டிஜிட்டல் உலகில் புதிய சாதனை “ஆஹா ஓடிடி“.. 1 கோடி பார்வையாளர்கள்.. அபரிமிதமான வளர்ச்சி !

சாதனை படைத்துள்ளது

அமேசான், நெட்பிளிக்ஸ் போன்ற வெளிநாட்டு நிறுவனங்கள் மிக பெரிய அசுர வளர்ச்சி அடைந்த நிலையில் , இந்தியாவில் மிக குறுகிய காலத்தில் இந்தியாவின் மிக முக்கியமான பொழுதுபோக்கு நிறுவனமாக ஆஹா (aha) எண்டர்டெயின்மெண்ட் வளர்ந்திருக்கிறது. ப்ரத்யேகமாக தெலுங்குகென்றே உருவாகியுள்ள இந்த தளம் உலகம் முழுதும் பரவியிருக்கும் 10 கோடி தெலுங்கு மக்களிடையே தவிர்க்கமுடியாத பெயரைப் பெற்றிருக்கிறது. இத்துறையில் முன்னெப்போதும் இல்லாதவகையில் எவரும் சாதித்திராத இடத்தை வெகு வேகமாக அடைந்திருக்கிறது.

முன்னணி இயக்குனர்கள்

பொழுதுபோக்கு உலகில் புதுமையை புகுத்தி, புரட்சியை ஏற்படுத்தி, ரசிகர்களின் பேராதரவுடன் முதல் இடத்தை அடைந்திருக்கிறது. டிஜிட்டல் திரை உலகில் அதிவேக வளர்ச்சியை பெற்று வரும் நேரத்தில், இணைய ரசிகர்களுக்காக உயர்தரத்தில் நேரடி தெலுங்கு கதைகளை உருவாக்கி வருகிறது. 40 திரைத்தொடர்களை, பிரபல நடிகர்கள் மற்றும் பெரும் இயக்குநர்கள் இயக்கத்தில் அளித்து வருவதுடன் தியேட்டரில் வெளியாகும் திரைப்படங்களை வாங்கும் வேலையிலும் மும்முரமாக இயங்கி வருகிறது. இந்த வகையில் முதலாவதாக நாக சைதன்யா, சாய் பல்லவி நடிப்பில் சேகர் கம்முலா இயக்கத்தில் உருவாகியுள்ள "லவ் ஸ்டோரி" படத்தை வாங்கியுள்ளது. மேலும் பல படங்களை வாங்கும் பணியிலும் ஈடுபட்டுள்ளது.

தெலுங்கு ரசிகர்கள்

தெலுங்கு திரை உலகில் பெரிய இடத்தை பெற்றிருக்கும் ஆஹா (aha) குறித்து அதன் நிறுவன பங்குதாரர் மற்றும் தலைமை அதிகாரி திரு கிரிஷ் மேனன் பல கருத்துக்கள் கூறி உள்ளார் . இந்தியாவில் ஓடிடி எனும் டிஜிட்டல் திரை சந்தை புயல் வேகத்தில் வளர்ந்து வருகிறது. அதிலும் மொழிவாரியான விகிதத்தில் இத்துறைக்கு மிகப்பெரும் எதிர்காலம் இருக்கிறது. தெலுங்கு டிஜிட்டல் உலகம் தற்போது மிகப்பெரும் சந்தைக்களமாக இருக்கிறது. இணையம் மிகப்பரவலாக இருக்கும் இன்றைய தேதியில் உலகம் முழுக்க இருக்கும் 10 கோடி தெலுங்கு பேசும் மக்களிடையே மிகவும் எளிதாக சென்றடைய இந்த இணைய தள இணைப்பு பிரமிக்க வைக்கும் .

ஆஹா கவர்ந்துள்ளது

அவரவர் மொழியில் சொல்லும் நேரடி, தொடர்களுக்கு, கதைகளுக்கு பெரும் தட்டுப்பாடு இருக்கிறது. அவர்கள் தெலுங்கு திரைப்படங்களை, தொடர்களை காண்பதில் பெரும் ஆர்வமாக இருக்கிறார்கள். அதனை தயாரித்து அளிக்கும் நிறுவனமே சந்தையில் கோலோச்சும். அந்த வகையில் ரசிகர்களை "ஆஹா" (aha) நிறுவனம் வெகுவாக கவர்ந்திருக்கிறது.

காலூன்ற திட்டம்

ப்ரத்யேகாமாக தெலுங்கு கதைகளை தேடும் ரசிகர்களுக்கு "ஆஹா" ஒரு முக்கிய தளமாக இருக்கிறது. ரசிகர்கள் விரும்பும் அனைத்தும், அவர்கள் நுகரக்கூடிய குறைந்த விலையில் ஆஹாவில் கிடைக்கிறது. அந்த வகையில் ஓடிடி தளத்தில் இன்னும் பல புதிய யுக்திகளை கையாளுகிறது இந்த குழு. விரைவில் தெலுங்கு மட்டும் அல்லாமல் மற்ற மொழிகளிலும் இவர்கள் காலூன்ற திட்டமிட்டுள்ளனர்.