Malavika Mohanan: என்ன மாளவிகா மோகனன் இப்படி ஓடாய் தேஞ்சிட்டாரே.. பா. ரஞ்சித் பண்ண வேலையா?

சென்னை: தங்கலான் படத்துக்காக இயக்குநர் பா. ரஞ்சித் சியான் விக்ரமை மட்டுமில்லை அந்த படத்தில் நடிக்கும் அத்தனை நடிகர்களையும் பெண்டு நிமிர்த்தி வருகிறார் என்பது தெளிவாக தெரிகிறது.

நடிகை மாளவிகா மோகனன் ஷூட்டிங் இல்லாத நேரத்தில் நேரடியாக தனது ஜிம்முக்கு சென்று ஜிம்மே கதியென கடுமையான உடற்பயிற்சியில் ஈடுபட்டு வருகிறார்.

சார்பட்டா பரம்பரை படத்திலேயே ஆர்யாவை போட்டு வாட்டி வதைத்து அப்படியொரு லுக்கை கொண்டு வந்த பா. ரஞ்சித் தங்கலான் படத்திற்காக சியான் விக்ரம், மாளவிகா மோகனன், பார்வதி என பலரையும் ஜிம் பக்கம் ஓட வைத்து வருகிறாரா என்கிற கேள்விகள் எழுந்துள்ளன.

தங்கலான் ஹீரோயின்: பட்டம் போலே படத்தின் மூலம் மலையாளத்தில் அறிமுகமான நடிகை மாளவிகா மோகனன் தமிழில் ரஜினிகாந்தின் பேட்ட படத்தின் மூலம் அறிமுகமானது அனைவரும் அறிந்த ஒன்று தான். அந்த படத்தைத் தொடர்ந்து விஜய்யின் மாஸ்டர், தனுஷ் உடன் மாறன் உள்ளிட்ட படங்கள் அவருக்கு கிடைத்தன.

தற்போது இயக்குநர் பா. ரஞ்சித்தின் தங்கலான் படத்தில் ஹீரோயினாக வித்தியாசமான தோற்றத்தில் பழங்குடியின பெண்ணாகவே நடித்து வருகிறார் மாளவிகா மோகனன்.

சிலம்பம் பயிற்சி: தங்கலான் மேக்கிங் வீடியோவில் சில காட்சிகள் காட்டியதிலேயே சியான் விக்ரமின் தோற்றமே ரசிகர்களை மிரட்டி எடுத்து விட்டது. அந்த படத்திற்காக நடிகை மாளவிகா மோகனன் சில மாதங்களுக்கு முன்னதாக சிலம்பம் பயிற்சி செய்யும் ஒரு வீடியோவையும் வெளியிட்டு இருந்தார்.

தொடர்ந்து வொர்க்கவுட் செய்து வந்த நிலையில், அதற்கு தற்போது தக்க பலன் கிடைத்திருப்பது சமீபத்தில் அவர் ஷேர் செய்துள்ள சில போட்டோக்களே விளக்குகின்றன.

வொர்க் இல்லைன்னா வொர்க்கவுட்: ஷூட்டிங் இல்லாத மற்ற நேரத்தில் ஜிம்மே கதியென வொர்க்கவுட் செய்துக் கொண்டிருக்கிறேன் என்பதை குறிக்கும் வகையில் வொர்க் இல்லாத நேரத்தில் வொர்க்கவுட் என்கிற கேப்ஷன் உடன் தங்கலான் படத்தின் தங்கம் மாளவிகா மோகனன் செம ஒல்லியாக மாறிய லேட்டஸ்ட் போட்டோக்களை பதிவிட்டு ரசிகர்களை ரொம்பவே கஷ்டப்பட வைத்துள்ளார்.

செம ஃபிட்டாக இருக்கீங்க மாளவிகா என்றும் உடம்பை பத்திரமாக பார்த்துக்கோங்க, தங்கலான் படம் உங்களை ட்ரோல் செய்தவர்களுக்கு தரமான பதிலடியாக இருக்கும் என்றும் ஏகப்பட்ட கமெண்ட்டுகளை போட்டு மாளவிகா மோகனனின் பெரும் முயற்சியை பலரும் பாராட்டி வருகின்றனர்.