பைரசி பார்ட்னர்... பரபரப்பைக் கிளப்பிய ஃபர்ஸ்ட் லுக் போஸ்டர்!

ரெண்டாவது படம்

தமிழ்ப்படம் வெற்றிக்குப் பிறகு 'ரெண்டாவது படம்' என்றொரு படத்தை இயக்கினார் சி.எஸ்.அமுதன். ஆனால், அந்தப் படம் ரிலீஸாவது போல தெரியவில்லை. இந்நிலையில், 'தமிழ்ப் படம்' இயக்க இருக்கிறார்.

பைரசி பார்ட்னர்

'தமிழ்ப் படம் 2' ஃபர்ஸ்ட் லுக் நேற்று வெளியானது. இதில் அதிகாரப்பூர்வ பைரசி பார்ட்னர் தமிழ் ராக்கர்ஸ் என்று போட்டுள்ளனர். இந்த ஃபர்ஸ்ட் லுக் தற்போது ரசிகர்களிடம் அதிக வரவேற்பு பெற்று வருகிறது.

அகில உலக சூப்பர் ஸ்டார்

ஃபர்ஸ்ட் லுக் போஸ்டரை வெளியிட்ட சித்தார்த், 'இனிமே எல்லாம் ஒரு மாதிரியா தான் நடக்கும். அகில உலக சூப்பர் ஸ்டார் சிவா நடிக்கும் 'தமிழ்ப்படம் 2'. எனக் குறிப்பிட்டுள்ளார்.

தமிழ் ராக்கர்ஸ்

தமிழ் சினிமாவில் படங்கள் ரிலீஸ் ஆனதும் தமிழ் ராக்கர்ஸ் என்ற வலைதளத்தில் உடனே படம் வெளியாகிவிடும். இதனால் தயாரிப்பாளர் சங்கமும் அந்த வலைதளத்தை முடக்க நிறைய முயற்சிகள் எடுத்து வருகின்றனர்.

செம ப்ரொமோஷன்

இந்த நிலையில் மிர்ச்சி சிவா நடிக்கும் தமிழ்ப்படத்தின் இரண்டாம் பாக ஃபஸ்ட் லுக் போஸ்டரில் எங்களுடைய படம் அடுத்த வருடம் மே மாதம் 25-ம் தேதி ரிலீஸ் என்றும் தமிழ் ராக்கர்ஸில் 26-ம் தேதி ரிலீஸ் என்றும் போட்டுள்ளது பரபரப்பைக் கிளப்பியுள்ளது.