இன்று 'வில்லாதி வில்லன்' சூர்யா 'ஸோலோவாக' களமிறங்கும் 24!

தமிழுக்குப் புதுசு

இந்தப் படம் தமிழ் சினிமாவுக்குப் புதிய களத்தில் உருவாக்கப்பட்டுள்ளது. டைம் மிஷின் பற்றி ஏற்கெனவே ஓரிரு படங்கள் வந்தாலும், அவை வழக்கமான தமிழ் சினிமா பாணியில் அமைந்திருக்கும். ஆனால் இந்தப் படம் ஹாலிவுட் பாணியில் த்ரில்லராக உருவாக்கப்பட்டுள்ளதாக சூர்யா தெரிவித்திருந்தார்.

வில்லாதி வில்லன்

இந்தப் படத்தில் சூர்யா முதல் முறையாக கொடூரமான வில்லனாக நடித்திருக்கிறார். அவர் ஏற்றுள்ள மூன்று வேடங்களில் ஹைலைட் இந்த வில்லன் வேடம்தானாம்.

ரஹ்மான்

சூர்யாவுடன் இரண்டாவது முறையாக இணைந்துள்ளார் ஏஆர் ரஹ்மான், பாடல்கள் பின்னணி இசை குறித்து பெரும் எதிர்ப்பார்ப்பு நிலவுகிறது.

உலகெங்கும்..

சூர்யா படங்களில் அதிக பொருட்செலவில் உருவான படம் மட்டுமல்ல... அதிக அரங்கில் உருவாகியுள்ள படமும் இதுதான். தயாரிப்பாளர் சூர்யா படத்தின் தரத்துக்காக பணத்தை தாராளமாகவே செலவு செய்துள்ளதாக ஒளிப்பதிவாளர் திரு நேற்றுதான் பேட்டியளித்தது நினைவிருக்கும்.

சூர்யா

தனது படம் பிரமாண்டமாய் வெளியாகி, வெளிநாடுகளில் ரசிக்கப்படுவதைப் பார்க்க சூர்யா தன் மனைவி ஜோதிகாவுடன் அமெரிக்கா சென்றுள்ளார். கலிபோர்னியாவில் அவர் 24 படத்தைப் பார்க்கிறார்.