இப்போது வைரலாகும், 6 வருடத்துக்கு முன் கொடுத்த லிப் லாக் முத்தம்.. பிரபல ஹீரோயின் வருத்தம்..!

திருவனந்தபுரம் லாட்ஜ்

இந்தப் படம் பெரிதாக கவனிக்கப்படவில்லை என்றாலும் அனூப் மேனன் இயக்கிய திருவனந்தபுரம் லாட்ஜ் என்ற படத்தில் நடித்ததும் கவனிக்கப்பட்டார். இதில் த்வானி நம்பியார் என்ற இவர் கேரக்டர் பேசப்பட்டது. இதையடுத்து தமிழில் கவனம் செலுத்திய அவர், மீண்டும் மலையாளத்தில் சில படங்களில் நடித்தார். அதில் அதிகம் கவனிக்கப்பட்ட படம், ஒன் பை டூ.

லிப் லாக் முத்தம்

அருண்குமார் அரவிந்த் இயக்கிய இந்தப் படத்தில், பகத் பாசில், முரளி கோபி, அபிநயா, ஸ்ருதி ராமகிருஷ்ணன், அழகம் பெருமாள் உட்பட பலர் நடித்துள்ளனர். இந்த படத்துக்கு கதை எழுதியது தமிழ் எழுத்தாளர் ஜெயமோகன். கடந்த 2014 ஆம் ஆண்டு வெளியான இந்தப் படம் இப்போது வரை பேசப்படுவதற்கு, அதில் நடிகை ஹனிரோஸ் நடிகர் முரளி கோபிக்கு அழுத்தமாகக் கொடுத்த லிப் லாக் முத்தமும் ஒரு காரணம்.

சொல்லவில்லை

இந்த முத்தக்காட்சி இப்போதுவரை சமூக வலைதளங்களில் பரபரப்பாகப் பகிரப்பட்டு வருகிறது. இது பற்றி சமீபத்தில் நடிகை ஹனிரோஸ் அளித்த பேட்டியில் கூறியிருப்பதாவது: இப்படியொரு லிப் லாக் காட்சி பற்றி படத்தின் இயக்குனர் சொல்லவில்லை. கதைப்படி என் கேரக்டரை விரும்பிய ஒருவர், இறந்து விடுகிறார். பிறகு திடீரென்று என் முன் தோன்றினால், என்ன நடக்கும் என்பதுதான் காட்சி.

தகுதியானதுதான்

இதுதான் எனக்குச் சொல்லப்பட்டது. உடனடியாக அந்த காட்சியை பற்றி யோசித்து, அந்த கேரக்டருக்கு அந்த லிப் லாக் தகுதியானதுதான் என்று தோன்றியதால் அதை செய்வதில் தவறில்லை என்று செய்தேன். அப்போது எனக்கு எந்தவிதமான மனநிலையும் இல்லை. ஆனால், பிறகு அதை விளம்பரத்துக்காக பயன்படுத்தியபோது எனக்கு வருத்தமாக இருந்தது.

Recommended Video

Manimegalai promotes Organic sanitary pads | Lock Down

படுக்கையறை காட்சி

நல்ல நோக்கத்துக்காக நாம் சில விஷயங்களை செய்யும் போது, அது வேறு சிலவற்றுக்குத் தான் பயன்படுகிறது. இருந்தாலும் அது படுக்கையறை காட்சியல்ல. ஆனால், இனி லிப் லாக் காட்சி என்று சொன்னால், ஒரு முறையல்ல, பத்துமுறை யோசிப்பேன். இவ்வாறு கூறியுள்ளார் நடிகை ஹனி ரோஸ். இவர் தான் தமிழில் நடித்தபோது பலவிதமான கஷ்டங்களை அனுபவித்தேன் என்று ஏற்கனவே அளித்த பேட்டி ஒன்றில் கூறியிருந்தார்.