தளபதி 63 அப்டேட்: விஜய் படத்தில் ‘பரியேறும் பெருமாள்’ ஹீரோ கதிர்!

கதிர்:

இந்நிலையில், இப்படத்தில் பரியேறும் பெருமாள் படத்தில் நாயகனாக நடித்த கதிரும் முக்கியக் கதாபாத்திரத்தில் நடிக்க இருப்பதை படக்குழு உறுதி செய்துள்ளது. இத்தகவலை கல்பாத்தி அகோரத்தின் ஏஜிஎஸ் புரொடக்‌ஷன் தனது டிவிட்டர் பக்கத்தில் அறிவித்துள்ளது.

மிகவும் மகிழ்ச்சி:

இது தொடர்பாக நடிகர் கதிர் தனது டிவிட்டர் பக்கத்தில் பதிவு ஒன்றை வெளியிட்டுள்ளார். அதில், "அதிகாரப்பூர்வமாக தளபதி 63ல் நான். எனது கனவு புராஜக்ட் இது. இதனால் பெருமையாக, மிகவும் சந்தோசமாக உணர்கிறேன். நடிகர் விஜய், இயக்குநர் அட்லீ என எல்லோருக்கும் என் நன்றிகள். இதைவிட 2019 சிறப்பாக இருக்க வாய்ப்பில்லை" என அவர் தெரிவித்துள்ளார்.

பயிற்சியாளராக விஜய்:

இப்படம் பெண்கள் கால்பந்தாட்ட அணியை பற்றிய கதை எனக் கூறப்படுகிறது. பயிற்சியாளராக நடிக்கும் விஜய், அதற்கென தனது உடல் அமைப்பை மாற்றி தேவையான பயிற்சிகள் செய்து கொண்டிருக்கிறார் என்பது குறிப்பிடத்தக்கது.

விரைவில்:

இப்படத்தின் ஹீரோயின், மற்ற நடிகர் நடிகைகள் மற்றும் தொழில்நுட்பக் கலைஞர்கள் பற்றிய அறிவிப்பு இன்னும் வெளியிடப்படவில்லை. விரைவில் இது தொடர்பான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது. மெர்சல், சர்கார் வரிசையில் இந்த படத்தையும் தீபாவளிக்கு ரிலீஸ் செய்ய திட்டமிட்டுள்ளனர் என்பது குறிப்பிடத்தக்கது.