பிக் பாஸ் தாமரை யாரோட பிரைவேட் பார்ட்டி பண்றாருன்னு பாருங்க.. ஒரே குத்தாட்டமும் கும்மாளமும் தான்!

எதுவுமே தெரியாது

பிக் பாஸ் வீட்டில் விளையாடலாம் வரல, இங்க இருந்தா நல்லா இருக்கும்னு தான் வந்தேன் எனக் கூறிய தாமரைச் செல்வி பிக் பாஸ் வீட்டில் மற்ற போட்டியாளர்களுக்கு செம டஃப் கொடுத்து சிறப்பான ஆட்டத்தை வெளிப்படுத்தினார். பிரியங்காவுக்கும் தாமரைக்கும் நடந்த அந்த தள்ளுமுள்ளு சண்டையை யாருமே மறக்க முடியாது. எதுவுமே தெரியாதுன்னு சொல்றீங்க, ஆனால், எல்லாத்தையும் பண்றீங்க என பிரியங்காவே தாமரைக்கு எதிராக பிரச்சாரம் செய்தார்.

பிக் பாஸ் அல்டிமேட்

பிக் பாஸ் சீசன் 5ல் இறுதி வாரத்திற்கு வரமுடியாமல் வெளியேறிய தாமரைச் செல்வி உடனடியாக தொடங்கப்பட்ட பிக் பாஸ் அல்டிமேட் நிகழ்ச்சியில் கலந்து கொண்டார். பாலாஜி முருகதாஸ் உடன் நல்ல நட்பு கிடைத்த நிலையில், தாமரை செல்விக்கு ரசிகர்கள் ஆதரவும் அதிகரித்தன. ஆனால், இந்த முறையும் அவர் டைட்டிலுக்கு நெருங்க கூட முடியவில்லை.

பிக் பாஸ் ஜோடிகள் சீசன் 2

பிக் பாஸ் விட்டே வரமாட்டேன் என ஒரே பிடிவாதமாக இருந்து வருகிறார் தாமரை. பிக் பாஸ் சீசன் 5, பிக் பாஸ் அல்டிமேட் என அந்த வீட்டிலேயே தங்கி விட்ட தாமரை தற்போது பிக் பாஸ் ஜோடிகள் சீசன் 2 நிகழ்ச்சியில் போட்டியாளராக கலந்து கொண்டு டான்ஸ் ஆடி வருகிறார். பிரியங்கா மற்றும் ராஜு ஜெயமோகன் ஆங்கராக கலந்து கொண்ட இந்த நிகழ்ச்சியில் ஏகப்பட்ட பிக் பாஸ் பிரபலங்கள் ஜோடி போட்டு ஆடி வருகின்றனர்.

பிரைவேட் பார்ட்டி

தாமரை செல்வி எந்தவொரு பிக் பாஸ் பிரபலத்தையும் தனக்கு ஜோடியாக சேர்த்துக் கொள்ளாமல் தனது கணவர் பார்த்தசாரதியையே ஜோடியாக மாற்றி அவருடன் டான்ஸ் ஆடி வருகிறார். சிவகார்த்திகேயனின் டான் படத்தில் இடம்பெற்ற்றுள்ள பிரைவேட் பார்ட்டி பாடலுக்கு சமீபத்தில் இருவரும் ரிஹர்சல் செய்த வீடியோ டிரெண்டாகி வருகிறது.

கணவருடன் குத்தாட்டம்

தொடர்ச்சியாக கணவருடன் குத்தாட்டம் போடும் வீடியோக்களை தனது இன்ஸ்டாகிராம் பக்கத்தில் போட்டு டிரெண்ட் செய்து வருகிறார் தாமரை. தாமரைக்கு சரி சமமாக அவரது கணவரும் டான்ஸ் ஆட கற்றுக் கொண்டாரே என ரசிகர்கள் கமெண்ட் பக்கத்தில் லைக்குகளை தெறிக்கவிட்டு வருகின்றனர்.