“காளி“ கையில் சிகரெட்.. இந்துக் கடவுளை அவமதிப்பதா?..இயக்குநரை கைது செய்ய கோரிக்கை !

லீனா மணிமேகலை

தமிழில் பல்வேறு ஆவணப்படங்களை இயக்கி வருபவரும், சமூக செயற்பாட்டாளருமாக இருந்து வருபவர் லீனா மணிமேகலை. இவர் தற்போது "காளி" என்ற ஆவணப்படத்தை இயக்கியுள்ளார். நாடக பாணியிலான இந்த ஆவணப்படத்தின் போஸ்டர் சமீபத்தில் வெளியானது. அதில் காளிதேவி ஒரு கையில் LGBTQ சமூகத்தினரின் கோடியை ஏந்தியபடி, மறுகையில் சிகரெட் புகைப்பது போன்று சித்தரிக்கப்பட்டுள்ளது.

ArrestLeenaManimekalai

இதற்கு இந்து மத ஆர்வலர்கள் கடும் கண்டனங்களை தெரிவித்துள்ளதோடு ட்விட்டரில் #ArrestLeenaManimekalai என்ற ஹேஷ்டேகையும் ட்ரெண்டாக்கி வருகின்றனர். இந்துக் கடவுளை அவமதித்த இயக்குநர் லீலா மணிமேகலையை கைது செய்யக்கோரி சமூக வலைத்தளங்களில் பலர் கருத்துக்களை பகிர்ந்து வருகின்றனர்.

வழக்குப்பதிவு

டெல்லியைச் சேர்ந்த வழக்கறிஞர் வினீத் ஜிண்டால் என்பவர் இயக்குநர் லீனா மணிமேகலை தனது புதிய ஆவண படமான 'காளி' தொடர்பான சர்ச்சைக்குரிய போஸ்டர் மூலம் மத உணர்வுகளை புண்படுத்தியதாக டெல்லி போலீஸில் புகார் அளித்துள்ளார். காளி போஸ்டருக்கும், ஆவணபடத்திற்கும் தடைவிதிக்க வேண்டும் என்று புகார் மனுவில் கூறியுள்ளா.

முற்றிலும் தவறானது

இதை வன்மையாக கண்டித்துள்ள நடிகையும் மருத்துவருமான டாக்டர் ஷர்மிளா, இது மிகவும் பதற்றத்தை ஏற்படுத்தக்கூடியது. மதத்தின் மீது மரியாதை பரஸ்பரம் இருக்க வேண்டும். நீங்கள் நாத்திகராக இருந்தால் பரவாயில்லை, ஆனால் அது மற்றவர்களின் உணர்வுகளை கேலி செய்யும் உரிமையை உங்களுக்கு இல்லை. இது முற்றிலும் தவறானது.. அன்பை மட்டும் பரப்புங்கள் என தனது ட்விட்டர் பக்கத்தில் பதிவிட்டுள்ளார்.

வெட்கக்கேடானது

மேலும்,ஒரு நெட்டிசன்ஸ், காளி தேவியின் வேடமிட்டு புகைபிடிக்கும் வீடியோவை வெளியிட்டுள்ளது மலிவான விளம்பரமாகும். இந்துக் கடவுள்களை அவமதிப்பது வெட்கக்கேடானது. அப்படிப்பட்ட திரைப்பட தயாரிப்பாளர்களை திரைப்படம் எடுப்பதற்கு நிரந்தர தடை விதிக்க வேண்டும் என கோபத்துடன் பதிவிட்டுள்ளார்.

நாத்திகனுக்கு எந்த மதமும் அந்நியமே

எனக்கென்னவோ இவர்கள் தான் அடிப்படையில் மத உணர்வாளர்கள் என நினைக்கத் தோன்றுகிறது. இந்த மதம் எனது சொந்த மதம், அதனால் எனக்கு அதனை சிறுமைப்படுத்த முழு உரிமை உள்ளது என்பது போல நடந்து கொள்கிறார்கள். நிஜ நாத்திகனுக்கு எந்த மதமும் அந்நியமே என பதிவிட்டுள்ளார்.