Don't Miss!
- News நாடு ஒற்றுமையாக இருக்க வேண்டுமென்றால் மோடி பேசவே கூடாது.. சென்னையில் மார்க்சிஸ்ட் கட்சி போராட்டம்!
- Automobiles வெள்ளை நிற ஹெட்லைட் போட்ட வண்டிகளுக்கு எல்லாம் அபராதம் போட போறாங்க! அரசு வெளியிட்ட அதிரடி உத்தரவு!
- Sports "இந்தியாவின் ஒரே பாட்ஷா" சச்சினின் 51வது பிறந்தநாள்.. கொண்டாடும் தோனி, விராட் கோலி, ரோகித் சர்மா!
- Finance தங்கம் விலை இறங்கிய வேகத்தில் ஏறியது.. ஒவ்வொரு நிமிடமும் முக்கியம்.. சான்ஸ் மிஸ் பண்ணசடாதீங்க..!
- Technology இதுதாங்க பட்ஜெட்.. ரூ.9999 போதும்.. 12GB ரேம்.. 1TB மெமரி.. 5000mAh பேட்டரி.. 15W சார்ஜிங்.. எந்த மாடல்?
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Lifestyle சுக்கிர பெயர்ச்சியால் இன்று முதல் மே 19 வரை இந்த ராசிக்காரர்களுக்கு சூப்பரா இருக்கப்போகுது...
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
பத்து பிரிவுல.. ஒத்த விருது கூட வாங்கலையே.. எங்கே சறுக்கியது அதிகம் எதிர்பார்க்கப்பட்ட ஐரிஷ்மேன்?
லாஸ் ஏஞ்சல்ஸ்: பிரபல இயக்குநரான மார்டின் ஸ்கார்சஸி இயக்கத்தில் வெளியான தி ஐரிஷ்மேன் திரைப்படத்திற்கு ஒரு விருது கூட கிடைக்கவில்லை.
92வது ஆஸ்கர் விருது விழா கோலாகலமாக நடைபெற்று நிறைவு பெற்றுள்ளது. தொகுப்பாளர்கள் யாரும் இல்லாததால், விறுவிறுவென விருதுகள் பிரபலங்களால் அறிவிக்கப்பட்டு, விழா செம்ம ஸ்பீடில் நிறைவடைந்துள்ளது.
சிறந்த படம், சிறந்த இயக்குநர் உள்ளிட்ட 10 பிரிவுகளின் கீழ் பரிந்துரைக்கப்பட்டிருந்த தி ஐரிஷ்மேன் திரைப்படத்திற்கு ஒரு விருதும் வழங்கப்படவில்லை.
நெட்பிளிக்ஸ் படம்
நெட்பிளிக்ஸ் தயாரிப்பில் மார்டின் ஸ்கார்சஸி இயக்கத்தில் நடிப்பு அசுரன்களான ராபர்ட் டி நிரோ, அல் பசினோ மற்றும் ஜோ பெஸ்சி நடிப்பில் வெளியான படம் தி ஐரிஷ்மேன். பத்து பிரிவுகளின் கீழ் பரிந்துரைக்கப்பட்ட இந்த படம் பல விருதுகளை வெல்லும் என எதிர்பார்க்கப்பட்ட நிலையில், ஒரு விருதையும் பெறவில்லை.
மார்டின் ஸ்கார்சஸி
ஜாம்பவான் இயக்குநரான மார்டின் ஸ்கார்சஸிக்கு 77 வயதாகிறது. இந்த வயதில் தி ஐரிஷ்மேன் போன்ற வித்தியாசமான கேங்ஸ்டர் படத்தை இயக்கி உள்ளார். இந்த ஆண்டு சிறந்த இயக்குநருக்கான ஆஸ்கர் விருது இவருக்கு கிடைக்கும் என பெரிதும் எதிர்பார்க்கப்பட்ட நிலையில், அது மிஸ் ஆகியுள்ளது.
சிறந்த இயக்குநர் விருது
கடந்த 2007ம் ஆண்டு நடைபெற்ற ஆஸ்கர் விருது விழாவில், The Departed படத்துக்காக சிறந்த இயக்குநர் விருதை மார்டின் ஸ்கார்சஸி வென்றார். இவர் இயக்கத்தில் வெளியான குட் ஃபெலாஸ், இங்லோரியஸ் பாஸ்டர்ட்ஸ், டாக்ஸி டிரைவர், தி வுல்ஃப் ஆஃப் வால் ஸ்ட்ரீட் உள்ளிட்ட பல படங்கள் ஆஸ்கர் விருது விழாக்களில் பல விருதுகளை அள்ளி உள்ளன.
அதிகளவு எதிர்பார்ப்பு
நெட்பிளிக்ஸ் தயாரிப்பில் உருவான தி ஐரிஷ்மேன் திரைப்படம் நிச்சயம் பல ஆஸ்கர் விருதுகளை வெல்லும் என எதிர்பார்க்கப்பட்டது. சிறந்த படம், சிறந்த இயக்குநர், சிறந்த ஒளிப்பதிவு, சிறந்த துணை நடிகர், சிறந்த தழுவல் திரைக்கதை உள்ளிட்ட பத்து பிரிவுகளின் கீழ் இந்த படம் பரிந்துரைக்கப்பட்டிருந்தது குறிப்பிடத்தக்கது.
விளம்பர சர்ச்சை
ஆஸ்கர் விருதுகளில் வெற்றி பெறுவதற்காக சுமார் 700 கோடி வரை நெட்பிளிக்ஸ் நிறுவனம் விளம்பரத்திற்காக செலவு செய்ததாக, பல சர்ச்சைகள் ஆஸ்கர் விருது விழாவுக்கு முன்னதாக எழுந்தன. நெட்பிளிக்ஸ் பணம் கொடுத்து விருதுகளை பெறப்போவதாக குற்றச்சாட்டுகள் எழுந்த நிலையில், தற்போது அந்த படத்திற்கு ஒரு விருதும் கிடைக்காதது அதிர்ச்சியை ஏற்படுத்தியுள்ளது.
வில்லனான வெளிநாட்டு படம்
தி ஐரிஷ்மேன், 1917, ஜோக்கர் படங்களுக்கு கிடைக்க வேண்டிய பல விருதுகளை கொரிய திரைப்படமான பாராசைட் படம் தட்டிச் சென்றது. சிறந்த திரைப்படம், சிறந்த அயல் மொழித் திரைப்படம், சிறந்த இயக்குநர் மற்றும் சிறந்த திரைக்கதை என 4 பிரிவுகளின் கீழ் பாராசைட் இயக்குநர் போங் ஜூன் ஹோ விருதுகளை தட்டிச் சென்றார்.