முகப்பு

செய்திகள்

வெங்கட் பிரபு இயக்கத்தில் சூர்யா, நயன்தாரா ஜோடியாக நடித்த ‘மாஸ்' படம் தெலுங்கில் ரக்ஷுடு என்ற பெயரில் வெளியாகிறது.

யுவன் சங்கர் ராஜா இசையமைத்துள்ள இந்தப் படத்தை ஞானவேல்ராஜா தயாரித்துள்ளார்.

மாஸ் தெலுங்கு பதிப்புக்கான பாடல் வெளியீட்டு விழா ஹைதராபாத்தில் நேற்று நடந்தது. இதில் நடிகர் சூர்யா, தெலுங்கு நடிகர் பிரபாஸ், வெங்கட்பிரபு, பிரேம்ஜி அமரன், கோதண்டராமி ரெட்டி, யுவன்சங்கர் ராஜா, கே.இ.ஞானவேல்ராஜா ஆகியோர் பங்கேற்றனர்.

விழாவில் சூர்யா பேசுகையில், "தெலுங்கு ரசிகர்கள் என் மீது மிகவும் அன்பு காட்டுகிறார்கள். என் படங்களையும் விரும்பி பார்க்கிறார்கள். எந்த எதிர்பார்ப்பும் இல்லாமல் என் மேல் காட்டும் அன்புக்காக நன்றி தெரிவித்துக் கொள்கிறேன்.

நாடே எதிர்ப்பார்த்துக் கொண்டிருக்கும் பாகுபலி படத்தின் நாயகர்கள் பிரபாஸ், ராணா இந்த விழாவில் பங்கேற்றது மகிழ்ச்சி," என்றார்.