முகப்பு

செய்திகள்

சென்னை: தலைவா படம் 2000 தியேட்டர்களில் மட்டுமே ரிலீசாகவிருப்பதாக அதன் தயாரிப்பாளர் அறிவித்துள்ளார்.

விஜய் இயக்கத்தில் விஜய் நடித்துள்ள தலைவா படம் நாளை மறுதினம் வெளியாகிறது.

இந்தப் படம் 4000 அரங்குகளில் வெளியாவதாக செய்தி பரவி வந்தது. உலகம் முழுவதும் வெளியாகும் ஹாலிவுட் படங்களே அதிகபட்சம் 3500 தியேட்டர்களில் வெளியாவது கடினம் என்றுள்ள சூழலில், விஜய் நடித்த தமிழ்ப் படம் 4000 அரங்குகளில் வெளியாவதாக வந்த செய்திகள் பலரையும் ஆச்சர்யத்தில் ஆழ்த்தியது.

இந்த நிலையில் படம் எத்தனை அரங்குகளில் வெளியாகிறது என்ற தகவலை தயாரிப்பாளர் சந்திரபிரகாஷ் ஜெயினே அறிவித்துள்ளார்.

தலைவா படம் தமிழகம், ஆந்திரா, கேரளா உள்பட உலகெங்கும் 2000 அரங்குகளில் வெளியாகும் என அவர் கூறியுள்ளார்.

தமிழகத்தில் 500 அரங்குகளிலும், ஆந்திராவில் 300 அரங்குகளிலும், கேரளாவில் 100 அரங்குகளிலும், மும்பையில் 100 தியேட்டர்களிலும், மலேசியா - சிங்கப்பூரில் 50 தியேட்டர்களிலும் வெளியிடத் திட்டமிட்டிருப்பதாக அவர் கூறினார். பிரிட்டன், அமெரிக்காவில் 100 தியேட்டர்களுக்கு மேல் வெளியாகிறதாம் தலைவா.