சினிமா செய்திகள் இன்று LIVE : எங்கப்பா சங்கி கிடையாது.. ஐஸ்வர்யா ரஜினிகாந்த் அதிரடி!

எங்கப்பா சங்கி கிடையாது!

சோஷியல் மீடியாவில் எங்கப்பாவை சங்கி என சொல்வது என்னை ரொம்பவே வருத்தமடைய செய்கிறது. அவர் சங்கியாக இருந்திருந்தால் மொய்தீன் பாய் கதாபாத்திரத்தில் நடித்திருக்க மாட்டார் என பேசியுள்ளார்.

சினிமாவில் மட்டும் சூப்பர் ஸ்டார் இல்ல!

ரஜினி சார் சினிமாவில் மட்டும் சூப்பர் ஸ்டார் இல்ல... மனிதனாக மிகப்பெரிய சூப்பர் ஸ்டார் என லால் சலாம் இசை வெளியீட்டு விழாவில் விக்ராந்த் பேசியுள்ளார். கனவில் கூட நினைக்கவில்லை இப்படி ரஜினி சார், ஏ.ஆர். ரஹ்மான் சார் கூட எல்லாம் வொர்க் பண்ணுவேன் என விக்ராந்த் பேசியுள்ளார்.

மேடை ஏறிய மொய்தீன் பாய்!

லால் சலாம் இசை வெளியீட்டு விழாவில் மகள் ஐஸ்வர்யா ரஜினிகாந்த் பேசும் போது கண் கலங்கிய ரஜினிகாந்த் இறுதியில் மேடை ஏறி பேசத் தொடங்கி உள்ளார்.

அப்பாவும் வேணும்.. அம்மாவும் வேணும்!

தனுஷின் கேப்டன் மில்லர் படத்தின் ப்ரீ ரிலீஸ் நிகழ்ச்சியில் பங்கேற்ற இரு மகன்களும் அதே போல அம்மா ஐஸ்வர்யா ரஜினிகாந்தின் லால் சலாம் இசை வெளியீட்டு விழாவிலும் அருகே அமர்ந்திருக்கும் புகைப்படம் வெளியாகி உள்ளது.

லால் சலாம் படத்தில் ரஜினி நடித்த ரகசியம்.. விஷ்ணு விஷால் பகிர்ந்த விஷயம்!

நடிகர் ரஜினிகாந்த் லால் சலாம் படத்தில் கேமியோ ரோலில் நடித்துள்ளார். இந்தப் படத்தில் லீட் கேரக்டர்களில் விஷ்ணு விஷால் மற்றும் விக்ராந்த் நடித்துள்ளனர். ஐஸ்வர்யா ரஜினி இயக்கத்தில் உருவாகியுள்ள இந்தப் படத்தின் இசை வெளியீடு இன்றைய தினம் சென்னையில் நடந்தது. இதில் கலந்துக் கொண்ட விஷ்ணு விஷால், இந்தப் படத்தில் நடிகர் ரஜினிகாந்த் கேமியோ ரோலில் நடித்த காரணத்தை படம் வெளியானவுடன் ரசிகர்கள் தெரிந்துக் கொள்வார்கள் என்று கூறினார்.

அம்மாவும் தங்கச்சியும்!

ஐஸ்வர்யா ரஜினிகாந்த் இயக்கத்தில் உருவாகி உள்ள லால் சலாம் படத்தின் இசை வெளியீட்டு விழாவில் லதா ரஜினிகாந்த் மற்றும் சகோதரி செளந்தர்யா ரஜினிகாந்த் பங்கேற்ற புகைப்படங்கள் வெளியாகி உள்ளன. கூடவே கே.எஸ். ரவிக்குமாரும் பங்கேற்றுள்ளார்.

விக்ராந்த் எப்படி வந்துருக்காரு பாருங்க!

லால் சலாம் படத்தின் ஹீரோவான விக்ராந்தின் செம சூப்பரான என்ட்ரி வீடியோ ரசிகர்களை வெகுவாக கவர்ந்துள்ளது.

ஐஸ்வர்யா ரஜினிகாந்த் என்ட்ரி!

லால் சலாம் படத்தின் இயக்குநர் ஐஸ்வர்யா ரஜினிகாந்தின் அட்டகாசமான என்ட்ரி வீடியோ வெளியீடு.

லால் சலாம் ஹீரோயின்!

லால் சலாம் படத்தில் ஹீரோயினாக நடித்துள்ள நடிகை அனந்திகாவின் தாறுமாறு என்ட்ரி வீடியோவை லைகா வெளியிட்டுள்ளது.

கருப்பு காரில் மாஸ் என்ட்ரி!

லால் சலாம் படத்தில் மொய்தீன் பாய் கதாபாத்திரத்தில் நடித்துள்ள ரஜினிகாந்த் காரில் மாஸ் என்ட்ரி கொடுத்த காட்சிகள் தீயாக பரவி வருகின்றன.

கருப்பு சட்டையில் ரஜினிகாந்த்!

மகள் ஐஸ்வர்யா ரஜினிகாந்த் இயக்கத்தில் உருவாகி உள்ள லால் சலாம் படத்தின் இசை வெளியீட்டு விழாவில் ரஜினிகாந்த் பங்கேற்ற காட்சிகள் டிரெண்டாகி வருகின்றன.

பின்னணி பாடகி பவதாரணி உயிரிழப்பு!

பிரபல பின்னணி பாடகியும் இசையமைப்பாளர் இளையராஜாவின் மகளுமான பவதாரணி இலங்கையில் காலமானார். புற்றுநோயால் கடந்த சில மாதங்களாக பாதிக்கப்பட்டு சிகிச்சை பெற்றுவந்த பவதாரணி சிகிச்சை பலனின்றி இலங்கையில் உயிரிழந்தார். அவரது உடல் நாளைய தினம் சென்னை கொண்டுவரப்படும் என்று கூறப்பட்டுள்ளது.

சிறந்த திரைப்படம்! 2024 ஆஸ்கர் விருது விழாவில் சிறந்த திரைப்படத்துக்கான போட்டியில் ஓபன்ஹெய்மர், பார்பி, கில்லர்ஸ் ஆஃப் தி ஃபிளவர் மூன், புவர் திங்ஸ், மேஸ்ட்ரோ, அமெரிக்கன் ஃபிக்‌ஷன், பாஸ்ட் லைவ்ஸ், தி ஹோல்டோவர்ஸ், அனடாமி ஆஃப் ஃபால், தி ஜோன் ஆஃப் இன்ட்ரஸ்ட் உள்ளிட்ட படங்கள் இடம்பெற்றுள்ளன.

சிறந்த ஆடை வடிவமைப்பு

Barbie Poor Things Oppenheimer Napoleon Killers of the Flower Moon

சிறந்த துணை நடிகர்கள்!

Emily Blunt — Oppenheimer Danielle Brooks — The Color Purple America Ferrera - Barbie Jodie Foster — Nyad Da’Vine Joy Randolph — The Holdovers

ஷங்கரின் அடுத்தடுத்த 3 படங்கள் ரிலீஸ்.. ரசிகர்கள் உற்சாகம்!

இயக்குநர் ஷங்கரின் இயக்கத்தில் கமல்ஹாசன் நடித்துள்ள இந்தியன் 2 மற்றும் இந்தியன் 3 படங்களின் சூட்டிங் நிறைவடைந்து போஸ்ட் புரொடக்ஷன்ஸ் வேலைகள் நடைபெற்று வருகின்றன. இந்நிலையில் இந்தியன் 2 படம் தமிழ் புத்தாண்டு கொண்டாட்டமாக ரிலீசாகவுள்ளதாக கூறப்பட்டுள்ளது. இதேபோல இந்தியன் 3 கிறிஸ்துமஸ் கொண்டாட்டமாகவும் ஷங்கர் -ராம்சரண் கூட்டணியில் உருவாகிவரும் கேம் சேஞ்சர் படம் அக்டோபர் மாத ரிலீசாகவும் வெளியாகவுள்ளதாக தகவல்கள் தெரிவிக்கின்றன.

பிப்ரவரி இறுதியில் சூட்டிங் துவங்கும் STR48 படம்!

நடிகர் சிம்பு -இயக்குநர் தேசிங்கு பெரியசாமி கூட்டணியில் அறிவிக்கப்பட்டுள்ள STR48 படத்தின் சூட்டிங் அடுத்தமாதம் துவங்கவுள்ளதாக கூறப்பட்டுள்ளது. சென்னையில் பிரம்மாண்டமான செட் போடப்பட்டு படத்தின் சூட்டிங் துவங்கப்பட உள்ளது. இதற்காக இம்மாத இறுதியில் நடிகர் சிம்பு சென்னை திரும்பவுள்ளார்.

பாடப்புத்தகத்தில் விஜயகாந்த் குறித்து இடம்பெற ஜெயம் ரவி கோரிக்கை! தென்னிந்திய நடிகர் சங்கம் சார்பில் கேப்டன் விஜயகாந்தின் நினைவேந்தல் நிகழ்ச்சி இன்று மாலை நடைபெற்றது. இதில் ஏராளமான நடிகர், நடிகைகள் கலந்துக் கொண்டு கேப்டன் குறித்த பல விஷயங்களை நெகிழ்ச்சியுடன் பகிர்ந்தனர். நிகழ்ச்சியில் பேசிய ஜெயம்ரவி விஜயகாந்த் வாழ்க்கை குறித்து பள்ளி பாடப் புத்தகத்தில் இடம்பெற வேண்டும் என்று கேட்டுக் கொண்டார்.

பிரேமலதா வீடியோ மெசேஜ்! விஜயகாந்துக்காக தென்னிந்திய நடிகர் சங்கம் சார்பில் நடைபெற்ற நினைவேந்தல் நிகழ்ச்சியில் தேமுதிக தலைவர் பிரேமலதா பங்கேற்காத நிலையில், வீடியோ மெசேஜ் ஒன்றை அனுப்பியிருந்தார். விஜயகாந்தின் மகன்களான விஜய பிரபாகரன் மற்றும் சண்முக பாண்டியன் இருவரும் நிகழ்ச்சியில் கலந்து கொண்டனர்.

உனக்காக நான் இருக்கேன்! விஜயகாந்த் மகன் சண்முகப் பாண்டியன் படத்தில் நடிக்க நான் எப்போதும் ரெடியாக இருக்கிறேன். விஜயகாந்துக்கு செய்யும் நன்றிக் கடனாக அது இருக்கட்டும் என விஷால் பேசியுள்ளார்.

ராணுவ பலத்துடன் நடிகர் சங்கம் இருக்கணும்! விஜயகாந்த் நினைவேந்தல் நிகழ்ச்சியில் பேசிய மன்சூர் அலி கான் விஜயகாந்த் இருந்த போது நடிகர் சங்கம் எப்படி ராணுவ பலத்துடன் இருந்ததோ அதே போல மீண்டும் இருக்க வேண்டும் என்றார். விஷால் மற்றும் நாசருக்கு பலம் இருக்கிறது. ஒரு வருடத்தில் நடிகர் சங்கத்தை கட்டிவிடுவார்கள். அனைவரும் ஒன்றாக இணைந்து விஜயகாந்த் பெயரில் ஒவ்வொரு வருஷமும் பொங்கல் விழா நடத்த வேண்டும் என்றும் பேசி அரங்கையே அதிர வைத்து விட்டார்.

சூப்பர்ஸ்டார் விஜயகாந்த்! நடிகர் விஜயகாந்த் தான் உண்மையான சூப்பர் ஸ்டார் என கருணாஸ் விஜயகாந்த் நினைவேந்தல் நிகழ்ச்சியில் உணர்ச்சிவசப்பட்டு பேசியுள்ளார்.

ஹெல்த் தான் ரொம்ப முக்கியம் - ரேகா பேச்சு! வெள்ளை வேட்டி, சட்டை விஜயகாந்துக்குத்தான் அப்படி பொருந்தும். நல்லா நடி ரேகா என தைரியம் கொடுத்தார் விஜயகாந்த். தந்தை இழந்த பின்னர் அழுததே கிடையாது. விஜயகாந்த் மகன்களை பார்க்கும் போது ரொம்ப கஷ்டமா இருக்கு.. நடிப்புல ஜெயிச்சிட்டாரு, அரசியலில் ஜெயிச்சிட்டாரு.. ஆனால், ஹெல்த்ல தோத்துட்டாரு அதான் சொல்றேன் எல்லாரும் ஹெல்த்தை நல்லா பார்த்துக்கோங்க என ரேகா பேசியுள்ளார்.

சீக்கிரம் நடிகர் சங்கம் கட்டுங்கப்பா - தேவயாணி!

விஜயகாந்த் உடன் வல்லரசு படத்திலும் விஜயகாந்த் மகன் அறிமுகமான சகாப்தம் உள்ளிட்ட படங்களில் நடித்த தேவயாணி விஜயகாந்துக்கு புகழஞ்சலி செலுத்திய நிலையில், சீக்கிரம் நடிகர் சங்கம் கட்டுங்கப்பா என சொல்லிவிட்டு, அதைத்தான் விஜயகாந்த் சொல்வது போலத்தான் தெரியுது என தேவயாணி பேசியுள்ளார்.

ஜெயம் ரவி புகழஞ்சலி!

சத்ரியனுக்கு சாவே இல்லை என ஒரே வார்த்தையில் கேப்டன் விஜயகாந்துக்கு புகழஞ்சலி செலுத்தி விட்டு நடிகர் ஜெயம் ரவி அவரது திருவுருவ படத்துக்கு மாலை தூவி மரியாதை செலுத்தி விட்டுச் சென்றார்.

கேப்டன் விஜயகாந்த் குறித்து நாசர் புகழ்ச்சி!

கோழி தன்னுடைய குஞ்சுகளை அடைகாப்பதை போல அனைவரையும் அரவணைத்தவர் கேப்டன் விஜயகாந்த் என்று நடிகர் நாசர் புகழ்ந்துள்ளார். சென்னையில் நடைபெற்ற விஜயகாந்தின் நினைவேந்தல் கூட்டத்தில் பங்கேற்ற அவர் இவ்வாறு பேசியுள்ளார்.

விஜயகாந்துக்கு நடிகர் சங்கம் சார்பில் நினைவேந்தல்!

நடிகர் கமல்ஹாசன், ஜெயம் ரவி, விஷால், நாசர் உள்ளிட்ட பல பிரபலங்கள் கேப்டன் விஜயகாந்த் நினைவேந்தல் நிகழ்ச்சியில் கலந்து கொண்டு புகழஞ்சலி செலுத்தி உள்ளனர்.

கோழி குஞ்சுகளை அடை காத்தது போல அனைவரையும் அரவணைத்தவர் விஜயகாந்த்.. நாசர் புகழ்ச்சி

சூரியின் கருடன்!

துரை செந்தில்குமார் இயக்கத்தில் வெற்றிமாறன் கதையில் சசிகுமார், உன்னி முகுந்தன் மற்றும் சூரி நடிப்பில் உருவாகி உள்ள படத்துக்கு கருடன் என டைட்டில் வைத்துள்ளனர். அதன் டைட்டில் க்ளிம்ப்ஸ் தற்போது வெளியாகி உள்ளது.

ஐ அம் வெயிட்டிங்.. தனுஷிற்காக காத்திருக்கும் ராஷ்மிகா!

நடிகர் தனுஷின் டி51 படத்தின் சூட்டிங் பூஜையுடன் துவங்கியுள்ளது. முதல்கட்டமாக நாகார்ஜூனா சம்பந்தப்பட்ட காட்சிகளை படமாக்கி வருகிறார் இயக்குநர் சேகர் கம்முலா. இந்நிலையில் இந்தப் படத்தில் தனுஷுடன் இணைந்து நடிக்க தான் காத்திருப்பதாக நடிகை ராஷ்மிகா மந்தனா தெரிவித்துள்ளார்.

மகேஷ்பாபு -ராஜமௌலி இணையும் SSMB29.. ஜெர்மனி பறந்த மகேஷ்பாபு!

நடிகர் மகேஷ்பாபுவின் குண்டூர்காரம் படம் பொங்கலையொட்டி வெளியாகி வசூலில் மாஸ் காட்டி வருகிறது. இந்நிலையில் ராஜமௌலியுடன் மகேஷ்பாபு இணையும் SSMB29 படத்திற்காக மகேஷ்பாபு இன்றைய தினம் ஐதராபாத் ஏர்போர்ட்டிலிருந்து ஜெர்மனிக்கு பறந்துள்ளார்.

லெஜண்ட் சரவணாவின் புதிய படம்!

காஷ்மீரில் லெஜண்ட் சரவணா எடுத்த புகைப்படங்களை வெளியிட்டு, எல்லாம் ரெடியாகி விட்டது. விரைவில் அடுத்த பட அறிவிப்பு வெளியாகும் என பதிவிட்டுள்ளார்.

நாக சைதன்யாவை பிரிய இதுவா காரணம்?.. சமந்தா சொன்ன ஷாக் நியூஸ்

சமந்தாவிடம் ரசிகர் ஒருவர், தனிப்பட்ட வளர்ச்சியை ஒரு ரீலாக மாற்ற விரும்பினால், நீங்கள் ப்ளூப்பராக எதை நினைத்து சிரிப்பீர்கள்? வாழ்க்கையில் நீங்கள் கற்றுக்கொண்ட பெரிய விஷயம் என்ன என்ற கேள்வியை கேட்டார். அதற்கு பதிலளித்த சமந்தா, ”எனது விருப்பு வெறுப்புகளை அறியாமல் இருந்ததுதான் எனது வாழ்வில் நான் செய்த மிகப்பெரிய தவறு. அப்போது எனக்கு இருந்த துணையின் தாக்கம் என்னை அதிக அளவு பாதித்தது.

நெட்பிளிக்ஸ் ஓடிடியில் வெளியாகும் சலார்

பிரபாஸ் நடிப்பில் பிரசாந்த் நீல் இயக்கியுள்ள சலார் திரைப்படம் இன்று நள்ளிரவு முதல் நெட்பிளிக்ஸ் ஓடிடியில் வெளியாகிறது. டிச.22ம் தேதி திரையரங்குகளில் ரிலீஸான சலார், ஒரு மாதத்திற்குள்ளாக ஓடிடியில் வெளியாவது குறிப்பிடத்தக்கது.

ஆர்ஜே பாலாஜியுடன் இணைந்து தம் அடிச்சிருக்கேன் -விஜய் சேதுபதி கூல்!

ஆர்ஜே பாலாஜி, மீனாட்சி சவுத்ரி உள்ளிட்டவர்கள் லீட் கேரக்டர்களில் நடித்துள்ள சிங்கப்பூர் சலூன் படம் வரும் 24ம் தேதி ரிலீசாகவுள்ளது. இதையொட்டி படத்தின் ட்ரெயிலர் வெளியீட்டு விழாவில் சிறப்பு விருந்தினராக கலந்துக் கொண்ட விஜய் சேதுபதி, ஆர்ஜே பாலாஜியுடன் இணைந்து முன்னதாக மொட்டை மாடியில் தம் அடித்ததை நினைவு கூர்ந்துள்ளார்.

விடாமுயற்சி சூட்டிங் தாமதம்!

புத்தாண்டு கொண்டாட்டங்களுக்காக இடைவெளி எடுத்துக் கொண்ட அஜித்தின் விடாமுயற்சி படத்தின் சூட்டிங் கடந்த 12ம் தேதி மீண்டும் துவங்கவிருந்த நிலையில், தற்போது சில செட் வேலைகள் காரணமாக படத்தின் சூட்டிங் தாமதமாவதாக தகவல்கள் தெரிவிக்கின்றன.

தனுஷின் D 51 ஷூட்டிங் பூஜையுடன் தொடங்கியது

தனுஷ், நாகர்ஜுனா இணைந்து நடிக்கும் படத்தின் ஷூட்டிங் இன்று பூஜையுடன் தொடங்கியது. சேகர் கம்முளா இயக்கும் இந்தப் படத்தில் தனுஷ் ஜோடியாக ராஷ்மிகா மந்தனா நடிக்கவுள்ளதாக சொல்லப்படுகிறது. இந்நிலையில் தனுஷின் D51 பூஜை நிகழ்ச்சியின் புகைப்படங்கள் ட்விட்டரில் ட்ரெண்டாகி வருகின்றன.

ஆர்ஜே பாலாஜியை ஆரத்தழுவிய விஜய்சேதுபதி!

ஆர்ஜே பாலாஜி, மீனாட்சி சவுத்ரி நடிப்பில் உருவாகி உள்ள சிங்கப்பூர் சலூன் படத்தின் டிரெய்லர் வெளியீட்டு விழாவில் கலந்து கொண்ட விஜய்சேதுபதி ஆர்ஜே பாலாஜியை ஆரத்தழுவிய காட்சிகள் வெளியாகி உள்ளன.

விஜய்சேதுபதி பங்கேற்பு:

இதற்குத்தானே ஆசைப்பட்டாய் பாலகுமாரா படத்தை இயக்கிய இயக்குநர் கோகுல் இயக்கத்தில் ஆர்.ஜே. பாலாஜி நடித்துள்ள சிங்கப்பூர் சலூன் படத்தின் டிரெய்லர் வெளியீட்டு விழா இன்று நடைபெற்று வருகிறது. அதில், விஜய்சேதுபதி பங்கேற்றுள்ளார்.

தொடர்ந்து பாக்ஸ் ஆபிஸில் மிரட்டும் அயலான்

சிவகார்த்திகேயன் நடிப்பில் வெளியான அயலான் திரைப்படம் ஆறாவது நாளில் 6 கோடி ரூபாய் வசூலித்துள்ளதாக சொல்லப்படுகிறது. அதன்படி, ஒட்டு மொத்தமாக 60 கோடி ரூபாய்க்கும் அதிகமாக கலெக்‌ஷன் செய்துள்ளதாக பாக்ஸ் ஆபிஸ் வட்டாரங்கள் தெரிவிக்கின்றன.

இந்தியன் 2 ஓடிடி அப்டேட்

ஷங்கர் இயக்கத்தில் கமல் ஹாசன் நடித்திருக்கும் இந்தியன் 2 படத்தின் ஓடிடி உரிமையை நெட்ஃப்ளிக்ஸ் நிறுவனம் கைப்பற்றியிருக்கிறது.

நெட்ஃப்ளிக்ஸில் விடாமுயற்சி.. வெளியானது செம அப்டேட்

மகிழ் திருமேனி இயக்கத்தில் அஜித் நடித்துவரும் விடாமுயற்சி திரைப்படத்தின் ஓடிடி உரிமையை நெட்ஃப்ளிக்ஸ் நிறுவனம் கைப்பற்றியிருப்பதாக லைகா நிறுவனம் அதிகாரப்பூர்வமாக அறிவித்திருக்கிறது.

விஜய்யின் GOAT படத்தில் இருந்து வெளியான பொங்கல் போஸ்டர்

விஜய்யின் தி கிரேட்டஸ்ட் ஆஃப் ஆல் டைம் படத்தில் இருந்து பொங்கல் ஸ்பெஷலாக புதிய போஸ்டர் வெளியாகியுள்ளது. Meet the GOAT squad என்ற டைட்டிலில் வெளியான இந்த போஸ்டரில், விஜய், பிரசாந்த், பிரபுதேவா, அஜ்மல் ஆகியோர் செம்ம மாஸ் காட்டியுள்ளனர்.

வெளியானது வேட்டையன் பொங்கல் ஸ்பெஷல் போஸ்டர்

சூப்பர் ஸ்டார் ரஜினியின் வேட்டையன் படத்தில் இருந்து பொங்கல் ஸ்பெஷல் போஸ்டரை படக்குழு வெளியிட்டுள்ளது. தசெ ஞானவேல் இயக்கும் இந்தப் படத்தை லைகா நிறுவனம் தயாரித்து வருகிறது.

வேட்டையன் படப்பிடிப்பு..ரஜினியை பார்க்க குவிந்த ரசிகர்கள்!

வேட்டையன் படத்தின் படப்பிடிப்பு புதுச்சேரி வில்லியனூர் திருக்காமீஸ்வரர் கோவிலில் படப்பு நடந்த நிலையில், ரஜினியை பார்க்க ஏராளமானோர் குவிந்தனர்.படப்பிடிப்பு முடிந்து வெளியே வந்த ரஜினிகாந்த் அவர்களை பார்த்து காரில் இருந்தபடியே கையசைத்து சென்றார்.

சிங்கப்பூர் சலூன் படத்திற்கு யூ சான்றிதழ்!

கோகுல் இயக்கத்தில் நடிகர் ஆர்ஜே பாலாஜியின் சிங்கப்பூர் சலூன் படம் வரும் 25ம் தேதி திரையரங்குகளில் ரிலீசாகவுள்ளது. இந்நிலையில் இந்தப் படத்தின் சென்சார் நிறைவடைந்து யூ சான்றிதழ் கிடைத்துள்ளது. படத்தை வேல்ஸ் நிறுவனம் தயாரித்துள்ளது.

விஜய் நடிப்பில் ஹிட்டடித்த தெறிபடம் இந்தியில் ரீ-மேக் ஆக உள்ளதாக அதிகாரப்பூர்வ தகவல் வெளியான நிலையில், இத்திரைப்படத்தின் பட பூஜை இன்று கோலாகலமாக தொடங்கியது. இதில், அட்லி, அட்லி பிரியா, வருண் தவான், கீர்த்தி சுரேஷ் மற்றும் வாமிகா கபி ஆகியோர் கலந்து கொண்டனர்.

பிக்பாஸ் 7 கிராண்ட் பைனல்!

பிக்பாஸ் நிகழ்ச்சியின் கிராண்ட் பைனல் இன்று மாலை நடைபெறவுள்ளது. இதுகுறித்து அடுத்தடுத்த பிரமோக்களை விஜய் டிவி வெளியிட்டுள்ளது. அதில் சிறப்பான கலைநிகழ்ச்சிகளுடன் இறுதிப்போட்டி நடக்கவுள்ளது தெரியவந்துள்ளது. நடிகர் கமல்ஹாசனும் இதை அறிவித்துள்ளார்.

நாங்க எப்பவுமே கூல்தான்.. யுகேந்திரன் பதிவு!

பிக்பாஸ் நிகழ்ச்சியின் இந்த சீசன் கடந்த அக்டோபர் 1ம் தேதி துவங்கப்பட்டு இன்றைய தினம் 105வது நாளில் என்ட்ரி ஆகியுள்ளது. இந்த நிகழ்ச்சி இன்றைய தினம் நிறைவடையவுள்ளது. டைட்டில் வின்னர் யார் என்பது குறித்து போட்டியாளர்கள் மட்டுமில்லாமல் ரசிகர்களும் பரபரப்பாக காணப்படுகின்றனர். ஆனால் இதுகுறித்தெல்லாம் எந்த கவலையும் இல்லாமல் நிகழ்ச்சியின் துவக்க போட்டியாளர் யுகேந்திரன் தன்னுடைய மகனுடன் கூலாக நீச்சல் செய்த வீடியோவை இன்ஸ்டாகிராமில் பகிர்ந்துள்ளார்.

லால் சலாம் படத்தின் 2வது சிங்கிள்!

விஷ்ணு விஷால், விக்ராந்த் உள்ளிட்டவர்கள் லீட் கேரக்டர்களில் நடித்துள்ள லால் சலாம் படத்தை இயக்கியுள்ளார் ஐஸ்வர்யா ரஜினிகாந்த். இந்தப் படத்தில் ரஜினிகாந்த் முக்கியமான கேரக்டரில் நடித்துள்ள நிலையில், படம் பிப்ரவரி 9ம் தேதி திரையரங்குகளில் ரிலீசாகவுள்ளது. இந்நிலையில் நாளைய தினம் படத்தின் 2வது சிங்கிள் பொங்கலையொட்டி வெளியாகவுள்ளதாக ஐஸ்வர்யா ரஜினி அறிவித்துள்ளார்.

ரஜினிக்கு லால் சலாம் படத்தின் ஸ்பெஷல் ஸ்கீரினிங்!

நடிகர் ரஜினிகாந்த் தன்னுடைய மூத்த மகள் ஐஸ்வர்யா ரஜினி இயக்கத்தில் நடித்து முடித்துள்ள படம் லால் சலாம். இந்தப் படம் பிப்ரவரி 9ம் தேதி ரிலீசாகவுள்ளதாக அறிவிக்கப்பட்டுள்ள நிலையில், டப்பிங் உள்ளிட்ட பணிகளை ரஜினிகாந்த் நிறைவு செய்துள்ளார். இதனிடையே அவருக்கு படத்தின் ஸ்பெஷல் ஸ்கிரீனிங் வரும் 20ம் தேதி காட்டப்பட உள்ளதாக கூறப்பட்டுள்ளது.

கேப்டன் மில்லர் இரண்டாவது நாள் வசூல்

தனுஷ் நடிப்பில் வெளியாகியிருக்கும் கேப்டன் மில்லர் திரைப்படம் இரண்டாவது நாளில் 6.65 கோடி ரூபாய் வசூலித்திருப்பதாக கூறப்படுகிறது. மொத்தம் இரண்டு நாட்களில் 14 கோடி ரூபாய்வரை வசூலித்திருக்கிறது.

அயலான் இரண்டாவது நாள் வசூல்

சிவகார்த்திகேயன் நடிப்பில் வெளியாகியிருக்கும் அயலான் திரைப்படம் இரண்டாவது நாளில் 4.51 கோடி ரூபாய் வசூலித்திருப்பதாக கூறப்படுகிறது. மொத்தம் இரண்டு நாட்களில் 10 கோடி ரூபாய்வரை வசூலித்திருக்கிறது.

அயலான் Vs கேப்டன் மில்லர் இரண்டாவது நாள் வசூல்

சிவகார்த்திகேயன் நடிப்பில் வெளியான அயலான் மற்றும் தனுஷ் நடிப்பில் வெளியான கேப்டன் மில்லர் படங்களின் இரண்டாவது நாள் வசூல் நிலவரம் குறித்து தகவல் வெளியாகியிருக்கிறது.

தனுஷின் டி51 பட சூட்டிங் அப்டேட்!

நடிகர் தனுஷின் டி51 படத்தை இயக்குநர் சேகர் கம்முலா தமிழ் மற்றும் தெலுங்கில் இயக்கவுள்ளார். இந்தப் படத்தில் ராஷ்மிகா மந்தனா, நாகர்ஜூனா லீட் கேரக்டர்களில் நடிக்க கமிட்டாகியுள்ளனர். இந்நிலையில் இந்தப் படத்தின் சூட்டிங் வரும் 24ம் தேதி மும்பையில் துவங்கவுள்ளதாகவும் தற்போது இயக்கிவரும் நிலவுக்கு என் மேல் என்னடி கோபம் படத்தை முடித்துவிட்டு டி51 படத்தில் தனுஷ் இணையவுள்ளதாகவும் அப்டேட் தெரிவிக்கப்பட்டுள்ளது.

பூஜா ஹெக்டே பாட்டி காலமானார்!

தமிழ், தெலுங்கு, இந்திப் படங்களில் முன்னணி நடிகர்களுடன் இணைந்து நடித்துள்ள நடிகை பூஜா ஹெக்டே, தற்போது பாலிவுட்டில் தேவா என்ற படத்தில் நடித்து வருகிறார். இந்நிலையில் அவரது வீட்டில் சோக சம்பவம் நிகழ்ந்துள்ளது. அவரது பாட்டி உடல்நலக்குறைவு காரணமாக தற்போது காலமாகியுள்ளார் இதுகுறித்து தன்னுடைய இன்ஸ்டாகிராம் பக்கத்தில் சோகத்தை வெளிப்படுத்தியுள்ளார் பூஜா ஹெக்டே.

மலையாள படத்தில் அறிமுகமாகும் இசையமைப்பாளர் அனிருத்!

இசையமைப்பாளர் அனிருத், தமிழில் ரஜினிகாந்த், விஜய், அஜித் என முன்னணி நடிகர்களுடன் இணைந்து பல வெற்றிப்படங்களை கொடுத்துள்ளார். தெலுங்கு மற்றும் இந்தியிலும் அறிமுகமாகியுள்ள இவர், அடுத்ததாக மலையாளத்திலும் என்ட்ரி கொடுக்கவுள்ளார். பிரித்விராஜ் சுகுமாரன் இயக்கத்தில் உருவாகவுள்ள டைசன் படத்தில் அனிருத் இணையவுள்ளதாக கூறப்பட்டுள்ளது.

பிக்பாஸ் நிகழ்ச்சியில் கண்ணீருடன் விடைபெற்ற போட்டியாளர்கள்!

பிக்பாஸ் 7 நிகழ்ச்சி இன்றைய தினம் 104வது நாளில் என்ட்ரி ஆகியுள்ளது. நாளைய தினம் படத்தின் இறுதிப்போட்டி நடைபெறவுள்ள நிலையில், கடந்த சில தினங்களாக நிகழ்ச்சியில் என்ட்ரி கொடுத்த எலிமினேஷன் போட்டியாளர்கள், இன்றைய தினம் கண்ணீருடன் விடைபெற்றனர்.

மம்முட்டிக்காக ஜெயராம் படத்தை பார்த்த விஜய்!

நடிகர் ஜெயராம் நடிப்பில் கடந்த சில தினங்களுக்கு முன்பு வெளியானது ஆப்ரகாம் ஆஸ்லர். இந்தப் படத்தில் நடிகர் மம்முட்டி முக்கியமான கேமியோ ரோலில் நடித்துள்ள நிலையில், இதுகுறித்து GOAT சூட்டிங்கில் ஜெயராமிடம் கேட்டறிந்துள்ளார் விஜய். மேலும் படத்தை தான் பார்க்க விரும்புவதாகவும் விஜய் கூறி, அந்தப் படத்தை தற்போது பார்த்துள்ளார். இதுகுறித்து ஜெயராம், தனது பேட்டியில் மகிழ்ச்சி தெரிவித்துள்ளார்.

விஜயகாந்த் சமாதியில் அஞ்சலி செலுத்திய நடிகை ரேகா

கடந்த சில தினங்களுக்கு முன்பு நடிகர் விஜயகாந்த் உடல்நலக்குறைவு காரணமாக காலமானார். அவரது உடலுக்கு நேரில் முன்னணி நடிகர்கள், அரசியல் கட்சித் தலைவர்கள் உள்ளிட்டவர்கள் அஞ்சலி செலுத்திய நிலையில், அதில் பங்கேற்க முடியாதவர்கள், தற்போது அவரது சமாதியில் அஞ்சலி செலுத்தி வருகின்றனர். அந்தவகையில் நடிகை ரேகா, தற்போது விஜயகாந்தின் சமாதியில் அஞ்சலி செலுத்திவிட்டு, அவரது நினைவுகளை பகிர்ந்துள்ளார்.

கேப்டன் மில்லர் படத்தை பாராட்டிய அமைச்சர் உதயநிதி ஸ்டாலின் தனுஷின் கேப்டன் மில்லர் படத்தை பாராட்டி அமைச்சர் உதயநிதி ட்வீட் போட்டுள்ளார். அதில், “ஒடுக்கப்பட்ட மக்களின் கோயில் நுழைவு உரிமையை அடிப்படையாக வைத்து கேப்டன் மில்லர் என்கிற அருமையானதொரு படைப்பை சரியான நேரத்தில் கொண்டு வந்திருக்கும் நடிப்பு அசுரன் தனுஷ், சிவராஜ்குமார், இயக்குநர் அருண் மாதேஸ்வரன், இசையமைப்பாளர் சகோதரர் ஜிவி பிரகாஷ், பிரியங்கா மோகன், தயாரிப்பாளர், சண்டை பயிற்சியாளர் திலீப் சுப்பராயன் உள்ளிட்ட அனைவருக்கும் எனது பாராட்டுகள். மனித உரிமைப் போராட்டத்தின் மகத்துவத்தைச் விடுதலைப் போராட்டக் கதைக்களத்தின் ஊடாக அழுத்தமாக பேசியிருக்கிறார் கேப்டன் மில்லர்” என பாராட்டியுள்ளார்.

சிவகார்த்திகேயனின் அயலான் முதல் நாள் பாக்ஸ் ஆபிஸ் ரிப்போர்ட்

சிவகார்த்திகேயன் நடித்துள்ள அயலான் திரைப்படம் நேற்று திரையரங்குகளில் வெளியானது. ரவிக்குமார் இயக்கத்தில் சயின்ஸ் பிக்‌ஷன் படமாக வெளியான அயலான், ஃபேமிலி ஆடியன்ஸ்களிடம் வரவேற்பைப் பெற்றுள்ளது. இந்நிலையில், அயலான் முதல் நாளில் 4 கோடி ரூபாய் வரை வசூல் செய்துள்ளதாக பாக்ஸ் ஆபிஸ் வட்டாரங்கள் தெரிவித்துள்ளன.

அருண் மாதேஸ்வரன் இயக்கத்தில் தனுஷ் நடித்த கேப்டன் மில்லர் திரைப்படம் உலகம் முழுவதும் நேற்று தியேட்டரில் வெளியானது. இப்படம் மக்கள் மத்தியில் அமோக வரவேற்பை பெற்றுள்ளது. இந்நிலையில், கேப்டன் மில்லர் திரைப்படம் முதல் நாளில் 8.65 கோடியை வசூலித்து பொங்கல் ரேஸில் முதல் இடத்தில் உள்ளது.

பொங்கல் ரேஸில் முந்திய கேப்டன் மில்லர்!

இந்த ஆண்டு பொங்கல் கொண்டாட்டமாக தமிழில் நான்கு படங்கள் வெளியாகியுள்ளன. தனுஷின் கேப்டன் மில்லர், சிவகார்த்திகேயனின் அயலான், விஜய் சேதுபதியின் மெர்ரி கிறிஸ்துமஸ் மற்றும் அருண் விஜய்யின் மிஷன் சாப்டர் 1 படங்கள் பொங்கலை முன்னிட்டு இன்றைய தினம் ரிலீசாகியுள்ள நிலையில் தனுஷின் கேப்டன் மில்லர் படம் வசூல்ரீதியாக சிறப்பான வரவேற்பை பெற்றுள்ளதாக தகவல்கள் வெளியாகியுள்ளன. அடுத்த இடத்தில் சிவகார்த்திகேயனின் அயலான் படம் உள்ளது.

அயலான் படம் குறித்து சிவகார்த்திகேயன் மகிழ்ச்சி

நடிகர் சிவகார்த்திகேயன் லீட் கேரக்டரில் நடித்து இன்றைய தினம் ரிலீசாகியுள்ள படம் அயலான். ரவிக்குமார் இயக்கத்தில் வெளியாகியுள்ள இந்தப் படத்திற்கு கிடைத்துள்ள வரவேற்பு குறித்து நடிகர் சிவகார்த்திகேயன் மகிழ்ச்சி தெரிவித்துள்ளார்.

பிக்பாஸ் நிகழ்ச்சியில் மணியிடம் கெஞ்சிய ரவீனா!

விஜய் டிவியின் பிக்பாஸ் நிகழ்ச்சி இன்றைய தினம் 103வது நாளில் என்ட்ரி ஆகியுள்ளது. இந்த நிகழ்ச்சியின் இன்றைய தினத்திற்கான அடுத்தடுத்த பிரமோக்கள் வெளியாகியுள்ளன. இந்நிலையில் இன்றைய தினம் நிகழ்ச்சியில் என்ட்ரி கொடுத்த ரவீனா, அனைத்தையும் மறந்து விடுமாறு மணியிடம் கெஞ்சியதை பார்க்க முடிந்தது.

கமல் - அன்பறிவு மாஸ்டர்ஸ் கூட்டணியில் KH 237

கமலின் KH 237 பட அப்டேட்டை அபிஸியலாக அறிவித்தது படக்குழு. அதன்படி KH 237 படத்தை அன்பறிவு மாஸ்டர்ஸ் இயக்கவுள்ளனர். இதனை கமலின் ராஜ்கமல் ஃபிலிம்ஸ், டர்மரிக் மீடியா இணைந்து தயாரிக்கிறது.

கல்கி 2898 AD படத்தின் ரிலீஸ் தேதியை அறிவித்தார் கமல்ஹாசன்! நடிகர் பிரபாஸ் லீட் கேரக்டரில் நடித்துள்ள படம் கல்கி 2898 AD. இந்தப் படத்தில் வில்லனாக கமல்ஹாசன் நடித்து வருகிறார். மேலும் படத்தில் அமிதாப் பச்சன், தீபிகா படுகோன், திஷா பதானி ஆகியோரும் நடித்து வருகின்றனர். இந்நிலையில் இந்தப் படம் மே மாதம் 9ம் தேதி சர்வதேச அளவில் ரிலீசாகவுள்ளதாக கமல் உள்ளிட்ட படக்குழுவினர் அறிவித்துள்ளனர்.

மன்னிப்பு கேட்ட நிக்சன்.. கறாராக பேசிய வினுஷா! விஜய் டிவியின் பிக்பாஸ் தமிழ் 7 நிகழ்ச்சி இன்றைய தினம் 103வது நாளில் என்ட்ரி கொடுத்துள்ளது. நிகழ்ச்சி இறுதிக்கட்டத்தை எட்டியுள்ள நிலையில் முன்னதாக எலிமினேட் ஆன போட்டியாளர்கள் நிகழ்ச்சியில் என்ட்ரி கொடுத்து வருகின்றனர். இன்றைய தினத்திற்கான பிரமோக்கள் வெளியான நிலையில், அதில் வினுஷாவிடம் நிக்சன் மன்னிப்பு கேட்ட நிலையில், அதை அவர் மறுப்பதாக காட்டப்பட்டுள்ளது.

தேசிங்கு ராஜா படத்தின் இரண்டாம் பாகம்

எழில் இயக்கத்தில் விமல் நடித்த சூப்பர் ஹிட் படம் தேசிங்கு ராஜா. தற்போது அந்தப் படத்தின் இரண்டாம் பாகம் உருவாக்கப்படவிருப்பதாக கூறப்பட்டுள்ளது. இதிலும் விமல்தான் ஹீரோவாக நடிக்கிறார்.

அயலான் டைட்டில் கார்டில் கேப்டன் விஜயகாந்துக்கு மரியாதை

சிவகார்த்திகேயனின் அயலான் திரைப்படம் இன்று வெளியானது. இந்தப் படத்தின் டைட்டில் கார்டில் கேப்டன் விஜயகாந்துக்கு படக்குழு மரியாதை செலுத்தியுள்ளது.

நம்பி வாங்க சந்தோஷமா போங்க.. அயலான் பற்றி சிவகார்த்திகேயன்

ரவிக்குமார் இயக்கத்தில் சிவகார்த்திகேயன் நடித்திருக்கும் அயலான் திரைப்படம் இன்று வெளியானது. அதனை சிவகார்த்திகேயன் குரோம்பேட்டை வெற்றி தியேட்டரில் பார்த்தார். அப்போது செய்தியாளர்களிடம் பேசிய அவர், இந்தப் படம் எல்லோருக்கும் பிடிக்கும். நம்பி வாங்க சந்தோஷமா போங்க ரிப்பீட்டில் வாங்க என தெரிவித்தார்.

அயலான் இயக்குநர் ரவிக்குமாருக்கு நெட்டிசன்கள் பாராட்டு சிவகார்த்திகேயன் நடித்துள்ள அயலான் திரைப்படம் இன்று வெளியாகியுள்ளது. பாசிட்டிவான விமர்சனங்களைப் பெற்றுள்ள அயலான் படத்தில், கிராபிக்ஸ் காட்சிகள் தரமாக இருப்பதாக நெட்டிசன்கள் பாராட்டி வருகின்றனர். நெட்டிசன் ஒருவர், “பெரிய இயக்குநர்கள் கூட VFX-ல் சொதப்புறாங்க. ஆனா ஒரேயொரு படம் மட்டும் எடுத்துட்டு அடுத்த படத்துல VFX பட்டாசா பண்ணி குடுத்திருக்காரு ரவிக்குமார்” என பதிவிட்டுள்ளார்.

அயலான் வெளியானதும் எமோஷனலாக ட்வீட் போட்ட சிவகார்த்திகேயன் சிவகார்த்திகேயன் நடிப்பில் ரவிக்குமார் இயக்கியுள்ள அயலான் திரைப்படம் பல தடைகளை கடந்து இன்று வெளியானது. பைனான்ஸ் பிரச்சினை காரணமாக கடைசி நேரத்தில் கூட அயலான் வெளியாவதில் சிக்கல்கள் இருந்தன. இந்நிலையில், தற்போது அயலான் வெளியானதை தொடர்ந்து எமோஷனலாக ட்வீட் போட்டுள்ளார் சிவகார்த்திகேயன். அதில், “ஒவ்வொரு வெற்றிகரமான மனிதனுக்கும் வலி நிறைந்த கதை இருக்கும்.. ஒவ்வொரு வேதனையான கதையின் இறுதியில் வெற்றிகரமான முடிவு உண்டு.. வலியை ஏற்றுக்கொண்டு வெற்றிக்கு தயாராகுங்கள்..” என குறிப்பிட்டுள்ளார்.

ஹனுமான் ட்விட்டர் விமர்சனம்.. கிளைமாக்ஸ் காட்சி சூப்பர்! இயக்குநர் பிரசாந்த் வர்மா இயக்கத்தில் உருவாகி உள்ள திரைப்படம் ஹனுமான். பிரைம் ஷோ என்டர்டெயின்மென்ட் தயாரித்துள்ள இப்படத்தில், நடிகர் தேஜா சஜ்ஜா நடித்துள்ளார். இன்று வெளியாகி உள்ள இப்படத்தை பார்த்த ரசிகர்கள் கொண்டாடி வருகின்றனர். படம் பார்த்த ஒரு ரசிகர், படத்தின் 20 நிமிட காட்சி மாஸ் என பதிவிட்டுள்ளார்.

ஃபர்ஸ்ட் ஹாஃப் தீயா இருக்கு!

கேப்டன் மில்லர் திரைப்படம் தமிழ்நாட்டில் காலை 9 மணிக்குத் தான் ஆரம்பிக்கிறது. ஆனால், மற்ற மாநிலங்களில் அந்த படம் வெளியாகி உள்ள நிலையில், முதல் பாதி தீயா இருக்கு என தனுஷ் ரசிகர்கள் கொண்டாடி வருகின்றனர்.

தனுஷ் கோட்டை ரோகிணி தியேட்டர்!

சென்னை கோயம்பேட்டில் உள்ள ரோகிணி தியேட்டர் முழுவதும் கேப்டன் மில்லர் கட் அவுட்கள் தாறுமாறாக இருப்பதை வீடியோ எடுத்து தனுஷ் ரசிகர்கள் வெளியிட்டுள்ளனர்.

கேப்டன் மில்லர் என்ட்ரி தெறிக்கும்!

தனுஷின் கேப்டன் மில்லர் திரைப்படம் இன்று உலகம் முழுவதும் வெளியாக உள்ள நிலையில், அவரது அறிமுக காட்சி ரொம்பவே வித்தியாசமாக இருக்கும் என தகவல்கள் வெளியாகி உள்ளன.

தடைகளை தாண்டி வெளியாகும் அயலான்!

சிவகார்த்திகேயனின் அயலான் திரைப்படம் பல ஆண்டுகளாக ரிலீஸ் ஆகாமல் காத்துக் கிடக்கும் நிலையில், பல தடைகளை தாண்டி இன்று திட்டமிட்டப்படி வெளியாகும் என்கிற சந்தோஷமான செய்திகள் வெளியாகி உள்ளன. இந்த பொங்கல் அயலான் பொங்கல் தான் என கேஜேஆர் ஸ்டூடியோஸ் நிறுவனம் உறுதியளித்துள்ளது.

வடிவேலு குறித்து விமர்சித்த காமெடி நடிகர் பெஞ்சமின்!

சமீபத்தில் மறைந்த கேப்டன் விஜயகாந்த், போண்டாமணி போன்றவர்களுக்கு நடிகர் வடிவேலு இறுதி மரியாதை செலுத்தாததை தொடர்ந்து அவர்மீது பல்வேறு விமர்சனங்கள் எழுந்து வருகின்றன. இந்நிலையில் அவருடன் பல படங்களில் இணைந்து நடித்துள்ள நடிகர் பெஞ்சமின் வடிவேலு நல்ல மனிதர் கிடையாது என்று விமர்சித்துள்ளார்.

தக் லைஃபில் இணைந்த இன்னொரு நடிகை!

பொன்னியின் செல்வன் பட நடிகர்கள் வரிசையாக தக் லைஃப் படத்தில் இணைந்து விடுவார்கள் போலத் தெரிகிறது. பூங்குழலியாக நடித்த ஐஸ்வர்யா லக்‌ஷ்மியும் இப்போ ஆன்போர்ட் ஆகி உள்ளார்.

பிரம்மயுகம் டீசர் ரிலீஸ்!

பூதகாலம் படத்தை இயக்கிய ராகுல் சதாசிவன் இயக்கத்தில் மம்மூட்டி நடிப்பில் உருவாகி உள்ள பிரம்மயுகம் படத்தின் டீசர் வெளியாகி உள்ளது.

உறுதியானது அயலான் படத்தின் ரிலீஸ்.. ரசிகர்கள் உற்சாகம்!

நடிகர் சிவகார்த்திகேயனின் அயலான் படத்தின் ரிலீசுக்கு சென்னை உயர்நீதிமன்றம் விதித்திருந்த இடைக்கால தடை நீக்கப்பட்டுள்ளதையடுத்து படம் நாளைய தினம் ரிலீசாவது உறுதியாகியுள்ளது. எம்எஸ் சேலஞ்ச் என்ற திரைப்பட விளம்பர நிறுவனத்திற்கு கொடுக்க வேண்டிய 1 கோடி ரூபாய் பணத்தை செலுத்தாமல் படத்தை ரிலீஸ் செய்ய தடை கேட்டு வழக்கு தொடரப்பட்ட நிலையில், தயாரிப்பு தரப்பு 50 லட்சம் ரூபாயை தற்போது செலுத்தியுள்ளது. மீதமுள்ள தொகையை வரும் ஏப்ரல் 10ம் தேதிக்குள் செலுத்துவதாக உத்தரவாதம் அளித்துள்ளது. இதையடுத்து இடைக்காலத் தடை நீக்கப்பட்டுள்ளது.

கேப்டன் மில்லர் -அயலான் படங்களின் ஒற்றுமை!

பொங்கல் பண்டிகையையொட்டி நாளைய தினம் திரையரங்குகளில் ரிலீசாகவுள்ள தனுஷின் கேப்டன் மில்லர் மற்றும் சிவகார்த்திகேயனின் அயலான் படங்களின் ஒற்றுமைகள் ரசிகர்களை வெகுவாக கவர்ந்துள்ளன. இந்த இரு படங்களும் தனுஷ் மற்றும் சிவகார்த்திகேயனின் கேரியரில் மிகவும் பிரம்மாண்டமாக உருவாகியுள்ளன. இரு படங்களும் இரண்டாவது பாகங்கள் அறிவிக்கப்பட்டுள்ளன.

அர்ச்சனாவிடம் எமோஷனலான மாயா!

விஜய் டிவியின் பிக்பாஸ் 7 நிகழ்ச்சி இன்றைய தினம் 102வது நாளில் என்ட்ரி ஆகியுள்ள நிலையில் இந்த நிகழ்ச்சியின் இன்றைய தினத்திற்கான பிரமோக்கள் வெளியாகியுள்ளன. இதில் தற்போது வெளியாகியுள்ள இரண்டாவது பிரமோவில், அர்ச்சனா சொன்ன ஒரு வார்த்தை தன்னுடைய மனதில் தாங்க முடியாத அடியை கொடுத்ததாக மாயா எமோஷனலாக கூறியுள்ளார்.

ஓடிடியில் ரிலீஸாகிறதா ஜெயம் ரவியின் சைரன்?

ஜெயம் ரவி நடிப்பில் உருவாகியிருக்கும் சைரன் படம் நேரடியாக ஓடிடியில் வெளியாக வாய்ப்புகள் அதிகம் இருப்பதாக தகவல் வெளியாகியுள்ளது.

நெட்பிளிக்ஸில் இருந்து அன்னபூரணி நீக்கம்!

நயன்தாராவின் அன்னபூரணி நெட்பிளிக்ஸ் ஓடிடியில் இருந்து நீக்கம் அன்னபூரணி படத்தை தயாரித்த ஜீ ஸ்டூடியோஸ் நிறுவனம் படத்தை திரும்பப் பெறுவதாக அறிவிப்பு இந்து மக்களின் உணர்வுகளை புண்படுத்தியதாக நயன்தாரா உள்ளிட்டோர் மீது வழக்கு பதிவு நெட்பிளிக்ஸ் நிறுவனத்தை முற்றுகையிட்டு இந்து அமைப்பினர் போராட்டம் நடத்தியதால் பரபரப்பு

சூர்யா கொடுத்த கங்குவா அப்டேட்

கங்குவா படத்தின் ஷூட்டிங் முடிந்துவிட்டதாக நடிகர் சூர்யா சமூக வலைதள பக்கத்தின் மூலம் தெரிவித்திருக்கிறார்.

தனுஷின் அடுத்த ஹாலிவுட் என்ட்ரி... அருண் மாதேஸ்வரன் கொடுத்த அப்டேட்

தனுஷ் நடித்துள்ள கேப்டன் மில்லர் திரைப்படம் நாளை வெளியாகிறது. இந்தப் படத்தின் ப்ரொமோஷன் பேட்டியில் பேசிய இயக்குநர் அருண் மாதேஸ்வரன், தனுஷ் மீண்டும் ஹாலிவுட்டில் ஒரு படம் பண்ணவிருப்பதாகக் கூறியுள்ளார்.

சிவகார்த்திகேயனுடன் ஆட்டம் போட்ட ஏஆர் ரஹ்மான்... அயலான் வைப் ஆரம்பம்

அயலான் படத்தில் இருந்து ஏஆர் ரஹ்மான் இசையில் ‘மாஞ்சா நீ' என்ற ப்ரொமோ பாடலை படக்குழு வெளியிட்டுள்ளது. ஏஆர் ரஹ்மானும் அவரது மகன் ஏஆர் அமீனும் இந்தப் பாடலை இணைந்து பாடியுள்ளனர். ‘மாஞ்சா நீ’ பாடலில் சிவகார்த்திகேயனுடன் ஏஆர் ரஹ்மானும் நடனம் ஆடி அமர்க்களப்படுத்தியுள்ளார்.

GOAT ஷூட்டிங் ஸ்பாட்டில் வித்தியாசமான லுக்கில் மாஸ் காட்டிய விஜய்

சென்னையில் நடைபெற்று வரும் GOAT படப்பிடிப்பில் விஜய் வித்தியாசமான லுக்கில் ரசிகர்களுடன் செல்ஃபி எடுத்த போட்டோ ட்ரெண்டாகி வருகிறது.

தக் லைஃப் படத்தில் இணைந்த ஜோஜூ ஜார்ஜ்

கமல் - மணிரத்னம் கூட்டணியில் உருவாகும் ‘தக் லைஃப்’ படத்தில் மலையாள நடிகர் ஜோஜூ ஜார்ஜ் இணைந்துள்ளதாக படக்குழு அறிவிப்பு.

மிரட்டலாக வெளியானது ஆடுஜீவிதம் ஃபர்ஸ்ட் லுக்

மலையாளத்தில் பிருத்விராஜ் நடித்துள்ள ஆடுஜீவிதம் படத்தின் முதல் தோற்றம் தற்போது வெளியாகியுள்ளது. ப்ளெஸி இயக்கத்தில் ஏஆர் ரஹ்மான் இசையமைத்துள்ள ஆடுஜீவிதம், ஏப்ரல் 10ம் தேதி ரிலீஸாகும் என படக்குழு அறிவிப்பு.

சூர்யாவிற்கு ஜோடியாகும் அதிதி ஷங்கர்.. என்ன படம் தெரியுமா?

சுதா கொங்கரா இயக்கத்தில் சூர்யா நடிக்கவுள்ள படத்தில், சூர்யாவிற்கு ஜோடியாக நடிகை அதிதி ஷங்கர் ஒப்பந்தமாகியுள்ளதாக தகவல் வெளியாகி உள்ளது.

பிக் பாஸ் வீட்டிற்குள் கூல் சுரேஷ் மாஸ் என்ட்ரி

பிக் பாஸ் நிகழ்ச்சியின் இன்றைய எபிசோடுக்கான இரண்டாவது ப்ரோமோ வெளியாகி உள்ளது. அதில், பிக் பாஸ் வீட்டிற்குள் கூல் சுரேஷ் மீண்டும் என்ட்ரி கொடுத்துள்ளார். டைனிங் ஏரியாவில் ஒளிந்திருந்த அவரை மணி கண்டு பிடித்து அன்போடு கட்டியணைக்கிறார்.

கமலுக்கு ஜோடியாகும் ஐஸ்வர்யா ராய்?

மணிரத்னம் இயக்கத்தில் உருவாகவிருக்கும் தக் லைஃப் படத்தில் கமல் ஹாசனுக்கு ஜோடியாக ஐஸ்வர்யா ராய் நடிக்கவிருப்பதாக தகவல் வெளியாகியிருக்கிறது. ஏற்கனவே இந்தப் படத்தில் திரிஷா கமிட்டாகியிருப்பதும் குறிப்பிடத்தக்கது.

நடிகை ஷில்பா ஷெட்டியின் பிரம்மாண்டமான பங்களா

பாலிவுட்டில் நடிகை ஷில்பா ஷெட்டி மும்பையில் உள்ள ஜூஹூ பகுதியில் ரூ.100 கோடி மதிப்பிலான சொகுசு பங்களாவை கட்டி உள்ளார்.

அயலான், கேப்டன் மில்லர் காலை 9 மணி காட்சிக்கு அனுமதி

சிவகார்த்திகேயனின் அயலான், தனுஷ் நடித்துள்ள கேப்டன் மில்லர் படங்கள் ஜன.12ம் தேதி வெளியாகின்றன. இந்த இரண்டு படங்களுக்கும் முதல் நாள் காலை 9 மணி சிறப்பு காட்சிகளுக்கு தமிழ்நாடு அரசு அனுமதியளித்துள்ளது. மேலும், 12 முதல் 18ம் தேதி வரை தினமும் 5 காட்சிகள் திரையிடவும் அனுமதி வழங்கப்பட்டுள்ளது.

டிரெண்டிங்கில் கே.ஜே. யேசுதாஸ்!

பிரபல பின்னணி பாடகர் கே.ஜே. யேசுதாஸ் இன்று தனது 84வது பிறந்தநாளை கொண்டாடி வரும் நிலையில், #KJYesudas ஹேஷ்டேக்கை ரசிகர்கள் டிரெண்ட் செய்து அவருக்கு பிறந்தநாள் வாழ்த்து தெரிவித்து வருகின்றனர்.

ஐஸ்வர்யா ராஜேஷின் பிறந்த நாள் இன்று.. குவியும் வாழ்த்து

தமிழ், தெலுங்கு திரையுலகில் கதாநாயகிகளுக்கு முக்கியத்துவம் கொடுக்கும் கதாபாத்திரத்தில் நடித்து வரும் நடிகை ஐஸ்வர்யா ராஜேஷ் இன்று தனது 33வது பிறந்த நாளை கொண்டாடி வருகிறார். அவருக்கு ரசிகர்கள் வாழ்த்து தெரிவித்து வருகின்றனர்

தமிழ் சினிமாவின் முன்னணி நடிகரான விஜய், தற்போது வெங்கட்பிரபு இயக்கத்தில், The G.O.A.T. என்ற படத்தில் நடித்து வருகிறார். இப்படத்தின் ஷூட்டிங் விறுவிறுப்பாக நடந்து வரும் நிலையில், விஜய்,ராஷ்மிகா மந்தனா உள்ளிட்ட படக்குழுவினர் வாரிசு பட ஷூட்டிங்கின்போது கிரிக்கெட் விளையாடிய வீடியோவை பாடலாசிரியர் விவேக் வெளியிட்டுள்ளார்

GOAT பட.ப்பிடிப்பில் விஜய்யை சூழ்ந்த ரசிகர்கள்!

நடிகர் விஜய்யின் GOAT படத்தின் படப்பிடிப்பு தற்போது சென்னை கோவளத்தில் நடந்து வருகிறது. இந்நிலையில் இந்தப் படப்பிடிப்பின்போது ஏராளமான ரசிகர்கள் அவரை பார்க்க குவிந்தனர். அவரை சூழ்ந்துக் கொண்டு தளபதி என்று உற்சாகமாக முழக்கமிட்டனர். அவர்களை விஜய் புன்னகையுடன் கையசைத்து எதிர்கொண்டார்.

விஜய்க்கு இரட்டை ரோல் இல்லை!

விஜய்யின் The greatest of All time படத்தில் விஜய், அப்பா மற்றும் மகன் என இரட்டை ரோல்களில் நடிக்கவுள்ளதாக கூறப்பட்டது. இதற்கேற்பு புத்தாண்டு தினத்தையொட்டி வெளியான போஸ்டர்களில் அப்பா, மகன் என இருவேறு ரோல்களில் விஜய்யை பார்க்க முடிந்தது. இந்நிலையில் இந்தப் படத்தில் விஜய்க்கு இரட்டை ரோல்கள் இல்லை என்றும் பல கெட்டப்புகளில் அடுத்தடுத்த டைம்லைன்களில் அவர் பயணிக்க உள்ளதாக கூறப்பட்டுள்ளது.

லால் சலாம் ரிலீஸ் தேதி அதிகாரப்பூர்வ அறிவிப்பு இதோ!

பொங்கலுக்கு வெளியாகும் என முதலில் அறிவிக்கப்பட்ட லால் சலாம் திரைப்படம் தற்போது பிப்ரவரி 9ம் தேதி வெளியாகும் என லைகா அறிவித்துள்ளது. ஐஸ்வர்யா ரஜினிகாந்த் இயக்கத்தில் விஷ்ணு விஷால், விக்ராந்த் லீடு ரோலில் நடித்துள்ள இந்த படத்தில் ரஜினிகாந்த் கேமியோ ரோலில் நடித்துள்ளார். ஏ.ஆர். ரஹ்மான் இசையமைத்துள்ளார்.

எழுத்தாளர் பவா செல்லதுரைக்கு இதய அறுவை சிகிச்சை

எழுத்தாளர், பதிப்பாசிரியர், மொழிப்பெயர்ப்பாளர், கதை சொல்லி, நடிகர் என பல்வேறு தளங்களில் பயணித்துவந்த பவா செல்லதுரை சமீபத்தில் பிக்பாஸ் 7 நிகழ்ச்சியிலும் துவக்க போட்டியாளராக பங்கேற்றிருந்தார். இந்நிலையில் பவா செல்லதுரை உடல்நலக்குறைவு காரணமாக மருத்துவமனையில் சேர்க்கப்பட்டுள்ளார். அவருக்கு இதய அறுவை சிகிச்சை செய்யப்பட்டுள்ளதாக தகவல்கள் தெரிவிக்கின்றன.

லால் சலாம் ரிலீஸ் தேதி அறிவிப்பு!

பொங்கலுக்கு வெளியாகும் என எதிர்பார்க்கப்பட்ட லால் சலாம் ரிலீஸ் கடைசி நேரத்தில் தள்ளி வைக்கப்பட்ட நிலையில், தற்போது இன்று மாலை 5 மணிக்கு லால் சலாம் ரிலீஸ் தேதி அறிவிக்கப்படும் என லைகா புதிய வீடியோ ஒன்றை வெளியிட்டுள்ளது. ஜனவரி 25ம் தேதி வெளியாக வாய்ப்பு அதிகம் என்கின்றனர்.

100வது எபிசோடில் என்ட்ரி ஆன பிக்பாஸ் தமிழ் 7 ஷோ!

விஜய் டிவியின் பிக்பாஸ் தமிழ் 7 ஷோ, கடந்த அக்டோபர் 1ம் தேதி துவங்கப்பட்டு நடைபெற்று வந்த நிலையில், இன்றைய தினம் நிகழ்ச்சி 100வது நாளில் என்ட்ரி கொடுத்துள்ளது. இதையொட்டி அடுத்தடுத்த பிரமோக்கள் வெளியாகியுள்ளன. இதில் நிகழ்ச்சியில் முன்னதாக எலிமினேட் ஆன போட்டியாளர்கள் வருகை தந்து நிகழ்ச்சியை ஆட்டம் பாட்டத்துடன் களைகட்டியுள்ளனர்.

அன்னதானம் வழங்கிய விஷால்!

விஜயகாந்த் நினைவிடத்திற்கு வந்து அஞ்சலி செலுத்திய நடிகர் விஷால், அங்கே அஞ்சலி செலுத்த வந்த மக்களுக்கு அன்னதானம் வழங்கி உள்ளார்.

விஜயகாந்த் சாமி!

விஜயகாந்த் நினைவிடத்தில் அஞ்சலி செலுத்திய பின்னர் செய்தியாளர்களை சந்தித்துப் பேசிய விஷால் எங்கள் அண்ணா விஜயகாந்த் சாமி ஆகி விட்டார் என பேசியுள்ளார். உதவி இயக்குநர்கள், துணை நடிகர்கள் என அனைவருக்குமே உணவு வழங்கியவர் விஜயகாந்த் என புகழஞ்சலி செலுத்தி உள்ளார்.

விஷால், ஆர்யா அஞ்சலி!

மறைந்த நடிகரும் தேமுதிக நிறுவனருமான கேப்டன் விஜயகாந்த் நினைவிடத்தில் நடிகர்கள் விஷால் மற்றும் ஆர்யா அஞ்சலி செலுத்தி உள்ளனர். வெளிநாட்டில் புத்தாண்டு கொண்டாட்டங்களை முடித்து திரும்பிய நிலையில், அஞ்சலி செலுத்தி உள்ளனர்.

கேப்டன் மில்லர்.. வெளியானது கொம்பரி வேட்டபுலி லிரிக்கல் வீடியோ

அருண் மாதேஸ்வரன் இயக்கத்தில் தனுஷ் நடித்திருக்கும் கேப்டன் மில்லர் படத்திலிருந்து கொம்பரி வேட்டபுலி பாடலின் லிரிக்கல் வீடியோ வெளியாகி ரசிகர்களிடையே வரவேற்பை பெற்றிருக்கிறது. படம் ஜனவரி 12ஆம் தேதி வெளியாகவிருக்கிறது.

கன்னட நடிகர் யஷ்ஷின் பிறந்த நாள் கொண்டடாட்டத்திற்கு பேனர் வைக்கும் போது மின்சாரம் தாக்கி 3 ரசிகர்கள் உயிரிழப்பு. உயிரிழந்தவர்களின் குடும்பத்தினருக்கு நேரில் சென்று ஆறுதல் கூறியுள்ளார் நடிகர் யஷ்.

சிவகார்த்திகேயன் பட இயக்குநருடன் இணையும் எஸ்.ஜே.சூர்யா?

ரெமோ, சுல்தான் ஆகிய படங்களை இயக்கிய பாக்யராஜ் கண்ணன் இயக்கத்தில் எஸ்.ஜே.சூர்யா கதையின் நாயகனாக நடிக்கிறார் என்று தகவல் வெளியாகியிருக்கிறது. அவர் கடைசியாக ஹீரோவாக பொம்மை படத்தில் நடித்திருந்தார்.

Who is the hero.. உலக முதலீட்டாளர் மாநாட்டில் பாடல் பாடி அசத்திய ஆன்ட்ரியா!

சென்னையில் நேற்று துவங்கி இரு தினங்கள் நடத்தப்பட்டுள்ள உலக முதலீட்டாளர்கள் மாநாட்டில் பல சுவாரஸ்யங்கள் நிகழ்ந்தன. இதில் நடிகை ஆன்ட்ரியா மேடையேறி தன்னுடைய பல சூப்பர்ஹிட் பாடல்களை பாடி அசத்தினார்.

மாதவனுடன் டெஸ்ட் படம்.. சூட்டிங்கை நிறைவு செய்த நயன்தாரா!

நடிகை நயன்தாரா, மாதவன், சித்தார்த் உள்ளிட்டவர்கள் லீட் கேரக்டர்களில் நடித்துவந்த டெஸ்ட் படத்தின் சூட்டிங்கை நிறைவு செய்துள்ளார் நயன்தாரா. இதுகுறித்து தன்னுடைய இன்ஸ்டாகிராம் பக்கத்தில் தெரிவித்துள்ள அவர், இந்தப் படத்தில் குமுதா கேரக்டரை தான் மிகவும் மிஸ் செய்வேன் என்று உருக்கம் தெரிவித்துள்ளார். இந்தப் படத்தின்மூலம் இறுதிச்சுற்று உள்ளிட்ட படங்களை தயாரித்த சஷிகாந்த் இயக்குநராக அறிமுகமாகியுள்ளார்.

ஒவ்வொரு டிக்கெட்டிலும் 5 ரூபாயை அயோத்தி கோயிலுக்கு வழங்கும் ஹனுமன் டீம்.. சிரஞ்சீவி அறிவிப்பு!

தேஜா சஜ்ஜா, வரலட்சுமி சரத்குமார் உள்ளிட்டவர்கள் லீட் கேரக்டர்களில் நடித்துள்ள ஹனுமான் படம் வரும் 12ம் தேதி சங்கராந்தியை முன்னிட்டு திரையரங்குகளில் ரிலீசாகவுள்ளது. இந்தப் படத்தின் பிரீ ரிலீஸ் நிகழ்ச்சியில் சிறப்பு விருந்தினராக பங்கேற்ற நடிகர் சிரஞ்சீவி, படத்தின் ஒவ்வொரு டிக்கெட் சேல்சிலும் 5 ரூபாயை அயோத்தி ராமர் கோயிலுக்கு வழங்க படக்குழு திட்டமிட்டுள்ளதாக அறிவித்துள்ளார்.

விஜய் தேவரகொண்டா- ராஷ்மிகாவிற்கு விரைவில் டும் டும் டும்!

தெலுங்கு சினிமாவில் ஜோடியாக நடித்து இந்தியா முழுவதும் பிரபலமாக இருப்பவர்கள் விஜய் தேவரகொண்டா மற்றும் ராஷ்மிகா மந்தனா. இவர்கள் படங்களில் மட்டுமல்லாமல் நிஜ வாழ்விலும் ஜோடிதான் என்கிறார்கள் ரசிகர்கள். அந்த வகையில், இந்த பிப்ரவரியில் இவர்களது நிச்சயதார்த்தம் நடக்கப்போவதாகவே தகவல் வெளியாகியுள்ளது.

பிக்பாஸ் 7 எலிமினேஷன்.. பார்ட்டி வைத்து கொண்டாடிய விசித்ரா!

பிக்பாஸ் 7 நிகழ்ச்சியில் துவக்க ஆட்டக்காரராக களமிறங்கிய நடிகை விசித்ரா ஏறக்குறைய 100 நாட்களை பிக்பாஸ் வீட்டில் கழித்துள்ளார். கடந்த வாரத்தில் குறைவான வாக்குகள் பெற்று எலிமினேட் ஆன இவர், தற்போது தன்னுடைய குடும்பத்தினர் மற்றும் நண்பர்களுடன் பார்ட்டி வைத்து கொண்டாடியுள்ளார்.

நடிகை ஆலியா பட்டின் விலை உயர்ந்த ஆடை.. விலை எவ்வளவு தெரியுமா?

மும்பையில் நடந்த அனிமல் படத்தின் வெற்றி விழாவிற்கு, 1.51 லட்சம் ரூபாய் மதிப்பிலான ஆடையை அணிந்து வந்த நடிகை ஆலியா பட்.

ரஜினிகாந்தின் மிகப்பெரிய ரசிகை நான்.. பிரியங்கா மோகன் க்யூட்!

தனுஷுடன் நடிகை பிரியங்கா மோகன் இணைந்து நடித்துள்ள கேப்டன் மில்லர் படம் வரும் 12ம் தேதி பொங்கல் கொண்டாட்டமாக வெளியாகவுள்ளது. இந்தப் படத்தின் பிரீ ரிலீஸ் நிகழ்ச்சியில் பங்கேற்ற நடிகை பிரியங்கா மோகன், அடுத்தடுத்த பேட்டிகளை கொடுத்து வருகிறார். இதையடுத்து தான் நடிகர் ரஜினிகாந்தின் மிகப்பெரிய ரசிகை என உற்சாகத்துடன் தெரிவித்துள்ளார்.

விஷ்ணு விஷாலுடன் இணைந்த இயக்குநர் கோகுல்

விஷ்ணு விஷாலின் 22வது படத்தை கோகுல் இயக்கவுள்ளதாக அறிவிப்பு வெளியாகியுள்ளது. இதற்குதானே ஆசைப்பட்டாய் பாலகுமாரா, காஷ்மோரா, சிங்கப்பூர் சலூன் படங்களின் இயக்குநர் கோகுல், முதன்முறையாக விஷ்ணு விஷாலுடன் இணைகிறார். விஷ்ணு விஷால் தயாரிக்கவுள்ள இந்தப் படம் ஆக்‌ஷன் ஜானரில் உருவாகவுள்ளது.

தள்ளிப்போகும் தக் லைஃப் ஷூட்டிங்?

பிக்பாஸ் ஷூட்டிங்கை முடித்துவிட்டு குட்டி ரெஸ்ட் எடுக்க கமல் ஹாசன் திட்டமிட்டிருப்பதாக தக் லைஃப் படத்தின் ஷூட்டிங் அடுத்த மாதத்துக்கு தள்ளிப்போயிருப்பதாக கூறப்படுகிறது. முன்னதாக இந்த மாத இறுதியில் ஷூட்டிங் தொடங்க திட்டமிடப்பட்டிருந்ததாக சொல்லப்பட்டது குறிப்பிடத்தக்கது.

தினேஷ் கேட்ட கேள்வி.. கோபித்துக் கொண்டு வெளியேறிய அர்ச்சனா!

பிக்பாஸ் தமிழ் 7 நிகழ்ச்சி இன்றைய தினம் 99வது நாளில் என்ட்ரி ஆகியுள்ளது. இந்த நிகழ்ச்சியின் பைனல் வரும் 14ம் தேதி நடைபெறவுள்ள நிலையில், இன்றைய டாஸ்க்கில் தன்னுடைய கேம் எப்படி மற்றவர்களில் இருந்து மேம்பட்டது என்று பேச முயன்ற அர்ச்சனா, மற்றவர்களை குறைகூறும் வகையில் பேசினார். இதனால் தினேஷ் கோபத்துடன் கேள்வி கேட்க, டாஸ்கில் விளையாட முடியாது என்று அர்ச்சனா வெளியேறியதை பார்க்க முடிந்தது.

தென்னிந்திய நடிகர் சங்கம் சார்பில்..விஜயகாந்திற்கு நினைவேந்தல் கூட்டம்!

மறைந்த நடிகர் விஜயகாந்துக்கு தென்னிந்திய நடிகர் சங்கம் சார்பில் நினைவேந்தல் கூட்டம் 19.01.2024 அன்று மாலை 6 மணி அளவில் சென்னை, தேனாம்பேட்டை காமராஜர் அரங்கத்தில் நடைபெறும் என அறிவிக்கப்பட்டுள்ளது.

கேஜிஎஃப் ஹீரோ யாஷ் பிறந்தநாளுக்கு கட்-அவுட் வைத்த 3 பேர் உயிரிழப்பு

கேஜிஎஃப் திரைப்படம் மூலம் பான் இந்தியா நடிகராக பிரபலமானவர் யாஷ். அவரது 38வது பிறந்தநாளை முன்னிட்டு கர்நாடகாவின் கடக் மாவட்டத்தில் 25 அடி உயரத்திற்கு ரசிகர்கள் கட்-அவுட் வைத்துள்ளனர். அப்போது மின்சாரம் தாக்கியதில் 3 பேர் உயிரிழந்துள்ளனர், 4 பேர் படுகாயம் அடைந்துள்ளதாக தகவல்.

> கோல்டன் குளோப் விருதுகளை தட்டித் தூக்கிய ஓபன்ஹெய்மர் > > > 2024ம் ஆண்டுக்கான 81 வது கோல்டன் குளோப் விருது வழங்கும் விழா, அமெரிக்காவில் பெவர்லி ஹில்டன் ஹோட்டலில் நடைபெறுகிறது. இதில் ஓபன்ஹெய்மர் படத்துக்கு அதிக விருதுகள் கிடைத்துள்ளன. சிறந்த திரைப்படம், சிறந்த இயக்குநராக கிறிஸ்டோபர் நோலன், சிறந்த நடிகராக சிலியன் மர்பி, சிறந்த துணை நடிகராக ராபர்ட் டவுனி ஜூனியர், சிறந்த ஒரிஜினல் ஸ்கோர் லுட்விக் கோரன்சன் ஆகியோர் ஓபன்ஹெய்மர் படத்துக்காக விருதுகள் வென்றுள்ளனர்.

81 வது கோல்டன் குளோப் விருது வழங்கும் விழா அமெரிக்காவில் பெவர்லி ஹில்டன் ஹோட்டலில் நடைபெற்று வருகிறது. இதில் Oppenheimer படத்திற்காக சிறந்த இயக்குநர் விருது பெறுகிறார் கிறிஸ்டோபர் நோலன்.

கலைஞர் 100 விழா.. ரஜினிகாந்த் பேச்சு

கலைஞர் குறித்து பேச தொடங்கினால், எங்கு ஆரம்பிப்பது எங்கு முடிப்பது என்றே தெரியாது. கலைஞர் நூற்றாண்டு விழாவில் சூப்பர் ரஜினிகாந்த் பேச்சு.

கலைஞரையும் சினிமாவையும் பிரிக்க முடியாது..கமல் புகழாரம்

கலைஞரையும் தமிழையும், கலைஞரையும் சினிமாவையும்,கலைஞரையும் அரசியலையும் பிரிக்க முடியாது என நடிகர் கமல்ஹாசன் கலைஞர் நூற்றாண்டு விழாவில் புகழ்ந்து பேசி உள்ளார்.

கலைஞரின் 100 விழா...தனுஷ் நெகிழ்ச்சி!

கலைஞரின் அரசியல், சினிமா சாதனை குறித்து பேச எனக்கு வயதோ அனுபவமோ இல்லை.கலைஞர் மறைவைப் பற்றி பேசினால்தான் அவர் மறைந்துவிட்டார் எனத் தோன்றுகிறது. நடிகர் தனுஷ்

கலைஞர் முதலில் படைப்பாளி.. சூர்யா பாராட்டு!

கலைஞர் நூற்றாண்டு விழா சென்னையில் நடைபெற்றுவருகிறது. இதில் நடிகர்கள் ரஜினிகாந்த், கமல்ஹாசன் உள்ளிட்ட பலர் கலந்துக் கொண்டுள்ளனர். நிகழ்ச்சியில் மேடையேறி பேசிய சூர்யா, அரசியலில் பல மாற்றங்களை செய்தபோதிலும் சினிமாவை கைவிடாமல் கொண்டுவந்தவர் கருணாநிதி என்றும் அதனால்தான் அவரை நாம் கலைஞர் என்று அழைக்கிறோம் என்றும் குறிப்பிட்டார். முதலில் அவர் ஒரு படைப்பாளி என்றும் சூர்யா பாராட்டு தெரிவித்தார்.

கலைஞர் நூற்றாண்டு விழாவிற்கு வந்த வடிவேலு

சென்னை கிண்டியில் தமிழ் திரையுலகினர் சார்பில் நடைபெறும் கலைஞர் நூற்றாண்டு விழாவில் பங்கேற்க நடிகர் வடிவேலு கலந்து கொண்டார்.இதில்,சூப்பர் ஸ்டார் ரஜினிகாந்த், லதா ரஜினிகாந்த், கீர்த்தி சுரேஷ், கௌதமி, நடிகர் சிவராஜ் குமார் என பலரும் கலந்து கொண்டனர்

கேப்டன் மில்லர் அழ வைக்கும்.. சந்தீப் கிஷன் உருக்கம்!

நடிகர் தனுஷின் கேப்டன் மில்லர் படம் வரும் 12ம் தேதி சர்வதேச அளவில் திரையரங்குகளில் ரிலீசாகவுள்ளது. இன்றைய தினம் படத்தின் மிரட்டலான ட்ரெயிலர் வெளியாகியுள்ள நிலையில் இந்தப் படத்தின் அதிகமான காட்சிகள் ரசிகர்களை அழ வைக்கும் என்று நடிகர் சந்தீப் கிஷன் பேட்டியொன்றில் தெரிவித்துள்ளார்.

LIC படத்திற்கு வந்த சிக்கல்

LIC என்ற படத்தின் தலைப்பை பயன்படுத்துவதை நிறுத்தக்கோரி 7 ஸ்கிரீன் ஸ்டியோ தயாரிப்பு நிறுவனம் மற்றும் இயக்குர் விக்னேஷ் சிவனுக்கு எல்ஐசி காப்பீட்டு நிறுவனம் சார்பில் நோட்டீஸ் அனுப்பட்டுள்ளது.

கேப்டன் மில்லர் டிரெய்லர் ரிலீஸ்!

அருண் மாதேஸ்வரன் இயக்கத்தில் தனுஷ், சிவராஜ்குமார், பிரியங்கா மோகன் நடிப்பில் உருவாகி உள்ள கேப்டன் மில்லர் படத்தின் டிரெய்லர் தற்போது வெளியாகி உள்ளது.

பணப்பெட்டியை கோட்டை விட்டுவிட்டதாக மாயா வருத்தம்!

பிக்பாஸ் 7 நிகழ்ச்சியில் மூன்று நாட்களாக வைக்கப்பட்டிருந்த பணப்பெட்டியுடன் பூர்ணிமா வெளியேறியுள்ளார். இதையடுத்து வாரயிறுதி எபிசோடான இன்றைய தினம் நிகழ்ச்சியில் பேசிய கமல்ஹாசன் இதுகுறித்து ஹவுஸ்மேட்சிடம் கேள்வி எழுப்பிய நிலையில், தான் பணப்பெட்டியை கோட்டை விட்டுவிட்டதாக மாயா வருத்தம் தெரிவித்ததை பார்க்க முடிந்தது.

கலைஞர் 100 விழா ஆரம்பம்!

தயாரிப்பாளர் சங்கம் சார்பில் நடைபெற உள்ள கலைஞர் 100 விழா 4 மணிக்கு தொடங்கி 6 மணி நேரங்கள் நடைபெறும் என அறிவிக்கப்பட்டுள்ள நிலையில், கிண்டி ரேஸ்கோர்ஸ் மைதானத்தில் அமைக்கப்பட்டுள்ள பிரம்மாண்ட அரங்கத்திற்கு பொதுமக்கள், பிரபலங்கள் என பலரும் வருகை தந்துக் கொண்டிருக்கின்றனர். நடிகை சாக்‌ஷி அகர்வால், ரெடின் கிங்ஸ்லி உள்ளிட்ட பலர் வருகை தந்துள்ளனர்.

எஸ்.ஏ. சந்திரசேகர் அஞ்சலி

புத்தாண்டு கொண்டாட்டத்திற்காக துபாய் சென்றிருந்த இயக்குநர் எஸ்.ஏ. சந்திரசேகர் விஜயகாந்த் நினைவிடத்தில் அஞ்சலி செலுத்தினார். சிவகார்த்திகேயன், எம்.எஸ். பாஸ்கர் என பல பிரபலங்கள் தொடர்ந்து அஞ்சலி செலுத்தி வருகின்றனர்.

மனைவி ஆர்த்தியுடன் விஜயகாந்துக்கு அஞ்சலி செலுத்திய சிவகார்த்திகேயன்

நடிகரும் தேமுதிக தலைவருமான விஜயகாந்த் இல்லத்திற்கு மனைவி ஆர்த்தியுடன் சென்று அஞ்சலி செலுத்தினார் சிவகார்த்திகேயன். பின்னர் விஜயகாந்தின் மனைவி பிரேமலதா, கேப்டனின் மகன்களுக்கு ஆறுதல் தெரிவித்தார்.

கபில் தேவ் பிறந்தநாள்!

லால் சலாம் படத்தில் கபில் தேவ் நடித்துள்ள நிலையில், அவரது பிறந்தநாளை முன்னிட்டு ரஜினிகாந்த் உடன் அவர் நடித்துள்ள லால் சலாம் காட்சி போஸ்டரை வெளியிட்டு படக்குழு வாழ்த்து தெரிவித்துள்ளது.

சிவராஜ்குமார் அஞ்சலி

மறைந்த கேப்டன் விஜயகாந்த் இல்லத்துக்கு சென்று கன்னட நடிகர் சிவராஜ்குமார் அஞ்சலி செலுத்தியுள்ளார். தேமுதிக தலைவர் பிரேமலதா மற்றும் விஜயகாந்தின் மகன்களை சந்தித்து ஆறுதல் கூறினார்.

பிரபல ஹாலிவுட் நடிகர் மரணம்

பிரபல ஹாலிவுட் நடிகர் கிறிஸ்டியன் ஆலிவர் தனது 2 மகள்களுடன் விமானத்தில் பயணம் செய்து கொண்டிருந்தபோது ஏற்பட்ட விபத்தில் மரணம் அடைந்துள்ளது பெரும் அதிர்ச்சியை ஏற்படுத்தி உள்ளது.

இசைப்புயல், ஆஸ்கர் நாயகன் ஏஆர் ரஹ்மான் இன்று தனது 57வது பிறந்தநாளை கொண்டாடுகிறார். இதனையடுத்து அவருக்கு திரை பிரபலங்கள், ரசிகர்கள் பிறந்தநாள் வாழ்த்துகளை தெரிவித்து வருகின்றனர்.

ஞாயிற்றுக்கிழமை துவங்கும் அஜித் பட சூட்டிங்!

நடிகர் அஜித், திரிஷா, அர்ஜூன் உள்ளிட்டவர்கள் லீட் கேரக்டர்களில் நடித்துவரும் விடாமுயற்சி படத்தின் சூட்டிங், புத்தாண்டு கொண்டாட்டங்களுக்காக சில நாட்கள் இடைவெளி விடப்பட்ட நிலையில் வரும் ஞாயிற்றுக்கிழமை முதல் படத்தின் சூட்டிங் மீண்டும் துவங்கவுள்ளதாக தெரிவிக்கப்பட்டுள்ளது. அஜித், திரிஷாவும் இந்த சூட்டிங்கில் பங்கேற்கவுள்ளனர்.

வெளியானது அயலான் பட ட்ரெயிலர்!

நடிகர் சிவகார்த்திகேயனின் அயலான் படம் பொங்கலையொட்டி வரும் 12ம் தேதி ரிலீசாகவுள்ளது. இந்நிலையில் அயலான் படத்தின் ட்ரெயிலர் தற்போது வெளியாகியுள்ளது. ரசிகர்களை கவரும் தொழில்நுட்பங்களுடன் படம் உருவாகியுள்ளதை இந்த ட்ரெயிலர் காட்டுகிறது. இந்த ட்ரெயிலரை சிவகார்த்திகேயன் தனது ட்விட்டர் பக்க்ததில் வெளியிட்டுள்ளார்.

சிங்கப்பூர் சலூன் ரிலீஸ் தேதி அறிவிப்பு!

இயக்குநர் கோகுல் இயக்கத்தில் ஆர்.ஜே. பாலாஜி, சத்யராஜ் மற்றும் லால் நடிப்பில் உருவாகி உள்ள சிங்கப்பூர் சலூன் திரைப்படம் வரும் ஜனவரி 25ம் தேதி வெளியாகிறது.

கேப்டன் மில்லர் டிரெய்லர் எப்போ தெரியுமா?

தனுஷ் நடிப்பில் உருவாகி உள்ள கேப்டன் மில்லர் படத்தின் டிரெய்லர் நாளை மாலை வெளியாகும் என நடிகர் தனுஷ் தற்போது அறிவித்துள்ளார். இன்று இரவு அயலான் டிரெய்லர் வெளியாகும் நிலையில், கேப்டன் மில்லர் டிரெய்லர் நாளை வெளியாகிறது. அருண் மாதேஸ்வரன் இயக்கத்தில் தனுஷ், சிவராஜ்குமார் மற்றும் பிரியங்கா மோகன் உள்ளிட்டோர் நடித்துள்ளனர்.

அயலான் டிரெய்லர் ரிலீஸ் நேரம்!

ரவிக்குமார் இயக்கத்தில் சிவகார்த்திகேயன், ரகுல் ப்ரீத் சிங் நடிப்பில் உருவாகி உள்ள அயலான் படத்தின் டிரெய்லர் இன்று இரவு 8.07 மணிக்கு வெளியாகும் என சிவகார்த்திகேயன் அறிவிப்பு.

விஜயகாந்த் நினைவிடத்தில் ஐஸ்வர்யா ராஜேஷ் அஞ்சலி

பாண்டிச்சேரியில் இருந்து சென்னை திரும்பிய நிலையில், விஜயகாந்த் நினைவிடத்திற்கு வந்த ஐஸ்வர்யா ராஜேஷ் அஞ்சலி செலுத்தி உள்ளார். நேற்று கடை திறப்பு விழாவில் அவர் கலந்து கொண்ட போது செய்தியாளர்கள் விஜயகாந்த் பற்றி கேட்டதற்கு, கும்பிடு போட்டு வேற ஏதாவது பேசலாமே என்று சொன்னது ட்ரோல் செய்யப்பட்ட நிலையில், தற்போது அஞ்சலி செலுத்தி உள்ளார்.

யாத்ரா 2 டீசர் வெளியானது

ஆந்திர முதலமைச்சர் ஜெகன் மோகன் ரெட்டியின் வாழ்க்கை வரலாறான யாத்ரா 2 படத்தின் டீசர் வெளியானது. இதில் ஜெகன் மோகன் ரெட்டியாக ஜீவாவும், ராஜசேகர் ரெட்டியாக மம்மூட்டியும் நடித்திருக்கின்றனர்

”அண்ணனைப் போல யாரும் இல்லை..” விஜயகாந்த் நினைவிடத்தில் சூர்யா அஞ்சலி

மறைந்த விஜயகாந்த் நினைவிடத்தில் நடிகர் சூர்யா அஞ்சலி செலுத்தினார். அதன் பின்னர் பேட்டிக் கொடுத்த சூர்யா, “அண்ணனைப் போல யாரும் இல்லை, இறுதியாக அவரின் முகத்தை பார்க்க முடியாதது எனக்கு ஈடு செய்ய முடியாத இழப்பு தான். எப்போதும் அவரின் நினைவு இருக்கும். அதேபோல் நடிகர் சங்க கட்டடத்திற்கு விஜயகாந்த் பெயர் சூட்டுவதற்கு எனக்கு சம்மதமே, நடிகர் சங்கத்தை மீட்டெடுத்ததில் அவருக்கு பெரும் பங்கு உண்டு” என தெரிவித்துள்ளார்.

கர்வத்திலிருந்து வெளியே வந்துவிட்டேன் - இளையராஜா

கர்வத்திலிருந்து நான் எப்போதோ வெளியே வந்துவிட்டேன். எனவே எந்த புகழும் பாராட்டும் எனக்கு ஒட்டாது. உண்மையில் அதுகுறித்த சிந்தனையே எனக்கு கிடையாது என இளையராஜா பேசியிருக்கிறார்.

இன்று பிறந்தநாள் கொண்டாடும் தீபிகா படுகோன்... பிரபலங்கள் வாழ்த்து

பாலிவுட் முன்னணி நடிகை தீபிகா படுகோன் இன்று தனது 38வது பிறந்தநாளை கொண்டாடுகிறார். இதனையடுத்து அவருக்கு ஏராளமான திரை பிரபலங்கள் வாழ்த்துத் தெரிவித்து வருகின்றனர்.

கர்நாடக சங்கீதத்தில் நான் கைதேர்ந்தவன் இல்லை. அதனால் இசைஞானி என்ற பட்டத்துக்கு நான் தகுதியானவனா என்பது பெரிய கேள்விக்குறிதான். ஆனால் மக்கள் என்னை இசைஞானி என அழைக்கிறார்கள். அதற்கு நான் வணங்குகிறேன். அதனால் எனக்கு எந்த கர்வமும் கிடையாது என இசையமைப்பாளர் இளையராஜா தெரிவித்திருக்கிறார்.

கர்நாடக சங்கீதத்தில் நான் கைதேர்ந்தவன் இல்லை. அதனால் இசைஞானி என்ற பட்டத்துக்கு நான் தகுதியானவனா என்பது பெரிய கேள்விக்குறிதான். ஆனால் மக்கள் என்னை இசைஞானி என அழைக்கிறார்கள். அதற்கு நான் வணங்குகிறேன். அதனால் எனக்கு எந்த கர்வமும் கிடையாது என இசையமைப்பாளர் இளையராஜா தெரிவித்திருக்கிறார்.

விஜயகாந்த் சமாதியில் அருண் விஜய் அஞ்சலி!

நடிகரும் தேமுதிக நிறுவனருமான விஜயகாந்த் சமீபத்தில் உயிரிழந்ததை தொடர்ந்து அவரது மறைவிற்கு நேரில் அஞ்சலி செலுத்த முடியாத பிரபலங்கள் தற்போது அவரது சமாதியில் அஞ்சலி செலுத்தி வருகின்றனர். இந்நிலையில் தற்போது விஜயகாந்த் சமாதியில் அஞ்சலி செலுத்திய அருண் விஜய், விஜயகாந்த் வழியில் தன்னுடைய படங்களில் அனைவருக்கும் ஒரே மாதிரியான சாப்பாடு வழங்கப்படும் என்று உறுதியளித்துள்ளார்.

காதல் தி கோர் ஓடிடி ரிலீஸ்!

ஜோ பேபி இயக்கத்தில் மம்மூட்டி, ஜோதிகா நடித்த காதல் தி கோர் திரைப்படம் இன்று இரவு முதல் அமேசான் பிரைம் ஓடிடியில் ரிலீஸ் என மம்மூட்டி அறிவித்துள்ளார்.

அக்ஷயா, ஜோவிகாவுடன் ஊர் சுற்ற கிளம்பிய சரவண விக்ரம்!

பிக்பாஸ் 7 போட்டியில் துவக்க போட்டியாளராக பங்கேற்ற சின்னத்திரை நடிகர் சரவண விக்ரம் எலிமினேட் ஆன நிலையில், தற்போது நிகழ்ச்சியில் இருந்து முன்னதாக எலிமினேட் ஆன சக போட்டியாளர்களை அவர் சந்தித்துள்ளார். அந்த வகையில் ஜோவிகா, அக்ஷயா, நிக்சன், அனன்யா உள்ளிட்டவர்கள் அவர் சந்தித்த புகைப்படங்களை இன்ஸ்டாகிராமில் பகிர்ந்துள்ளார்.

முதல்ல பிடிச்சுது.. இப்ப எரியுதா.. விசித்ராவை கேள்வி கேட்ட அர்ச்சனா!

பிக்பாஸ் நிகழ்ச்சியின் 7வது சீசன் கடந்த அக்டோபர் மாதத்தில் துவங்கப்பட்டு இன்றைய தினம் 95வது நாளில் என்ட்ரியாகியுள்ளது. இதையொட்டி வெளியான பிரமோக்களில் அர்ச்சனா மற்றும் விசித்ரா மோதிக் கொண்டதை பார்க்க முடிந்தது. அவரது நடவடிக்கைகள் குறித்து விசித்ரா கேள்வி கேட்க, முதலில் பிடித்த தன்னுடைய நடிவடிக்கைகள் இப்போது கடுப்பை ஏற்படுத்தியுள்ளதா என்று அர்ச்சனா கேள்வி எழுப்பியதை தற்போது வெளியான பிரமோவில் பார்க்க முடிந்தது.

எம்கே தியாகராஜ பாகவதர் மகள் காலமானார்!

தமிழ் சினிமாவில் முதல் சூப்பர்ஸ்டாராக வலம்வந்தவர் எம்கே தியாகராஜ பாகவதர். இவரது நடிப்பு மட்டுமில்லாமல் குரல் வளமும் ரசிகர்களை கட்டிப் போட்டது. இந்நிலையில் இவரது மகள் சுசீலா வயது மூப்பு காரணமாக சென்னையில் காலமானார். அவருக்கு வயது 89.

GOAT படத்தில் இணைந்த அஜித் பட நாயகி

வெங்கட் பிரபு இயக்கத்தில் விஜய் நடித்துவரும் The Greatest Of All Time (GOAT) படத்தில் நடிகை பார்வதி நாயர் இணைந்திருப்பதாக தகவல் வெளியாகியிருக்கிறது. இவர் அஜித் நடித்த என்னை அறிந்தால் படத்தில் நடித்தவர் என்பது குறிப்பிடத்தக்கது.

சூப்பர் ஸ்டார் ரஜினியை சந்தித்த இயக்குநர் லிங்குசாமி

“இனி மொத்த வித்தையும் காட்டிட வேண்டியது தான்..” சூப்பர் ஸ்டார் ரஜினியை இயக்குநர் லிங்குசாமி சந்தித்த புகைப்படம் ட்ரெண்டாகி வருகிறது. இதனால் தலைவர் 172 படத்தை லிங்குசாமி இயக்கலாம் என எதிர்பார்க்கப்படுகிறது.

ரசிகர் எடுத்த வீடியோ.. டென்ஷனான அஜித்குமார்

விடாமுயற்சி படத்தின் ஷூட்டிங்கிலிருந்து குட்டி பிரேக் எடுத்திருக்கும் அஜித்குமார் தனது குடும்பத்தாருடன் நேரத்தை செலவழித்துவருகிறார். இந்த சூழலில் துபாயில் ரசிகர் ஒருவர் தன்னை வீடியோ எடுத்ததை பார்த்த அஜித் அந்த ரசிகரிடம் மொபைலை வாங்கி அதனை டெலிட் செய்த வீடியோ இணையத்தில் தீயாக பரவிவருகிறது.

முதலமைச்சர் ஆகியிருக்க வேண்டியவர் விஜயகாந்த் - சிவகுமார் உருக்கம்!

மகன் கார்த்தி உடன் விஜயகாந்த் நினைவிடத்திற்கு வந்து அஞ்சலி செலுத்திய மூத்த நடிகர் சிவகுமார், “எம்ஜிஆர் போல சினிமாவிலும், அரசியலிலும் மிகப்பெரிய ஆளுமையாக மாறியவர் விஜயகாந்த். நடிகர்களுக்கும் மக்களுக்கும் வாரி வாரி வழங்கிய கொடையுள்ளம் கொண்டவர். முதலமைச்சர் ஆகியிருக்க வேண்டியவர், துரதிர்ஷ்டவசமாக நம்மை எல்லாம் விட்டு பிரிந்து சென்று விட்டார். இந்த மண் இருக்கும் வரை மக்கள் மனதில் மறையாமல் இருப்பார் விஜயகாந்த்” என புகழஞ்சலி செலுத்தி உள்ளார்.

விஜயகாந்த் இரங்கல் கூட்டம்

மறைந்த நடிகரும் தேமுதிக நிறுவன்ருமான கேப்டன் விஜயகாந்த் இரங்கல் கூட்டம் வரும் ஜனவரி 19ம் தேதி நடைபெறும் என நடிகர் சங்கம் சார்பாக கார்த்தி அறிவித்துள்ளார்; விஜயகாந்த் மறைவுக்கு வரமுடியாத சூழலில் இருந்த நடிகர் கார்த்தி தற்போது விஜயகாந்த் நினைவிடத்தில் அஞ்சலி செலுத்தி விட்டு இந்த அறிவிப்பை வெளியிட்டுள்ளார். நடிகர் சூர்யாவும் நேற்று சென்னை திரும்பிய நிலையில், அவரும் அஞ்சலி செலுத்த வருவார் என்று தெரிகிறது.

கேப்டன் மில்லர் ஆடியோ லான்ச்சில் தனுஷ் வேதனை

கேப்டன் மில்லர் படத்தின் ஆடியோ லான்ச் நேற்று நடைபெற்றது. அதில் பேசிய தனுஷ், ‘எது பேசினாலும் செய்தாலும் அது நன்றாகவே இருந்தாலும் அதை குறை சொல்வதற்கு ஒரு கூட்டம் சுற்றிக்கொண்டே இருக்கிறது’ என வேதனை ப்பட்டார்.

கேப்டன் மில்லர் இசை வெளியீட்டு விழாவில் விஜயகாந்துக்கு அஞ்சலி

தனுஷின் கேப்டன் மில்லர் இசை வெளியீட்டு விழாவில் கேப்டன் விஜயகாந்துக்கு அஞ்சலி செலுத்தப்பட்டது. விஜயகாந்துக்கு தனுஷ் நேரில் சென்று அஞ்சலி செலுத்தவில்லை என்பது குறிப்பிடத்தக்கது.

மகன்களுக்கு நடுவில் கெத்தாக அமர்ந்திருக்கும் தனுஷ்

கேப்டன் மில்லர் இசை வெளியீட்டு விழாவில் பங்கேற்றுள்ள தனுஷ், தனது மகன்கள் யாத்ரா, லிங்கா நடுவில் கெத்தாக அமர்ந்திருக்கும் போட்டோ ட்ரெண்டாகி வருகிறது.

கெத்தாக என்ட்ரி கொடுத்த கன்னட சூப்பர் ஸ்டார்

கேப்டன் மில்லர் இசை வெளியீட்டு விழாவுக்கு கன்னட சூப்பர் ஸ்டார் சிவராஜ்குமார் வருகை தந்துள்ளார். ரஜினியின் ஜெயிலர் படம் மூலம் கோலிவுட் ரசிகர்களிடம் பிரபலமான சிவராஜ்குமார் நேரு ஸ்டேடியத்தை அதிர வைத்த வீடியோ ட்ரெண்டாகி வருகிறது,

தொடங்கியது கேப்டன் மில்லர் இசை வெளியீட்டு விழா... மகன்களுடன் ஆஜரான தனுஷ்

கேப்டன் மில்லர் இசை வெளியீட்டு விழா சென்னை நேரு ஸ்டேடியத்தில் தொடங்கியது. இதில் தனுஷ் தனது மகன்கள் யாத்ரா, லிங்கா ஆகியோருடன் கலந்துகொண்ட வீடியோ டிவிட்டரில் ட்ரெண்டாகி வருகிறது.

கேப்டன் மில்லர் ஆடியோ லான்ச் நிகழ்ச்சிக்கு வருகை தந்த ப்ரியங்கா மோகன்

தனுஷின் கேப்டன் மில்லர் இசை வெளியீட்டு விழாவுக்கு நாயகி ப்ரியங்கா மோகன் வருகை தந்தார். இயக்குநர் அருண் மாதேஸ்வரன், தயாரிப்பாளர் ஆகியோரை தொடர்ந்து ப்ரியங்கா மோகனும் நேரு ஸ்டேடியத்தில் என்ட்ரியானார்.

கேப்டன் மில்லர் இசை வெளியீட்டு விழா... இயக்குநர் அருண் மாதேஸ்வரன் வருகை

தனுஷின் கேப்டன் மில்லர் இசை வெளியீட்டு விழா சென்னை நேரு ஸ்டேடியத்தில் தொடங்கியது. இதில் பங்கேற்க இயக்குநர் அருண் மாதேஸ்வரன் வருகை தந்த வீடியோ ட்ரெண்டாகி வருகிறது.

கேப்டன் மில்லர் இசை வெளியீட்டு விழாவுக்கு ரெடியான தனுஷ் ரசிகர்கள்

தனுஷின் கேப்டன் மில்லர் படத்தின் இசை வெளியீட்டு விழா இன்று மாலை 6 மணிக்கு தொடங்குகிறது. இதனையடுத்து தனுஷ் ரசிகர்கள் நேரு ஸ்டேடியத்துக்கு வருகை தந்துகொண்டிருக்கின்றனர். இதனிடையே கேப்டன் மில்லர் இசை வெளியீட்டு விழாவுக்காக ஸ்டேஜ் ரெடியாகும் வீடியோவை படக்குழு வெளியிட்டுள்ளது.

விஜய்யை தொடர்ந்து பிரசாந்த் உதவி!

தூத்துக்குடி மற்றும் திருநெல்வேலியில் மழையால் பாதிக்கப்பட்ட மக்களுக்கு சமீபத்தில் நடிகர் விஜய், டி. ராஜேந்தர் உள்ளிட்டோ நிவாரண பொருட்களை வழங்கினர். இந்நிலையில், இன்று நடிகர் பிரசாந்த் 1000 பேருக்கு நலத்திட்ட உதவிகளை வழங்கி உள்ளார்.

விஜயகாந்த் நினைவிடத்தில் சரத்குமார் மலர் தூவி அஞ்சலி!

விஜயகாந்த் நினைவிடத்தில் நடிகரும், சமத்துவ மக்கள் கட்சி தலைவருமான சரத்குமார் மலர் தூவி கண்ணீர் அஞ்சலி செலுத்தினார்.

சூரியின் கருடன் படப்பிடிப்பு நிறைவு!

துரை செந்தில்குமார் இயக்கத்தில் சூரி, சசிகுமார், சமுத்திரகனி நடிப்பில் உருவாகி வரும் கருடன் படத்தின் படப்பிடிப்பு நிறைவடைந்துள்ளதாக சமுத்திரகனி பதிவிட்டுள்ளார். மார்ச் மாதம் இந்த படம் திரைக்கு வரும் என எதிர்பார்க்கப்படுகிறது.

அயலான் ட்ரெய்லர் ரிலீஸ் அப்டேட்

சிவகார்த்திகேயன் நடிப்பில் வெளியாகவிருக்கும் அயலான் திரைப்படத்தின் ட்ரெய்லர் ஜனவரி 5ஆம் தேதி வெளியாகும் என அறிவிக்கப்பட்டுள்ளது.

அஜித் மகள் பிறந்தநாள்!

நடிகர் அஜித் குமாரின் மகள் அனோஷ்கா அஜித் இன்று தனது பிறந்தநாளை கொண்டாடி வருகிறார். துபாயில் குடும்பத்துடன் தனது மகளின் பிறந்தநாளை நடிகர் அஜித் கொண்டாடி வருகிறார்.

வாழை படத்தின் கதை இதுவா? மாரி செல்வராஜ் இயக்கத்தில் உருவாகியிருக்கும் வாழை படம் அவரது வாழ்க்கையில் நடந்த சம்பவத்தை வைத்தே உருவாக்கப்பட்டிருப்பதாக புதிய தகவல்கள் வெளியாகியிருக்கின்றன.

தலனு கூப்பிட்ட ரசிகர்கள்.. அஜித்தின் ரியாக்‌ஷன்

துபாயில் அஜித்குமார் தனது குடும்பத்தாருடன் சொகுசு படகு ஒன்றில் சென்றுகொண்டிருந்தார். அப்போது அங்கிருந்த தமிழ் ரசிகர்கள் அஜித்தை பார்த்து தல என்று கூப்பிட்டார்கள். உடனே அவர்களை பார்த்து அஜித்குமார் கை அசைத்த வீடியோ ட்ரெண்டாகியுள்ளது.

ஏழு கடல் ஏழு மலை க்ளிம்ப்ஸ்

ராம் இயக்கத்தில் நிவின் பாலி, அஞ்சலி, சூரி உள்ளிட்டோர் நடித்திருக்கும் ஏழு கடல் ஏழு மலை படத்தின் க்ளிம்ப்ஸ் காட்சி வெளியாகி ரசிகர்களிடையே வரவேற்பை பெற்றிருக்கிறது.

புஷ்பா 2 ரிலீஸ் எப்போ?

அல்லு அர்ஜுன், ராஷ்மிகா மந்தனா, பகத் ஃபாசில் நடிப்பில் உருவாகி வரும் புஷ்பா 2 திரைப்படம் தள்ளிப்போகாது என்றும் சொன்ன படி ஆகஸ்ட் 15, 2024ல் வெளியாகும் என தகவல்கள் வெளியாகி உள்ளன.

ஒரு நிமிடத்தில் 5 லட்சம் இழந்த அஞ்சலி பாட்டீல்

காலா திரைப்படத்தில் புயல் என்ற கதாபாத்திரத்தில் நடித்த அஞ்சலி பாட்டீலிடம் அடையாளம் தெரியாத கும்பல் ஒன்று தாங்கள் சுங்கத்துறை அதிகாரிகள் என்று கூறி ஒரே நிமிடத்தில் 5 லட்சம் ரூபாயை ஏமாற்றி பறித்திருக்கிறது. அதாவது, அஞ்சலியை தொடர்பு கொண்ட அவர்கள் , உங்கள் வங்கி கணக்கில் சட்டவிரோதமான பண பரிமாற்றம் நடந்திருக்கிறது. மேலும் உங்களது பெயரில் வெளிநாட்டிலிருந்து வந்த பார்சலில் போதை பொருள் இருப்பதாக கூறி பணத்தை பறித்திருக்கிறது அந்த கும்பல். இதனையடுத்து காவல் துறையில் அஞ்சலி புகார் அளித்திருக்கிறார்.

பிரதீப் ரங்கநாதனை நெருக்கும் தயாரிப்பு நிறுவனம்?

லவ் டுடே படத்தின் மூலம் சென்சேஷனல் ஆகியிருக்கிறார் பிரதீப் ரங்கநாதன். அந்தப் படத்துக்கு பிறகு நடிப்பிலும் பிஸியாகியிருக்கும் அவர் இப்போது விக்னேஷ் சிவன் இயக்கத்தில் எல்ஐசி படத்தில் கமிட்டாகியிருக்கிறார். ஆனால் லவ் டுடே படத்தின் சமயத்திலேயே இன்னொரு படத்தை வேறு ஒரு ஹீரோவை வைத்து இயக்கி தர ஏஜிஎஸ் நிறுவனத்திடம் ஒத்துக்கொண்டதாகவும்; ஆனால் படம் இயக்கவில்லை என்றும் கூறப்படுகிறது. அதனால் அந்தப் படத்தை விரைவில் இயக்கிக்கொடுக்கும்படி பிரதீப் ரங்கநாதனுக்கு ஏஜிஎஸ் நிறுவனம் நெருக்கடி கொடுக்க ஆரம்பித்திருப்பதாக தகவல்கள் தெரிவிக்கின்றன.

ஏழு கடல் ஏழு மலை க்ளிம்ப்ஸ் எப்போது?.. வெளியானது அப்டேட்

ராம் இயக்கத்தில் நிவின் பாலி, அஞ்சலி உள்ளிட்டோர் நடித்திருக்கும் ஏழு கடல் ஏழு மலை படத்தின் க்ளிம்ப்ஸ் இன்று மாலை 5.01 மணிக்கு வெளியாகும் என அறிவிக்கப்பட்டிருக்கிறது.

கீர்த்தி சுரேஷ் ட்வீட்!

சுமன் குமார் இயக்கத்தில் கீர்த்தி சுரேஷ் நடித்த ரகு தாத்தா படம் விரைவில் வெளியாக உள்ளதாக ப்ரோமோவை கீர்த்தி சுரேஷ் வெளியிட்டுள்ளார்.

ஐஸ்வர்யா ரஜினிகாந்த் இன்று தனது 42வது பிறந்த நாளை கொண்டாடி வருகிறார். அவருக்கு ரசிகர்கள் மற்றும் நண்பர்கள் இணையத்தின் வழியாக பிறந்த நாள் வாழ்த்து கூறி வருகின்றனர்

எ வெங்கட் பிரபு ஹீரோ!

இயக்குநர் வெங்கட் பிரபு தனது படங்களுக்கு ஒரு பைலைன் பயன்படுத்துவது வழக்கம். அது ரொம்பவே யூனிக்காக இருக்கும். விஜய்யை வைத்து எடுத்துள்ள இந்த படத்துக்கு A Venkat Prabhu Hero என போட்டுள்ளார்.

நடிகர் விஜய் நடிப்பில் வெங்கட் பிரபு இயக்கத்தில் உருவாகி வரும் தளபதி 68 படத்துக்கு The Greatest of All Time என டைட்டில் வைக்கப்பட்டுள்ளது.

வெங்கட் பிரபு இப்பவே வெறியாகிட்டாரு!

தளபதி 68 படத்தின் தலைப்பு மற்றும் ஃபர்ஸ்ட் லுக் இன்று மாலை 6 மணிக்கு புத்தாண்டு கொண்டாட்டமாக வெளியாகிறது. G.O.A.T என டைட்டில் வைக்கப்பட்டதாக தகவல்கள் கசிந்த நிலையில், விமானத்தை பறக்க விட்டுள்ள வெங்கட் பிரபு என்ன செய்ய காத்திருக்கிறார் என்பதை வெயிட் பண்ணி பார்ப்போம்.

விசித்ராவை வறுத்தெடுத்த கமல்.. பிக்பாஸ் 7 நிகழ்ச்சியில் சுவாரஸ்யம்!

பிக்பாஸ் 7 நிகழ்ச்சி தற்போது இறுதிக்கட்டத்தை எட்டியுள்ளது. இன்றைய தினம் நிகழ்ச்சி 91வது நாளில் என்ட்ரி கொடுத்துள்ள நிலையில் வாரயிறுதி எபிசோடான இன்றைய தினத்தின் அடுத்தடுத்த பிரமோக்கள் வெளியாகியுள்ளன. இதில் தினேஷின் சொந்த வாழ்க்கை குறித்து கடந்த சில தினங்களுக்கு முன்பு பேசிய விசித்ராவிடம் கமல் கோபத்துடன் கேள்வி எழுப்பியதை பார்க்க முடிந்தது.

இன்று மாலை 6 மணிக்கு தளபதி 68 ஃபர்ஸ்ட் லுக்

விஜய்யின் தளபதி 68 ஃபர்ஸ்ட் லுக் போஸ்டர் இன்று மாலை 6 மணிக்கு வெளியாகும் என வெங்கட் பிரபு ட்வீட் செய்துள்ளார். இதனால் விஜய் ரசிகர்கள் உற்சாகத்தில் உள்ளனர்.

ஞானவேல் இயக்கத்தில் உருவாகி வரும் வேட்டையன் படத்தில் போலீஸ் அதிகாரியாக ரஜினிகாந்த் நடித்து வருகிறார். அவர் அருகே பகத் ஃபாசில் நின்றுக் கொண்டிருக்கும் காட்சி படமாக்கப்பட்டு வரும் நிலையில், அதன் ஷூட்டிங் வீடியோவை ரசிகர் ஒருவர் செல்போன் மூலம் படமெடுத்து இணையத்தில் லீக் செய்துள்ளார்.

பிரிட்டிஷ் நடிகர் டாம் வில்கின்சன் காலமானார்

இரண்டு முறை ஆஸ்கார் விருதுக்கு பரிந்துரைக்கப்பட்ட பிரிட்டிஷ் நடிகர் டாம் வில்கின்சன் நேற்று காலமானார். அவருக்கு வயது 75.

நடிகர் விஜய் கலந்து கொண்ட நிகழ்ச்சியில் தள்ளுமுள்ளு.. 6 பேர் காயம்!

நெல்லையில் நேற்று 1500 பேருக்கு நிவாரணப் பொருட்களை நடிகர் விஜய் வழங்கிவிட்டு புறப்பட்ட போது, வெளியில் கூடியிருந்த மக்கள் அவருடன் புகைப்படம் எடுக்க முண்டியடித்ததால் தள்ளுமுள்ளு ஏற்பட்டது. இதில், கூட்ட நெரிசலில் சிக்கி 2 பெண்கள் உட்பட 6 காயமடைந்தனர்.

சமந்தாவின் ஆண்டு இறுதி வொர்க்அவுட் வீடியோ நடிகை சமந்தா அடுத்தடுத்த முன்னணி ஹீரோக்களுடன் நடித்துவந்த நிலையில் தற்போது தன்னுடைய நோய்க்காக சிகிச்சை எடுத்து வருகிறார். தன்னுடைய பிட்னசில் மிகுந்த கவனம் கொண்ட சமந்தா, தற்போது இந்த ஆண்டிற்கான இறுதி பிட்னஸ் வீடியோவை பகிர்ந்துள்ளார்.

25 நாளை பூர்த்தி செய்த கான்ஜூரிங் கண்ணப்பன்.. சதீஷ் மாஸ்டர் பிளான்! நடிகர் சதீஷ் உள்ளிட்டவர்கள் லீட் கேரக்டர்களில் நடித்து வெளியான கான்ஜூரிங் கண்ணப்பன் படம் திரையரங்குகளில் 25 நாளை வெற்றிகரமாக எட்டியுள்ளது. இதுகுறித்து மகிழ்ச்சி தெரிவித்து சதீஷ் வீடியோ வெளியிட்டுள்ளார். மேலும் நாளைய தினம் ரசிகர்களுடன் இணைந்து திரையரங்கில் படத்தை பார்க்கவுள்ளதாகவும் தெரிவித்துள்ளார்.

ரசிகர்களை அதிகமாக கவர்ந்த அஜித் -திரிஷா புகைப்படம்!

நடிகர் அஜித், திரிஷா கூட்டணியில் உருவாகிவரும் விடாமுயற்சி படத்தின் சூட்டிங் அசர்பைஜானில் நடந்து வருகிறது. இந்தப் படத்தை மகிழ் திருமேனி இயக்கிவரும் சூழலில் சூட்டிங் ஸ்பாட்டில் அஜித் -திரிஷா எடுத்துக் கொண்ட புகைப்படம் தற்போது சமூகவலைதளங்களில் வெளியாகி ரசிகர்களை வெகுவாக கவர்ந்துள்ளது.

2023ல் வெளியான நல்ல படங்களின் பட்டியலை வெளியிட்ட ப்ளூ சட்டை மாறன்!

இயக்குநரும் சினிமா விமர்சகருமான ப்ளூ சட்டை மாறன் இந்த ஆண்டு வெளியான சிறப்பான மற்றும் சராசரி வரவேற்பு பெற்ற படங்களின் பட்டிலை வெளியிட்டுள்ளார். இந்த ஆண்டில் 400க்கும் மேற்பட்ட படங்கள் வெளியாகியுள்ளதாகவும் அவர் கூறியுள்ளார்.

திடீரென மயங்கிய டி. ராஜேந்தர்

நடிகர் விஜய் நெல்லையில் இன்று நிவாரண பணிகளை வழங்கியது போல தூத்துக்குடியில் மழை வெள்ளத்தால் பாதிக்கப்பட்ட மக்களுக்கு நிவாரண உதவிகளை வழங்க வந்தார். அப்போது திடீரென மயக்கம் போட்டு விழ பார்த்த நிலையில், அவரை நாற்காலியில் அமர வைத்து தண்ணீர் தெளித்து அங்கிருந்தவர்கள் காற்று வருவது போல விசிறிவிட்டு ஆசுவாசப்படுத்தினர். அதன் பின்னர் மயக்கத்தில் இருந்து தெளிந்து விட்டார்.

போட்டியாளர்கள் நேர்மை குறித்து கமல் கேட்ட கேள்வி

பிக்பாஸ் 7 நிகழ்ச்சி இன்றைய தினம் 90வது நாளில் என்ட்ரி ஆகியுள்ளது. இதற்கான அடுத்தடுத்த பிரமோக்கள் வெளியாகியுள்ளன. இதில் முதல் பிரமோவில் நடிகர் விஜயகாந்தின் மறைவு குறித்து பேசிய கமல்ஹாசன், இரண்டாவது பிரமோவில் ஹவுஸ்மேட்சின் நேர்மை குறித்து கேள்வி எழுப்பினார்.

பேசாமல் புறப்பட்டுச்சென்ற விஜய்!

நெல்லை மக்களுக்கு நிவாரண உதவிகளை செய்த நடிகர் விஜய் மேடையேறி எதுவும் பேசாமல் மக்களுக்கு கையசைத்தவாறே நன்றி சொல்லி விட்டு புறப்பட்டுச் சென்றார்

அரிசி, காய்கறிகளை வழங்கிய விஜய்! நெல்லை மக்கள் சமீபத்தில் வெள்ளத்தால் பாதிக்கப்பட்ட நிலையில், அவர்களுக்கு நிவாரண பொருட்களை நடிகர் விஜய் வழங்கினார். அரிசி, காய்கறிகள் மற்றும் அத்தியாவசிய பொருட்களை வழங்கி வருகிறார். ஆண்கள், பெண்கள் என பலரும் விஜய் கைகளால் நிவாரணப் பொருட்களை வாங்கிய சந்தோஷத்தில் சிலர் அவருடன் செல்ஃபி எடுத்தும் மகிழ்கின்றனர்.

டிரெண்டாகும் ஹாஷ்டேக்!

#NellaiWelcomesTHALAPATHY ஹாஷ்டேக் போட்டு விஜய் ரசிகர்கள் டிரெண்ட் செய்து வருகின்றனர்.

அயலான் 2 குறித்து பேசிய இயக்குநர் ரவிக்குமார்!

நடிகர் சிவகார்த்திகேயனின் அயலான் படத்தை இயக்கி முடித்துள்ளார் ரவிக்குமார். பொங்கல் ரிலீசாக வெளியாகவுள்ள இந்தப் படத்தின் பிரமோஷன்களில் பங்கேற்ற ரவிக்குமார் அயலான் 2 படம் குறித்து பேசியுள்ளார். அதிகமான பட்ஜெட்டில் இந்தப் படம் உருவாகும் என்று கூறியுள்ளார்.

நிவாரண உதவி வழங்கும் விஜய்

மேடைக்கு மக்களை வரவழைத்து நிவாரண உதவிகளை விஜய் வழங்காமல், மக்களை இருக்கைகளில் அமர வைத்து அந்த இடத்திற்கே சென்று ஒவ்வொருவரிடமும் நலம் விசாரித்து நிவாரண உதவிகளை வழங்கி வருகிறார்.

வெள்ளத்தால் பாதிக்கப்பட்ட மக்களை சந்தித்த விஜய்

500க்கும் மேற்பேட்டோருக்கு அரிசி, மளிகைப் பொருட்கள் அடங்கிய தொகுப்பை விஜய் வழங்கி வருகிறார்.

நிவாரண பொருட்கள் வழங்கினார் விஜய்

நெல்லை, தூத்துக்குடி மாவட்டத்தில் பெய்த வரலாறு காணாத மழையால் ஏற்பட்ட வெள்ளத்தில் பாதிக்கப்பட்ட 1500 குடும்பங்களுக்கு விஜய் தனது கையால் நிவாரண பொருட்களை வழங்கினார் விஜய். எந்த பெண்ணையும் நிற்க வேண்டாம் என சொல்லி அவர்களை அமர வைத்தே விஜய் கொடுத்தது வந்திருந்தவர்கள் மத்தியில் நெகிழ்ச்சியை ஏற்படுத்தியது.

செல்ஃபி எடுத்துக்கொண்ட விஜய்.. தளபதி க்யூட்

நெல்லை, தூத்துக்குடி மாவட்டத்தில் வெள்ளத்தால் பாதிக்கப்பட்ட மக்களுக்கு நிவாரண பொருட்கள் வழங்க வந்த விஜய்யிடம் சிறுவன் ஒருவன் செல்ஃபிக்கு போஸ் கேட்க எந்த முக சுளிப்பும் இல்லாமல் அந்த சிறுவனுடன் செல்ஃபி எடுத்துக்கொண்டார் விஜய்

500 குடும்பத்துக்கு நிவாரண உதவி.. விழா மேடைக்கு வந்த விஜய்

1500 குடும்பங்களுக்கு அரிசி உள்ளிட்ட நிவாரணப் பொருட்கள் அடங்கிய பையை நடிகர் விஜய் வழங்குகிறார். சைவ உணவு விருந்து அந்த மக்களுக்கு வழங்க உள்ளார்.

தூத்துக்குடி விமான நிலையத்துக்கு வந்த விஜய்

நெல்லையில் நடைபெறும் நலத்திட்ட நிகழ்ச்சியில் கலந்து கொள்ள தூத்துக்குடி விமான நிலையத்துக்கு வந்த விஜய் அங்கிருந்து விரைவில் நிகழ்ச்சியில் கலந்து கொள்ள உள்ளார். புஸ்ஸி ஆனந்த் நிகழ்ச்சி நடக்கும் இடத்தில் பொதுமக்களை அரங்கிற்குள் அமர வைத்துள்ளார். விஜய் வரும் போது யாரும் எழுந்து நிற்க வேண்டாம் என்றும் விஜய் உங்களை பார்க்கத்தான் வருகிறார் என்றும் அறிவுறுத்தி வருகிறார்.

பிரியங்கா சோப்ரா, பரினிதி சோப்ராவின் சிபாரிசு தேவையில்லை - மீரா சோப்ரா

தமிழில் எஸ்.ஜே.சூர்யா இயக்கத்தில் உருவான அன்பே ஆருயிரே படத்தின் மூலம் அறிமுகமான மீரா சோப்ரா என்கிற நிலா தனக்கு தனது சகோதரிகளான பிரியங்கா சோப்ரா மற்றும் பரினிதி சோப்ரா ஆகியோரின் சிபாரிசு தேவையில்லை என்று அதிரடியாக தெரிவித்திருக்கிறார்.

நெல்லையில் விஜய்!

சமீபத்தில் வெள்ளத்தால் பாதிக்கப்பட்ட நெல்லை மக்களுக்கு நடிகர் விஜய் இன்று நலத்திட்ட உதவிகளை வழங்க அங்கே வருகை தந்துள்ளார்.

கருத்து வேறுபாடு.. கணவரை பிரிந்த அயலான் பட நடிகை!

பாலிவுட்டில் பிரபலமான நடிகையான நடிகை இஷா கோபிகர். கருத்து வேறுபாடு காரணமான தனது கணவரை விவாகரத்து செய்துள்ளார். பலஆண்டுகளாக தமிழ் சினிமாவில் தென்படாத இவர், சிவகார்த்திகேயன் நடித்துள்ள அயலான் படத்தில் நடித்திருக்கிறார்.

இரண்டாவது இன்னிங்கை தொடங்கி இருக்கும் த்ரிஷா, 13 வருட நீண்ட இடைவெளிக்குப் பிறகு மீண்டும் பாலிவுட்டில் ரீ என்ட்ரி கொடுக்க இருக்கிறார். சல்மான் கானின் அடுத்தப்படமான ‘தி புல்’ என்ற படத்தில் அவருக்கு த்ரிஷா ஜோடியாக நடிக்க இருப்பதாக தகவல் வெளியாகி உள்ளது

சந்தன பேழையில் வைக்கப்பட்ட விஜயகாந்த் உடல்!

கேப்டன் விஜயகாந்தின் உடலுக்கு முழு அரசு மரியாதை செய்யப்பட்ட நிலையில் அவரது உடல் சந்தன பேழையில் வைக்கப்பட்டது. இந்த பேழை 50 கிலோ எடைகொண்ட சந்தனங்களால் பிரத்யேகமாக செய்யப்பட்டுள்ளதாக கூறப்பட்டுள்ளது.

விஜயகாந்த் உடல் நல்லடக்கம்

நடிகரும் தேமுதிக நிறுவனருமான விஜயகாந்தின் உடல் அரசு மரியாதையுடன் நல்லடக்கம் செய்யப்பட்டது. குடும்பத்தினர் மற்றும் அரசியல் தலைவர்கள், ரசிகர்கள், தொண்டர்கள் என பலரும் கண்ணீர் மல்க கேப்டனுக்கு பிரியா விடை கொடுத்தனர்.

சந்தன பேழையில் வைக்கப்பட்ட விஜயகாந்த் உடல்

நடிகர் விஜயகாந்தின் உடல் தீவுத்திடலில் இருந்து ஊர்வலமாக தேமுதிக அலுவலகம் கொண்டுவரப்பட்ட நிலையில் தற்போது அவரது உடல் சந்தனப் பேழையில் வைக்கப்பட்டுள்ளது. தொடர்ந்து அவரது உடலுக்கு பிரபலங்கள், அரசியல் கட்சி தலைவர்கள் அஞ்சலி செலுத்தி வருகின்றனர்

இறுதிச்சடங்கு ஆரம்பம்

அரசு மரியாதை செலுத்தப்பட்ட நிலையில், குடும்ப வழக்கப்படியான இறுதிச்சடங்குகளை விஜய பிரபாகரன் மற்றும் சண்முக பாண்டியன் ஆகிய இருவரும் செய்கின்றனர்.

விஜயகாந்த் இறுதி சடங்கு.. எல்.இ.டி திரையில் பார்த்து கதறிய தொண்டர்கள்

விஜயகாந்தின் இறுதிச்சடங்கை காண கோயம்பேடு தேமுதிக தலைமை அலுவலகத்திற்கு வெளியே எல்.இ.டி திரை அமைக்கப்பட்டுள்ளது.

72 குண்டுகள் முழங்க அரசு மரியாதை

தேமுதிக தலைவர் விஜயகாந்திற்கு 72 குண்டுகள் முழங்க அரசு மரியாதை செலுத்தப்பட்டது.

கேப்டன் விஜயகாந்துக்கு அரசு மரியாதை!

72 குண்டுகள் முழங்க அரசு மரியாதை செலுத்தப்பட்டது முதலமைச்சர் மு.க. ஸ்டாலின் மற்றும் அமைச்சர்கள் விஜயகாந்துக்கு இறுதி அஞ்சலி செலுத்தினர்

விஜயகாந்தின் இறுதிச்சடங்கில் முதல்வர் மரியாதை

விஜயகாந்தின் இறுதிச்சடங்கில் முதல்வர் முக ஸ்டாலின் மலர் வளையம் வைத்து இறுதி மரியாதையை செலுத்தினார்.

மக்கள் வெள்ளத்தில் மிதந்து தேமுதிக அலுவலகம் வந்த கருப்பு எம்ஜிஆர்

புரட்சிக் கலைஞர் விஜயகாந்தின் திருவுடல் தேமுதிக அலுவலகம் வந்தடைந்தது. அரசு சார்பில் இறுதி மரியாதை செலுத்தப்பட உள்ளது. பொதுமக்கள், தொண்டர்களுக்கு உள்ளே செல்ல அனுமதி மறுப்பு.

தந்தையின் இறுதி ஊர்வலத்தில்.. கைகளை கூப்பியபடி கதறி அழுத விஜய பிரபாகரன்!

கேப்டன் விஜயகாந்தின் உடல் தீவுத்திடலில் இருந்து ஈவெரா சாலை வழியாக கோயம்பேடு கொண்டு செல்லப்படுகிறது. அந்தப் பகுதியில் வாகனங்களுக்கு அனுமதி இல்லாததால்,போக்குவரத்து மாற்றம் செய்யப்பட்டுள்ளது. ஆயிரக்கணக்கான மக்கள் ஊர்வலத்தில் கலந்து கொண்டு விஜயகாந்திற்கு பிரியாவிடை கொடுத்து வருகின்றனர். தந்தையின் இறுதி ஊர்வலத்தில் கைகளை கூப்பியபடி கதறி அழுக்கொண்டே வருகிறார் விஜய பிரபாகரன்

அரசு பொது மருத்துவமனை நோயாளிகள் அஞ்சலி

சென்னை சென்ட்ரலில் உள்ள அரசு பொது மருத்துவமனையில் உள்ள நோயாளிகள், நோயாளிகளை காண வந்த உறவினர்கள் என அனைவரும் கண்ணாடி வழியாகவும், மருத்துவமனைக்கு வெளியேவும் வந்து விஜயகாந்த் உடலுக்கு அஞ்சலி செலுத்தி வருகின்றனர்.

மைக் பிடித்து பேசும் பிரேமலதா விஜயகாந்த்

மக்களை அமைதி காக்கவும், இறுதி ஊர்வலத்துக்கு ஒத்துழைப்பு கொடுத்து வழி விடவும் பிரேமலதா விஜயகாந்த் மைக் பிடித்து மக்களிடம் கோரிக்கை விடுத்துள்ளார்.

இன்ச் இன்ச்சாக நகரும் இறுதி ஊர்வலம்

மேம்பாலம் முழுவதும் மக்கள் வெள்ளம் சூழ்ந்திருப்பதால் விஜயகாந்தின் இறுதி ஊர்வலம் இன்ச் இன்ச்சாக நகர்ந்து வருகிறது.

விஜயகாந்த் இறுதி ஊர்வலம் தொடங்கியது

விஜயகாந்த் இறுதி ஊர்வலம் தொடங்கியது. வாகனத்தில் பிரேமலதா விஜயகாந்த், விஜயகாந்தின் மகன்களான விஜய பிரபாகரன் மற்றும் சண்முகப் பாண்டியன் கண்ணீர் சிந்தியபடியே கைகூப்பி மக்களை பார்த்து கண்கலங்கியபடியே செல்கின்றனர். கோயம்பேட்டில் உள்ள தேமுதிக அலுவலகம் முன் மக்கள் திரண்டனர்

விஜயகாந்தின் இறுதி ஊர்வலம் தொடங்கியது

சென்னை தீவுத்திடலில் இருந்து கோயம்பேட்டில் உள்ள கட்சி தலைமை அலுவலகத்திற்கு இறுதி ஊர்வலம் தொடங்கியது. கண்ணாடி பேழையில் வைக்கப்பட்டிருந்த விஜயகாந்தின் உடல் அலங்கரிக்கப்பட்ட வண்டியில் ஏற்றப்பட்டுள்ளது.

இயக்குநர் எஸ்ஏசியிடம் ஆவேசப்பட்ட விஜயகாந்த்! நடிகர் விஜய்யின் செந்தூர பாண்டி படத்தில் முக்கியமான கேரக்டரில் நடித்திருந்தார் விஜயகாந்த். இந்தப் படத்தில் அவர் சம்பளம் வாங்காமல் நடித்ததையடுத்து, அவரது வீட்டிற்கருகில் இருந்த தன்னுடைய நிலத்தை அவருக்கு எழுதி கொடுத்துள்ளார் எஸ்ஏசி. இதையடுத்து அவர் தன்னை இழிவுப்படுத்திவிட்டதாக விஜயகாந்த் ஆவேசப்பட்டதை பேட்டியொன்றில் எஸ்ஏசி நினைவு கூர்ந்துள்ளார். விஜயகாந்த் மறைவையொட்டி இந்த வீடியோ தற்போது ட்ரெண்டாகி வருகிறது.

விஜய் படத்தில் சம்பளம் இல்லாமல் நடித்த விஜயகாந்த்! நடிகர் விஜய்யின் செந்தூரப்பாண்டி படத்தில் லீட் கேரக்டரில் நடித்துக் கொடுத்தார் விஜயகாந்த். எஸ்ஏசி இயக்கத்தில் வெளியான இந்தப் படத்தில் சம்பளம் வாங்காமல் விஜயகாந்த் நடித்துக் கொடுத்ததாக எஸ்ஏசி பேட்டியொன்றில் பாராட்டிய வீடியோ தற்போது சமூக வலைதளங்களில் ட்ரெண்டாகி வருகிறது..

நீண்ட வரிசையில் காத்திருக்கும் ரசிகர்கள்.. தாமதமாகும் இறுதி ஊர்வலம்!

சென்னை தீவுத்திடலில் விஜயகாந்த் உடலுக்கு ரசிகர்கள் அஞ்சலி செலுத்த நீண்ட வரிசையில் காத்திருப்பதால் இறுதி ஊர்வலம் 2 மணிக்கு மேல் தொடங்கும் என்று எதிர்பார்க்கப்படுகிறது. ஒரு மணிக்கு இறுதி ஊர்வலம் தொடங்கும் என்று தலைமைக்கழகம் அறிவித்த நிலையில், தொண்டர்கள் ரசிகர்கள் சாரை சாரையாக காத்து இருப்பதால், இறுதி ஊர்வலம் தாமதமாகிறது.

பொதுமக்களுக்கு அனுமதி கிடையாது

விஜயகாந்த் இறுதிச்சடங்கில் பொதுமக்களுக்கு அனுமதி கிடையாது என்றும் குடும்பத்தினர் மட்டுமே பங்கேற்பார்கள் என காவல்துறை அறிவித்துள்ளது.

விஜயகாந்த்தை பார்க்க வடிவேலு வருவாரா? மாட்டாரா?

விஜயகாந்த்துக்கு இறுதி அஞ்சலி செலுத்த வடிவேலு வந்தால் அவர் தாக்குதலுக்கு உட்படலாம் என பத்திரிகையாளர் அந்தணன் தெரிவித்திருக்கிறார்.

நல்ல நண்பருக்கு விடை கொடுத்துவிட்டு செல்கிறேன்.. கமல் பேச்சு!

எளிமை, நட்பு, பெருந்தன்மை, உழைப்பு.. அத்தனையும் விஜயகாந்துக்கு பொருந்தும். ஆரம்பத்தில் நான் பார்க்கும் போது எப்படி பழகினாரோ நட்சத்திரமான பிறகும் அதே மாதிரி பழகினார். அவரது கோபத்துக்கு ரசிகன். அதனால்தான் மக்கள் பணிக்கே அவர் வந்தார். நல்ல நண்பருக்கு விடை கொடுத்துவிட்டு செல்கிறேன்- கமல்ஹாசன், மக்கள் நீதி மய்யம் கட்சித் தலைவர்

விஜயகாந்த் மரணம்..மதியம் 1 மணிக்கு இறுதி ஊர்வலம்!

விஜயகாந்தின் உடல் தீவுதிடலில் பொதுமக்கள், தொண்டர்கள், அரசியல் பிரமுகர்கள், திரையுலகினர், கலைத் துறையினர் அஞ்சலி செலுத்துவதற்காக வைக்கப்பட்டுள்ளது. இதையடுத்து, அவரது உடல் மதியம் 1 மணி அளவில் பூந்தமல்லி சாலை வழியாக கோயம்பேடு தலைமை அலுவலகம் வழியாக ஊர்வலமாக எடுத்து செல்லப்பட்டு தேமுதிக அலுவலகத்தில் நல்லடக்கம் செய்யப்படும்.

கமல் அஞ்சலி

அன்புச் சகோதரர் விஜயகாந்த் மறைவுக்கு நேற்று இரங்கல் தெரிவித்திருந்த கமல்ஹாசன் சற்று முன் தீவுத்திடலில் வைக்கப்பட்டுள்ள விஜயகாந்த் உடலுக்கு இறுதி அஞ்சலி செலுத்தினார்.

விஜய பிரபாகரன் கைகளை பிடித்து ஆறுதல் கூறினார் ரஜினிகாந்த்

ஒருமுறை விஜயகாந்த் உடன் பழகி விட்டால் அவரை மறக்க முடியாது - ரஜினி யாருக்கும் அவர் மீது கோபம் வராது - ரஜினி நியாயத்துக்கு கோபப்படுவார் விஜயகாந்த் - ரஜினி

ரஜினி அஞ்சலி

விஜயகாந்த் உடலுக்கு ரஜினிகாந்த் நேரில் அஞ்சலி

விஜயகாந்த் உடலுக்கு அஞ்சலி செலுத்திய பாக்யராஜ்

சென்னை தீவுத்திடலில் வைக்கப்பட்டுள்ள தேமுதிக தலைவர் விஜயகாந்த் உடலுக்கு இயக்குநர் பாக்யராஜ், நடிகர் சாந்தனு உள்ளிட்டோர் அஞ்சலி செலுத்தினர். எப்படி இருந்த மனுஷனை இப்படி பார்க்கும் போது மனம் வேதனை அடைகிறது. சொல்லவே வார்த்தை இல்லை என்று கண்கலங்கினார் பாக்யராஜ்.

விஜயகாந்த் அசாத்தியமான மன உறுதி கொண்ட மனிதர் என ரஜினி புகழாஞ்சலி

விஜயகாந்த் ஆரோக்கியமாக இருந்திருந்தால் அரசியலில் மிகப் பெரிய சக்தியாக இருந்திருப்பார். விஜயகாந்த் உடல்நிலை தேறி வந்துவிடுவார் என எதிர்பார்த்தேன். அசாத்தியமான மன உறுதி கொண்ட மனிதர் விஜயகாந்த். தூத்துக்குடி விமான நிலையத்தில் இருந்து சென்னை திரும்பும் வழியில் ரஜினிகாந்த் பேட்டி.

விஜயகாந்த் உடலுக்கு விஜய் அஞ்சலி

தேமுதிக அலுவலகத்தில் வைக்கப்பட்டிருந்த அவரது உடலுக்கு நடிகர் விஜய் நேரில் வந்து தனது அஞ்சலியை செலுத்தி கலங்கியபடி நின்றார்.

விஜய்காந்த் மறைவுக்கு இளையராஜா நேரில் அஞ்சலி

விஜயகாந்த் படங்களுக்கு அதிகமாக பாடல்கள் அமைத்துள்ள இசைஞானி இளையராஜா அவரது உடலுக்கு நேரில் அஞ்சலி செலுத்தினார்.

விஜயகாந்துடன் பேசிப்பழகிய நாட்கள் மறக்க முடியாதவை.. சூர்யா இரங்கல்

நடிகர் விஜயகாந்துடன் பெரியண்ணா படத்தில் இணைந்து நடித்துள்ளார் சூர்யா. இதனிடையே விஜயகாந்த் மறைவுக்கு அவர் வீடியோ மூலம் தன்னுடைய இரங்கலை தெரிவித்துள்ளார். ஒரு கண்ணில் துணிச்சலையும் மறுகண்ணில் கருணையையும் வைத்து செயல்பட்ட அபூர்வ கலைஞன் விஜயகாந்த் என்றும் அவருடன் பேசிப்பழகிய நாட்கள் மறக்க முடியாதவை என்றும் அவர் தன்னுடைய இரங்கலை பதிவிட்டுள்ளார்.

மண்ணின் மைந்தன்.. விஜயகாந்திற்கு இயக்குநர் அமீர் அஞ்சலி!

திரையிலும் தரையிலும் நல்லவராகவே வாழ்ந்தவர் கேப்டன் விஜயகாந்த் என இயக்குநர் அமீர் பாராட்டியுள்ளார். இதுகுறித்து அவர் வெளியிட்டுள்ள அறிக்கையில் விஜயகாந்தின் மறைவு தன்னை பேரதிர்ச்சியிலும் மீளாத் துயரிலும் ஆழ்த்தியுள்ளதாக வருத்தம் தெரிவித்துள்ளார்.

வடிவேலு vs விஜயகாந்த்!

”எத்தனையோ தடவ வடிவேலு தன்னை பொது மேடைகள் ல இழிவு படுத்திருந்தாலும்.. கடைசி வரைக்கும் அவர் வடிவேலுவ தப்பா பேசுன மாதிரி ஒரு video கூட நீங்க பார்த்திருக்க முடியாது அதான் கேப்டன். மேன் மக்கள் மேன் மக்களே - Faazith Kamaldeen, Facebook. சின்னக்கவுண்டர் படத்தில் நடிக்கும்போது நல்ல துணி இல்லாமல் இருந்த வடிவேலுவுக்கு ஐந்து செட் துணிகளை வாங்கித்தந்தார் கேப்டன். தனது நெருங்கிய நண்பர்கள், உடன் நடித்தவர்கள், ஆரம்பகாலத்தில் உதவி செய்தவர்கள் என எவரது இறப்பிற்கும் செல்லாதவர் வடிவேலு. உதாரணம்: விவேக், மயில்சாமி, மனோபாலா, போண்டாமணி, விஜயகாந்த் மற்றும் பலர். தனக்குத்தெரிந்த திரையுலகத்தினர் சென்னையில் இறந்த தகவல் வந்தால் உடனே... மதுரைக்கு விமான டிக்கட் போட்டு ஓடிவிடுவதும், வேறு ஊர்களில் நடிகர்கள் இறந்தால்.. சென்னைக்கு வந்துவிடுவதும் இவரது யுக்தியாம். பல்வேறு படங்களில் உடன் பணியாற்றிய அல்வா வாசு மதுரைக்காரராம். இவரது வீட்டிற்கு அருகேதான் அவரது வீடாம். அவர் இறந்த தகவல் வந்ததும்.. உடனே சென்னைக்கு வந்து விட்டாராம்.” என ப்ளூ சட்டை மாறன் வடிவேலுவை விளாசி உள்ளார்.

மாரி செல்வராஜ் நேரில் அஞ்சலி

மறைந்த விஜயகாந்த் உடலுக்கு மாரி செல்வராஜ் நேரில் சென்று மாலை அணிவித்து அஞ்சலி செலுத்திய காட்சிகள் வெளியாகி உள்ளன.

நடிகர் எஸ்ஜே சூர்யா இரங்கல்

நடிகரும் தேமுதிக தலைவருமான விஜயகாந்த் மறைவிற்கு நடிகர் எஸ்ஜே சூர்யா இரங்கல் தெரிவித்துள்ளார். மனிதனாக, நடிகராக, அரசியல் கட்சி தலைவராக விஜயகாந்தின் சேவை என்றென்றைக்கும் நிலைத்து நிற்கும் என்றும் அவர் குறிப்பிட்டுள்ளார்,

நடிகை சிம்ரன் இரங்கல்

நடிகர் விஜயகாந்த் மறைவையொட்டி ஏராளமான திரையுலக பிரபலங்கள் தங்களது இரங்கலை தெரிவித்து வருகின்றனர். இந்நிலையில் விஜயகாந்துடன் கண்ணுபட போகுதய்யா மற்றும் ரமணா படங்களில் இணைந்து நடித்துள்ள நடிகை சிம்ரனும் எக்ஸ் தளம் மூலம் தன்னுடைய இரங்கலை பகிர்ந்துள்ளார்.

நடிகர் சிம்பு இரங்கல்

விஜயகாந்த் தன்னுடைய அண்ணன் போன்றவர் என நடிகர் சிம்பு தன்னுடைய ட்விட்டர் பக்கத்தில் இரங்கல் தெரிவித்துள்ளார். விஜயகாந்த் இறப்பு செய்தியை கேட்டதும் தன்னுடைய இதயம் நொருங்கியுள்ளதாகவும் அவர் குறிப்பிட்டுள்ளார்.

மோகன்லால் இரங்கல்

சிறந்த நடிகர், நல்ல அரசியல் தலைவர் விஜயகாந்த் மறைவு செய்தி அறிந்து மனம் வேதனை அடைந்தேன் எனது ஆழ்ந்த இரங்கல் என மோகன்லால் பதிவிட்டுள்ளார்.

மம்மூட்டி இரங்கல்

விஜயகாந்த் ஒரு சிறந்த மனிதர், என்னுடைய நல்ல நண்பர், அவரது மறைவு செய்தி மிகவும் மனவருத்தம் அடைய செய்துள்ளது என மம்மூட்டி இரங்கல் தெரிவித்துள்ளார்.

விஜய்காந்த் மறைவுக்கு எஸ்.ஏ. சந்திரசேகர் இரங்கல்

விஜயகாந்துக்கு பல வெற்றிப் படங்களை இயக்கிய இயக்குநர் எஸ்.ஏ. சந்திரசேகர் தற்போது குடும்பத்துடன் துபாயில் இருப்பதால் நேரில் வர முடியவில்லை. அவரது ஆத்மா சாந்தியடைய வேண்டுகிறேன் என ஆடியோ மெசேஜ் ஒன்றை வெளியிட்டுள்ளார்.

விஜயகாந்த் ரியல் ஹீரோ.. நடிகர் வையாபுரி கண்ணீர் பேட்டி!

யாருக்கு எந்த பிரச்சினை என்றாலும் ஓடிவரும் குணம் கொண்டவர் விஜயகாந்த், தைரியமாக மற்றவர்களின் பிரச்சினைகளை எதிர்கொள்வார் என்றும் நடிகர் வையாபுரி தெரிவித்துள்ளார். அடுத்ததாக தங்களது பிரச்சினைகளை யாரிடம் சொல்வது என்று கேட்டுள்ள அவர், விஜயகாந்த் ரீல் ஹீரோ இல்லை என்றும் ரியல் ஹீரோ என்றும் பாராட்டு தெரிவித்துள்ளார்.

விஜயகாந்த் மறைவுக்கு சிவகார்த்திகேயன் இரங்கல்

உடல்நலம் பாதிக்கப்பட்டிருந்த கேப்டன் விஜயகாந்த் இன்று காலை உயிரிழந்தார். இதனையடுத்து நடிகர் சிவகார்த்திகேயன் கேப்டனின் மறைவுக்கு டிவிட்டரில் இரங்கல் தெரிவித்துள்ளார். அதில், “தமிழ்த்திரையுலகம் நமக்குத் தந்த ஒப்பற்ற மாமனிதர் புரட்சிக் கலைஞர் திரு. விஜயகாந்த் அவர்களின் மறைவு குறித்த செய்தி என்னை ஆழ்ந்த துயருக்குள் ஆழ்த்திவிட்டது. அவரது மறைவால் வாடும் அனைவருக்கும் இந்த நேரத்தில் என் ஆழ்ந்த இரங்கலை தெரிவித்து, அவரின் ஆன்மா சாந்தியடைய இறைவனை பிரார்த்திக்கிறேன்” எனக் குறிப்பிட்டுள்ளார்.

விஜயகாந்த் மரணம்.. திரையரங்குகளில் காலை காட்சிகள் ரத்து

நடிகர் மற்றும் அரசியல் கட்சித்தலைவர் விஜயகாந்த் மறைவையொட்டி பல்வேறு தரப்பினரும் தங்களது இரங்கலை தெரிவித்து வருகின்றனர். இதனிடையே விஜயகாந்த் மறைவிற்கு இரங்கல் தெரிவித்துள்ள திரையரங்க உரிமையாளர்கள் சங்கத்தினர், அவரது மறைவையொட்டி திரையரங்குகளில் அனைத்து காலை காட்சிகளையும் ரத்து செய்துள்ளனர்.

விஷால் கண்ணீர் அஞ்சலி!

அண்ணே மன்னிச்சிடுங்கண்ணே.. இந்த நேரத்துக்கு நான் அங்க இருந்திருக்கணும்.. அமெரிக்கா வந்துட்டேன் என விஜயகாந்த் மறைவு செய்தி அறிந்து வீடியோ வெளியிட்டு நடிகர் விஷால் கண்ணீர் அஞ்சலி செலுத்தி உள்ளார்.

காலை காட்சிகள் ரத்து

தமிழ் சினிமாவின் கருப்பு தங்கமாக விளங்கிய கேப்டன் விஜயகாந்த் மறைவு ஒட்டுமொத்த சினிமா உலகத்தையும் இருளில் மூழ்கடித்துள்ளது. தமிழ்நாடு முழுவதும் காலை காட்சிகள் ரத்து செய்யப்படுவதாக திரையரங்க உரிமையாளர் சங்கம் அறிவித்துள்ளது.

ரமணா இயக்குநர் இரங்கல்

இயக்குநர் ஏ.ஆர். முருகதாஸ் தனது ட்விட்டர் பக்கத்தில், ”அந்த கம்பீரம், அந்த மனிதநேயம், அந்த நேர்மை, இனி எப்போது காண்போம் கேப்டன், உங்கள் நினைவுக்கும் ,உங்கள் உதவிகளுக்கும் என்றும் மறைவு இல்லை! ஆழ்ந்த கண்ணீர் அஞ்சலி ” என பதிவிட்டுள்ளார்.

திரிஷா இரங்கல்

கேப்டன் விஜயகாந்துக்கு ஆழ்ந்த இரங்கல், பிரேமலதா மேடம் இந்த துயரில் இருந்து மீண்டு வர அவருக்கு சக்தி கிடைக்க வேண்டும் என பிரார்த்திக்கிறேன் என நடிகை திரிஷா இரங்கல் தெரிவித்துள்ளார்.

சென்னை புறப்பட்டார் ரஜினிகாந்த்

விஜயகாந்துக்கு நேரில் அஞ்சலி செலுத்த நாகர்கோயில் படப்பிடிப்பை ரத்து செய்து விட்டு சென்னைக்கு புறப்பட்டார் ரஜினிகாந்த்.

விஜயகாந்த் மறைவுக்கு கமல் இரங்கல்

”எனது அன்பிற்கினிய சகோதரர், தேசிய முற்போக்குத் திராவிட கழகத்தின் நிறுவனத் தலைவர், தமிழ் சினிமாவின் தனித்துவம் மிக்க நடிகர், கேப்டன் என்று அனைவராலும் அன்பு பாராட்டப்பட்ட விஜயகாந்த் அவர்களின் மறைவுச் செய்தி மிகுந்த துயரத்தைத் தருகிறது. தன் ஒவ்வொரு செயலிலும் மனிதநேயத்தைக் கடைப்பிடித்து வாழ்ந்தவர். தமிழ்நாட்டு அரசியல் வெளியில் புதுத்திசையிலான நம்பிக்கையை உருவாக்கியவர். எளியோருக்கு நீளும் உதவிக்கரம் கொண்டிருந்தவர். எதற்கும் அஞ்சாத துணிச்சல் அவரது அடையாளமாக இருந்தது. சினிமா, அரசியல் இரண்டு தளங்களிலுமே தடம் பதித்த புரட்சிக் கலைஞர் விஜயகாந்த் நம் நினைவுகளில் என்றென்றும் நிலைத்திருப்பார். அவரது பிரிவால் வருந்தும் குடும்பத்தார், தொண்டர்கள், ரசிகர்கள் அனைவருக்கும் என் உளப்பூர்வமான ஆறுதல்களைத் தெரிவித்துக்கொள்கிறேன்.” என கமல் இரங்கல் தெரிவித்துள்ளார்.

எனக்குன்னு ஒரு இடம் கொடுப்பீங்களே அது போதும்!

விஜயகாந்த் பேசிய த்ரோபேக் வீடியோக்களை ரசிகர்களும் பிரபலங்களும் ஷேர் செய்து ஹாஷ்டேக்கில் அஞ்சலி செய்து வருகின்றனர்.

சொக்கத்தங்கத்தை இழந்து விட்டோம்!

நடிகை குஷ்பு தனது ட்விட்டர் பக்கத்தில் மறைந்த விஜயகாந்துக்கு ஆழ்ந்த இரங்கலை பதிவு செய்துள்ளார்.

கண்ணீர் கடலில் ரசிகர்கள்

சாலிகிராம வீட்டுக்கு கொண்டு வரப்பட்ட விஜயகாந்த் உடல், அவரது தொண்டர்கள், ரசிகர்கள் கண்ணீர் கடலில் அஞ்சலி செலுத்தி வருகின்றனர்

விஜயகாந்த் காலமானார்

நடிகரும் தேமுதிகவின் முன்னாள் தலைவருமான விஜயகாந்த் மருத்துவமனையில் சிகிச்சைக்காக அனுமதிக்கப்பட்ட நிலையில் இன்று காலை காலமானார். அவருக்கு வயது 71.

விஜயகாந்துக்கு கொரோனா தொற்று உறுதி!

விஜயகாந்துக்கு கொரோனா பாதிப்பு ஏற்பட்டுள்ள நிலையில், மியாட் மருத்துவமனையில் மீண்டும் அனுமதிக்கப்பட்டுள்ளார். அவருக்கு அங்கே வென்டிலேட்டர் பொறுத்தப்பட்டு சிகிச்சை வழங்கப்பட்டு வருகிறது.

வேட்டையன் படப்பிடிப்பில் ரஜினியுடன் இணைந்த ஃபஹத் பாசில்

சூப்பர் ஸ்டார் ரஜினி நடிக்கும் வேட்டையன் படப்பிடிப்பு தூத்துக்குடியில் நடைபெற்று வருகிறது. இதில் ரஜினியுடன் ஃபஹத் பாசில் நடித்து வருகிறார். அவர்கள் இருவரும் ஷூட்டிங் ஸ்பாட்டில் இருக்கும் போட்டோ ட்ரெண்டாகி வருகிறது.

தளபதி 68 டைட்டில்!

பாஸ் மற்றும் பஸல் டைட்டில் என தளபதி 68 படத்துக்கு தகவல்கள் கசிந்த உடனே அதெல்லாம் டைட்டில் இல்லை என மறுத்த அர்ச்சனா கல்பாத்தி GOAT டைட்டில் கசிந்த நிலையில், எந்த ட்வீட்டும் போடாதது ஏன் என்கிற கேள்வியை ரசிகர்கள் எழுப்பி வருகின்றனர்.

பூரா பித்தலாட்டம்!

சலார் படத்திற்கு ஒருத்தர் கூட வராத ஷோவுக்கு கூட ஹவுஸ்ஃபுல் என புக் மை ஷோவில் எப்படி காட்டுகிறது. ஐநாக்ஸ் தியேட்டரில் ஒரு ஈ, காக்கா கூட இல்லையே எல்லாமே பித்தலாட்டம் என ஷாருக்கான் ரசிகர்கள் பிரபாஸின் சலார் படத்துக்கு எதிராக சண்டையை ஸ்டார்ட் செய்துள்ளனர்.

சலார் வசூல் ஸ்கேம்!

புக் மை ஷோவில் படத்தின் அனைத்து காட்சிகளும் புக் செய்யப்பட்டு விட்டதாக காட்டப்படுகிறது. ஆனால், தியேட்டரில் அனைத்து சீட்டும் எம்டியாக உள்ளது என நெட்டிசன்கள் SCAMMER SALAAR CRUSHED ஹாஷ்டேக்கை ட்விட்டரில் டிரெண்ட் செய்து வருகின்றனர்.

அகரம் காலனி படத்தில் லைட் மேன் ஆக பணியாற்றி வந்த சண்முகம் படப்பிடிப்பு தளத்தில் மின்சாரம் தாக்கி தூக்கி வீசப்பட்டு உயிரிழந்தார். சண்முகத்தின் உடலை கைப்பற்றிய போலீசார் பிரேத பரிசோதனைக்கு மருத்துவமனைக்கு அனுப்பி வைத்தனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.

ஸ்ட்ரீட் கிரிக்கெட் டி10 போட்டி விளையாட்டான ISPLT10ல் சென்னை அணியின் ஓனராக மாறியுள்ளார் நடிகர் சூர்யா. சினிமாவை தாண்டி கிரிக்கெட் மீதும் நடிகர்கள் ஆர்வம் செலுத்தி வரும் நிலையில், சூர்யா டி10 கிரிக்கெட் போட்டி மீது ஆர்வத்தை செலுத்தியிருக்கிறார்.

விஜய் ஆண்டனியின் ஹிட்லர் பட டீசர் வெளியானது

விஜய் ஆண்டனி நடிக்கும் ஹிட்லர் படத்தின் டீசர் வெளியாகி உள்ளது. இப்படத்தில் ரியா சுமன், கவுதம் மேனன், ரெட்டின் கிங்ஸ்லி, விவேக் பிரசன்னா உள்ளிட்டோர் முக்கிய கதாபாத்திரத்தில் நடிக்கின்றனர். இப்படத்தை கோடியில் ஒருவன் படத்தை தயாரித்த செந்தூர் பிலிம்ஸ் தயாரிக்கின்றது

அயலான் ஆடியோ லாஞ்சில் பேசிய சிவகார்த்திகேயன், பொங்கல் ரேஸில் உள்ள ஐஸ்வர்யா ரஜினிகாந்தின் லால் சலாம், தனுஷின் கேப்டன் மில்லர் ஆகிய படங்களுக்கும் வாழ்த்து தெரிவித்த அவர், என்னோட படம் ஓடணும், உன்னோட படம் ஓடணும் என்பது இல்லாமல் எல்லா படங்களும் நன்றாக ஓடி தும்சம் செய்ய வேண்டும் என்றார்.

Zoom காலில் பாடல் எழுதிய சிவகார்த்திகேயன்.. சீக்ரெட் பகிர்ந்த இயக்குநர்! நடிகர் சிவகார்த்திகேயனின் அயலான் படத்தின் ப்ரீ ரிலீஸ் நிகழ்ச்சி சென்னையில் நடைபெற்று வருகிறது. இந்த நிகழ்ச்சியில் சிவகார்த்திகேயன், படத்தின் இயக்குநர் ரவிக்குமார் உள்ளிட்டோர் பங்கேற்றனர். நிகழ்ச்சியில் பேசிய ரவிக்குமார், இந்தப் படத்திற்காக Zoom காலில் ஏஆர் ரஹ்மானுடன் பேசிய சிவகார்த்திகேயன் 3 மணிநேரத்தில் படத்திற்கு ஒரு பாடலை எழுதிக் கொடுத்ததாக தெரிவித்துள்ளார்.

சூப்பர்ஸ்டாரோட ஒரு சீன்ல நடிக்கவும் தயார்.. சிவகார்த்திகேயன் ஓபன்! நடிகர் சிவகார்த்திகேயனின் அயலான் படம் பொங்கலையொட்டி ரிலீசாகவுள்ளது. இந்தப் படத்தின் ப்ரீ ரிலீஸ் நிகழ்ச்சி சென்னையில் நடந்து வருகிறது. இதனிடையே படத்தின் பிரமோஷனுக்காக பல பேட்டிகளை யூடியூப் பக்கங்களில் அளித்துவரும் சிவகார்த்திகேயன், சூப்பர்ஸ்டாரோடு ஒரு சீன்ல நடிக்கவும் தான் தயார் என்று குறிப்பிட்டுள்ளார்.

அயலான் படத்திற்காக சம்பளம் வாங்காத சிவகார்த்திகேயன்!

நடிகர் சிவகார்த்திகேயனின் அயலான் படம் பொங்கலையொட்டி ரிலீசாகவுள்ளதாக அறிவிக்கப்பட்டுள்ளது. இந்தப் படத்தின் ப்ரீ ரிலீஸ் நிகழ்ச்சி சென்னையில் நடைபெற்றுவரும் சூழலில் படத்திற்காக அடுத்தடுத்த பிரமோஷன்களில் சிவகார்த்திகேயன் ஈடுபட்டு வருகிறார். இந்நிலையில் நடிகர் சின்னி ஜெயந்திற்கு அவர் அளித்த பேட்டியில் அயலான் படத்திற்காக தான் சம்பளம் பெறவில்லை என்று தெரிவித்துள்ளார்.

ஏலியனுடன் செல்ஃபி.. மாஸ் காட்டும் அயலான் ப்ரி ரிலீஸ் நிகழ்ச்சி!

சிவகார்த்திகேயன் நடிப்பில் உருவாகியுள்ள அயலான் படத்தின் ப்ரி ரிலீஸ் நிகழ்ச்சி சென்னையில் நடைபெற்று வருகிறது. இதில் படத்தின் முக்கியமான கேரக்டரான ஏலியன் உருவபொம்மை வைக்கப்பட்டுள்ளது. இதனுடன் செல்ஃபி எடுத்துக் கொள்ள படக்குழுவினர் மட்டுமில்லாமல் ரசிகர்களும் ஆர்வம் காட்டி வருகின்றனர்.

விஜய்யின் தளபதி 68 படத்தில் இணைந்த காமெடியன்!

விஜய் -வெங்கட் பிரபு கூட்டணியில் உருவாகிவரும் தளபதி 68 படத்தில் பிரஷாந்த், பிரபுதேவா, மோகன், லைலா, சினேகா, மீனாட்சி சவுத்ரி உள்ளிட்ட நட்சத்திரப் பட்டாளமே இணைந்துள்ள நிலையில், அடுத்தடுத்த நடிகர்கள் படத்தில் கமிட்டாகி வருகின்றனர். இந்நிலையில் பிரபல காமெடி மற்றும் குணச்சித்திர நடிகர் கஞ்சா கருப்பு படத்தில் முக்கியமான வேடத்தில் நடிக்கவுள்ளதாக தகவல்கள் வெளியாகியுள்ளன.

ஸ்டேஜும் ரெடி.. சிவகார்த்திகேயனும் ரெடி! அயலான் படத்தின் ப்ரீ ரிலீஸ் விழாவுக்கான அரங்கமும் தயாராகி வருகிறது. சென்னையில் உள்ள தாஜ் கோரமண்டல் ஹோட்டலில் இந்த விழா இன்று மாலை முதல் இரவு வரை நடைபெறும் என தெரிகிறது.

அயலான் விழா! நடிகர் சிவகார்த்திகேயன் சமீப காலமாக இளமையான தோற்றத்தில் மீசை இல்லாமல் வலம் வரும் நிலையில், அயலான் ப்ரீ ரிலீஸ் விழாவுக்கும் அதே தோற்றத்தில் வந்திருக்கும் புகைப்படங்கள் வெளியாகி உள்ளன

நடிகர் ரஜினிகாந்த் நடித்து அவரது மகள் இயக்கிய கோச்சடையான் படம் தொடர்பான வழக்கில் பெங்களூர் நீதிமன்றத்தில் லதா ரஜினிகாந்துக்கு ஜாமீன் கிடைத்துள்ளது.

படிப்புதான் குடிப்பழக்கத்திலிருந்து மீட்டெடுத்தது.. முத்துக்காளை

58 வயதில் மூன்று டிகிரிகள் வாங்கியிருக்கும் நடிகர் முத்துக்காளை தன்னை குடிப்பழக்கத்திலிருந்து மீட்டெடுத்தது படிப்பு ஒன்றுதான் என உருக்கமாக தெரிவித்திருக்கிறார்.

தூத்துக்குடிக்கு திடீரென வந்த ரஜினிகாந்த்!

சூப்பர் ஸ்டார் ரஜினிகாந்த் திடீரென தூத்துக்குடி விமான நிலையத்தில் வந்திறங்கினார். வேட்டையன் படப்பிடிப்புக்காக அவர் தூத்துக்குடி வந்ததாக சொல்லப்படுகிறது. அவருக்கு ரஜினி ரசிகர்கள் உற்சாக வரவேற்பு அளித்தனர்.

டிக்கெட் டூ பைனல் டாஸ்க்.. மல்லுகட்டிய நிக்சன் -தினேஷ்!

விஜய் டிவியின் பிக்பாஸ் 7 நிகழ்ச்சி இன்றைய தினம் 86வது நாளில் என்ட்ரி கொடுத்துள்ளது. இன்றைய தினத்திற்கான அடுத்தடுத்த பிரமோக்கள் வெளியாகியுள்ள நிலையில் டிக்கெட் டூ பைனல் டாஸ்க் நடத்தப்பட்டது. இதில் சக ஹவுஸ்மேட்ஸ் மீது கடுப்பான நிக்சன், நிகழ்ச்சியில் ஆத்திரத்துடன் பேசிய நிலையில், அவருக்கு ரவீனா, தினேஷ் உள்ளிட்டவர்கள் பதிலடி கொடுத்துள்ளனர்.

கான்ஜுரிங் கண்ணப்பன் படம் வெற்றி.. இயக்குநருக்கு பரிசளித்த சதீஷ்!

கான்ஜுரிங் கண்ணப்பன் படம் வெற்றி பெற்றதை அடுத்து இயக்குனரை நேரில் சந்தித்து வாழ்த்து தெரிவித்த நடிகர் சதீஷ், உலக அளவில் பிரபலமான Emporio Armani வாட்ச் அவருக்கு பரிசாக அளித்துள்ளார்.

கிறிஸ்துமஸ் வின்னர் சலார்!

ஷாருக்கானின் டங்கி திரைப்படம் 4 நாட்களில் 211 கோடி வசூல் செய்த நிலையில், சலார் திரைப்படம் 526 கோடி வசூல் செய்திருப்பதாக தகவல்கள் வெளியாகி உள்ளன.

சலார் 4 நாள் வசூல்!

பிரசாந்த் நீல் இயக்கத்தில் பிரபாஸ் நடித்த சலார் திரைப்படம் 4 நாட்களில் 500 கோடிக்கும் அதிகமான வசூலை ஈட்டியிருப்பதாக தகவல்கள் வெளியாகி உள்ளன.

ஹீரோயினாக அறிமுகமாகும் பிக்பாஸ் பூர்ணிமா

பிக்பாஸ் நிகழ்ச்சியின் ஏழாவது சீசனில் கலந்துகொண்டிருக்கும் பூர்ணிமா செவப்பி என்ற படத்தின் மூலம் ஹீரோயினாக அறிமுகமாகிறார். இப்படம் ஆஹா ஓடிடி தளத்தில் வெளியாகும் என்று அறிவிக்கப்பட்டுள்ளது.

பாடகர் மாணிக்கவிநாயகத்தின் நினைவு தினம் இன்று!

தமிழ் சினிமாவில் தனது கம்பீரமான குரல் மூலம் ரசிகர்களை கட்டிப்போட்ட பின்னணிப் பாடகர் மாணிக்கவிநாயகம் அவர்களின் நினைவு தினம் இன்று அனுஷ்டிக்கப்படுகிறது. பாடல்கள் மூலம் மிக்கள் மனதில் நிறைந்து இருக்கும் மாணிக்கம் விநாயகம் அவர்களின் நினைவு தினத்தில் அவரது ரசிகர்கள் அவரை நினைவு கூர்ந்து வருகின்றனர்.

பற்றி எரிந்த கார்.. கீர்த்தி பாண்டியன் ட்வீட்

நடிகை கீர்த்தி பாண்டியனின் பக்கத்து வீட்டில் வசிப்பவரின் எலக்ட்ரானிக் கார் எரிந்துவிட்டது. இதனையடுத்து சம்பந்தப்பட்ட கார் நிறுவனத்தை Tag செய்து, என்னுடைய பக்கத்து வீட்டில் வசிக்கும் சரவணக்குமார் என்பவருடைய கார். அவரது வீட்டில் குழந்தைகள் முதல் வயதானவர்கள்வரை இருக்கிறார்கள். இந்த விபத்தின்போது யாரேனும் பக்கத்தில் இருந்திருந்தால் என்ன ஆவது?.. இது ரொம்பவே ஆபத்தான் ஒன்று. எனவே அவரது மின் அஞ்சலுக்கு பதில் சொல்லுங்கள். பொறுப்புடன் நடந்துகொள்ளுங்கள்” என கீர்த்தி பாண்டியன் ட்வீட் செய்திருக்கிறார்.

விடாமுயற்சி ஷூட்டிங் ஸ்பாட்டில் ஆத்விக் அஜித்

சென்னை: மகிழ் திருமேனி இயக்கத்தில் அஜித்குமார் நடித்துவரும் விடாமுயற்சி படத்தின் ஷூட்டிங் அஜர்பைஜானில் நடந்துவருகிறது. இந்நிலையில் ஷூட்டிங் ஸ்பாட்டில் அஜித்தின் மகன் ஆத்விக் அர்ஜுனுடன் எடுத்துக்கொண்ட புகைப்படம் சமூக வலைதளங்களில் ட்ரெண்டாகியுள்ளது.

குடும்பத்துடன் கிறிஸ்துமஸ் கொண்டாட்டத்தில் நயன்தாரா! நடிகை நயன்தாரா -விக்னேஷ் சிவன் ஜோடி கோலிவுட்டில் அதிகமான ரசிகர்களை கவர்ந்து வருகிறது. சமூக வலைதளங்களில் மிகவும் ஆக்டிவாக இவர்கள் உள்ள நிலையில், தற்போது தன்னுடைய குடும்பத்தினருடன் கிறிஸ்துமசை கொண்டாடியுள்ளார் நயன்தாரா. அதன் புகைப்படங்களையும் பகிர்ந்துள்ளார்.

எஸ்கே 21 படத்தின் டீசர் விரைவில் வெளியீடு.. ஜிவி பிரகாஷ் அப்டேட்! நடிகர் சிவகார்த்திகேயன், சாய் பல்லவி இணைந்து நடித்துவரும் எஸ்கே 21 படத்தின் சூட்டிங் காஷ்மீர், சென்னை, பாண்டிச்சேரி ஆகிய இடங்களில் நடந்து முடிந்துள்ளது. இந்தப் படத்தின் டீசர் விரைவில் வெளியாகவுள்ளதாகவும் தனக்கும் நடிகர் கமல்ஹாசனுக்கும் இந்தப் படத்தின் கதை மிகவும் பிடித்துள்ளதாகவும் படத்தின் இசையமைப்பாளர் ஜிவி பிரகாஷ் தனது சமீபத்திய பேட்டியில் கூறியுள்ளார்.

காதல் கணவருடன் கிறிஸ்துமஸ் கொண்டாடிய அமலா பால்! நடிகை அமலா பால், ஜகத் தேசாய் என்பவரை சமீபத்தில் திருமணம் செய்துக் கொண்ட நிலையில், தற்போது திருமணத்திற்கு பிறகு முதல் கிறிஸ்துமசை தன்னுடைய காதல் காணவருடன் கொண்டாடியுள்ளார். இதன் புகைப்படங்களையும் இன்ஸ்டாகிராமில் பகிர்ந்துள்ளார்.

நடிகர் விஜய்யின் வாரிசு, லியோ படங்களை தொடர்ந்து தற்போது தளபதி 68 படத்தினை இயக்கி வருகிறார் வெங்கட் பிரபு. இந்தப் படத்தின் டைட்டில் உள்ளிட்ட அப்டேட்கள் புத்தாண்டு தினத்தையொட்டி ரிலீசாகவுள்ளதாக கூறப்படும் நிலையில், இதை தன்னுடைய எக்ஸ் தள பக்கத்தில் உறுதி செய்துள்ளார் வெங்கட் பிரபு.

விடாமுயற்சி சூட்டிங்கிலிருந்து பிரேக் எடுக்கும் அஜித்! விடாமுயற்சி படத்திற்காக தற்போது அஜித்குமார், அர்ஜூன் உள்ளிட்ட படக்குழுவினர் அசர்பைஜானில் முகாமிட்டுள்ளனர்.இந்நிலையில் இந்தப் படத்தின் சூட்டிங்கில் இருந்து சில தினங்கள் அஜித் பிரேக் எடுக்கவுள்ளதாக தகவல்கள் வெளியாகியுள்ளன. வரும் 31ம் தேதி லண்டன் செல்லும் அஜித், 3ம் தேதி தன்னுடைய மகள் அனுஷ்காவின் பிறந்தநாள் கொண்டாட்டத்தில் பங்கேற்கவுள்ளதாக கூறப்பட்டுள்ளது.

வரலாறு காணாத மழை.. மக்களுக்கு உதவிய ஜி.பி.முத்து

பிரபல யூட்யூபரும், நடிகருமான ஜி.பி.முத்து வரலாறு காணாத மழையால் பாதிக்கப்பட்ட ஸ்ரீவைகுண்டம், கருங்குளம் உள்ளிட்ட பகுதிகளின் மக்களுக்கு அரிசி, பருப்பு, சர்க்கரை, எண்ணெய் உள்ளிட்ட பொருட்களை வாங்கிக் கொடுத்திருக்கிறார்.

சலார் மேக்கிங் வீடியோவை வெளியிட்ட படக்குழு

பிரபாஸ், பிருத்விராஜ் நடித்துள்ள சலார் திரைப்படம் 22ம் தேதி வெளியானது. இந்தப் படம் பாக்ஸ் ஆபிஸில் 400 கோடிக்கும் அதிகமாக வசூலித்துள்ள நிலையில், சலார் மேக்கிங் வீடியோவை படக்குழு வெளியிட்டுள்ளது.

மார்கழியில் மக்களிசையில் சூப்பர் குத்தாட்டம் போட்ட இயக்குநர் பா ரஞ்சித்!

நீலம் பண்பாட்டு மையம் சார்பில் இந்த ஆண்டிற்கான மார்கழியில் மக்களிசை நிகழ்ச்சி கடந்த 23ம் தேதி கேஜிஎஃப்பில் துவங்கியது. நேற்றைய தினம் இந்த நிகழ்ச்சி ஓசூரில் நடைபெற்றது. இந்த நிகழ்ச்சியில் பங்கேற்ற இயக்குநர் பா ரஞ்சித் பாரம்பரிய இசைக்கு ஏற்ப குத்தாட்டம் போட்டார். அவரது இந்த குத்தாட்டம் ஏராளமான ரசிகர்களை கவர்ந்தது.

பிரபாஸின் ‘சலார்’ 400 கோடி ரூபாய் வசூலை கடந்துள்ளதாக தகவல்

பிரபாஸ் நடிப்பில் பிரசாந்த் நீல் இயக்கிய சலார் திரைப்படம், கடந்த வாரம் 22ம் தேதி வெளியானது. இரண்டு தினங்களில் 295 கோடி ரூபாய் வரை வசூலித்த சலார், மூன்றாவது நாளில் 400 கோடியை கடந்துள்ளதாக பாக்ஸ் ஆபிஸ் வட்டாரங்கள் தகவல்.

தனுஷ் இயக்கும் படத்தின் தலைப்பு.. க்யூட்! நடிகர் தனுஷ் ப பாண்டி படத்திற்கு பிறகு நீண்ட ஆண்டுகள் கழித்து தற்போது டி50 படத்தை இயக்கி முடித்துள்ளார்.இதையடுத்து உடனடியாக தன்னுடைய இயக்கம் மற்றும் நடிப்பில் புதிய படத்தின் வேலைகளில் ஈடுபட்டுள்ளார். இந்தப் படத்தை தனுஷே தயாரிக்கவுள்ள நிலையில் படத்திற்கு நிலவுக்கு என் மேல் என்னடி கோபம் என்று டைட்டில் வைக்கப்பட்டுள்ளது.

வசூலில் மிரட்டும் ஷாருக்கானின் டங்கி படம்.. அதிகாரப்பூர்வ அறிவிப்பு! நடிகர் ஷாருக்கான், டாப்சி உள்ளிட்டவர்கள் நடிப்பில் வெளியாகியுள்ள டங்கி படம் சிறப்பான கதைக்களத்தால் ரசிகர்களை கவர்ந்துள்ளது. இந்தப் படத்தின் சர்வதேச வசூல் குறித்து தற்போது ஷாருக்கானின் ரெட் சில்லீஸ் என்டர்டெயின்மெண்ட் நிறுவனம் அறிவித்துள்ளது. படம் சர்வதேச அளவில் 157.22 கோடி ரூபாய்களை வசூலித்துளளதாக தெரிவிக்கப்பட்டுள்ளது.

லவ்வர் டீசர் வெளியீடு!

குட் நைட் படத்தின் மூலம் இந்த ஆண்டு ரசிகர்களை கவர்ந்த மணிகண்டன் வரும் காதலர் தினத்துக்கு லவ்வர் படத்தை கொடுக்க உள்ள நிலையில், அதன் டீசர் தற்போது வெளியாகி உள்ளது.

ஜனவரியில் துவங்கும் விஜய்யின் தளபதி 68 படத்தின் அடுத்தக்கட்ட சூட்டிங்!

நடிகர் விஜய்யின் தளபதி 68 படத்தின் சூட்டிங் ஐதராபாத்தில் நடந்துவந்த நிலையில் தற்போது அதன் சூட்டிங் நிறைவடைந்துள்ளது. இதையடுத்து கிறிஸ்துமஸ், புத்தாண்டு கொண்டாட்டங்களுக்காக சில தினங்கள் இடைவெளி எடுத்துக் கொண்டுள்ள டீம், ஜனவரி 3ம் தேதி சென்னையில் அடுத்தக்கட்ட சூட்டிங்கை துவங்கவுள்ளதாக தெரிவித்துள்ளனர்.

துபாயில் நடக்கும் அயலான் படத்தின் இசை வெளியீடு! நடிகர் சிவகார்த்திகேயனின் அயலான் படத்தின் இசை மற்றும் டிரெயிலர் வெளியீடு வரும் 26ம் தேதி நடைபெறவிருந்த நிலையில் இந்த நிகழ்வு அடுத்த ஆண்டு ஜனவரி 7ம் தேதிக்கு தள்ளிப் போயுள்ளதாகவும் நிகழ்ச்சி துபாயில் நடைபெறவுள்ளதாகவும் தகவல்கள் வெளியாகியுள்ளன. நிகழ்ச்சியில் சிவகார்த்திகேயன் உள்ளிட்ட படக்குழுவினர் பங்கேற்கவுள்ளதாகவும் கூறப்பட்டுள்ளது.

நயன்தாராவின் அன்னபூரணி ஓடிடி ரிலீஸ் தேதி அறிவிப்பு

நயன்தாரா, ஜெய் நடித்துள்ள அன்னபூரணி திரைப்படம் வரும் 29ம் தேதி நெட்பிளிக்ஸ் தளத்தில் வெளியாகிறது. இந்தப் படம் டிச. 1ம் தேதி தான் திரையரங்குகளில் வெளியானது குறிப்பிடத்தக்கது.

கமல்ஹாசனை தாண்ட விரும்பும் விக்ரம்.. கமல் கொடுத்த ரிப்ளை!

விஜய் டிவியின் முன்னணி நிகழ்ச்சியான பிக்பாஸ் தற்போது 7வது சீசனில் 84வது நாளில் என்ட்ரி கொடுத்துள்ளது. இந்த நிகழ்ச்சியின் வாரயிறுதி எபிசோடான இன்றைய தினத்திற்கான அடுத்தடுத்த பிரமோக்கள் வெளியாகியுள்ளன. இதில் போட்டியாளர்களின் இலக்கு குறித்து கமல் கேட்டறிந்தார். இதற்கு பதிலளித்த விக்ரம், கமல்ஹாசனை தாண்டுவதுதான் தன்னுடைய இலக்கு என்று குறிப்பிட்டார்.

சலார் 2 நாள் வசூல்!

சலார் படம் 2 நாட்களில் 295.7 கோடி வசூலை ஈட்டியிருப்பதாக அதிகாரப்பூர்வ அறிவிப்பு வெளியாகி உள்ளது.

இன்று மாலை நடிகர் போண்டா மணியின் இறுதிச் சடங்கு

காமெடி நடிகர் போண்டா மணி உடல் நலக் குறைவால் காலமானார். அவரது இறுதிச் சடங்கு இன்று மாலை 4 மணிக்கு குரோம்பேட்டையில் உள்ள நாகல்கேணி மின் தகன மேடையில் நடைபெறுகிறது.

இப்படி அனாதையா விட்டுட்டு போய்ட்டியே.. தேம்பித் தேம்பி அழுத நடிகர் பெஞ்சமின்!

கடந்த ஓராண்டாக உடல்நலக்குறைவால் அவதிப்பட்ட நகைச்சுவை நடிகர் போண்டா மணி காலமானார். அவரது இறுதிச்சடங்கு பொழிச்சலூரில் நடந்து வரும் நிலையில், போண்டா மணியின் உடலைப் பார்த்த நடிகர் பெஞ்சமின். இப்படி அனாதையா விட்டுட்டு போய்ட்டியே என்று மனமுடைந்து அழுதார்.

இயக்குநர் அமீருடன் இணையும் சிம்பு!

அமீர் நடித்துள்ள மாயவலை படத்தின் முதல் பாடல் நாளை (டிச.25) மாலை 5 மணிக்கு சிம்பு வெளியிடுவதாக படக்குழு அறிவித்துள்ளது. யுவன் இசையில் ‘வாழ்க்கை ஒரு மாயவலை’ என்ற பாடலை சிம்பு வெளியிடுகிறார்.

போண்டா மணி மறைவுக்கு விஜயகாந்த் இரங்கல்

பிரபல நகைச்சுவை நடிகர் போண்டா மணி உடல்நலக் குறைவால் காலமானார் என்ற செய்தி கேட்டு அதிர்ச்சியும் வேதனையுமடைந்தேன். என் மீது மிகுந்த அன்பும், நட்பும், மரியாதையும் கொண்ட நல்ல மனிதர். அவரை இழந்து வாடும் குடும்பத்தினருக்கும், உற்றார் உறவினர்களுக்கும், மற்றும் நண்பர்களுக்கும், திரையுலகினருக்கும் எனது ஆழ்ந்த இரங்கலைத் தெரிவித்துக்கொள்கிறேன். அவரது ஆன்மா சாந்தியடைய எல்லாம் வல்ல இறைவனை வேண்டுகிறேன். என விஜயகாந்த் பதிவிட்டுள்ளார்.

கேப்டன் மில்லர் செகண்ட் சிங்கிள் வெளியானது தனுஷ் நடித்துள்ள கேப்டன் மில்லர் படத்தின் இரண்டாவது பாடலை படக்குழு வெளியிட்டுள்ளது. ஜிவி பிரகாஷ் இசையில் ‘உன் ஒளியிலே’ எனத் தொடங்கும் இந்தப் பாடலை ஷான் ரோல்டன் பாடியுள்ளார். தமிழ், தெலுங்கு, இந்தி மொழிகளிலும் கேப்டன் மில்லர் செகண்ட் சிங்கிள் வெளியாகியுள்ளது குறிப்பிடத்தக்கது.

நீங்க டாப் பிளேயர் இல்லையா.. பூர்ணிமாவிடம் கமல் கேட்ட கேள்வி! விஜய் டிவியின் முன்னணி நிகழ்ச்சியான பிக்பாஸ் தற்போது 7வது சீசனின் 83வது நாளில் என்ட்ரி ஆகியுள்ளது. வாரயிறுதி நாளான இன்றைய தினம் நிகழ்ச்சியில் கமல் பங்கேற்று பேசினார். போட்டியாளர்களின் உறவினர்கள் குறித்து அவர் கேள்வி எழுப்பினார். இதில் பூர்ணிமா தான் துவக்கம் முதலே சிறப்பாக ஆடியிருந்தால் டாப் பிளேயராக இருந்திருப்பேன் என்று கூற, தற்போது அவர் டாப் பிளேயர் இல்லையா என்று கமல் கேள்வி எழுப்புவதாக தற்போது வெளியான பிரமோவில் காணப்படுகிறது

இரண்டாம் நாளில் சலார் வசூல் சரிவு!

சலார் திரைப்படத்தின் முதல் நாள் வசூல் மிகப்பெரிய அளவுக்கு இருந்த நிலையில், அதன் இரண்டாம் நாள் வசூல் 60 சதவீதம் சரிவை சந்தித்துள்ளதாக தகவல்கள் வெளியாகி உள்ளன.

சலார் ஃபிளாப்!

இந்தியளவில் சலார் ஃபிளாப் என்கிற ஹாஷ்டேக்கை ஷாருக்கான் ரசிகர்கள் டிரெண்ட் செய்து வருகின்றனர். டங்கி மற்றும் சலார் இந்த கிறிஸ்துமஸ் பண்டிகையை முன்னிட்டு வெளியான நிலையில், பலத்த மோதல் நிலவி வருகிறது.

கே பாலசந்தர் நினைவு தினத்தில் மலரும் நினைவுகளை வெளிப்படுத்திய கமல்!

இயக்குநர் சிகரம் கே பாலசந்தரின் 9வது நினைவு தினம் இன்றைய தினம் அனுசரிக்கப்பட்டு வருகிறது. இதையொட்டி தன்னுடைய ட்விட்டர் பக்கத்தில் கமல்ஹாசன் கே பாலசந்தரின் நினைவுகள் குறித்து பேசியுள்ளார். தன்னுடைய தந்தைக்கு நிகரானவர் என்றும் உருக்கம் தெரிவித்துள்ளார்.

மீண்டும் ரிலீஸ் தள்ளிப் போகிறதா சிவகார்த்திகேயனின் அயலான் படம்?

நடிகர் சிவகார்த்திகேயனின் அயலான் படம் வரும் பொங்கலுக்கு ரிலீசாகவுள்ளதாக கூறப்பட்டுள்ளது. இதற்கான பிரமோஷன்களில் படக்குழுவினர் ஈடுபட்டு வரும் நிலையில், படம் மீண்டும் மார்ச் மாதத்திற்கு தள்ளிப் போகவுள்ளதாக தற்போது தகவல்கள் வெளியாகியுள்ளன. இதனால் ரசிகர்கள் மிகுந்த அதிர்ச்சிக்குள்ளாகியுள்ளனர்.

ஷாருக்கானின் டங்கி படத்தின் வசூல் இவ்வளவா.. அதிகாரப்பூர்வ அறிவிப்பு!

நடிகர் ஷாருக்கான், டாப்சி உள்ளிட்டவர்கள் நடிப்பில் வெளியாகி ரசிகர்களை வெகுவாக கவர்ந்துள்ளது துன்கி. அதிரடி சண்டை காட்சிகள் இல்லாமல் உணர்வுகளுக்கு முக்கியத்துவம் தந்து இந்தப் படத்தை உருவாக்கியுள்ளார் ராஜ்குமார் ஹிரானி. இந்நிலையில் இந்தப் படம் சர்வதேச பாக்ஸ் ஆபீசில் 58 கோடிகளை தாண்டி வசூலித்துள்ளதாக படத்தின் தயாரிப்பாளர் கௌரி கான் அதிகாரப்பூர்வமாக அறிவித்துள்ளார்.

ரகுவரனின் மகன் வீடியோ ட்ரெண்டிங்

தமிழ் சினிமாவின் மிகச்சிறந்த நடிகர்களில் ஒருவர் ரகுவரன். அவர் நடிகை ரோகிணியை காதலித்து திருமணம் செய்து பிறகு பிரிந்தார். அவர்களுக்கு ரிஷி என்ற மகன் இருக்கிறார். தற்போது ரிஷியும் ரோகிணியும் உடற்பயிற்சி செய்யும் வீடியோ இணையத்தில் ட்ரெண்டாகியுள்ளது.

வடசென்னை 2 படம் குறித்து அப்டேட் சொன்ன வெற்றிமாறன்.. ரசிகர்கள் உற்சாகம்!

சென்னையில் நடைபெற்று முடிந்த சென்னை சர்வதேச திரைப்பட விழாவில் வெற்றிமாறனின் விடுதலை படத்திற்கு விருது வழங்கப்பட்டது. இந்த நிகழ்ச்சியில் பங்கேற்று விருதினை பெற்றுக் கொண்ட வெற்றிமாறனிடம் ரசிகர்கள் வடசென்னை 2 படம் குறித்து அப்டேட் கேட்டனர். அதற்கு படம் வருது என்று உற்சாகத்துடன் வெற்றிமாறன் பதிலளித்தார்.

சலார் படத்தின் முதல் நாள் பாக்ஸ் ஆபிஸ்

பிரசாந்த் நீல் இயக்கத்தில் பிரபாஸ் நடித்து நேற்று ரிலீஸான சலார் படத்தின் முதல் நாள் பாக்ஸ் ஆபிஸ் குறித்த தகவல் வெளியாகியிருக்கிறது. அதன்படி இந்திய அளவில் 135 கோடி ரூபாயும் உலகளவில் 175 கோடி ரூபாயும் வசூலித்திருப்பதாக தகவல் வெளியாகியிருக்கிறது.

தனுஷின் டிடி3 படத்தில் இணைந்த கலர்புல் காம்பினேஷன்!

நடிகர் தனுஷின் டிடி3 படத்தில் அவரது சகோதரியின் மகன் வருண் , அனிகா சுரேந்திரன் ஆகியோர் லீட் கேரக்டர்களில் நடிக்கவுள்ளனர். பக்கா காதல் படமாக உருவாகும் இந்தப் படத்தில் சரத்குமார் இணைந்துள்ள நிலையில் தற்போது மலையாள நடிகர்களான பிரியா வாரியர், மேத்யூ தாமஸ் ஆகியோரும் படத்தில் முக்கியமான கேரக்டர்களில் இணைந்துள்ளதாக கூறப்பட்டுள்ளது.

மீண்டும் தயாரிப்பாளராகும் தனுஷ்.. அடுத்தடுத்து 3 படங்களை தயாரிக்க திட்டம்!

நடிகர் தனுஷ் நடிப்பில் பொங்கலையொட்டி வெளியாகவுள்ளது கேப்டன் மில்லர். இந்தப் படத்தை தொடர்ந்து டி50 படத்தை இயக்கி முடித்துள்ள தனுஷ், மீண்டும் இயக்குநராக டிடி3 படத்தை இயக்கி வருகிறார். இந்தப் படத்தை அவர் தனது வொண்டர்பார் நிறுவனத்தின் சார்பில் தயாரிக்க உள்ளார். மேலும் அருண் மாதேஸ்வரன், மாரி செல்வராஜ் இயக்கத்திலும் படங்களை தயாரிக்க திட்டமிட்டுள்ளார்.

கேப்டன் மில்லர் செகண்ட் சிங்கிள் நாளை மாலை 5 மணிக்கு வெளியாகிறது தனுஷ் நடித்துள்ள கேப்டன் மில்லர் திரைப்படம் பொங்கல் ஸ்பெஷலாக ஜனவரி 11ம் தேதி வெளியாகிறது. இந்நிலையில் கேப்டன் மில்லர் படத்தில் இருந்து இரண்டாவது பாடல் நாளை மாலை 5 மணிக்கு வெளியாகும் என படக்குழு அதிகாரப்பூர்வமாக அறிவித்துள்ளது.

சீரியல் நடிகருக்கு லுக் அவுட் நோட்டீஸ் கயல், கண்ணாண கண்ணே உள்ளிட்ட சீரியல்களில் நடித்த ராகுல் ரவிக்கு காவல் துறை லுக் அவுட் நோட்டீஸ் அனுப்பியுள்ளது. மனைவி கொடுத்த புகாரின் அடிப்படையில் இந்த நடவடிக்கை எடுக்கப்பட்டிருக்கிறது.

இதுக்கு அப்புறமா பிரெண்ட் கிடையாது.. விக்ரம் மீது கடுப்பான மாயா! விஜய் டிவியின் பிக்பாஸ் தமிழ் 7 ஷோ இன்றைய தினம் 82வது நாளில் என்ட்ரி கொடுத்துள்ளது. இதையொட்டி அடுத்தடுத்த பிரமோக்கள் வெளியாகியுள்ளன. தற்போது வெளியாகியுள்ள 2வது பிரமோவில் விக்ரம் மற்றும் அவரது தங்கை குறித்து மாயா மற்றும் பூர்ணிமா கடுப்பாக பேசியதை பார்க்க முடிந்தது.

பாலாவுக்கு பிடித்த நடிகை இவர்தான்?.. இயக்குநர் பாலா தனக்கு பிடித்த நடிகை வரலட்சுமிதான் என தெரிவித்திருக்கும் வீடியோ சமூக வலைதளங்களில் ட்ரெண்டாகியுள்ளது.

ஓடிடியில் வெளியானது 80ஸ் பில்ட் அப்

சந்தானம் நடிப்பில் உருவாகியிருக்கும் 80ஸ் பில்ட் அப் திரைப்படம் அமேசான் ப்ரைமில் வெளியாகியிருக்கிறது.

சலார் படத்துக்கு பெருகும் வரவேற்பு

சலார் படத்துக்கு தமிழ்நாட்டு ரசிகர்களும் தங்களது வரவேற்பை கொடுத்திருக்கின்றனர். பிரபாஸ் மட்டுமின்றி பிருத்விராஜும் மிகச்சிறப்பாக நடித்திருப்பதாக பாராட்டு

சென்னை சர்வதேச திரைப்பட விழா.. சிறந்த படமாக அயோத்தி தேர்வு

சென்னையில் நடக்கும் சர்வதேச திரைப்பட விழாவில் சிறந்த படமாக அயோத்தி படம் தேர்வாகியுள்ளது. அதனையொட்டி அந்தப் படத்தின் இயக்குநர் மந்திரமூர்த்திக்கு ஒரு லட்சம் ரூபாய் பரிசாக வழங்கப்பட்டது. இரண்டாவது இடத்தை உடன்பால் பெற்றது. அதனையொட்டி அப்படத்தின் இயக்குநர் கார்த்திக் சீனிவாசனும் 50,000 ரூபாய் பரிசாக வழங்கப்பட்டது.

கதறி அழும் பிக்பாஸ் தனலட்சுமி

பிக்பாஸ் ஆறாவது சீசனில் கலந்துகொண்ட தனலட்சுமி கதறி அழுதபடி தனது இன்ஸ்டாகிராம் பக்கத்தில் போட்டிருக்கும் வீடியோ பரபரப்பை ஏற்படுத்தியிருக்கிறது.

சொதப்பிய சலார்!

ஸ்டைல் இருக்கு சப்ஸ்டான்ஸே இல்லை என சலார் படத்தின் சோலியை முடித்திருக்கிறார் இந்த நெட்டிசன். படம் முழுக்க பிரபாஸ் ஸ்லோ மோஷன் வாக்கிலேயே வருவது ஏன் என்றே தெரியவில்லை. லவுட் பிஜிஎம், அவுட்டேட்டான கிளைமேக்ஸ், அந்த சிறுமியை காப்பாற்றும் சண்டைக் காட்சி மட்டும் சூப்பர் என கிழித்துத் தொங்கவிட்டுள்ளார்.

எதுவும் புதுசா இல்லை!

படத்தில் கதை என சொல்லிக் கொள்ளும்படி புதிதாக எதுவும் இல்லை. அதே நண்பன் முதுகுல குத்துற கதை தான். பிரபாஸ் நடிப்பு மட்டுமே ஆறுதல். சில ஓவர் பில்டப் காட்சிகள் கடுப்பை கிளப்புகிறது என இந்த நெட்டிசன் நெகட்டிவ் ரிவ்யூ கொடுத்துள்ளார்.

இடைவேளை மிரட்டல்!

ப்ரீ இன்டர்வெல் முதல் இடைவேளை காட்சி வரை நடக்கும் அந்த மாஸ் ஃபைட் மற்றும் பிரபாஸின் வெறித்தனமான என்ட்ரி வேறலெவல் தியேட்டர் செலிபிரேஷன்.

ஹியூஜ் பிளாக்பஸ்டர்!

எப்போதுமே பிரபாஸ் மீது மிகப்பெரிய நம்பிக்கையும் மரியாதையும் உள்ளது. இந்த படம் அவருக்கு Huge Blockbuster அடைய வாழ்த்துகள் என விமர்சகர் பிரசாந்த் ரங்கசாமி பதிவிட்டுள்ளார்.

ஒன்மேன் ஷோ!

பிரபாஸ் ஒன்மேன் ஷோவாக மொத்த படத்தையும் தாங்கி நிற்கிறார். அவரது ஆக்‌ஷன் சீக்வென்ஸ்களை அன்பறிவ் மாஸ்டர்கள் செதுக்கி உள்ளனர். இந்த ஆண்டு டோலிவுட்டுக்கு கிளைமேக்ஸில் செம ட்ரீட் என ரசிகர்கள் கொண்டாடி வருகின்றனர்.

பிளாக்பஸ்டர்!

பிரபாஸின் சலார் திரைப்படத்திற்கு தொடர்ந்து பிரபாஸ் ரசிகர்கள் பாசிட்டிவான விமர்சனங்களை கொடுத்து வருகின்றனர். எந்தவொரு டல் மொமண்ட்ஸும் இல்லை என்றும் நிச்சயம் பிளாக்பஸ்டர் தான் என பதிவிட்டு வருகின்றனர்.

பிரபாஸின் சலார் படம் வெளியானது!

பிரசாந்த் நீல் இயக்கத்தில் பிரபாஸ், பிருத்விராஜ், ஸ்ருதிஹாசன், ஜகபதி பாபு, பாபி சிம்ஹா, ஸ்ரேயா ரெட்டி உள்ளிட்ட பலரது நடிப்பில் உருவாகி உள்ள சலார்: சீஸ் ஃபயர் முதல் பாகம் இன்று வெளியானது. தியேட்டர்களில் பெரிய பெரிய கட் அவுட்கள் வைத்து பிரபாஸ் ரசிகர்கள் திருவிழாவாக கொண்டாடி வருகின்றனர்.

2025ல் அனிமல் 2 படம்.. சந்தீப் ரெட்டி வங்கா பிளான்!

ரன்பீர் கபூர், ராஷ்மிகா மந்தனா லீட் கேரக்டர்களில் நடித்து கடந்த 1ம் தேதி ரிலீசானது அனிமல் படம். சர்வதேச அளவில் 850 கோடி ரூபாய்களை வசூலித்துள்ள இந்தப் படத்தின் இரண்டாவது பாகத்தையும் இயக்க படத்தின் இயக்குநர் சந்தீப் ரெட்டி வங்கா திட்டமிட்டுள்ளார். அடுத்ததாக பிரபாஸ் இயக்கத்தில் படமியக்கும் அவர், 2025ம் ஆண்டில் அனிமல் 2 படத்தை இயக்க திட்டமிட்டுள்ளார்.

அஜித் டூ சூர்யா.. ஸ்டண்ட் மாஸ்டர் சுப்ரீம் சுந்தரின் மாஸ்டர் பிளான்! தமிழில் அஜித்தின் துணிவு படத்தை தொடர்ந்து விடாமுயற்சியிலும் இணைந்து ஆக்ஷன் காட்சிகளில் அதிரடி காட்டி வருகிறார் ஸ்டண்ட் மாஸ்டர் சுப்ரீம் சுந்தர். தற்போது அசர்பைஜானில் விடாமுயற்சி படத்தின் கார் சேஸிங் காட்சியில் மாஸ் காட்டிவரும் சுப்ரீம் சுந்தர், சூர்யாவின் கங்குவா படத்திற்காக வரும் ஜனவரியில் சென்னை வரவுள்ளார். கங்குவா படத்தில் மீதமுள்ள சூர்யாவின் ஆக்ஷன் காட்சிகளில் அவர் ஸ்டண்ட் அமைக்கவுள்ளார்.

லோகேஷ் மாதிரி என்னால செய்ய முடியாது.. பிரஷாந்த் நீல் பளீச்! தன்னுடைய சலார் படத்திற்கும் கேஜிஎப் படங்களுக்கும் எந்த தொடர்பும் இல்லை என்று சலார் படத்தின் இயக்குநர் பிரஷாந்த் நீல் தெரிவித்துள்ளார். இதுகுறித்து அவர் தனது பேட்டியில் தமிழில் லோகேஷ் கனகராஜ் தன்னுடைய யூனிவர்சை வெளிப்படுத்தி வருவது போல தன்னால் செய்ய முடியாது என்று வெளிப்படையாக தெரிவித்துள்ளார்.

யாத்ரா 2வில் ஜீவா! இயக்குநர் மஹி வி. ராகவ் இயக்கத்தில் மம்மூட்டி நடித்து வரும் யாத்ரா 2 படத்தில் முக்கிய கதாபாத்திரத்தில் ஜீவா நடித்து வரும் நிலையில், புதிய போஸ்டர் வெளியாகி உள்ளது. மேலும், அடுத்த ஆண்டு பிப்ரவரி 8ம் தேதி படம் வெளியாகும் என்றும் அறிவிக்கப்பட்டுள்ளது.

பிக்பாஸ் வீட்டில் கதறி அழுத ரவீனா.. திகைத்த மணி! பிக்பாஸ் தமிழ் 7 நிகழ்ச்சியில் தற்போது ஃபிரீஸ் டாஸ்க் நடத்தப்பட்டு வருகிறது. இதில் ரவீனாவின் தோழியின் அம்மா நிகழ்ச்சியில் பங்கேற்றார். அவர் மணி மற்றும் ரவீனாவின் செயல்பாடுகளை ஆத்திரத்துடன் கேள்வி கேட்டார். தொடர்ந்து அவர் ரவீனாவிடம் கோட் வார்த்தைகளை பயன்படுத்தியதாக நிகழ்ச்சியிலிருந்து வெளியேற்றப்பட்டார். இதனால் ரவீனா கதறி அழுததை பார்க்க முடிந்தது.

பருத்திவீரன் பிரச்னை.. தூது சென்ற வெற்றிமாறன்?

பருத்திவீரன் பிரச்னையில் அமீருக்கு 10 கோடி ரூபாய் பணம் கொடுக்க வேண்டும் என்று வெற்றிமாறன் ஞானவேலுவிடம் கேட்டதாக பத்திரிகையாளர் அந்தணன் தெரிவித்திருக்கிறார்.

இளையராஜாவை சந்தித்த பா.இரஞ்சித் இசைஞானி இளையராஜாவை இயக்குநர் பா.இரஞ்சித் நேரில் சந்தித்தார். அப்போது பாபா சாகேப்பின் காதல் கடிதம் புத்தகத்தை இளையராஜாவுக்கு வழங்கினார்.

இயக்குநர் மாரி செல்வராஜ் மழை, வெள்ளத்தில் சிக்கியவர்களை மீட்கும் வீடியோ டிவிட்டரில் ட்ரெண்டாகி வருகிறது. முன்னதாக மாரி செல்வராஜ் மீட்புப் பணியில் ஈடுப்பட்டதை சிலர் விமர்சித்திருந்தனர். அதற்கு அவரும் பதிலடி கொடுத்திருந்தது குறிப்பிடத்தக்கது.

சம்பளத்தை உயர்த்திய யோகிபாபு? நடிகர் யோகிபாபு தெலுங்கு திரையுலகில் என்ட்ரி ஆகவிருப்பதாகவும் அதற்காக தனது சம்பளத்தை மூன்று மடங்கு உயர்த்தியிருப்பதாகவும் கூறப்படுகிறது.மேலும் பிரபாஸ் நடிக்கும் படத்தில்தான் அவர் அறிமுகமாகவிருப்பதாக தகவல்கள் தெரிவிக்கின்றன.

டங்கி டிவிட்டர் விமர்சனம்... முதல் பாதியில் செம்ம காமெடி

ஷாருக்கான் நடித்துள்ள டங்கி திரைப்படம் இன்று வெளியானது. இந்தப் படத்தின் முதல் பாதி காமெடியாக இருப்பதாக டிவிட்டரில் ரசிகர்கள் பதிவிட்டு வருகின்றனர். இடைவேளை காட்சியில் இரண்டாம் பாதி மீதான எதிர்பார்ப்பு அதிகரித்துள்ளதாகவும் விமர்சனம் செய்துள்ளனர்.

இறக்கும் நேரம் வந்துவிட்டது - ரச்சிதா எமோஷனல்

நடிகை ரச்சிதா தனது இன்ஸ்டாகிராம் பக்கத்தில், “நான் இறக்கும் நேரம் வந்துவிட்டது. அதனால் எனது விருப்பமான வழியில் வாழ்க்கையை வாழ விடுங்கள்” என போஸ்ட் போட்டிருப்பது ரசிகர்களிடையே அதிர்ச்சியை ஏற்படுத்தியிருக்கிறது.

ஷாருக்கான் டங்கி திரைப்படம் வெளியானது... ரசிகர்கள் கொண்டாட்டம்

ஷாருக்கான், டாப்ஸி நடித்துள்ள ‘டங்கி’ திரைப்படம் இன்று திரையரங்குகளில் வெளியானது. மும்பை, டெல்லி உட்பட வடமாநிலங்களில் டங்கி படத்தின் முதல் நாள் முதல் காட்சியை ரசிகர்கள் கொண்டாட்டத்துடன் பார்த்து வருகின்றனர்.

ரவிக்குமார் இயகக்த்தில் சிவகார்த்திகேயன் நடிப்பில் உருவாகியிருக்கும் அயலான் படத்திலிருந்து அயலா அயலா என்ற பாடல் வெளியாகி வரவேற்பை பெற்றிருக்கிறது. பாடலை விவேக் எழுத நரேஷ் ஐயரும் ஹ்ரிதாய் கட்டாணி ஆகியோர் பாடியிருக்கின்றனர்.

பிடிக்காமல் நடித்தார் அஜித் - லிங்குசாமி ஓபன் டாக்

ஜி படத்தின் கதை பிடிக்காமல்தான் அஜித் நடித்ததாக இயக்குநர் லிங்குசாமி சமீபத்திய பேட்டி ஒன்றில் தெரிவித்திருக்கிறார்.

நிறங்கள் மூன்று படத்துக்கு சென்சார் சர்ட்டிஃபிக்கேட்

கார்த்திக் நரேன் இயக்கத்தில் அதர்வா, சரத்குமார், ரஹ்மான் நடிக்கும் நிறங்கள் மூன்று படத்துக்கு யு/ஏ சர்ட்டிஃபிக்கேட் கிடைத்திருக்கிறது.

சகோதரர் மகளுடன் நடனம் ஆடும் சங்கீதா.. ட்ரெண்டாகும் வீடியோ

ரெடின் கிங்ஸ்லி மனைவி சங்கீதா தனது சகோதரரின் மகளுடன் நடனம் ஆடும் வீடியோ இணையத்தில் ட்ரெண்டாகியுள்ளது.

அர்ச்சனா கல்பாத்தி ட்வீட்!

தளபதி 68 படத்தின் டைட்டில் Boss என்றும் Puzzle என்றும் கணிப்பு தலைப்புகள் வலம் வரும் நிலையில், அது இரண்டும் கிடையாது என்றும் அதிகாரப்பூர்வ அறிவிப்பு வரும் வரை காத்திருக்கவும் என அர்ச்சனா கல்பாத்தி ட்வீட் போட்டுள்ளார்.

பிரபாஸ் படத்துக்கு பச்சைக்கொடி!

பிரசாந்த் நீல் இயக்கத்தில் பிரபாஸ் நடித்துள்ள சலார் படம் நள்ளிரவு 1 மணிக்கு திரையிட தெலங்கானா அரசு அனுமதி வழங்கி உள்ளது.

நவயுக கண்ணகி பட டிரைலர் வெளியானது!

இயக்குனர் கிரண் துரைராஜ் இயக்கத்தில் உண்மை கதையை மையமாக வைத்து, உருவாகியுள்ள நவயுக கண்ணகி படத்தின் டிரைலர் வெளியாகி உள்ளது. இப்படம் நேரடியாக ஷார்ட் ஃபிலிக்ஸ் ஓடிடி தளத்தில் வெளியாகி உள்ளது.இதில் விமல் குமார், தென்பாண்டியன், ஜெயபிரகாஷ், சுகந்தி குமார் ஆகியோர் நடித்துள்ளனர்.

நஸ்ரியா பிறந்தநாள்!

நேரம் படத்தின் மூலம் தமிழ் சினிமாவில் அறிமுகமான நடிகை நஸ்ரியா ராஜா ராணி, நய்யாண்டி உள்ளிட்ட சில படங்களில் நடித்துள்ளார். மலையாள நடிகர் பகத் ஃபாசிலை திருமணம் செய்துக் கொண்ட நிலையிலும் தொடர்ந்து நடித்து வரும் நஸ்ரியா இன்று தனது 29வது பிறந்தநாளை கொண்டாடி வருகிறார்.

சண்டக்கோழி படத்தை நிராகரித்த விஜய்.. லிங்குசாமி வெளிப்படுத்திய உண்மை!

விஷால், மீரா ஜாஸ்மீன், ராஜ்கிரண் நடிப்பில் கடந்த 2005ம் ஆண்டில் வெளியாகி சூப்பர் ஹிட்டடித்த படம் சண்டக்கோழி. இந்தப்படம் வெளியாகி 18 ஆண்டுகளை நிறைவு செய்துள்ளதையொட்டி படத்தின் இயக்குநர் லிங்குசாமி பேட்டியளித்துள்ளார். இந்தப் படத்தின் கதையை தான் முன்னதாக விஜய்க்கு கூறியதாகவும் அவர் இந்தக்கதையின் இரண்டாவது பாகத்தை கேட்காமல் ரிஜெக்ட் செய்ததாகவும் கூறியுள்ளார். இந்தப் படத்தின் வெற்றியை தொடர்ந்து விஜய் தன்னிடம் பாராட்டு தெரிவித்ததாகவும் லிங்குசாமி கூறியுள்ளார்.

பிக்பாஸ் 7 நிகழ்ச்சியில் இன்றைய தினம் ஹவுஸ்மேட்சின் பெற்றோர் பிக்பாஸ் வீட்டிற்கு வந்ததை பார்க்க முடிந்தது. அதில் போட்டியாளர்களிடம் குறிப்பாக விக்ரமிடம் பேசிய அர்ச்சனாவின் அப்பா, அவர் தன் மகளிடம் நடந்துக் கொண்ட விதத்தை புரியவைத்தார். மனிதாபிமானத்தோடு நடந்துக் கொள்ளவும் அறிவுறுத்தினார். தன்னுடைய மகள் அழுத ஒரு தருணத்தில் அவரை கேலி செய்தது குறித்து விக்ரமிற்கு சுட்டிக் காட்டினார்.

டிமான்டி காலனி 2 படம் பார்த்து நாங்களே பயந்துவிட்டோம் என்று இசையமைப்பாளர் சாம் சிஎஸ் தெரிவித்துள்ளார். இந்தப்படத்தில் அஜய் மிரட்டியிருக்கிறார். ஒவ்வொன்றையும் பார்த்துப் பார்த்து செய்துள்ளார்.

விஜய் டிவியின் பிக்பாஸ் 7 நிகழ்ச்சி இன்றைய தினம் 79வது நாளில் என்ட்ரி கொடுத்துள்ளது. இந்த நிகழ்ச்சியின் இன்றைய தினத்திற்கான அடுத்தடுத்த பிரமோக்கள் வெளியாகியுள்ள நிலையில் இன்றைய தினம் பிரீஸ் டாஸ்க் நடத்தப்பட்டுள்ளது. இதையொட்டி போட்டியாளர்களின் அம்மா, அப்பா நிகழ்ச்சியில் என்ட்ரி கொடுத்துள்ளனர். இந்த நிகழ்ச்சியில் விசித்ராவிடம் நேரடியாக சென்ற பூர்ணிமாவின் அம்மா, அவரிடம் மன்னிப்பு கேட்டதை பார்க்க முடிந்தது. இதைப்பார்த்து பூர்ணிமா அதிர்ச்சி அடைந்துள்ளார்.

காதல் தோல்வியால் உச்சக்கட்ட விரக்தியில் ராஷ்மிகா மந்தனா?..

நடிகை ராஷ்மிகா மந்தனா தனது இன்ஸ்டாகிராம் பக்கத்தில், “உன்னிடம் ஒன்று சொல்ல வேண்டும். எனது வாழ்க்கையில் வந்ததற்கு நன்றி” என்று குறிப்பிட்டிருக்கிறார். அதனை பார்த்த ரசிகர்கள் ராஷ்மிகாவுக்கு காதல் தோல்வி ஏற்பட்டுவிட்டதோ என கமெண்ட்ஸ் செய்துவருகின்றனர்.

வணங்கான் படத்தின் இறுதிக்கட்ட பணிகள்

பாலா இயக்கத்தில் அருண் விஜய் நடிக்கும் வணங்கான் படத்தின் டப்பிங் பணிகள் பூஜையுடன் தொடங்கின

சூப்பர் ஆக்டர்ன்னு சொன்னாதான் சந்தோஷம்.. பார்வதி திருவோத்து பளீச்!

சூப்பர்ஸ்டார் என்ற பட்டத்திற்கு எந்த பொருளும் இல்லை என்று நடிகை பார்வதி திருவோத்து தெரிவித்துள்ளார். அவர் தனது சமீபத்திய பேட்டியில் சூப்பர் ஆக்டர் என்று தன்னை கூறினால் சந்தோஷப்படுவேன் என்று கூறியுள்ளார்.

மீட்புபணிகளை துரிதப்படுத்த மாரி செல்வராஜ் வேதனை வேண்டுகோள்!

தென் மாவட்டங்களில் வரலாறு காணாத வெள்ள பாதிப்பு ஏற்பட்டுள்ள நிலையில் 20க்கும் மேற்பட்ட கிராமங்கள் துண்டிக்கப்பட்டுள்ளதாக இயக்குநர் மாரி செல்வராஜ் வருத்தம் தெரிவித்துள்ளார். உடனடியாக மீட்பு நடவடிக்கைகளை துரிதப்படுத்த அரசுக்கும் கோரிக்கை விடுத்துள்ளார்.

அவதாரை பின்பற்றும் சிம்புவின் STR48 படம்!

நடிகர் சிம்பு -தேசிங்கு பெரியசாமி கூட்டணியில் உருவாகவுள்ள STR48 படத்தின் பிரீ புரொடக்ஷன்ஸ் வேலைகள் அதிகமான காலத்தை எடுத்துக் கொள்வதால் படத்தின் சூட்டிங் தாமதமாகி வருகிறது. இந்நிலையில் அடுத்த ஆண்டு பிப்ரவரி மாதத்தில் சூட்டிங் துவங்கவுள்ளதாகவும் ஜூலை மாதம்வரையில் நடக்கவுள்ளதாகவும் கூறப்பட்டுள்ளது. ஹாலிவுட்டில் அவதார் படம் போல இந்தப்படத்தின் சூட்டிங் விரைவில் நிறைவடையவுள்ளதாகவும் ஆனால் போஸ்ட் புரொடக்ஷன்ஸ் வேலைகள் முடிய அதிக காலஅவகாசம் தேவைப்படும் என்றும் கூறப்பட்டுள்ளது.

ஐஸ்வர்யா ரஜினிகாந்த் இயக்கத்தில் உருவாகியிருக்கும் லால் சலாம் படத்திலிருந்து தேர் திருவிழா பாடல் வெளியானது.

நாடாளுமன்ற தேர்தலில் சீமானுக்கு ஆதரவா.. புஸ்ஸி ஆனந்தின் ரியாக்ஷனை பாருங்க!

விஜய் மக்கள் இயக்கத்தின் ஆலோசனைக் கூட்டம் இன்றைய தினம் விழுப்புரத்தில் நடைபெற்றது. இந்த கூட்டத்தில் பங்கேற்ற மாநில பொதுச் செயலாளர் புஸ்ஸி ஆனந்த் செய்தியாளர்களை சந்தித்தார். அப்போது அவரிடம் நாடாளுமன்ற தேர்தல் குறித்தும் விஜய் மக்கள் இயக்கம் சீமானுக்கு ஆதரவளிக்குமா என்பது குறித்தும் கேள்வி எழுப்பப்பட்டது. இந்தக் கேள்விகளுக்கு பதிலளிக்காமல் மழுப்பி சிரித்தபடி நன்றி சொல்லிவிட்டு அங்கிருந்து எஸ்கேப் ஆனார் புஸ்ஸி ஆனந்த்.

குளக்கரையில் காத்திருக்கும் தேவதை மாளவிகா மோகனன்!

பேட்ட படம் மூலம் தமிழில் அறிமுகமானவர் நடிகை மாளவிகா மோகனன். தொடர்ந்து விஜய், தனுஷ், விக்ரமுடன் இணைந்து நடித்துள்ளார். தற்போது விக்ரமுடன் மாளவிகா ஜோடி சேர்ந்துள்ள தங்கலான் படம் ரிலீசுக்கு காத்திருக்கிறது. இந்நிலையில் குளக்கரையில் தங்கலான் நாயகி காத்திருக்கும் புகைப்படங்கள் இன்ஸ்டாகிராமில் வெளியாகி ஏராளமான ரசிகர்களை கவர்ந்துள்ளன.

தெறிக்க தெறிக்க ஆக்‌ஷன்... மிரட்டலாக வெளியானது சலார் ட்ரெய்லர்

பிரபாஸ், பிருத்விராஜ் நடிப்பில் பிரசாந்த்நீல் இயக்கியுள்ள சலார் ட்ரெய்லர் வெளியானது. இன்று காலை 10.42 மணிக்கு வெளியாகவிருந்த சலார் ட்ரெய்லர், டெக்னிக்கல் பிரச்சினை காரணமாக தற்போது ரிலீஸானது. ஆக்‌ஷனில் மிரட்டும் சலார் ட்ரெய்லரை ரசிகர்கள் கொண்டாடி வருகின்றனர்.

அயலான் செகண்ட் சிங்கிள் அப்டேட் கொடுத்த ஏஆர் ரஹ்மான்

சிவகார்த்திகேயன் நடித்துள்ள அயலான் படத்தின் இரண்டாவது பாடல் புதன் கிழமை (டிச.20) வெளியாகும் என படக்குழு அதிகாரப்பூர்வமாக அறிவித்துள்ளது. ‘அயலா அயலா’ என்ற டைட்டில் உருவாகியுள்ள இந்தப் பாடலுக்கு ஏஆர் ரஹ்மான் இசையமைத்துள்ளார்.

சலார் ட்ரெய்லர் ரிலீஸில் திடீர் சிக்கல்!

பிரபாஸ், பிருத்விராஜ் நடித்துள்ள சலார் ட்ரெய்லர் இன்று காலை 10.42 மணிக்கு வெளியாகும் என சொல்லப்பட்டது. ஆனால் தற்போது இன்று மதியம் 2 மணிக்கு வெளியாகும் என படக்குழு அதிகாரப்பூர்வமாக அறிவித்துள்ளது. இதனால் பிரபாஸ் ரசிகர்கள் ஏமாற்றத்தில் உள்ளனர்.

இரண்டாவது திருமணம் நடக்குமா?.. சமந்தா சொன்ன பதில்

இரண்டாவது திருமணம் செய்துகொள்வீர்களா என ரசிகர் ஒருவர் கேட்டதற்கு, “அது தவறான முடிவு. 2023ஆம் ஆண்டு நிலவரப்படி முதல் திருமணம் செய்தவர்களின் விவாகரத்து சதவீதம் 50 சதவீதம்; இரண்டாவது திருமணம் செய்தவர்களின் விவகாரத்து 67 சதவீதம்; மூன்றாவது திருமணம் செய்துகொண்டவர்களின் விவாகரத்து 73 சதவீதம்” என குறிப்பிட்டிருக்கிறார்.

என் வாழ்நாளில் எட்டு ஆண்டுகள் மதுவுக்கு அடிமையாக இருந்தேன். அந்த நாள்களில் பார்ட்டிக்கு சென்றால், நான் நிதானமாக இருக்கமாட்டேன். நண்பர்களுடன் குடிப்பதை விரும்பினேன். ஆனால், நான், ஒரு போதும் போதைப்பொருளை பயன்படுத்தியது இல்லை என்று ஸ்ருதிஹாசன் தெரிவித்துள்ளார்.

தனிமைக்கான காரணத்தை வெளிப்படுத்திய கனகா!

கனகா நடிப்பில் கடந்த 2000ல் சில படங்கள் வெளியான நிலையில், கடந்த 23 ஆண்டுகளாக அவர் சினிமாவில் நடிக்காமல் ஒதுங்கி வாழ்ந்து வருகிறார். சமீபத்தில் கனகாவுடன் எடுத்துக் கொண்ட புகைப்படத்தை நடிகை குட்டி பத்மினி வெளியிட்ட நிலையில், அவரது தற்போதைய லுக் குறித்து ரசிகர்கள் அதிர்ச்சியை வெளிப்படுத்தினர். இந்நிலையில் தானாக வந்து பேட்டிக் கொடுப்பதாக கூறுவது சரியாக இருக்காது என்றும் அதனால்தான் தான் ஒதுங்கியிருந்ததாகவும் கனகா தன்னுடைய பேட்டியொன்றில் கூறியுள்ளார்.

தனுஷ் படம் குறித்து மாஸ் அப்டேட் கொடுத்த ஜிவி பிரகாஷ்!

நடிகர் தனுஷ் நடிப்பில் கேப்டன் மில்லர் படம் பொங்கலுக்கு ரிலீசாகவுள்ள நிலையில் அடுத்ததாக தன்னுடைய இயக்கம் மற்றும் நடிப்பில் டி50 படத்தை இயக்கி முடித்துள்ளார் தனுஷ். அடுத்ததாக சேகர் கம்முலா இயக்கத்தில் நடிக்கத் துவங்குவார் என்று எதிர்பார்க்கப்பட்ட நிலையில் தன்னுடைய இயக்கத்தில் உருவாகும் மூன்றாவது படத்தின் சூட்டிங்கை துவங்கியுள்ளார். இது பக்கா லவ் படம் என படத்தின் இசையமைப்பாளர் ஜிவி பிரகாஷ் தனது பேட்டியொன்றில் கூறியுள்ளார்.

சிக்கன் கிரேவி சமைத்த அஜித்.. விடாமுயற்சி சூட்டிங் ஸ்பாட்டில் சுவாரஸ்யம்! விடாமுயற்சி படத்தின் சூட்டிங் தற்போது அசர்பைஜானில் நடந்து வருகிறது. நடிகர் அஜித், திரிஷா, அர்ஜூன் உள்ளிட்ட படக்குழுவினர் தற்போது விடாமுயற்சி சூட்டிங்கில் பிசியாக நடித்து வருகின்றனர். இந்நிலையில் சூட்டிங்கில் கிடைக்கும் இடைவேளைகளில் நடிகர் அஜித் படக்குழுவினருக்கு சமையல் செய்து அசத்தி வருகிறார். நேற்றைய தினம் படக்குழுவினருக்கு அவர் சிக்கன் கிரேவி செய்து கொடுத்து அசத்தியுள்ளார்.

சந்தோஷத்தில் நயன்தாரா! கடந்த நவம்பர் 18ம் தேதி நயன்தாராவின் பிறந்தநாளை முன்னிட்டு விக்னேஷ் சிவன் சொகுசு கார் ஒன்றை பரிசாக அளித்த வீடியோவை தற்போது நயன்தாரா வெளியிட்டு தனது சந்தோஷத்தை பகிர்ந்துள்ளார்.

மனம் மாறியது குற்றம்.. ஹவுஸ்மேட்சை சாடிய கமல்! விஜய் டிவியின் பிக்பாஸ் தமிழ் 7 ஷோ, இன்றைய தினம் 77வது நாளில் என்ட்ரி கொடுத்துள்ளது. வாரயிறுதி எபிசோட்களான இன்றும் நேற்றும் கமல்ஹாசன் நிகழ்சசியில் பங்கேற்ற நிலையில், நிகழ்ச்சியின் இன்றைய தினத்திற்கான அடுத்தடுத்த பிரமோக்கள் வெளியாகியுள்ளன. அதில் நிகழ்ச்சியில் போட்டியாளர்கள் தங்களது குணத்தை மாற்றிக் கொள்ளாதது தவறில்லை என்றும் மனதை மாற்றிக் கொண்டதுதான் குற்றம் என்றும் கமல் கூறியதை பார்க்க முடிந்தது.

ஐஸ்வர்யா ரஜினிகாந்த் இயக்கத்தில் ஏஆர் ரஹ்மான் இசையமைத்துள்ள லால் சலாம் படத்தின் முதல் பாடல் ‘தேர் திருவிழா’ நாளை மாலை 5 மணிக்கு வெளியாகிறது. பொங்கலுக்கு வெளியாகும் இந்தப் படத்தில் சூப்பர் ஸ்டார் ரஜினிகாந்த் கேமியோ ரோலில் நடித்துள்ளார்.

தங்கலான் டப்பிங்கை முடித்த சீயான் விக்ரம் பா. ரஞ்சித் இயக்கத்தில் விக்ரம் நடித்துள்ள தங்கலான் படப்பிடிப்பு நிறைவடைந்தது. இதனையடுத்து இப்படத்திற்கான டப்பிங்கை முடித்துள்ளார் சீயான் விக்ரம். இந்தப் புகைப்படங்கள் இணையத்தில் ட்ரெண்டாகி வருகின்றன.

முதலமைச்சரிடம் புயல் நிவாரண நிதி வழங்கிய இயக்குநர் அமீர்

மிக்ஜாம் புயல் பேரிடர் நிவாரணப் பணிகளுக்காக முதலமைச்சரின் பொது நிவாரண நிதிக்கு இயக்குநர் அமீர் ரூ. 10 இலட்சத்திற்கான காசோலையை வழங்கினார். முதலமைச்சர் ஸ்டாலினிடம் அமீர் நிதி வழங்கிய புகைப்படம் ட்ரெண்டாகி வருகிறது.

ஃபைட் கிளப் இரண்டாவது நாள் பாக்ஸ் ஆபிஸ்

லோகேஷ் கனகராஜ் தயாரித்துள்ள ஃபைட் கிளப் திரைப்படம் 15ம் தேதி வெளியானது. ‘உறியடி’ பிரபலம் விஜயகுமார் நடித்துள்ள ஃபைட் கிளப், இரண்டாவது நாளில் 1.92 கோடி ரூபாய் வசூல் செய்துள்ளதாக பாக்ஸ் ஆபிஸ் வட்டாரங்கள் தெரிவித்துள்ளன.

சிம்புதேவன் இயக்கத்தில் யோகிபாபு நடித்துள்ள போட் படத்தின் டீசர் வெளியாகி உள்ளது.யோகிபாபு முதன்மை கதாபாத்திரத்தில் நடித்திருக்கும் இப்படத்துக்கு ஜிப்ரான் இசையமைத்துள்ளார்.

KPY பாலாவுக்கு கை விரல்கள் உடைந்தன..

பலருக்கு பல உதவிகளை செய்யும் கலக்கப்போவது யாரு பாலாவுக்கு கை விரல்கள் உடைந்திருக்கின்றன. அதுகுறித்து அவர் தனது இன்ஸ்டாகிராம் பக்கத்தில் மனம் நிறைந்தது விரல் உடைந்தது நன்றி என குறிப்பிட்டிருக்கிறார்.

கருப்புநிற புடவையில் தேவதையாய் ஜொலிக்கும் ஜான்வி!

பாலிவுட்டில் அடுத்தடுத்த படங்களில் நடித்து ரசிகர்களை கவர்ந்து வரும் நடிகை ஜான்வி கபூர், தெலுங்கில் ஜூனியர் என்டிஆர் ஜோடியாக தேவரா படத்தில் நடித்து வருகிறார். சமூக வலைதளங்களில் ஆக்டிவாக காணப்படும் ஜான்வி, தொடர்ந்து ரசிகர்களை கவரும்வகையில் புகைப்பட சூட்களை எடுத்து புகைப்படங்களை பகிர்ந்து வருகிறார். தற்போது கருப்புநிற புடவையில் தேவதையாய் ஜொலிக்கும் புகைப்படங்களை பதிவிட்டு ரசிகர்களை சொக்க வைத்துள்ளார்.

ஃபைட் கிளப் முதல் நாள் பாக்ஸ் ஆபிஸ்

லோகேஷ் கனகராஜ் தயாரிப்பில் ‘உறியடி’ விஜயகுமார் நடித்துள்ள ‘ஃபைட் கிளப்’ திரைப்படம் நேற்று வெளியானது. அப்பாஸ் ரஹ்மத் இயக்கியுள்ள ஃபைட் கிளப் முதல் நாளில் 2 கோடி ரூபாய் வசூலித்துள்ளதாக பாக்ஸ் ஆபிஸ் வட்டாரங்கள் தகவல்.

கணவர் அபிஷேக் பச்சனுடன் ஐஸ்வர்யா ராய்

ஐஸ்வர்யா ராய் தனது கணவர் அபிஷேக் பச்சனை பிரியவிருப்பதாக தகவல் வெளியாகியிருக்கும் சூழலில் அவரும் அபிஷேக்கும் தங்களது மகள் பள்ளி ஆண்டுவிழாவில் கலந்துகொண்ட வீடியோ இணையத்தில் ட்ரெண்டாகியுள்ளது.

பிரபல நடிகர் யோகி பாபு நடிப்பில், முற்றிலும் கடலில் உருவாக்கப்படவுள்ள Boat என்ற படத்தின் டீசர் இன்று மாலை வெளியாகவுள்ளது. அமீர் கான், கிச்சா சுதீப்,பிரித்திவிராஜ், நாக சைதன்யா, விஜய் சேதுபதி ஐந்து டாப் நடிகர்கள் அந்தந்த மொழியில் டிசரை வெளியிடுகின்றனர்.

கஞ்சா கருப்பு வாழ்வில் இப்படி ஒரு வலியா?.. வேல்முருகன் போர்வெல்ஸ் படத்தை தயாரித்ததால் பெருத்த நஷ்டம் அடைந்ததாகவும் அதன் காரணமாக பிள்ளைகளுக்கு ஸ்கூல் ஃபீஸ்கூட கட்ட முடியாத நிலை ஏற்பட்டதாகவும் நடிகர் கஞ்சா கருப்பு சமீபத்திய பேட்டியில் தெரிவித்திருக்கிறார்.

விடாமுயற்சி ஓடிடி, சாட்டிலைட் ரைட்ஸ் அப்டேட்

அஜித்தின் விடாமுயற்சி தொலைக்காட்சி உரிமையை சன் டிவி ரூ.100 கோடி கொடுத்து வாங்கியதாக தகவல். அதேபோல் ஓடிடி ரைட்ஸை நெட்பிளிக்ஸ் நிறுவனம் 150 கோடி ரூபாய்க்கு கைப்பற்றியுள்ளதாக சொல்லப்படுகிறது.

பிரபுவின் மகள் முதல் கணவரை பிரிய இதுதான் காரணம்.. பயில்வான் ரங்கநாதன்

பிரபுவின் மகள் ஐஸ்வர்யா முதல் கணவரை பிரிவதற்கு சொத்து பிரச்னைதான் காரணம் என பயில்வான் ரங்கநாதன் தெரிவித்திருக்கிறார்.

அபிஷேக் பச்சன் வீட்டில் இருந்து வெளியேறிய ஐஸ்வர்யா ராய்?

பாலிவுட்டின் முன்னணி நடிகையான ஐஸ்வர்யா ராய் தனது கணவர் அபிஷேக் பச்சன் வீட்டில் இருந்து வெளியேறி உள்ளதாக பரபரப்பு தகவல்கள் கசிந்துள்ளன.

வெள்ள நிவாரணத்துக்கு வடிவேலு நன்கொடை! சென்னையை கொடூரமாக தாக்கிய மிக்ஜாம் புயல் நிவாரணத்துக்கு நடிகர் வடிவேலு 6 லட்சம் ரூபாய் நன்கொடை அளித்துள்ளார்.

அயோத்தி இயக்குநருடன் இணையும் ராகவா லாரன்ஸ்.. விரைவில் அறிவிப்பு! இந்த ஆண்டில் ராகவா லாரன்சின் சந்திரமுகி 2 மற்றும் ஜிகர்தண்டா XX படங்கள் வெளியாகி அவருக்கு சிறப்பாக அமைந்துள்ளன. இந்நிலையில் லாரன்சின் அடுத்தப்படம் குறித்த எதிர்பார்ப்பு ரசிகர்களிடையே எழுந்துள்ளது. அடுத்ததாக அயோத்தி பட இயக்குநர் மந்திரமூர்த்தியுடன் லாரன்ஸ் இணையவுள்ளதாக தகவல்கள் வெளியாகியுள்ளன.

என்னோட படங்கள் ஒரேமாதிரியான உற்சாகத்தை கொடுக்க வேண்டும் -லோகேஷ் கனகராஜ்! விஜய் -லோகேஷ் கனகராஜ் கூட்டணியில் சமீபத்தில் வெளியான லியோ படம் கலவையான விமர்சனங்களை பெற்ற போதிலும் வசூலில் மாஸ் காட்டியுள்ளது. இந்தப் படத்தை தொடர்ந்து ரஜினிகாந்துடன் தலைவர் 171 படத்தில் லோகேஷ் இணையவுள்ள நிலையில், தன்னுடைய படங்கள் அனைத்தும் ஒரேமாதிரியான உற்சாகத்தை கொடுக்க வேண்டும் என்றும் இல்லையென்றால் தான் வங்கிப்பணியில் இருப்பது போன்றதே என்றும் கூறியுள்ளார்.

LIC படத்தின் ஷூட்டிங் பூஜையுடன் தொடங்கியது

பிரதீப் ரங்கநாதன், எஸ்ஜே சூர்யா, கீர்த்தி ஷெட்டி நடிப்பில் விக்னேஷ் சிவன் இயக்கும் LIC படத்தின் ஷூட்டிங் பூஜையுடன் தொடங்கியது. இந்தப் படத்திற்கு ராக் ஸ்டார் அனிருத் இசையமைக்கவுள்ளார்.

வாடிவாசல் அப்டேட் சொன்ன வெற்றிமாறன்

விடுதலை 2 படத்தில் விஜய் சேதுபதி ஃப்ளாஷ்பேக் போர்ஷனுக்கான ஷூட்டிங் மட்டுமே பாக்கி இருப்பதாகவும் அதை முடித்தவுடன் வாடிவாசல் படத்தின் வேலைகள் தொடங்கப்படும் என இயக்குநர் வெற்றிமாறன் தெரிவித்திருக்கிறார்

சிவகார்த்திகேயனின் 'அயலான்' படத்தை வெளியிட தடை!

சிவகார்த்திகேயனின் அயலான், வைபவ் நடித்துள்ள ஆலம்பனா ஆகிய படங்களை 4 வாரங்களுக்கு வெளியிட நீதிமன்றம் தடை விதித்துள்ளது. டி.எஸ்.ஆர் ஃபிலிம்ஸ் நிறுவனத்திடம் இருந்து 24 AM ஸ்டுடியோஸ் ரூ.10 கோடி கடனாக பெற்றிருந்தது. கேஜேஆர் ஸ்டுடியோ அந்த கடனை ஏற்று ரூ.3 கோடி மட்டும் செலுத்திய நிலையில், மீதமுள்ள தொகையை செலுத்த வேண்டும் என டி.எஸ்.ஆர் ஃபிலிம்ஸ் தொடர்ந்த வழக்கில்நீதிமன்றம்தடை

மிட் வீக் எவிக்ஷன்.. பிக்பாஸ் 7ல் வெளியேற தயாரான போட்டியாளர்!

விஜய் டிவியின் பிக்பாஸ் 7 நிகழ்ச்சி இன்றைய தினம் 74வது நாளில் என்ட்ரி கொடுத்துள்ளது. கடந்த வாரத்தில் புயல் காரணமாக எலிமினேஷன் இல்லாத நிலையில், இந்த வாரம் டபுள் எவிக்ஷன் என்று கூறப்பட்டுள்ளது. இந்நிலையில் இன்றைய தினம் மிட் வீக் எவிக்ஷனை பிக்பாஸ் 7 நிகழ்ச்சி அறிவித்துள்ளது. இதுவரை இல்லாதவகையில் பிக்பாஸ் நிகழ்ச்சியில் மிட் வீக் எவிக்ஷன் நடக்கவுள்ளது.

இயக்குநர் பாண்டிராஜ் வேதனை!

”கேப்டன் திரு. விஜய்காந்த் அவர்களுக்கு , இப்பொழுது சரியான ஓய்வு தேவை . அவர் பூரண குணமடையும்வரை அவரை இப்படியெல்லாம் கஷ்ட்டப்படுத்தாதீர்கள் please ... பிடித்த ஒரு ‘நல்ல மனிதரை ‘ இப்படி பார்க்க ரொம்பவே கஷ்ட்டமா இருக்கு” என இயக்குநர் பாண்டிராஜ் வேதனை தெரிவித்துள்ளார்.

சூரி 10 லட்சம் நன்கொடை!

”தமிழ்நாடு அரசு மேற்கொண்டு வரும் மிக்ஜாம் புயல் – கன மழை நிவாரணப் பணிகளுக்கு துணை நிற்கின்ற வகையில், சமூக அக்கறையுடன் பலரும் நிதியுதவி அளித்து வருகின்றனர். அந்த வகையில், திரைப்பட நடிகர் சகோதரர் @sooriofficial மற்றும் மதுரை அம்மன் உணவகம் சார்பில் ரூ.10 லட்சத்துக்கான காசோலையை வெள்ள நிவாரணப் பணிகளுக்காக ‘தமிழ்நாடு முதலமைச்சரின் பொது நிவாரண நிதி’-க்கு இன்று நம்மிடம் வழங்கினார். அவருக்கு என் அன்பும், நன்றியும்.” என உதயநிதி பதிவிட்டுள்ளார்.

பிக்பாஸ் நிகழ்ச்சியில் துளிர்க்கும் புதிய நட்பு!

விஜய் டிவியின் புல்லி கேங் என்றுஅழைக்கப்படும் மாயா, பூர்ணிமா கேங்கிற்கும் அர்ச்சனாவிற்கும் துவக்கம் முதலே ஆகாது என்பது தெரிந்த விஷயம்தான். இந்த வாரம் டாஸ்கிற்காக திமிரு படத்தின் ஈஸ்வரி கேரக்டர் அர்ச்சனாவிற்கு கொடுக்கப்பட்ட நிலையில் அவர் அந்த கேரக்டர்மூலம் சக ஹவுஸ்மேட்சை அதிகமாக கவர்ந்து வருகிறார். பூர்ணிமாவும் அவருக்கு அதிகப்படியான பாராட்டை கொடுத்த நிலையில், டிக்கெட் டூ பைனலுக்கான தன்னுடைய பாயிண்டை பூர்ணிமாவிற்கு அர்ச்சனா வழங்கியுள்ளார். இதனால் அவர்கள் இருவருக்கும் நட்பு ஏற்பட்டுள்ளதாக கூறப்பட்டுள்ளது.

பாரதிராஜா உருக்கம்!

”எனது ஆசிரியர் இயக்குனர் திரு.ரா.சங்கரன் சார் அவர்களின் மறைவு வேதனை அளிக்கிறது. அவரை இழந்து வாடும் அவரது குடும்பத்தினருக்கு ஆழ்ந்த இரங்கலைத் தெரிவித்துக் கொள்கிறேன்.” என இயக்குநர் பாரதிராஜா உருக்கத்துடன் இரங்கல் தெரிவித்துள்ளார்.

ஜிகர்தண்டா 2 பார்க்கப்போகும் கிளிண்ட் ஈஸ்ட்வுட

ஜிகர்தண்டா 2 படத்தை ஹாலிவுட் நடிகர் கிளிண்ட் ஈஸ்ட்வுட் பார்க்கவிருக்கிறார். அதுகுறித்து கார்த்திக் சுப்புராஜ் பெரும் மகிழ்ச்சியை தனது ட்விட்டர் பக்கத்தில் தெரிவித்திருக்கிறார்.

இறுதிக்கட்டத்தில் ரஜினியின் வேட்டையன் சூட்டிங்!

நடிகர் ரஜினிகாந்தின் லால் சலாம் படம் அடுத்த ஆண்டு ஜனவரியில் ரிலீசாகவுள்ள நிலையில் படத்தின் இசை வெளியீடு வரும் 21ம் தேதி சென்னையில் நடக்கவுள்ளது. இந்நிலையில் இந்தப் படத்தின் இசை வெளியீட்டை தொடர்ந்து வேட்டையன் படத்தின் அடுத்த ஷெட்யூல் வரும் 24ம் தேதி துவங்கவுள்ளதாகவும் இன்னும் ஒரு மாதத்தில் படத்தின் சூட்டிங்கை நிறைவு செய்யவும் படக்குழு திட்டமிட்டுள்ளதாக தகவல்கள் வெளியாகியுள்ளன.

பிரபல இயக்குநர் ரா. சங்கரன் காலமானார்

நடிகரும் இயக்குநருமான ரா. சங்கரன் இன்று காலமானார். இயக்குநர் பாரதிராஜா இவரிடம் உதவி இயக்குநராகப் பணிபுரிந்துள்ளார் என்பது குறிப்பிடத்தக்கது. மெளன ராகம் படத்தில் ரேவதியின் அப்பாவாக சந்திரமெளலி கேரக்டரில் நடித்து பிரபலமானவர் ரா சங்கரன். இவரது மறைவுக்கு இயக்குநர் பாரதிராஜா இரங்கல் தெரிவித்துள்ளார்.

பருத்திவீரன் பிரச்னையில் தலையிட்ட தனஞ்ஜெயன்.. கரு.பழனியப்பன் விமர்சனம்

பருத்திவீரன் பிரச்னையில் தனஞ்ஜெயன் ஏன் தேவையில்லாமல் தலையிடுகிறார் என கேள்வி எழுப்பியிருக்கும் கரு.பழனியப்பன்; மூளையை கழற்றிவைத்துவிட்டு வேலைக்கு செல்பவர் அவர் எனவும் விமர்சனம் செய்திருக்கிறார்.

வேட்டையன் வில்லன் பிறந்தநாள்!

சூப்பர்ஸ்டார் ரஜினிகாந்தின் வேட்டையன் படத்தில் நடித்து வரும் நடிகர் ராணா டகுபதி இன்று தனது பிறந்தநாளை கொண்டாடி வரும் நிலையில், லைகா நிறுவனம் வாழ்த்தி உள்ளது.

இன்று முதல் சென்னை சர்வதேச திரைப்பட விழா

21வது சென்னை சர்வதேச திரைப்பட விழா (CIFF) இன்று (டிச.14) முதல் வரும் 21ம் தேதி வரை நடைபெறுகிறது. இதில் 57 நாடுகளைச் சேர்ந்த 126 படங்கள் திரையிடப்பட உள்ளன. தமிழில் மாமன்னன், அநீதி, போர் தொழில், செம்பி, விடுதலை உள்ளிட்ட மேலும் சில படங்கள் திரையிடப்படவுள்ளது குறிப்பிடத்தக்கது.

தயாரிப்பாளரை எச்சரித்த அமீர்

பருத்திவீரன் விவகாரத்தில் தலையிடுவதை தனஞ்ஜெயன் நிறுத்திக்கொள்ள வேண்டும் என இயக்குநர் அமீர் எச்சரிக்கை விடுத்து ஆடியோ வெளியிட்டிருக்கிறார்

அஜித்துடன் நைட் ரவுண்ட் அடித்த அர்ஜுன்

விடாமுயற்சி ஷூட்டிங் அஜர்பைஜானில் நடைபெற்று வருகிறது. இதில் நடித்து வரும் அஜித், அர்ஜுன், ஆரவ் மூவரும் ஹோட்டலில் உணவு சாப்பிடும் போட்டோ வைரலாகி வருகிறது.

சலார் படத்தின் முதல் சிங்கிள் வெளியானது

சென்னை: பிரபாஸ் நடித்திருக்கும் சலார் படத்தில் இடம்பெற்றிருக்கும் ஆகாச சூரியன் என்ற முதல் சிங்கிள் 5 மொழிகளில் உருவாகியிருக்கிறது. இந்தப் பாடல் நட்பை அடிப்படையாக வைத்து உருவாகியிருக்கிறது.

ரசிகர்களுக்கு நன்றி சொன்ன த்ரிஷா

மெளனம் பேசியதே திரைப்படம் வெளியாகி 21 ஆண்டுகள் ஆனதையொட்டி ரசிகர்களுக்கு நன்றி தெரிவித்துள்ளார் த்ரிஷா. ”இந்த நாளை இனிய நாளாக்கிய ரசிகர்களுக்கு இதயப்பூர்வமான நன்றிகள். உங்கள் ஆதரவையும் அன்பையும் தொடர்ந்து வேண்டுகிறேன்” என வீடியோ வெளியிட்டு நன்றி தெரிவித்துள்ளார்.

பிறந்தநாள் வாழ்த்து சொன்ன அனைவருக்கும் நன்றி.. ரஜினிகாந்த் ட்வீட்

வாழ்த்து தெரிவித்தவர்களுக்கு நன்றி.. ரஜினிகாந்த் ட்வீட்

சென்னை: எனக்கு பிறந்தநாள் வாழ்த்து தெரிவித்த அரசியல் நண்பர்கள், திரைத்துறை நண்பர்கள், ரசிகர்கள் என அனைவருக்கும் நன்றி தெரிவித்துக்கொள்கிறேன் என நடிகர் ரஜினிகாந்த் ட்வீட் செய்திருக்கிறார்.

கொலை மிரட்டல்.. நடிகை பூஜா ஹெக்டே விளக்கம்!

துபாயில் நடிகை பூஜா ஹெக்டேவுக்கு கொலை மிரட்டல் விடுக்கப்பட்டதாக தகவல்கள் வெளியான நிலையில், தனக்கு அதுபோன்று எதுவும் வரவில்லை என பூஜா ஹெக்டே விளக்கமளித்துள்ளதாக அவரது டீம் அறிவித்துள்ளது.

நான் ஃபேஸ்புக்ல இல்லைங்க - லோகேஷ் கனகராஜ் விளக்கம்!

இயக்குநர் லோகேஷ் கனகராஜின் ஃபேஸ்புக் பக்கம் முடக்கப்பட்டதாக செய்திகள் வெளியான நிலையில், தான் ட்விட்டரில் மட்டுமே இருப்பதாகவும் அது போலி கணக்கு அதையாரும் பின் தொடர வேண்டாம் என லோகேஷ் கனகராஜ் விளக்கம் கொடுத்துள்ளார்.

10 லட்சம் கொடுத்த லால் சலாம் ஹீரோ!

அயலான் படத்தின் ஹீரோ சிவகார்த்திகேயன் வெள்ள நிவாரண நிதிக்கு 10 லட்சம் வழங்கிய நிலையில், லால் சலாம் பட ஹீரோ விஷ்ணு விஷால் 10 லட்சம் நிதியுதவியை உதயநிதி ஸ்டாலினை சந்தித்து கொடுத்துள்ளார்.

உலக அளவில் ஃபேமஸான லியோ பாடல்

லியோ படத்தில் இடம்பெற்றிருந்த நா ரெடிதான் பாடலின் வரிகள் ப்ரீமியர் லீக் கால்பந்து அணியான டாட்டன்ஹாம் ஹாட்ஸ்பர் அணியின் ஃபேஸ்புக் பக்கத்தில் பகிரப்பட்டிருக்கிறது.

அயலான் படத்தில் இணைந்த சித்தார்த்

சிவகார்த்திகேயனின் அயலான் படத்தில் ஏலியன் கேரக்டருக்கு சித்தார்த் டப்பிங் கொடுத்துள்ளதாக படக்குழு அறிவித்துள்ளது. முன்னதாக வடிவேலு வாய்ஸ் ஓவர் கொடுப்பதாக செய்திகள் வெளியானது குறிப்பிடத்தக்கது.

அப்படியே ஷாக் ஆகிடுவாரே!

லோகேஷ் கனகராஜ் தனது ஃபேஸ்புக் டைம் லைனை பார்த்தால் அப்படியே ஷாக் ஆகிடுவாரே என ரசிகர்கள் மீம்ஸ் போட்டு கலாய்த்து வருகின்றனர்.

வீடியோலாம் பயங்கரமா இருக்கு!

லோகேஷ் கனகராஜ் ஃபேஸ்புக் பக்கம் ஹேக் செய்யப்பட்டு ஆபாச யோகா வீடியோக்கள் பதிவேற்றம் செய்யப்பட்டுள்ள நிலையில், நெட்டிசன்கள் அதுகுறித்து கமெண்ட் போட்டு வருகின்றனர்.

இயக்குநர் லோகேஷ் கனகராஜ் ஃபேஸ்புக் பக்கம் மீண்டும் ஹேக் செய்யப்பட்டு வைரல் யோகா என ஆபாச யோகா வீடியோக்கள் பதிவேற்றம் செய்யப்பட்டு அதிர்ச்சியை கிளப்பியுள்ளது. ஏற்கனவே ஒருமுறை ஹேக் செய்யப்பட்டு லியோ பட வீடியோக்கள் பதிவிடப்பட்டு இருந்தன.

மௌனம் பேசியதே படம் வெளியாகி 21 ஆண்டுகள் நிறைவு பெற்றதை அடுத்து அனைவருக்கும் நன்றி தெரிவித்து அமீர் அறிக்கை வெளியிட்டிருக்கிறார். மேலும் தன்னை வீழ்த்துவதற்காக சிலர் இருந்தபோது தனக்கு ஆதரவு கொடுத்த ரசிகர்களுக்கும் நன்றி சொல்லியிருக்கிறார்.

அமீருக்கு எதிராக பேச பேரம்.. அமீருக்கு எதிராக பேச வேண்டும் என தன்னிடம் பேரம் பேசியதாக பத்திரிகையாளர் பிஸ்மி தெரிவித்திருக்கிறார்.

நடிகர் ரெடின் கிங்ஸ்லி தனது நீண்ட நாள் காதலியான நடிகை சங்கீதாவை ஞாயிற்றுக்கிழமை திருமணம் செய்துகொண்டார். திடீரென நடந்த அவரது திருமணம் பலருக்கும் ஆச்சரியத்தையும், அதிர்ச்சியையும் கொடுத்தாலும் இணையத்தில் பலரும் அவர்களுக்கு வாழ்த்துக்களை தெரிவித்தனர். தற்போது இந்த ஜோடி ஜாலியாக ஹனிமூன் கொண்டாட சென்றிருக்கும் போட்டோக்களை வெளியிட்டு வருகின்றனர்.

சிவகார்த்திகேயனின் அயலான் படத்தில் இணையும் வடிவேலு?

சிவகார்த்திகேயனின் அயலான் படத்தில் வடிவேலு வாய்ஸ் ஓவர் கொடுத்துள்ளதாக தகவல். ஏலியன்ஸ் கேரக்டருக்கு டப்பிங் கொடுக்க வடிவேலுவிடம் படக்குழு பேச்சுவார்த்தை நடத்தி வருவதாக சொல்லப்படுகிறது.

ஐஸ்வர்யா ரஜினிகாந்த் இயக்கத்தில் உருவாகி உள்ள லால் சலாம் படத்தில் சிறப்புத் தோற்றத்தில் மொய்தீன் பாய் என்ற கதாபாத்திரத்தில் ரஜினி நடித்துள்ளார். நேற்று ரஜினிகாந்த்தின் பிறந்தநாளை முன்னிட்டு 'லால் சலாம்' படத்தின் க்ளிம்ப்ஸ் வீடியோ வெளியாகி உள்ளது. இந்த க்ளிம்ஸ் வீடியோவை ரஜினியின் ரசிகர்கள் இணையத்தில் வைரலாக்கி வருகின்றனர்.

தலைவர் 170 டைட்டில் வேட்டையன்! த.செ. ஞானவேல் இயக்கத்தில் நடிகர் ரஜினிகாந்த் நடித்து வரும் தலைவர் 170 படத்துக்கு வேட்டையன் என தலைப்பு வைக்கப்பட்டுள்ளது

லைகா நிறுவனத்தில் கடிகாரம் இல்லையா என்றும் ஹலோ லைகா நிறுவனமா.. வாட்ச் வொர்க் ஆகுதா பாருங்க என ரசிகர்கள் கிண்டல் செய்து வருகின்றனர்.

அரை மணி நேரமாக தலைவர் 170 படத்தின் டைட்டிலுக்காக காத்திருக்கும் ரஜினிகாந்த் ரசிகர்கள்.

தலைவர் 170 படத்தின் டைட்டில் 5 மணிக்கு அறிவிக்கப்படும் என சொல்லிவிட்டு 15 நிமிடங்களாக வராத நிலையில், ரஜினி ரசிகர்கள் லைகா நிறுவனத்தை திட்டித் தீர்த்து வருகின்றனர்.

ரஜினிகாந்தின் பிறந்தநாளை முன்னிட்டு இன்று மாலை 5 மணிக்கு தலைவர் 170 படத்தின் டைட்டில் வெளியாகும் என அறிவிக்கப்பட்ட நிலையில், இன்னமும் வெளியாகாததால் ரசிகர்கள் அப்செட்.

நடிகர் ரஜினிகாந்த் பிறந்தநாளுக்கு மாமன்னன் பட இயக்குநர் மாரி செல்வராஜ் வாழ்த்து தெரிவித்துள்ளார்.

Ticket to Finale டாஸ்க்.. புகுந்து விளையாடிய பிக்பாஸ் 7 ஹவுஸ்மேட்ஸ்!

விஜய் டிவியில் பிக்பாஸ் 7 நிகழ்ச்சி இன்றைய தினம் 72வது நாளில் என்ட்ரி கொடுத்துள்ளது. இன்றைய தினத்திற்கான அடுத்தடுத்த பிரமோக்கள் வெளியாகியுள்ளன. தற்போது Ticket to finale டாஸ்க் நடத்தப்பட்டுள்ளது. இதில் வெற்றிபெறும் 2 போட்டியாளர்களுக்கு சலுகைகள் வழங்கப்படும் என்ற கூறப்பட்டுள்ள நிலையில், போட்டியாளர்கள் இந்த டாஸ்க்கில் அதிரடி காட்டி வருகின்றனர்.

ரஜினிகாந்த் பிறந்தநாள்.. கவின் நடிக்கும் ஸ்டார் படத்தின் சிங்கிள் வெளியீடு

இளன் இயக்கத்தில் கவின் நடித்திருக்கும் ஸ்டார் படத்தின் காலேஜ் சூப்பர் ஸ்டார்ஸ் என்ற சிங்கிள் ரஜினியின் பிறந்தநாளை முன்னிட்டு வெளியாகியிருக்கிறது. அதை இயக்குநர் லோகேஷ் கனகராஜ் வெளியிட்டுள்ளார்

காமெடி களத்தில் களமிறங்கும் அஜித்.. ஆதிக் ரவிச்சந்திரனின் வேற லெவல் பிளான்!

நடிகர் அஜித்குமார் தற்போது விடாமுயற்சி படத்தில் நடித்துவருகிறார். அடுத்ததாக அவர் ஆதிக் ரவிச்சந்திரன் இயக்க்ததில் ஏகே63 படத்தில் இணையவுள்ளார். இந்தப் படத்தின் கதைக்களத்தை காமெடி என்டர்டெயினராக உருவாக்க ஆதிக் திட்டமிட்டுள்ளதாக தற்போது தகவல்கள் வெளியாகியுள்ளன. காமெடி படத்தில் அஜித்தை பார்க்க அவரது ரசிகர்கள் ஆர்வமாக உள்ளனர்.

நடிகர் ரஜினிகாந்த்துக்கு இயக்குநர் லோகேஷ் கனகராஜ் தனது பிறந்தநாள் வாழ்த்தை தெரிவித்திருக்கிறார். எப்போதும் எங்களை இன்ஸ்பையர் செய்துகொண்டிருக்கிறீர்கள் எனவும் வாழ்த்தில் குறிப்பிட்டிருக்கிறார்.

நடிகர் ராகவா லாரன்ஸ் நடிப்பில் சமீபத்தில் வெளியான ஜிகர்தண்டா XX படம் அவருக்கு மிகச்சிறப்பான வரவேற்பை பெற்றுத் தந்துள்ள நிலையில், தன்னுடைய அடுத்தப்பட வேலைகளில் தற்போது அவர் ஈடுபட்டுள்ளார். இந்தப் படத்தை ராகவா லாரன்சே இயக்கி நடிக்கவுள்ளார்.

ரஜினிக்கு கமல் வாழ்த்து! ”அருமை நண்பர் சூப்பர் ஸ்டார் ரஜினிகாந்த் அவர்களுக்கு இனிய பிறந்தநாள் வாழ்த்துகள். இன்றும் என்றும் வெற்றிகளை அறுவடை செய்தபடி உற்சாகமாக வாழ மனதார வாழ்த்துகிறேன்.”

ஒரே சூப்பர்ஸ்டார் தான்! நடிகர் ரஜினிகாந்துக்கு பிறந்தநாள் வாழ்த்து கூறிய வரலக்‌ஷ்மி சரத்குமார் ஒன் அண்ட் ஒன்லி சூப்பர்ஸ்டார் ரஜினிகாந்த் என பதிவிட்டுள்ளார்.

வெற்றிமாறன் இயக்கத்தில் அஜித் நடிக்கும் படம் சவுக்கு சங்கர் வாழ்க்கை வரலாறை மையமாக வைத்து எடுக்கப்படும் என புதிய தகவல் வெளியாகியிருக்கிறது.

நடிகர் தனுஷ் தனது எக்ஸ் தள பக்கத்தில் ரஜினிகாந்த்திற்கு பிறந்தநாள் வாழ்த்துகளை தெரிவித்துள்ளார். அதில் "இனிய பிறந்தநாள் வாழ்த்துகள் தலைவா" என தனுஷ் தனது வாழ்த்தை பதிவு செய்துள்ளார்

சூப்பர் ஸ்டார் ரஜினிகாந்தின் பிறந்த நாளை முன்னிட்டு இன்று காலை 5 மணிக்கு தலைவர் 170 படத்தின் டைட்டில் மற்றும் ஸ்பெஷல் டீசர் வெளியாகும் என்று லைகா நிறுவனம் அறிவித்துள்ளது

ஹீரோக்களை மட்டும் தூக்கி பிடித்துக்கொண்டிருந்தால் ஹீரோயின்கள் எப்படி வளர்வது என நடிகை ஜோதிகா தெரிவித்திருக்கிறார்.

இந்திய சினிமாவின் அடையாளங்களில் ஒருவராக இருக்கும் சூப்பர் ஸ்டார் ரஜினிகாந்த் இன்று தனது 73ஆவது பிறந்தநாளை கொண்டாடுகிறார். அவருக்கு பலரும் தங்களது வாழ்த்தை தெரிவித்துவருகின்றனர்.

ரஜினியின் முத்து, கமலின் ஆளவந்தான் திரைப்படங்கள் கடந்த வாரம் 8ம் தேதி ரீ-ரிலீஸாகின. இதில் ரஜினியின் முத்து மூன்று நாட்களில் 6 முதல் 7 லட்சம் ரூபாய் மட்டுமே வசூலித்துள்ளதாக சொல்லப்படுகிறது. அதேநேரம் கமல்ஹாசனின் ஆளவந்தான் மூன்று தினங்களில் 15 லட்சம் ரூபாய்க்கும் அதிகமாக வசூல் செய்துள்ளதாக பாக்ஸ் ஆபிஸ் வட்டாரங்கள் தெரிவித்துள்ளன.

நற்பெயருக்கு களங்கம் ஏற்படுத்திவிட்டதாக த்ரிஷா, குஷ்பு , சிரஞ்சீவி மீது நடிகர் மன்சூர் அலிகான் தொடர்ந்த வழக்கு இன்று விசாரணைக்கு வந்த நிலையில், மன்சூர் அலிகான் பேசியதற்காக நடிகை திரிஷா தான் வழக்கு தொடர்ந்திருக்க வேண்டுமென தெரிவித்த சென்னை உயர்நீதிமன்றம் பொதுவெளியில் எப்படி நடந்து கொள்ள வேண்டுமென மன்சூர் அலிகான் உணர வேண்டுமெனவும் தெரிவித்துள்ளது.

நடன இயக்குநர் பிருந்தா மாஸ்டருக்கு படப்பிடிப்பு தளத்தில் காலில் காயம் ஏற்பட்டுள்ளதாக தகவல் வெளியாகி உள்ளது. கண்ணப்பா படத்தின் படப்பிடிப்பு நியூசிலாந்தில் நடந்து வரும் நிலையில்,பாடல் காட்சி படமாக்கப்பட்டபோது, பிருந்தா மாஸ்டர் தவறி விழுந்ததில் எலும்பு முறிவு ஏற்பட்டதாக ரமேஷ் பாலா ட்விட்டர் பக்கத்தில் தெரிவித்துள்ளார்.

முத்து படத்தின் ஷூட்டிங்கில் ரஜினியை உண்மையாக அடித்துவிட்டதாக வில்லன் நடிகர் பொன்னம்பலம் மனம் திறந்துள்ளார். ஆனால் அதற்காக கோபப்படாத ரஜினி “சாரி... சாரி... மை மிஸ்டேக்... நான் தான் கொஞ்சம் முன்னால் வந்துவிட்டேன்” என பொன்னம்பலத்திடம் மன்னிப்புக் கேட்டுள்ளார்.

நடிகை நயன்தாரா நடிப்பில் வெளியான அன்னபூரணி படம் இரண்டு வார முடிவில் 6 கோடி ரூபாய் மட்டுமே வசூலித்திருக்கிறது. தீவிரமாக ப்ரோமோஷன் செய்தும் வேலைக்கு ஆகவில்லை என நயன்தாரா பெரும் அப்செட்டில் இருப்பதாகவும் கூறப்படுகிறது.

நெப்போலியன் பிறந்தநாள் விழாவில் குஷ்பூ, மீனா

அமெரிக்காவின் நாஷ்வில்லி டென்னசியில் நடிகர் நெப்போலியனின் 60வது பிறந்தநாள் கொண்டாட்டத்தில் நடிகைகள் குஷ்பூ, மீனா கலந்துகொண்டனர். நெப்போலியனுடன் குஷ்பூ, மீனா எடுத்துகொண்ட போட்டோ ட்ரெண்டாகி வருகிறது.

விஜய் ஆண்டனியின் மனைவி ஃபாத்திமா தனது ட்விட்டர் பக்கத்தில், 'இந்த உலகம் உனக்கானதில்லை. வாழ்க்கைக்கும் மரணத்துக்கும் இடையே இருக்கும் கான்செப்ட்டை என்னால் புரிந்துகொள்ள முடியவில்லை என தன் மகள் குறித்து உருக்கமாக பதிவிட்டிருக்கிறார்.

நடிகர் பிருத்விராஜ் சலார் படத்தின் கடைசி கட்ட டப்பிங் பணிகளை நிறைவு செய்து விட்டதாகவும், தமிழ், தெலுங்கு, இந்தி, கன்னடம் மற்றும் மலையாளம் உள்ளிட்ட 5 மொழிகளிலும் சொந்த குரலில் டப்பிங் பேசியது மகிழ்ச்சி என பதிவிட்டுள்ளார்.

டாக்டர் படம் மூலம் பிரபலமான காமெடி நடிகர் ரெடின் கிங்ஸ்லிக்கு இன்று திருமணம் நடைபெற்றது. மனைவியுடன் ரெடின் கிங்ஸ்லி இருக்கும் புகைப்படங்கள் ட்ரெண்டாகி வருகின்றன.

1999ம் ஆண்டு விக்ரம் நடிப்பில் வெளியான சேது படம் வெளியாகி இன்றுடன் 24 ஆண்டுகள் ஆன நிலையில், அதை நினைவு கூர்ந்துள்ள விக்ரம் இனிய பிறந்தநாள் நல்வாழ்த்துக்கல் சீயான் என பதிவிட்டுள்ளார்.

விடாமுயற்சி படத்தில் திரிஷாவுக்கு ஸ்டைலிஷும் ஆக்‌ஷனும் கலந்த ரோல் என புதிய தகவல் வெளியாகி ரசிகர்களை உற்சாகப்படுத்தியிருக்கிறது.

கிராவிட்டி என்ற ஹிப் ஹாப் கலைஞர் தான் இயற்றிய ஜலாலுதீன் என்ற பாடலை பாடினார். அந்த ரியாலிட்டி ஷோவுக்கு நடுவராக சென்றிருந்த சமந்தா பாடலை கேட்டு அழுதுவிட்டார். உடல்நலக்குறைவால் பாதிக்கப்பட்டிருந்தபோது அந்தப் பாடல்தான் சமந்தாவுக்கு ஊக்கம் தந்ததாகவும் குறிப்பிட்டிருக்கிறார்.

மலையாளம், தமிழ், தெலுங்கு மொழிகளில் நடித்து அசத்தி வரும் நடிகர் ஜெயராம் தனது 58வது பிறந்தநாளை கொண்டாடி வருகிறார். பொன்னியின் செல்வன் படத்தில் நம்பி கதாபாத்திரத்தில் ஜெயராம் நடித்த நிலையில், லைகா நிறுவனம் அவருக்கு பிறந்தநாள் வாழ்த்து தெரிவித்துள்ளது. அடுத்ததாக தளபதி 68 படத்திலும் ஜெயராம் நடித்து வருகிறார்.

ஐஸ்வர்யா ரஜினிகாந்த் இயக்கியுள்ள லால் சலாம் திரைப்படம் பொங்கலுக்கு வெளியாகிறது. லால் சலாம் பேட்ச்வொர்க் ஷூட்டிங் கடந்த 3 தினங்களாக செஞ்சி பகுதியில் நடைபெற்றுள்ளது. அதில், சூப்பர் ஸ்டார் ரஜினியும் கலந்துகொண்டதாக தகவல்.

தளபதி 68 படத்தின் அடுத்த கட்ட படப்பிடிப்பு ஹைதராபாத்தில் ஆரம்பம். சுமார் 4 வாரங்கள் அங்கே நடக்கும் என்றும் அதன் பின்னர் சென்னையில் அடுத்தக் கட்ட படப்பிடிப்பு நடக்கும் என்றும் அதனை தொடர்ந்து இலங்கையில் ஷூட்டிங் தொடங்கும் என்றும் தகவல் வெளியாகி உள்ளது.

சலார் படத்துக்கு ஏ சான்றிதழ்!

பிரசாந்த் நீல் இயக்கத்தில் பிரபாஸ், பிரித்விராஜ், ஸ்ருதிஹாசன் நடித்துள்ள சலார் படத்துக்கு ஏ சான்றிதழ் கிடைத்திருப்பதாக தகவல்கள் வெளியாகி உள்ளன. வரும் டிசம்பர் 22ம் தேதி உலகம் முழுவதும் அந்த படம் பல்வேறு மொழிகளில் வெளியாகிறது!

எந்த இடத்தில் சொருகுவீங்க.. கமல் கேட்ட கேள்வி.. ஆடிப்போன நிக்சன்!

சென்னை: பிக்பாஸ் தமிழ் 7 நிகழ்ச்சியின் இன்றைய எபிசோடிற்கான பிரமோக்கள் தற்போது வெளியாகியுள்ளன. வாரயிறுதி எபிசோடான இன்றைய தினம் நடிகர் கமல்ஹாசன் நிகழ்ச்சியில் பங்கேற்று பேசியுள்ளார். கடந்த சில தினங்களுக்கு முன்பு அர்ச்சனாவை பார்த்து சொருகிடுவேன் என்று நிக்சன் கூறியது குறித்து அவர் கோபத்துடன் கேள்வி எழுப்பியுள்ளார்.

மேலும், 3 லட்சம் நிதியுதவி அளித்த பாலா!

மிக்ஜாம் புயல் குறித்து சில பிரபல நடிகர்கள் ட்வீட் கூட போடாமல் இருக்கும் நிலையில், தனது கையிருப்பில் இருந்த 2 லட்சம் ரூபாயை 20 பேருக்கு தலா 1000 ரூபாயாக முதல் கட்டமாக வழங்கிய பாலா, அடுத்ததாக அவசரத்துக்கு சீட்டு போட்டு வைத்திருந்த 3 லட்சம் ரூபாயை எடுத்தும் தற்போது அரிசி, நைட்டி, லுங்கி போன்றவற்றை வாங்கி பாதிக்கப்பட்டவர்களுக்கு கொடுத்துள்ளார்.

கவினுக்கு கிடைத்த புது ஜோடி!

ஸ்டார் படத்தில் நடித்து வரும் கவினுக்கு ’ஷீ’ வெப்சீரிஸ் ஹீரோயின் அதிதி போஹன்கர் ஜோடியாகி உள்ளார்.

நடிகர் ஜெயராமின் மகள் மாளவிகா ஜெயராமின் நிச்சயதார்த்தம் நேற்று நடைபெற்ற நிலையில், தற்போது தனது மகள் மற்றும் மாப்பிள்ளையை அறிமுகம் செய்த ஜெயராம் தனக்கு இன்னொரு மகன் கிடைத்து விட்டார் என பதிவிட்டுள்ளார்.

நடிகைகள் திரிஷா, குஷ்பு மற்றும் நடிகர் சிரஞ்சீவிக்கு எதிராக மன்சூர் அலிகான் நஷ்ட ஈடு கோரி சென்னை உயர் நீதிமன்றத்தில் வழக்கு தொடர்ந்துள்ளார்.

நடிகர் மதுரை மோகன் காலமானார்

”ஐயா நடிகர் மதுரை மோகன் அவர்கள் இன்று காலை உடல்நலக்குறைவால் காலமானார் ஆழ்ந்த இரங்கலும் வருத்தமும். ஏறத்தாழ 40 ஆண்டுகாலமாக தமிழ் சினிமாவில் அடையாளம் காணப்படாத நடிகராக வலம் வந்தவரை “முண்டாசுப்பட்டி” படத்தின்மூலம் வாய்ப்பளித்த இயக்குனர் ராம்குமார் அவர்களுக்கும்” என காளி வெங்கட் தனது இரங்கலை தெரிவித்துள்ளார்.