Don't Miss!
- News ‛‛குழந்தைகளை தண்டிக்க கூடாது’’.. NCPCR ரூல்ஸ்ஸை அமல்படுத்த பள்ளி கல்வித்துறைக்கு ஐகோர்ட் உத்தரவு
- Automobiles இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- Lifestyle Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- Technology ஆளுக்கு 1 ஆர்டர்.. ரூ.12,498 போதும்.. 50MP செல்பி கேமரா.. OZO ஆடியோ.. அறிமுகமானது HMD போன்கள்.. எந்த மாடல்?
- Finance ஹார்லிக்ஸ் இனி ஹெல்த் ட்ரிங்க் இல்ல.. மத்திய அரசு அதிரடி அறிவிப்பு!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
திடீர் மாரடைப்பு.. பிரபல இயக்குனர் சுசீந்திரனின் தாயார் மரணம்.. திரையுலகினர் இரங்கல்!
சென்னை: பிரபல இயக்குனர் சுசீந்திரனின் தாயார் மாரடைப்பு காரணமாக இன்று மரணமடைந்தார்.
விஷ்ணு விஷால், சரண்யா மோகன் நடித்த வெண்ணிலா கபடி குழு படம் மூலம் இயக்குனராக, அறிமுகமானவர் சுசீந்திரன்.
இந்தப் படம் 2019 ஆம் ஆண்டு வெளியானது. இது ஹிட்டானதை அடுத்து தொடர்ந்து வாய்ப்புகள் வந்தன.
நான் மகான் அல்ல
இந்தப் படத்தை அடுத்து கார்த்தி நடித்த நான் மகான் அல்ல படத்தை இயக்கினார். இந்தப் படமும் கவனிக்கப்பட்டது. அடுத்து தேசிய விருது பெற்ற அழகர் சாமியின் குதிரை என்ற படத்தை இயக்கினார். அடுத்து விக்ரம் நடித்த ராஜபாட்டை, ஆதலால் காதல் செய்வீர், விஷால் நடித்த பாண்டிய நாடு உட்பட சில படங்களை இயக்கினார்.
ஒட்டன்சத்திரம்
இப்போது, சிம்பு நடித்துள்ள ஈஸ்வரன் படத்தை இயக்கியுள்ளார். இந்தப் படம் பொங்கலை முன்னிட்டு நேற்று ரிலீஸ் ஆனது. ஒட்டன்சத்திரத்தைச் சேர்ந்த சுசீந்திரன், பொங்கலுக்காக ஊரில் இருக்கிறார். இந்நிலையில் அவருடைய தாயார் ஜெயலட்சுமிக்கு இன்று காலை உடல் நிலை சரியில்லாமல் போனது.
மாரடைப்பு காரணமாக
இதையடுத்து ஒட்டன் சத்திரத்தில் உள்ள மருத்துவமனை ஒன்றில் அவரை அனுமதித்தனர். அங்கு அவருக்கு தீவிர சிகிச்சை அளிக்கப்பட்டது. ஆனால், சிகிச்சை பலனின்றி 11 மணியளவில் உயிரிழந்தார். அவர் மாரடைப்பு காரணமாக உயிரிழந்ததாக மருத்துவர்கள் தெரிவித்துள்ளனர். அவருக்கு வயது 62.
திரையுலகினர் இரங்கல்
இறுதிச் சடங்கு இன்று மாலை நடக்கிறது. மறைந்த ஜெயலட்சுமியின் கணவர் நல்லுச்சாமி. இவர்களுக்கு இயக்குனர் சுசீந்திரன், தயாரிப்பாளர் நல்லுசாமி பிக்சர்ஸ் சரவணன், மேலும் ஒரு சகோதரர், சகோதரி உள்ளனர். இயக்குனர் சுசீந்திரனின் தாயார் மறைவை அடுத்து திரையுலகினர் இரங்கல் தெரிவித்து வருகின்றனர்.