கபாலி ஆப்... இன்று இரவு 11 மணிக்கு வெளியிடுகிறார் தாணு!

சென்னை: ரஜினியின் கபாலி படம் குறித்த அனைத்து தகவல்களையும் பெற வசதியாக புதிய செயலி (ஆப்) ஒன்றை இன்று இரவு 11 மணிக்கு வெளியிடுகிறார் கலைப்புலி தாணு.

கபாலி படத்தின் பாடல்கள் நாளை இணையதளத்தில் வெளியாகவிருக்கிறது. ரசிகர்கள் இந்த பாடல்களுக்காக ஆவலுடன் காத்திருக்கிறார்கள்.

அவர்களின் ஆவலை மேலும் அதிகரிக்கும் வகையில் கபாலி ஆப் வெளியாகிறது. இன்று வெள்ளிக்கிழமை இரவு 11 மணிக்கு இந்த ஆப்பை தாணு வெளியிடுகிறார். ஐபோன் மற்றும் ஆன்ட்ராய்ட் போன்களுக்கு ஏற்ற வகையில் இந்த செயலி இருக்கும்.

இதில் கபாலி பற்றிய செய்திகள், ட்ரைலர், வீடியோ பேட்டிகள், பாடல்கள் என அனைத்தும் கிடைக்கும்.