பாக்ஸ் ஆபிஸ் ஹிட்.. தி காஷ்மீர் ஃபைல்ஸ் இயக்குநரின் அடுத்த சம்பவம் லோடிங்.. டைட்டில் என்ன தெரியுமா?

மோடி வரை புரமோஷன்

இயக்குநர் விவேக் அக்னிஹோத்ரி இயக்கத்தில் அனுபம் கெர் நடித்த தி காஷ்மீர் ஃபைல்ஸ் திரைப்படத்திற்கு பாஜகவினர் முழு ஆதரவை அளித்தனர். பிரதமர் மோடியை சந்தித்தும் படக்குழுவினர் பாராட்டுக்களை பெற்றது பெரும் பரபரப்பை கிளப்பியது. மேக்கிங் ரீதியாக இந்த படம் மிரட்டியது தான் இவ்வளவு பெரிய வெற்றிக்கு காரணம் என்கின்றனர்.

250 கோடி வசூல்

பாலிவுட்டின் முன்னணி நடிகர்கள் படங்கள் தொடர்ந்து சொதப்பி வரும் நிலையில், தென்னிந்திய திரையுலகம் பாலிவுட்டை அசால்ட்டாக ஓவர்டேக் செய்து விட்டது. இந்நிலையில், குறைவான பட்ஜெட்டில் எடுக்கப்பட்டு 250 கோடி வரை மிகப்பெரிய வசூல் வேட்டையை தி காஷ்மீர் ஃபைல்ஸ் திரைப்படம் பெற்று அபார சாதனையை படைத்துள்ளது.

டெல்லி ஃபைல்ஸ்

தி காஷ்மீர் ஃபைல்ஸ் படத்தை உருவாக்க 4 ஆண்டுகள் தானும் தனது டீமும் கடும் உழைப்பு போட்டதற்கு மிகப்பெரிய பலன் கிடைத்துள்ளது. இந்நிலையில், எனது அடுத்த படத்தின் டைட்டில் தி டெல்லி ஃபைல்ஸ் என அடுத்த குண்டை தூக்கிப் போட்டு இருக்கிறார் இயக்குநர் விவேக் அக்னிஹோத்ரி.

Recommended Video

காட்சிகளில் பதைபதைப்பு கண்களை கலங்க வாய்த்த தி காஷ்மீர் ஃபைல்ஸ்

என்ன கதை

90களில் காஷ்மீரை சேர்ந்த இந்து பண்டிதர்கள் கொடூரமாக கொலை செய்யப்பட்ட கதையை படமாக்கி பெரும் சர்ச்சையை கிளப்பி இருந்த நிலையில், டெல்லி ஃபைல்ஸ் என விவேக் அக்னிஹோத்ரி சொல்லி இருப்பதால் அடுத்த படத்தின் கதை என்னவாக இருக்கும் என்றும், இந்த படமும் பாஜகவினருக்கு ஆதரவான படமாகவே இருக்குமா? என்கிற கேள்வியையும் எழுப்பி உள்ளது.