வலிமை தள்ளிப் போனால் என்ன...வந்தாச்சு தல 61 அப்டேட் ...குஷியில் அஜித் ரசிகர்கள்

ரெடியாகிறது தல 61

இதற்கிடையில் போனி கபூர் தயாரிப்பில், டைரக்டர் ஹச்.வினோத்துடன் இணைந்து அஜித் மீண்டும் ஒரு படத்தில் பணியாற்றுவது தொடர்பாக பேச்சுவார்த்தை நடத்தப்பட்டுள்ளது. தல 61 படத்திற்கான திரைக்கதை தயாராகி விட்டதாம். இந்த படத்தின் கதை அஜித்திற்கு பிடித்து விட, உடனே ஓகே சொல்லி விட்டாராம்.

ஜுலையில் படப்பிடிப்பு

ஆக்ஷன் கலந்து த்ரில்லர் படமாக உருவாக்கப்பட உள்ள இந்த படத்தின் ப்ரீ ப்ரோடக்ஷன் வேலைகள் முழு வீச்சில் நடந்து வருகிறதாம். ஜுலை மாதம் முதல் படத்தின் படப்பிடிப்பு துவங்கப்பட உள்ளதாம். அஜித்தை புதிய கோணத்தில் ஆக்ஷன் ஹீரோவாக காட்டுவதாக இந்த படம் இருக்கும் என கூறப்படுகிறது.

வலிமைக்கு முன் தல 61

ஆனால் கொரோனா சூழல் ஜுலை மாதத்தில் எப்படி இருக்கும் என்பதை பொறுத்து இந்த படப்பிடிப்பு திட்டத்தில் மாற்றம் செய்யவும் முடிவு செய்துள்ளார்களாம். வலிமை படம் ரிலீசாவதற்கு முன்பே தல 61 படப்பிடிப்பு துவங்கி விடும் என்றே கூறப்படுகிறது.

2022 ல் தல 61 ரிலீஸ்

தல 61 படம், மிக அழுத்தமான கதையை கொண்டது என்றும், திட்டமிட்டபடி படப்பிடிப்பு துவங்கி நடைபெற்றால், 2022 ம் ஆண்டின் மத்தியில் தல 61 படம் ரிலீஸ் செய்யப்படும் என்கிறார்கள். இந்த ஆண்டு இறுதிக்குள்ளாகவே இந்த படத்தின் படப்பிடிப்பை முடிக்கவும் திட்டமிட்டுள்ளார்கள்.