விருமன் ஃபர்ஸ்ட் சிங்கிள் பற்றி சூர்யா கொடுத்த கமெண்ட்....அப்படி என்ன சொல்லிருக்கார்?

படம் எப்போ ரிலீஸ்

விருமன் படத்தின் ஷுட்டிங் கடந்த ஆண்டு டிசம்பர் மாதமே முடிக்கப்பட்டு விட்ட நிலையில், படத்தின் போஸ்ட் ப்ரொடக்ஷன் வேலைகள் தீவிரமாக நடந்து வருகிறது. வரும் ஜுலை மாதம் விருமன் படம் ரிலீஸ் செய்யப்பட உள்ளதாக கூறப்படுகிறது. சில மாதங்களுக்கு முன் வெளியிடப்பட்ட விருமன் ஃபர்ஸ்ட்லுக்கை பார்த்து விட்டு, இது மற்றொரு பருத்தி வீரனை போல் மாஸ் ஹிட் படமாக அமையும் என பலர் கருத்து கூறி இருந்தனர்.

ஆர்வம் காட்டும் ரசிகர்கள்

பருத்திவீரன் படத்திற்கு பிறகு பக்கா கிராமத்து கெட்அப்பில் கார்த்தி இந்த படத்தில் நடித்துள்ளார். அதிதி முதல் படத்திலேயே கிராமத்து பெண்ணாக கலக்கி உள்ளார். விருமன் படம் எப்போ ரிலீசாகும் என ரசிகர்கள் ஆர்வமாக கேட்டு வருகிறார்கள். விரைவில் படத்தின் ரிலீஸ் தேதி அறிவிக்கப்படலாம் என எதிர்பார்க்கப்படுகிறது.

கஞ்சாப்பூவை கலாய்த்த நெட்டிசன்ஸ்

இந்நிலையில் விருமன் படத்தின் ஃபர்ஸ்ட் சிங்கிளிற்கான ப்ரோமோ இன்று வெளியிடப்பட்டது. இந்த ஒரு நிமிட வீடியோ, முழுக்க முழுக்க கிராமத்து சூழலில், வித்தியாசமான இசையில், கஞ்சாப்பூ கண்ணாலே என் துவங்கும் பாடல் அமைக்கப்பட்டுள்ளது. மெலடி கலந்த, குத்துப்பாட்டாக அமைக்கப்பட்டுள்ள இந்த பாடலுக்கு கார்த்தியும், அதிதியும் ஆட்டம் போட்டுள்ளனர்.

செம மிக்சிங்கா இருக்கேப்பா

ஆனால் இந்த ஃபர்ஸ்ட் சிங்கிள் பாடல் காட்சிகள் பருத்திவீரன், கொம்பன் படங்களை மிக்ஸ் பண்ணி பார்த்தது போல் உள்ளது. கஞ்சாப்பூ கண்ணாலே பாடல், ஜெயம் ரவியின் தாஸ் படத்தில் வரும் சக்க போடு போட்டாளே பாடலை போலவும் உள்ளதாக நெட்டிசன்கள் கலாய்த்து வருகின்றனர். இன்னும் சிலர் தர்மதுரை படத்தில் மக்க கலங்குதப்பா வைப் இருக்கு இந்த பாடலை கேட்கும் போது என தெரிவித்துள்ளனர்.

சூர்யா என்ன சொல்லிருக்கார்

இந்நிலையில் சூர்யா தனது ட்விட்டர் பக்கத்தில், ப்பா விருமா...கலக்குதுப்பா...யுவன் இந்த பாடல் பிடித்துள்ளது. சினிமாவிற்கு வந்து 25 ஆண்டுகள் ஆனதற்கு வாழ்த்துக்கள் ப்ரோ. சூப்பர் டீம் ஒர்க் என குறிப்பிட்டுள்ளார். இதையும் நெட்டிசன்கள் கண்டபடி கலாய்த்து வருகின்றனர்.