ரத்தம் தெறிக்கும் தலைப்புடன் களமிறங்கும் கந்தசாமி டைரக்டர்

இயக்குநர் சுசி கணேசன்

5 ஸ்டார், விரும்புகிறேன், திருட்டு பயலே, திருட்டுப் பயலே 2, கந்தசாமி உள்ளிட்ட படங்களை இயக்கியவர் சுசி கணேசன். இவரது திருட்டுப் பயலே, திருட்டுப் பயலே 2 மற்றும் கந்தசாமி ஆகிய படங்கள் ரசிகர்களிடையே சிறப்பான வரவேற்பை பெற்றவை.

சிறப்பான திருட்டுப்பயலே

குறிப்பாக திருட்டுப் பயலே படம் மிகவும் சிறப்பான பெயரை இவருக்கு பெற்றுத் தந்தது. பெண்களை திருமணம் செய்வதாய் ஆசைக்காட்டி, அவர்களை ஏமாற்றும் கேரக்டரை மையமாக கொண்டு இந்தப் படம் வெளியானது. நெகட்டிவ் கதாபாத்திரத்தை மையமாக கொண்டு எடுக்கப்பட்டாலும் சிறப்பான வரவேற்பை பெற்றது இந்தப்படம்.

வரவேற்பை பெற்ற கந்தசாமி

இதேபோல விக்ரம் நடிப்பில் வெளியான கந்தசாமி படம் அவருக்கு சிறப்பான ஏற்றத்தை தந்தது. அவரது கேரியரில் சிறப்பான படமாகவும் அமைந்தது. படத்தில் விக்ரம் தனது கேரக்டரில் பின்னி பெடலெடுத்திருப்பார். இந்தப் படமும் சுசி கணேசனுக்கு சிறப்பாக அமைந்தது.

வஞ்சம் தீர்த்தாயடா படம்

இந்நிலையில் படங்கள் இயக்குவதில் கேப் விட்டிருந்த சுசி கணேசன் தற்போது மீண்டும் களத்தில் இறங்கியுள்ளார். இந்த முறை அவர் ரத்தம் தெறிக்கும் படத்துடன் ரீ என்ட்ரி கொடுத்துள்ளார். வஞ்சம் தீர்த்தாயடா என்ற படத்தை அவர் இயக்கவுள்ளார்.

பர்ஸ்ட் லுக் போஸ்டர் வெளியீடு

படத்தின் முதல் பார்வை போஸ்டரை படக்குழுவினர் தற்போது வெளியிட்டுள்ளனர். படத்தை 4 வி என்டர்டெயின்மெண்ட் நிறுவனம் தயாரிக்கவுள்ள நிலையில், படத்தில் நடிக்கவுள்ள நடிகர், நடிகையர் குறித்த அறிவிப்பை வரும் பொங்கலன்று அறிவிக்கவுள்ளதாக படக்குழு அறிவித்துள்ளது.