9 ஆண்டுகள் நிறைவை கொண்டாடும் தடையறத் தாக்க படக்குழு... குவியும் பாராட்டுக்கள்

அருண் விஜய் சிறப்பான ஆக்டிங்

இயக்குநர் மகழ்திருமேனி இயக்கத்தில் கடந்த 2012ல் வெளியான படம் தடையறத் தாக்க. தன்னுடைய வாழ்க்கையை காப்பாற்றிக் கொள்ள போராடும் ஒரு இளைஞனின் வாழ்க்கையை கண்முன்னே நிறுத்திய இந்த படத்தில் அந்த இளைஞனாகவே வாழ்ந்து காட்டினார் நடிகர் அருண் விஜய்.

மிரட்டிய வில்லன்கள்

அவரது கேரியரில் பாண்டவர் பூமி படத்திற்கு பிறகு சிறப்பான படமாக அமைந்தது தடையறத் தாக்க. அவருக்கு படத்தில் ஜோடியாகியிருந்தார் மம்தா. தன்னுடைய சிறப்பான நடிப்பால் அவரும் கவனம் பெற்றிருந்தார். வம்சி மற்றும் அருள்தாஸ் போன்ற வில்லன்கள் படத்தில் மிரட்டியிருந்தனர்.

Recommended Video

தடுப்பூசி கண்டிப்பா போடுங்க | Actress Keerthy Suresh Awareness Video | Vaccine

பரிதாபத்தை ஏற்படுத்திய பிளாஷ்பேக்

படத்தில் இன்னொரு ஹீரோயினாக வந்த ரகுல் பிரீத்சிங்கும் தன்னுடைய கேரக்டருக்கு பொருத்தமான நடிப்பை வெளிப்படுத்தியிருந்தார். அவரது பிளாஷ்பேக் மற்றும் அவரது முடிவு ரசிகர்களிடையே பரிதாபத்தை ஏற்படுத்தியிருந்தன. மேலும் படத்தில் காமெடி காட்சிகளுக்கும் குறைவில்லாமல் இருந்தது.

கொண்டாடும் படக்குழு

இந்நிலையில் படத்தின் 9வது ஆண்டு நிறைவை தற்போது படக்குழுவினர் கொண்டாடி வருகினற்னர். இதையொட்டி ட்விட்டர் பக்கத்தில் படத்திற்கு பாராட்டுக்கள் குவிந்து வருகின்றன. 9 ஆண்டுகள் ஆனதாக தெரியவில்லை என்றும் இப்போதுதான் பார்த்ததாக தோன்றுவதாகவும் தெரிவித்துள்ளனர்.