தெலுங்கில் ரீமேக்காகும் ஓ மை கடவுளே .. பூஜையும் போட்டாச்சு!

ஃபேண்டஸி கட்சிகளையும்

சிறு வயது முதலே நண்பர்களாக பழகி வருபவர்கள் தங்களுக்குள் இருக்கும் காதலை எப்போது கண்டறிகிறார்கள், அந்த காதலை எப்படி வெளிப்படுத்துகிறார்கள் என்பதை மையமாக கொண்டு அழகாக சில ஃபேண்டஸி காட்சிகளையும் தெளித்துவிட்டு ஓ மை கடவுளே திரைப்படத்தை இயக்கி இருந்த அஸ்வத் மாரிமுத்து தனது அனைத்து அடுத்த படமும் தமிழில் இயக்கி இருந்த நிலையில் அதற்கு முன்பாகவே தெலுங்கிலும் அறிமுகமாகிறார்.

தோற்றத்தில்

நடிகர் அசோக் செல்வன் தயாரித்து நடித்திருந்த ஓ மை கடவுளே திரைப்படம் ரசிகர்கள் இடையே நல்ல வரவேற்பை பெற்ற நிலையில் இதுவரை தமிழ் ரசிகர்கள் கண்டிராத வித்தியாசமான திரைக்கதையில் உருவாகியிருந்த இந்தப் படத்தில் விஜய் சேதுபதி, ரமேஷ் திலக் ஆகியோர் சிறப்பு தோற்றத்தில் நடித்திருக்க திரைப்படம் கடந்த பிப்ரவரி மாதம் வெளியாகி திரையரங்கில் சக்கைப்போடு போட்டது.

சிறந்த திரைப்படமாக

நண்பர்களாக பழகி வருபவர்கள் தங்களுக்குள் இருக்கும் காதலை எவ்வாறு கண்டறிந்து கடைசியில் வெற்றி பெறுகிறார்கள் என்பதை சுவாரசியம் குறையாமல் காட்டியிருக்க 2020 இல் வெளியான மிகச்சிறந்த திரைப்படங்களில் ஓ மை கடவுளே தனிச் சிறப்பை பெற்று சிறந்த திரைப்படமாக கொண்டாடப்பட்டது.

முதல் தெலுங்கு அறிமுக

தமிழ் ரசிகர்களை மிகவும் கவர்ந்த ஓ மை கடவுளே திரைப்படம் இப்பொழுது தெலுங்கிலும் ரீமேக் ஆக உள்ள நிலையில் இதன் படப்பிடிப்பு பூஜை சமீபத்தில் தொடங்கப்பட்டது. மேலும் இந்த திரைப்படத்தை தமிழில் இயக்கிய அஷ்வத் மாரிமுத்து தெலுங்கிலும் இயக்க இருக்கும் நிலையில் இது இவருக்கு முதல் தெலுங்கு அறிமுக திரைப்படமாகும்.

மாரிமுத்து

இந்த மகிழ்ச்சியான செய்தியை அஷ்வத் மாரிமுத்து தனது சமூக வலைதள பக்கங்களில் பதிவிட்டுள்ளதை அடுத்து, இந்த ஆண்டு தெலுங்கில் சூப்பர் ஹிட் த்ரில்லர் திரைப்படமாக வெளியாகி மிகப்பெரிய வெற்றிபெற்ற "ஹிட்" திரைப்படத்தில் நடித்த விஷ்வக் ஓ மை கடவுளே தெலுங்கு ரீமேக்கில் கதாநாயகனாக நடிக்கிறார். மேலும் ஓ மை கடவுளே -வின் தெலுங்கு ரீமேக்கை தொடர்ந்து அஷ்வத் மாரிமுத்து மீண்டும் தமிழ் திரைப்படத்தை இயக்க உள்ளதாகவும் தெரிவித்துள்ளார்.