பேரனுடன் குழந்தையை போல் கொஞ்சி மகிழும் சுரேஷ் தாத்தா.. தீயாய் பரவும் வீடியோ!

பிக்பாஸ் வீட்டில் மூத்தவர்

இந்நிலையில் சுரேஷ் சக்கரவர்த்தி, விஜய் டிவியில் ஒளிபரப்பான பிக்பாஸ் சீசன் 4 நிகழ்ச்சியில் பங்கேற்றார். பிக்பாஸ் நிகழ்ச்சியில் பங்கேற்ற போட்டியாளர்களிலேயே வயதில் மூத்தவராக இருந்தார் சுரேஷ் சக்கரவர்த்தி.

கேபியை தோளில் சுமந்து

ஆனால் இளம் போட்டியாளர்கள் பலருக்கும் செம டஃப் கொடுத்தார். ஒவ்வொரு டாஸ்க்கையும் என்ஜாய் செய்தார் சுரேஷ் சக்கரவர்த்தி. அதிலும் குறிப்பாய் கேபியை கேப்டனாக்க அவரை தோளில் சுமந்து கொண்டு நின்றது வேற லெவலில் ரசிக்கப்பட்டது.

நெகிழ வைத்த தருணம்

இந்த சீசனின் நெகிழ வைத்த தருணம் அது என கமலே பாராட்டினார். பிக்பாஸ் நிகழ்ச்சியில் இருந்து சுரேஷ் சக்கரவர்த்தி வெளியேற்றப்பட்டபோது ரசிகர்கள் பெரும் கவலையடைந்தனர்.

பிக்பாஸ் ஃபினாலே

இந்நிலையில் பிக்பாஸ் நிகழ்ச்சி தற்போது நிறைவடைந்த நிலையில் சமூக வலைதளங்களில் செம ஆக்ட்டிவ் ஆகிவிட்டார். பிக்பாஸ் ஃபினாலே நிகழ்ச்சியில் பங்கேற்ற சக போட்டியாளர்களுடன் எடுத்துக் கொண்ட போட்டோக்களை எல்லாம் சமூக வலைதள பக்கத்தில் ஷேர் செய்து வந்தார்.

அக்கா பேரனுடன்

நேற்று முன்தினம் தனது 30வது திருமண நாளை முன்னிட்டு தனது மனைவியுடன் இருக்கும் போட்டோவை தனது இன்ஸ்டாகிராம் பக்கத்தில் ஷேர் செய்து தனது மனைவிக்கு நன்றி தெரிவித்தார். இந்நிலையில் தனது அக்கா பேரனுடன் விளையாடும் வீடியோவை ஷேர் செய்துள்ளார்.

ஒரு குழந்தையை போல்

அந்த வீடியோவில் ஒரு குழந்தையை போல் முகத்தை மூடி மூடி சிரித்து கொஞ்சி விளையாடுகிறார். அதனை பார்த்து அந்த குழந்தையும் சிரித்து மகிழ்கிறான். பார்க்கவே படு க்யூட்டாக உள்ளது இந்த வீடியோ. இந்த வீடியோவை நடிகை சுஜா வருணி உட்பட பலரும் லைக் செய்துள்ளனர்.