வீம்பாய் ஸ்ட்ரைக் ஆரம்பித்து தடாலென சரண்டரான தமிழ் சினிமா! - ஸ்பெஷல் ரவுண்ட் அப்

ஸ்ட்ரைக்குக்கு கிடைத்த பலன்

அரசிடமிருந்து எந்த சலுகையும் கிடைக்காததால், வரிச் சுமையை மக்கள் தலையில் கட்ட முடிவெடுத்துவிட்ட தியேட்டர்காரர்கள் வரலாறு காணாத அளவுக்கு டிக்கெட் மற்றும் தின்பண்டங்கள் விலையை ஏற்றிவிட்டனர். இதனால் தியேட்டர்களில் மக்கள் கூட்டம் கணிசமாகக் குறைந்துள்ளதுதான் ஒரே பலன்.

நோ புதுப் படம்

இந்த ஜிஎஸ்டி பிரச்சினையால் தமிழ் சினிமா ஸ்தம்பித்துவிட்டது. எந்தப் புதுப்படமும் நேற்று வெளியாகவில்லை. ஏற்கெனவே வெளியான வனமகன், இவன் தந்திரனை மறு வெளியீடாகக் கொண்டு வந்தனர். கூட்டம் குறைந்ததற்கு இதுவும் ஒரு காரணம்.

டிஜிட்டல் சந்திப்பு

இந்த வாரத்தின் இன்னொரு முக்கிய நிகழ்வு, ரஜினிகாந்த் நடித்துள்ள 2.ஓ படத்தின் 3 டி டிஜிட்டல் சந்திப்பு. அதாவது இந்தப் படத்தை எப்படி 3டியில் வெளியிட வேண்டும்.. ஏன் 3டியில் மட்டுமே வெளியிட வேண்டும் என்பதை விளக்க நடந்த கூட்டம். முதல் முறையாக ஒரு இந்தியப் படம் 20000 அரங்குகளுக்கும் மேல் வெளியாகவிருப்பதையும் இந்த கூட்டத்தில் சொன்னார்கள்.

சிவாஜி மணி மண்டபம்

சிவாஜிக்கு மணிமண்டம் அமைக்க மறைந்த முதல்வர் ஜெயலலிதா உத்தரவு பிறப்பித்திருந்தார் அல்லவா... அந்த வேலைகள் விறுவிறுவென முடிந்து, இதோ திறப்பு விழாவுக்குத் தயாராகிவிட்டது. வரும் அக்டோபர் மாதம் திறந்து வைக்கப்போவதாக தமிழக அரசு இந்த வாரம் அறிவித்துள்ளது.

கஜோல் விசிட்

பாலிவுட்டின் முன்னணி நாயகியான கஜோல் இன்று சென்னை வந்திருக்கிறார். வேலையில்லா பட்டதாரி 2 படத்தின் புரமோஷன்களுக்காக வந்திருக்கும் அவர் செய்தியாளர்களையும் சந்திக்கிறார்.

சம்பளத்தைக் குறைங்க...

ஹீரோக்களோட சம்பளம்தான் சினிமாவின் மிகப் பெரிய பிரச்சினை. எனவே சம்பளத்தைக் குறைங்க என்ற கோரிக்கை மீண்டும் வலுக்க ஆரம்பித்துள்ளது. சின்ன நடிகர்கள், நடிகைகள் மட்டுமே இதுகுறித்துப் பேச ஆரம்பித்துள்ளனர். ஆனால் பெரிய நடிகர்கள் கப்சிப்!