத்திரத்தில் நடித்து உள்ளார்.

திரில்லர் படம்

படம் ஒரு த்ரில்லர் படம் என்பதால் படத்தில் பல சண்டை காட்சிகளும் பல கொலை காட்சிகளும் இருக்கிறது .பல இடங்களில் பயம் மற்றும் கோபத்தை சிறப்பாக காட்டி நடித்திருக்கிறார் மாளவிகா. மாளவிகாவின் முதல் படம் இதுவே ஆகும். தனது முதல் படத்திலே சிறந்த நடிப்பை கொடுத்து அசத்தியிருக்கிறார்.

சமமான வாய்ப்பு

இந்த கதையும் அந்த கதாபாத்திர வடிவமைப்பும் சரியாக மாளவிகாவிற்கு பொருந்தி அதனை சிறப்பாக செய்து ரசிகர்களின் கைதட்டை பல இடங்களில் பெற்று விடுகிறார் மாளவிகா. மேலும் மாளவிகா படத்தின் இறுதியில் ஒரு முக்கிய மாற்றத்தை கதையில் எடுத்து வரும் போது நாயகிக்கு சமமான நடிப்பை கொடுத்திருக்கிறார் என்றே சொல்லலாம் .

சூப்பர் சிங்கர்

மாளவிகா தென்னிந்திய மொழிகளில் சிறந்த பாடகராக வலம் வந்து கொண்டிருக்கிறார். இவர் சூப்பர் சிங்கரில் பாட்டு பாடி கொண்டிருக்கும் போது தமிழக ரசிகர்களின் பேராதரவு இருந்தது. தற்போது நடிகையாகவும் சிறந்த நடிப்பை கொடுத்து இருப்பதால் தமிழில் இவருக்கு அதிக வாய்ப்புகள் வரும் என்று எதிர்பார்க்கப்படுகிறது.