ஏ.ஆர். ரஹ்மான் அழைக்க மாட்டாரா: காத்திருக்கும் தபு

மும்பை: பாலிவுட்டில் நடிகையாக வளம் வரும் தபுவை இசைப்புயல் ஏ.ஆர். ரஹ்மான் பாடகியாக்குவாரா என்று கேள்வி எழுந்துள்ளது.

அவ்வப்போது தமிழ் படங்களில் தலையைக் காட்டும் பாலிவுட் நடிகை தபு அண்மையில் அமெரிக்கா சென்றபோது அங்கு இசைப்புயல் ஏ.ஆர். ரஹ்மானை சந்தித்துள்ளார். அப்போது அவர், தனக்கு இசை மீதுள்ள ஆர்வத்தையும், தான் முறையாக இந்துஸ்தானி இசை கற்றுள்ளதையும் ரஹ்மானிடம் தெரிவித்துள்ளார்.

அதற்கு ரஹ்மான் தபுவை வாழ்த்திவிட்டு ஒரு பாட்டு பாடி அதை சிடியில் ஏற்றி எனக்கு அனுப்பி வையுங்கள். உங்கள் குரல் பிடித்தால் நிச்சயம் உங்களை என் படத்தில் பாட வைக்கிறேன் என்று கூறியுள்ளார். இதை கேட்டு குஷியான தபு மும்பை திரும்பிய கையோடு ஒரு பாட்டைப் பாடி அதை சிடியில் ஏற்றி ரஹ்மானுக்கு அனுப்பியுள்ளார்.

தற்போது ரஹ்மான் பதிலுக்காக அவர் காத்துக் கொண்டிருக்கிறார். ரஹ்மான் வாய்ப்பளித்தால் பாடகியாக ஒரு ரவுண்ட் வரத் திட்டமிட்டுள்ளார்.