பெரும் எதிர்பார்ப்புக்கு இடையே வெளியானது தளபதி 63 ஃபர்ஸ்ட் லுக்! பட்டையை கிளப்பும் டைட்டில்!

ரசிகர்களுக்கு விருந்து

நடிகர் விஜயின் பிறந்தநாள் நாளை கொண்டாடப்படவுள்ள நிலையில் தளபதி 63 ஃபர்ஸ்ட் லுக் அவரது ரசிகர்களுக்கு விருந்தாக அமைந்துள்ளது. இந்தப்படத்தில் நடிகர் விஜய் இரட்டை வேடத்தில் நடிக்கிறார் என்பதே அவரது ரசிகர்ளுக்கு பெரும் டானிக்காக உள்ளது.

மிரட்டும் விஜய்

கறிக்கடையில் காவி வேட்டியில் அப்பாவாக அமர்ந்திருக்கும் ஒரு விஜயும் கையில் பந்துடன் சிவப்பு நிற பனியனுடன் இளம்வயதாக ஒரு விஜயும் உள்ளனர் ஃபர்ஸ்ட் லுக் போஸ்டரில். அப்பாவாக கறிக்கடையில் அமர்ந்திருக்கும் விஜய் பார்வையிலேயே மிரட்டுகிறார்.

அள்ளும் லைக்ஸ்

விஜயின் கெட்டப்புக்கு ஏற்ப படத்தின் பெயரும் பிகில் என தூக்கலாக உள்ளது. `ஃபர்ஸ்ட் லுக் வெளியான சில நிமிடங்களிலேயே 53 ஆயிரத்திற்கும் மேற்பட்டோர் அதனை டிவிட்டரில் லைக் செய்துள்ளனர்.

நாளையும் இருக்காமே

27ஆயிரத்திற்கும் மேற்பட்டோர் ஃபர்ஸ்ட் லுக் போஸ்டரை ஷேர் செய்துள்ளனர். இதைத்தொடர்ந்து நாளை நள்ளிரவு 12 மணிக்கு மற்றொரு போஸ்டர் வெளியாகும் என்றும் கூறப்படுகிறது.