Don't Miss!
- Finance தங்கம் விலை ஓரே நாளில் 1400 ரூபாய் உயர்வு.. முதல் முறையாக ரூ.51000 தொட என்ன காரணம்..?
- Lifestyle ஆப்பிள் சீடர் வினிகருடன் இந்த ஒரு பொருளை கலந்து குடிச்சா மாரடைப்பும் வராது.. இதய அடைப்பும் சரியாகும் தெரியுமா?
- News கரும்பு விவசாயி சின்னத்தால் எனக்கு அடி, உதை.. கதறிய கிருஷ்ணகிரி வேட்பாளர்- நாம் தமிழர் மீது புகார்!
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Technology அம்மா வாங்க.. ஐயா வாங்க! கிட்டத்தட்ட பாதி விலை டிஸ்கவுண்ட்.. Amazon-ல் கூவிக்கூவி விற்கப்படும் ஐந்து 4K TVகள்!
- Automobiles பைக் வாங்கும்போது நம்ம பசங்க தப்பு பண்றது இதில்தான்!! கேடிஎம் பைக்கின் விலையில் கிடைக்கும் 6 பவர்ஃபுல் பைக்ஸ்!
- Sports முட்டாள்தனம்.. என்னையா டீமை விட்டு விரட்டி விட்டீங்க.. ஐபிஎல் அணியை கதற விட்ட ஆவேஷ் கான்
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
பிகில்… காலை 5 மணிக்கு ஸ்பெஷல் ஷோ - 9 மணிக்கு தமிழ் ராக்கர்ஸ் ஷோ
Recommended Video
சென்னை: தீபாவளியை முன்னிட்டு வெளியான பிகில் திரைப்படம் திருட்டுத்தனமாக தமிழ் ராக்கர்ஸ் இணையதளத்தில் வெளியானது ரசிகர்களை அதிர்ச்சியடைய வைத்துள்ளது. தீபாவளிக்கு வெளியாகும் எந்த திரைப்படங்களையும் திருட்டுத்தனமாக எந்த இணையதளமும் வெளியிடக்கூடாது என்ற உயர் நீதி மன்றத்தின் உத்தரவையும் மீறி பிகில் திரைப்படம் ஆன்லைனில் வெளியானது திரையுலகத்தினரை அதிர்ச்சியில் ஆழ்த்தியுள்ளது.
வேட்டை நாய் கூட கொஞ்சம் தாமதமாகத் தான் தன்னுடைய இரையை கவ்விப் பிடிக்க பாய்ந்தோடும். ஆனால், புதுப்படங்களை திருட்டுத்தனமாக படம் பிடித்து, உடனடியாக இணையதளத்தில் பதிவேற்றம் செய்வதில் தமிழ் ராக்கர்ஸ் மற்றும் பிற திருட்டுக் கும்பலும், வேட்டை நாயை விட மோசமாக கொடூரமாக, அதே சமயத்தில் மிக வேகமாக வேலை செய்கின்றன.
ஒரு திரைப்படத்தை தயாரிப்பதில் தொடங்கி, வெளியிடுவது வரை எத்தனை சிரமங்கள் உள்ளன என்பது யாரும் சொல்லித் தெரியவேண்டியதில்லை. ஆனால், இவை அனைத்தையும் நன்கு தெரிந்துகொண்டே, புதுப்படங்களை திருட்டுத்தனமாக இணையதளத்தில் வெளியிடுவது என்பது வேதனை தான்.
ஒருவனுடைய உழைப்பின் பயனை அவனுக்கு தெரியாமல் திருடுவது எவ்வளவு வேதனையானது என்பது, பாதிக்கப்படும் உழைப்பாளிக்கு தான் தெரியும். ஒருவேளை அவர்களும் கஷ்டப்பட்டு உழைத்தால் தான், அவர்களும் பாதிக்கப்படும்போது அதன் வலி புரிய ஆரம்பிக்கும்.
தீபாவளிக்கு பயங்கர எதிர்பார்ப்புடன் வெளியாகி வெற்றி நடை போட்டு வரும் இளைய தளபதி விஜய் நடித்த பிகில் திரைப்படம் ரசிகர்களிடம் பேராதரவை பெற்றுள்ளது. காலை 4 மணிக்கே முதல் ஷோ பார்க்க ரசிகர் கூட்டம் அனைத்து திரையரங்குகளில் அலைமோதியது.
அட்லீ இயக்கத்தில், விஜய் மூன்று வேடங்களில் படு மாஸ்ஸாக நடித்த இந்த படத்தின் வெளியீட்டை ரசிகர்கள் திருவிழா போல கொண்டாடிவந்த நிலையில் தற்போது பிகில் திரைப்படம் திரையரங்கில் வெளியான சில மணி நேரங்களிலேயே தமிழ் ராக்கர்ஸ் இணையத்தளத்தில் வெளியாகியுள்ளது. இந்த செய்தி படக்குழுவினரை கடும் அதிர்ச்சியில் ஆழ்த்தியுள்ளது.
பிகில் சினிமா விமர்சனம்: சும்மா வேற லெவல் வெறித்தனம்
திரைப்படங்கள் வெளியானவுடன் குறிப்பாக பெரிய ஹீரோக்களின் திரைப்படங்கள் வெளியான சில மணி நேரங்களிலேயே திருட்டுத்தனமாக ஆன்லைனில் வெளியிடும் இணையதளங்கள் முடக்கப்பட வேண்டும் என்று பல புகார்களை மீறியும் தீபாவளி ரிலீஸ் படங்கள் இணையதளத்தில் வெளியானது வன்மையாக கண்டிக்கத்தக்கது.
தீபாவளிக்கு வெளியாகும் கைதி மற்றும் பிகில் திரைப்படங்களை திருட்டுத்தனமாக எந்த இணையதளமும் வெளியிடக்கூடாது என்ற உயர் நீதி மன்றத்தின் உத்தரவையும் மீறி பிகில் திரைப்படம் ஆன்லைனில் வெளியானது திரையுலகத்தினரை அதிர்ச்சியில் ஆழ்த்தியுள்ளது. இதற்கு யார் தான் முற்றுப்புள்ளி வைப்பது.