Don't Miss!
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Automobiles இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
- Lifestyle வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு சூப்பரா இருக்கப்போகுது...
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ஏ.ஆர். ரஹ்மான் மகள் திருமண வரவேற்பு விழா.. நேரில் சென்று வாழ்த்திய முதல்வர் மு.க. ஸ்டாலின்!
சென்னை: இசையமைப்பாளர் ஏ.ஆர்.ரஹ்மான் மகள் கதீஜா ரஹ்மான் - ரியாஸ்தீன் ஷேக் முகமது திருமண வரவேற்பு நிகழ்ச்சி இன்று மாலை நடைபெற்றது.
முதலமைச்சர் மு.க. ஸ்டாலின் இந்த திருமண வரவேற்பு நிகழ்ச்சியில் கலந்துகொண்டு மணமக்களை வாழ்த்தினார்.
மேலும், மணமக்களுக்கு அவர் பரிசு வழங்கினார். ஏ.ஆர். ரஹ்மான் குடும்பத்தினருடன் மு.க. ஸ்டாலின் எடுத்துக் கொண்ட புகைப்படம் டிரெண்டாகி வருகிறது.
கடந்த மாதம் திருமணம்
இசைப்புயல் ஏ.ஆர். ரஹ்மான் மகள் கதீஜாவுக்கும் இசைக் கலைஞர் ரியாஸ்தீன் ஷேக் முகமதுவுக்கும் கடந்த மே மாதம் திருமணம் நடைபெற்றது. மே 6ம் தேதி எளிமையான முறையில் நடந்த திருமணத்தில் எடுத்த புகைப்படத்தை தனது ட்விட்டர் மற்றும் இன்ஸ்டாகிராம் பக்கத்தில் வெளியிட்டு இருந்தார் ஏ.ஆர். ரஹ்மான்
கேன்ஸில் பங்கேற்பு
உடனடியாக திருமண வரவேற்பு நிகழ்ச்சி நடைபெறும் என எதிர்பார்க்கப்பட்ட நிலையில், கேன்ஸ் திரைப்பட விழாவில் கலந்து கொண்டு தனது இயக்கத்தில் உருவான Le Musk எனும் VR தொழில்நுட்பத்துடன் உருவான படத்தை அங்கே திரையிட ஏ.ஆர். ரஹ்மான் தனது படக்குழுவினருடன் சென்றிருந்தார். ரெட்கார்ப்பெட்டில் கமல்ஹாசன், மாதவன் உள்ளிட்ட தமிழ் சினிமா ஆளுமைகளுடன் அவர் அங்கே ராஜ நடை போட்டார்.
திருமண வரவேற்பு
இந்நிலையில், ஜூன் 10ம் தேதியான இன்று செங்கல்பட்டு மாவட்டம், ஏ.ஆர்.ஆர் பிலிம் சிட்டியில் இசையமைப்பாளர் ஏ.ஆர்.ரஹ்மான் அவர்களின் மகள் கதீஜா ரஹ்மான் - ரியாஸ்தீன் ஷேக் முகமது திருமண வரவேற்பு நிகழ்ச்சி நடைபெற்றது. திரை பிரபலங்கள் மற்றும் அரசியல் தலைவர்கள் என பலரும் இந்த விழாவில் கலந்து கொண்டனர்.
முதலமைச்சர் ஸ்டாலின் பங்கேற்பு
முதலமைச்சர் மு.க. ஸ்டாலின் இந்த திருமண வரவேற்பு நிகழ்ச்சியில் கலந்துகொண்டு மணமகள் கதீஜா ரஹ்மான் மற்றும் மணமகன் ரியாஸ்தீன் ஷேக் முகமதுவை மனமார வாழ்த்தினார். மேலும், புதிதாக திருமணமான தம்பதியினருக்கு பரிசாக மரக்கன்று பசுமைக்கூடையை வழங்கினார் முதலமைச்சர் மு.க. ஸ்டாலின்.
குடும்பத்துடன் பங்கேற்பு
முதலமைச்சர் மு.க. ஸ்டாலின், மனைவி துர்கா ஸ்டாலின், கிருத்திகா உதயநிதி என குடும்பத்துடன் கலந்து கொண்டார் முதலமைச்சர். மேலும், இசையமைப்பாளர் ஏ.ஆர். ரஹ்மான், இசையனைப்பாளர் ஜி.வி. பிரகாஷ் என ஒட்டுமொத்த குடும்பத்துடன் எடுத்துக் கொண்ட குரூப் போட்டோ சமூக வலைதளங்களில் டிரெண்டாகி வருகின்றன.
நயன்தாரா திருமண வரவேற்பு
நடிகை நயன்தாராவின் திருமண வரவேற்பு நிகழ்ச்சி நாளை நடைபெறும் என எதிர்பார்க்கப்படுகிறது. திருமணத்தில் கலந்து கொள்ளாத நிலையில், முதலமைச்சர் மு.க. ஸ்டாலின் திருமண வரவேற்பு நிகழ்ச்சியில் கலந்து கொள்வார் என்றும் எதிர்பார்க்கப்படுகிறது. பத்திரியாளர்கள் மற்றும் திருமணத்தில் கலந்து கொள்ளாத சில பிரபல நடிகர்களும் திருமண வரவேற்பு நிகழ்ச்சியில் கலந்து கொள்ள அதிக வாய்ப்புகள் உள்ளன.