அப்டிபோடு...அப்டேட்டே இல்லாமல் சாதனை மேல் சாதனை... அதிர வைக்கும் வலிமை

டிக்கெட் புக்கிங்கில் சாதனை

ஃபஸ்ட்லுக் வெளியிடும் தேதி கூட உறுதியாகாத நிலையில் வலிமை படத்தின் சாதனை பட்டியல் நீண்டு கொண்டே போகிறது. வலிமை படத்தை பார்க்க ஆன்லைனில் இதுவரை 10 லட்சம் பேர் டிக்கெட் புக் செய்துள்ளனர். இதுவரை எந்த இந்திய சினிமாவும் இப்படி ஒரு சாதனையை படைத்ததில்லையாம்.

வியாபாரத்திலும் சாதனை

இந்நிலையில் அடுத்த சாதனையாக வலிமை படத்தின் வியாபாரமும் அமோகமாக நடந்து வருகிறது. உலக அளவில் வலிமை படத்தின் தியேட்டர், சேட்டிலைட் மற்றும் டிஜிட்டல் உரிமை இதுவரை ரூ.210 முதல் 215 கோடிக்கு வியாபாரம் ஆகி உள்ளதாம்.

வசூல் சாதனையும் உறுதி

இதுவரை எந்த தமிழ் சினிமாவும் இவ்வளவு பெரிய தொகைக்கு வியாபாரம் ஆனதில்லையாம். அதுவும் ஃபஸ்ட்லுக் கூட வெளியிடப்படாத நிலையில், வலிமை படைத்துள்ள சாதனை சினிமா உலகை அதிர வைத்துள்ளது. இதனால் வலிமை படம் பாக்ஆபிஸ் வசூலிலும் சாதனை படைக்கும் என்பது உறுதியாகி விட்டது.

தீபாவளி ரிலீசா

போனி கபூர் தயாரிப்பில், ஹச்.வினோத் இயக்கி உள்ள வலிமை படத்தில் அஜித், ஹுமா குரேஷி, யோகிபாபு நடித்துள்ளனர். தெலுங்கு ஹீரோ கார்த்திகேயா வில்லனாக நடித்துள்ளார். அதிக எதிர்பார்ப்பை ஏற்படுத்திய இந்த படத்தை பிரம்மாண்டமாக தீபாவளிக்கு ரிலீஸ் செய்ய படக்குழு திட்டமிட்டுள்ளது.