சிரஞ்சீவி மகன் கல்யாணத்தில் டான்ஸ் ஆடும் தமன்னா, ஷ்ரேயா!

By Siva

| Published: Tuesday, June 5, 2012, 18:12 [IST]

சிரஞ்சீவியின் மகன் ராம் சரன் கல்யாணத்தின்போது டான்ஸ் ஆடுவதற்கு தமன்னாவையும், ஷ்ரேயாவையும் புக் செய்துள்ளனராம்.

தெலுங்கில் வெற்றிகரமான நடிகராக வலம் வருபவர் ராம் சரன். இவருக்கு இப்போது கல்யாணம் பேசி முடித்து விட்டனர். அப்பல்லோ மருத்துவமனை அதிபர் பிரதாப் சி ரெட்டியின் பேத்தி உபாசனாவை ஜூன் 14ம் தேதி ஹைதராபாத்தில் வைத்து கரம் பிடிக்கிறார் ராம் சரன்.

இவர்களது திருமண சடங்குகள் ஜூன் 11ம் தேதியே பிரமாண்டமாக தொடங்குகிறது. சங்கீத் உள்ளிட்டவை விமரிசையாக நடைபெறவுள்ளன. இதில் தமன்னா மற்றும் ஷ்ரேயா ஆகியோர் டான்ஸ் ஆடப் போகிறார்கள். இதற்காக இருவரையும் அணுகியபோது உடனே ஓ.கே. சொல்லி விட்டார்களாம். இதற்காக காசு வாங்குவார்களா அல்லது இலவச ஆட்டமா என்பது தெரியவில்லை.

ராம் சரன் படங்களில் இடம் பெற்ற சில பாடல்களுக்கு இவர்கள் ஆட்டம் போடுவார்களாம்.