Don't Miss!
- News அப்படி போடு.. ஓட்டு போட நாளை வரிசையில நிக்க வேண்டாம்.. EC அறிமுகம் செய்த செம வசதி.. என்னன்னு பாருங்க
- Automobiles படகு மாதிரி மிதந்து சென்ற ரூ2.44 கோடி கார்! இவ்வளவு வெள்ளத்துலயும் சின்ன டேமேஜ் கூட ஆகலயே!
- Technology கடைசி நேர டிவிஸ்டு.. வாக்குச் சாவடியில் இந்த 11 ஆவணங்களில் எதை காட்டினாலும்.. ஒட்டு போடலாம்!
- Lifestyle வெயில் காலத்தில் உங்க இதயம் பாதுகாப்பாக இருக்கணுமா? அப்ப இந்த 5 விஷயங்களை ஒழுங்கா பண்ணுங்க...!
- Finance ஏப்ரல் 19: உலகிலேயே காஸ்ட்லியான தேர்தல் இந்தியாவில் நடக்கிறது.. தலைசுத்தவைக்கும் பட்ஜெட்..!
- Sports PBKS vs MI : நம்ம ஹர்சல் படேலா இது.. கடைசி 5 ஓவரில் 5 விக்கெட்ஸ்.. மும்பையை கலங்கடித்த பஞ்சாப்!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
தல 57: அஜீத்துடன் ஜோடி போடும் 'தில்வாலே' நாயகி
சென்னை: சிவா இயக்கத்தில் அஜீத் நடிக்கப்போகும் புதிய படத்தின் நாயகியாக பாலிவுட் நாயகி கீர்த்தி சனோனை ஒப்பந்தம் செய்திருப்பதாக செய்திகள் வெளியாகி இருக்கின்றன.
வேதாளம் படத்திற்குப் பின் காலில் ஆபரேஷன் செய்துகொண்ட அஜீத் தற்போது வீட்டில் ஓய்வெடுத்து வருகிறார்.அடுத்ததாக இவர் சிறுத்தை சிவா, விஷ்ணுவர்த்தன் இருவருடைய படங்களிலும் அஜீத் விரைவில் நடிக்கவிருக்கிறார்.
இந்நிலையில் சிறுத்தை சிவா இயக்கும் படத்தில் அஜீத்தின் ஜோடியாக பாலிவுட் நாயகி கீர்த்தி சனோனை நாயகியாக படக்குழுவினர் ஒப்பந்தம் செய்திருக்கின்றனர்.
தெலுங்கு சூப்பர் ஸ்டார் மகேஷ்பாபுவின் ஜோடியாக 'நேநோக்கடைன்' படத்தின் மூலம் அறிமுகமானவர் தான் இந்த கீர்த்தி சனோன். மேலும் சமீபத்தில் வெளியான ஷாரூக்கானின் 'தில்வாலே' படத்திலும் கீர்த்தி நடித்திருந்தார்.
நடித்தது 4 படங்கள் என்றாலும் மகேஷ்பாபு, ஷாரூக்கான் ஆகியோரின் படங்களில் நடித்திருப்பதால் தங்களது படங்களில் கீர்த்தியை நாயகியாக்க பல்வேறு தரப்பினரும் முயன்று வருகின்றனர்.
இந்நிலையில் அஜீத் படத்தின் மூலம் தமிழில் பிரவேசம் செய்யப்போகிறது இந்த அழகுப்புயல். சிறுத்தை சிவா- அஜீத் 3 வது முறையாக இணையும் படத்தில் அஜீத் இரட்டை வேடத்தில் நடிக்கிறார்.
இதில் ஒரு அஜீத்திற்கு ஜோடியாக கீர்த்தி சனோனை படக்குழுவினர் ஓகே செய்திருக்கின்றனர்.மற்றொரு நாயகி பற்றிய விவரம் இன்னும் வெளியாகவில்லை.
தற்போதைய நிலவரப்படி முன்னணி நாயகி ஒருவரை ஜோடியாக்க முயற்சிகள் நடைபெற்று வருகின்றனவாம். அசல் படத்திற்குப் பின்னர் 6 வருடங்கள் கழித்து அஜீத் இரட்டை வேடத்தில் நடிக்கவிருப்பது அவரது ரசிகர்களிடையேயான மகிழ்ச்சியை அதிகப்படுத்தி இருக்கிறது.