தலைவியா, குயினா எந்த டீஸர் பெஸ்ட்? ஜெயலலிதா நினைவு நாளைக்கு வெயிட்டான சம்பவம் இருக்கு!

தலைவி ஃபர்ஸ்ட் லுக் டீஸர்

மறைந்த முதல்வர் ஜெயலலிதாவின் வாழ்க்கை வரலாறு ‘தலைவி' எனும் தலைப்பில் படமாக உருவாகி வருகிறது. ஏ.எல். விஜய் இயக்கத்தில் பாலிவுட் நடிகை கங்கனா ரனாவத் ஜெயலலிதாவாக நடித்துள்ள ஃபர்ஸ்ட் லுக் டீஸர் அண்மையில் வெளியானது. ஆனால், அந்த ஃபர்ஸ்ட் லுக் டீஸரில், கங்கனாவின் உருவம் கார்ட்டுன் பொம்மை போல இருந்ததாக ரசிகர்கள் ட்ரோல் செய்தனர்.

குயின் டீஸர்

இந்நிலையில், கெளதம் மேனன் இயக்கத்தில் வெப்சீரிஸாக உருவாகியுள்ள குயின் டீஸர் வெளியாகியுள்ளது. இந்த வெப் சீரிஸில் ரம்யா கிருஷ்ணன் ஜெயலலிதாவாக நடித்துள்ளார். தற்போது வெளியாகியுள்ள டீஸரில் ரம்யா கிருஷ்ணனின் முகத்தை காண்பிக்காமல், பின் பக்கம், டாப் ஆங்கிள் என காட்டி, ஜெயலலிதாவின் சாயலை கொண்டு வந்துள்ளனர்.

டிரைலர் எப்போ?

கெளதம் மேனன் இயக்கத்தில் ஜெயலலிதாவாக ரம்யா கிருஷ்ணன் நடித்துள்ள வெப் சீரிஸ் விரைவில் எம்.எக்ஸ் ஸ்ட்ரீமிங் தளத்தில் வெளியாக உள்ளது. ஜெயலலிதாவின் நினைவு நாளான டிசம்பர் 5ம் தேதி டிரைலர் வெளியாகும் என்ற அறிவிப்பு வெளியாகியுள்ளது.

இது நல்லா இருக்கு

ஏ.எல். விஜய், கங்கனா வெர்ஷனுக்கு இந்த டீஸர் நல்லா இருக்கிறது என இந்த நெட்டிசன் கமெண்ட் செய்துள்ளார்.

1000 டைம்ஸ் பெட்டர்

கங்கனா ரனாவத்தின் தலைவிக்கு குயின் டீஸர் 1000 டைம்ஸ் பெட்டர் என்றும், கெளதம் மேனன் சிறந்த இயக்குநர், குயினுக்காக காத்திருக்கிறோம் என இந்த ரசிகர் ட்வீட் போட்டுள்ளார்.

முகத்தை காட்டவில்லையே

ஸ்கூல் டாப்பர், சூப்பர்ஸ்டார் ஹீரோயின், இளம் வயது முதல்வர் என மூன்று கட்டங்களாக ஜெயலலிதாவின் வாழ்க்கையை காண்பித்துள்ள டீஸரில், ஜெயலலிதாவாக ரம்யா கிருஷ்ணன் நடித்துள்ள முகத்தை காண்பிக்க வில்லையே என இந்த நெட்டிசன் கேள்வி எழுப்பியுள்ளார்.