நடிகருடன் டேட்டிங் சென்ற தமன்னா..கட்டிப்பிடித்து முத்தம் கொடுத்த வீடியோ இணையத்தில் லீக்!

நடிகை தமன்னா

நடிகர் கார்த்திக் நடித்த சிறுத்தை படத்தில் நடிகை தமன்னா தனது இடையழகை காட்டி அனைவரையும் கிறங்க வைத்தார். இடையழகி சிம்ரன் இடத்தை தமன்னா நைசாக தட்டித்தூக்கினார். இதுவே அவருக்கு தமிழ், தெலுங்கு, இந்தி என மூன்று மொழிகளிலும் ரவுண்டு வர காரணமாக அமைந்தது.

நல்ல கம்பேக்

கதைக்கு முக்கியத்துவம் பார்க்காமல், அழகு பொம்மை போல வந்து செல்லும் தமன்னா. பாகுபலி படத்தில் வாளை கையில் வைத்து கொண்டு மிரட்டி இருந்தார். அதே போல ஓடிடியில் வெளியான நவம்பர் ஸ்டோரி வெப்சீரிஸ், அவருக்கு நல்ல கம்பேக் கொடுத்தது. தற்போது இவர் போலா சங்கர் என்ற தெலுங்கு படத்திலும், போலே சூடியன் என்ற இந்தி படத்திலும், பாந்த்ரா என்ற இந்தி படத்திலும் நடித்து வருகிறார்.

நடிகருடன் நெருக்கமாக இருந்த தமன்னா

இந்நிலையில், நடிகை தமன்னா பிரபல நடிகரான விஜய் வர்மாவுடன் புத்தாண்டு கொண்டாட கோவா சென்றுள்ளார். அப்போது அங்கு நடைபெற்ற புத்தாண்டு கொண்டாட்ட பார்ட்டியில் கலந்து கொண்ட இருவரும் கட்டிப்பிடித்து முத்தம் கொடுத்துக்கொண்ட வீடியோ இணையத்தில் வெளியாகி சலசலப்பை ஏற்படுத்தி உள்ளது.

டேட்டிங் கிசுகிசு

நடிகை தமன்னா நடிகர் விஜய் வர்மாவுடன் பல இடங்களில் டேட்டிங் செய்வதாகவும், இருவரும் ஒருவரையொருவர் காதலித்து வருவதாகவும் கிசுகிசுக்கப்பட்டாலும் இதுகுறித்து இருவரும் எந்த கருத்தையும் தெரிவிக்காமல் மௌனமாகவே இருக்கின்றனர். தமன்னாவின் பிறந்த நாள் அன்று வீட்டில் நடைபெற்ற பார்ட்டில் நடிகர் விஜய் வர்மா கலந்து கொண்டார் என்பது குறிப்பிடத்தக்கது.