Vettaiyan: வேட்டையன் உங்கள ஏமாத்தாது.. சூப்பர் ஸ்டார் ரஜினிகாந்த் தாறுமாறு நம்பிக்கை!

சென்னை: சூப்பர் ஸ்டார் ரஜினிகாந்த் நடிப்பில் உருவாகியுள்ள படம் வேட்டையன். இந்தப் படம் வரும் அக்டோபர் 10ஆம் தேதி ரிலீஸ் ஆகவுள்ளது. படத்தினை ஞானவேல் இயக்கியுள்ளார். படத்தில் அமிதாப் பச்சன், ஃபகத் ஃபாசில், மஞ்சு வாரியர், ரித்திகா சிங், துஷாரா விஜயன் ராணா டகுபதி உள்ளிட்ட பலர் நடித்துள்ளனர். படத்திற்கு அனிருத் இசை அமைத்துள்ளார். படத்தில் இருந்து இதுவரை இரண்டு பாடல்கள் வெளியிடப்பட்டுள்ளது. கடந்த 20ஆம் தேதி படத்தின் இசை வெளியீட்டு விழா மிகவும் பிரமாண்டமாக நடைபெற்றது. படம் குறித்த அப்டேட்டுகளை படக்குழு தொடர்ந்து வெளியிட்டு வருகின்றது. இந்நிலையில் படம் குறித்து சூப்பர் ஸ்டார் ரஜினிகாந்த் சென்னை விமானநிலையத்தில் செய்தியாளர்களைச் சந்திக்கையில் தனது எண்ணத்தை வெளிப்படுத்தியுள்ளார்.

தமிழ் சினிமாவில் தற்போது அனிருத் எரா என்றே கூறவேண்டும். அந்த அளவிற்கு, டாப் கதாநாயகர்களின் படங்களுக்கு பிசியாக இசை அமைத்து வருகின்றார். தமிழ் சினிமாவைக் கடந்து, ஹிந்தி, தெலுங்கு சினிமாக்களிலும் தொடர்ந்து இசை அமைத்து வருகின்றார். இன்றைய இணைய உலகத்திற்கு ஏற்ற வகையில், அதாவது ரீல்ஸ்களில் அதிகம் இடம் பெறும் அளவிற்கு வேகமான பீட்ஸ் பாடல்களை கொடுத்து இந்த எராவை தனதாக்கி அரியாசனம் அமைத்து அமர்ந்துள்ளார்.

சூப்பர் ஸ்டார் ரஜினிகாந்த் தமிழ் சினிமாவில் அறிமுகமாகி அடுத்த ஆண்டுடன் 50 ஆண்டுகளை எட்டவுள்ளார். தமிழ் சினிமாவில் மூத்த நடிகராக மட்டும் இல்லாமல், தொடர்ந்து மார்க்கெட் உள்ள நடிகராக இன்றைக்கும் உள்ளார். மாஸ் ஓப்பனிங், ரஜினியை நம்பி பணம் போட்டால் நிச்சயம் பைசா வசூல் என தயாரிப்பாளர்களுக்கு இன்றும் நம்பிக்கை கொடுத்துக் கொண்டு உள்ளார்.

இசை வெளியீட்டு விழா: இன்றைய சினிமா வசூலை வைத்துத்தான் என முடிவான பின்னர், தமிழ் சினிமாவில் தொடர்ந்து டாப் வசூல் லிஸ்ட்டில் தனது படங்களை வைத்துள்ளார். கடைசியாக இவர் கதாநாயகனாக நடித்த ஜெய்லர் படம் கிட்டத்தட்ட 600 கோடிகளுக்கு மேல் வசூல் செய்தது. வேட்டையன் படத்தில் இருந்து முதலில் வெளியிடப்பட்ட மனசிலாயோ பாடல் ரசிகர்கள் மத்தியில் நல்ல வரவேற்பைப் பெற்றது. படத்தின் இசை வெளியீட்டு விழா மிகவும் பிரமாண்டமாக சென்னையில் நடைபெற்றது.

நம்பிக்கை: இந்நிலையில் இன்று அதாவது செப்டம்பர் 28ஆம் தேதி, சென்னை விமானநிலையத்தில் செய்தியாளர்களைச் சந்தித்த, சூப்பர் ஸ்டார் ரஜினிகாந்த் படம் குறித்த கேள்விக்கு பதில் அளித்தார். அதில், வேட்டையன் படம் குறித்து பல்வேறு எதிர்பார்ப்புகள் உள்ளது. படம் அனைத்து எதிர்பார்ப்புகளையும் பூர்த்தி செய்யும் என்ற நம்பிக்கை எனக்குள்ளது எனக் கூறியுள்ளார். இது தொடர்பான வீடியோக்கள் இணையத்தில் வேகமாக பரவி வருகின்றது.

அனிருத்: இசை வெளியீட்டு விழாவில் அனிருத் மனசிலாயோ பாடலைப் பாடிக்கொண்டு மேடையில் இருந்து இறங்கி வந்தார். அதன் பின்னர், சூப்பர் ஸ்டார் ரஜினிகாந்த் அமர்ந்திருந்த இடத்திற்கு வந்த அனிருத் அவரை, தன்னுடன் நடனமாடும்படி கேட்டுக் கொண்டார். முதலில் மறுப்பு தெரிவித்த சூப்பர் ஸ்டார் அதன் பின்னர் அனிருத்துடன் இணைந்து நடனமாடினார். இது தொடர்பான வீடியோ இணையத்தில் வேகமாக பரவியது.