நாளை ரஜினி மட்டும் அல்ல அகில உலக சூப்பர் ஸ்டாரும் வருகிறார்: வயிறு பத்திரம்

குலேபகாவலி

ஏதாவது பண்டிகை என்றால் சன் டிவியில் இந்திய தொலைக்காட்சிகளில் முதன் முறையாக என்று அறிவித்து ஒரு படத்தை ஒளிபரப்புவார்கள். அந்த வழக்கத்தை கைவிடாமல் நாளை பிரபுதேவா நடித்த குலேபகாவலி மற்றும் ஹிப்ஹாப் தமிழா ஆதி நடித்த மீசைய முறுக்கு ஆகிய படங்கள் ஒளிபரப்பாகின்றன. இது தவிர சாலமன் பாப்பையாவின் சிறப்பு பட்டிமன்றமும் தவறாமல் ஒளிபரப்பப்படும்.

தமிழ் படம் 2

விநாயகர் சதுர்த்தியை முன்னிட்டு விஜய் டிவியில் அகில உலக சூப்பர் சிவா நடிப்பில் வெளியாகி ஹிட்டான தமிழ் படம் 2 ஒளிபரப்பப்படுகிறது. அதுவும் சன் டிவியில் குலேபகாவலி ஓடும் அதே 11 மணிக்கு. இதை பார்ப்பதா, அதை பார்ப்பதா என்று மக்கள் குழம்ப வேண்டாமா?. இதற்கிடையே மின் வெட்டு இல்லாமல் இருக்க வேண்டும். டிவியில் ஏதாவது புதுப்படம் போட்டாலே மின்வாரிய ஆட்களுக்கு பொறுக்காது. உடனே கரண்ட்டை கட் பண்ணிடுவாங்க.

சீமராஜா

நாளை சன் டிவியில் சிவகார்த்திகேயனின் சீமராஜா நிகழ்ச்சி மதியம் 1.30 மணிக்கு ஒளிபரப்பாகிறது. இதில் சிவகார்த்திகேயன், சூரி, சிம்ரன் உள்ளிட்ட சீமராஜா படக்குழு கலந்து கொள்கிறது. சூரியின் தீவிர ரசிகை ஒருவர் மேடைக்கு வந்து அவரை கட்டிப்பிடிப்பது போன்று காட்டியுள்ளனர். இப்படி ஒரு ரசிகையா, சொல்லவே இல்லை.

சாமி ஸ்கொயர்

விஜய் டிவியில் சாமி ஸ்கொயர் படக்குழு கலந்து கொள்ளும் நிகழ்ச்சி நாளை ஒளிபரப்பாகிறது. டிடி நடத்தும் அந்த நிகழ்ச்சியில் விக்ரம், கீர்த்தி சுரேஷ், ஐஸ்வர்யா ராஜேஷ், ஹரி ஆகியோர் கலந்து கொண்டு ஜாலியாக பேசுகிறார்கள்.