‘மாஸ்’ படத்தில் ஆந்திரா மசாலாவை அதிகம் சேர்க்கும் வெங்கட் பிரபு

சூர்யா நடிக்க வெங்கட்பிரபு இயக்கும் ‘மாஸ்' படத்தில் ஆந்திரா ஹீரோக்களான பிரபாஸ், டாணா நடிக்க உள்ளதாக தகவல்கள் வெளியாகியுள்ளன.

சூர்யா தற்போது வெங்கட் பிரபு இயக்கிவரும் ‘மாஸ்' படத்தில் நடித்து வருகிறார். இதில் சூர்யாவிற்கு ஜோடியாக நயன்தாரா, எமிஜாக்சன் நடித்து வருகிறார்கள்.

மேலும் இவர்களுடன் பிரேம்ஜி, கருணாஸ், ஸ்ரீமன், ஜெயராம் உள்ளிட்ட பலர் நடித்து வருகிறார்கள். இப்படத்திற்கு யுவன் ஷங்கர் ராஜா இசையமைத்து வருகிறார். ஆர்.டி.சேகர் ஒளிப்பதிவு செய்து வருகிறார்.

இரண்டு விதமான கெட்டப்புகளில் சூர்யா நடிக்கும் இப்படத்தின் படப்பிடிப்பு விறுவிறுப்பாக நடந்து வருகிறது. சமீபத்தில் வெங்கட் பிரபு இப்படகுழுவினருடன் தன் பிறந்தநாளை கொண்டாடினார். இதில் தெலுங்கு நடிகர்கள் ராணா, ரவிதேஜா ஆகியோர் கலந்துக் கொண்டனர்.

தற்போது சூர்யா, வெங்கட் பிரபு, தெலுங்கு நடிகர்கள் ராணா, பிரபாஸ் ஆகியோர் இணைந்துள்ள செல்ஃபி புகைப்படம் சமீபத்தில் வெளியானது.

வெங்கட் பிரபு படங்களில் நடிக்கும் நடிகர்களை தவிர்த்து பிற நடிகர்கள் ஒரு சில காட்சிகளில் சிறப்பு தோற்றத்தில் வந்து போவார்கள். அதே போல் இந்தப் படத்திலும் தெலுங்கு பட உலகை சேர்ந்த பிரபல நடிகர்களான ராணா, பிரபாஸ், ரவிதேஜா ஆகியோர் சிறப்பு தோற்றத்தில் நடிக்கவிருப்பதாக கூறப்படுகிறது.

சூர்யாவின் படங்களுக்கு ஆந்திராவிலும் மவுசு அதிகரித்து வருகிறது. கூடுதல் வரவேற்பை அதிகரிக்க, ஆந்திரா காரமசாலாவை சேர்த்து புது பிரியாணியை கிண்டப் போகிறார் வெங்கட்பிரபு.