“ராட்சசன்” திரைப்படத்திற்கு கிடைத்த மற்றுமொரு மகுடம் !

தயாரிப்பாளர்

இது குறித்து Axess Film Factory தயாரிப்பாளர் G.டில்லிபாபு கூறியதாவது..இது எங்களுக்கு கிடைத்துள்ள மிகப்பெரும் மரியாதை ஆகும். இந்த வரவேற்பும், இத்தனை பெரிய வெற்றியும் இப்படத்திற்காக உழைத்த அத்தனை பேருக்கும் உரித்தானது. 3 வருடங்களுக்கு முன்னதாக நிறைய கனவுகளுடன், சினிமாவின் மீது பெரும் காதலுடனும், நிறைய லட்சியத்துடனும் தயாரிப்பாளராக எனது பயணத்தை துவக்கினேன்.

கனவை நனவாக்கியுள்ளது

அனைவராலும் மறக்க முடியாத படங்களை உருவாக்க நினைத்தேன். "ராட்சசன்" திரைப்படம் அந்த கனவை நனவாக்கியுள்ளது. தயாரிப்பாளராக பெரும் மரியாதையையும், பெயரையும் பெற்று தந்துள்ளது. நல்ல படங்களை தொடர்ந்து எடுக்க மிகுந்த ஊக்கம் தந்திருக்கிறது.

நன்றியை தெரிவித்து

இந்நேரத்தில் இயக்குநர் ராம்குமார், நடிகர் விஷ்ணு விஷால், அமலா பால், பிவி. சங்கர், ஷான் லோகேஷ் சரவணன், ஜிப்ரான் மற்றும் அனைத்து தொழில்நுட்ப கலைஞர்களுக்கும் பெரும் நன்றியை தெரிவித்து கொள்கிறேன்.

பேச்சுலர்

எங்கள் தயாரிப்பில் மிகப்பெரும் வெற்றிப்பயணமாக அமைந்த, இந்த ஆண்டு 2020 ல் வெளியாகிய "ஓ மை கடவுளே" வெற்றிக்கு பிறகு, Axess Film Factory நிறுவனம் தற்போது ஜி.வி.பிரகாஷ் நடிப்பில் "பேச்சுலர்" (Bachelor) படத்தின் பணிகளில் ஈடுபட்டுள்ளது. இதைத்தவிர முன்னணி நடிகர்கள் நடிப்பில் புதிய திரைப்படங்களின் ஆரம்பகட்ட வேலைகளும் நடந்து வருகின்றன. அவற்றை பற்றிய அதிகாரப்பூர்வ அறிவிப்பு விரைவில் வெளியாகும் என்றார். நல்ல படங்களை மக்கள் கௌரவப்படுத்தாமல் விட்டதே இல்லை என்பது தான் உண்மை.