நாளை முதல் என்னை அறிந்தால் பாட்டு, 'அதாரு உதாரு'!

அஜீத்தின் என்னை அறிந்தால் படத்தின் டீசர் வரலாறு காணாத வெற்றியைப் பெற்றுள்ள நிலையில், அடுத்து படத்திலிருந்து ஒரு பாடலை மட்டும் வெளியிடவிருக்கிறார்கள்.

அதாரு அதாரு உதாரு உதாரு.. என்று தொடங்கும் இந்தப் பாடல் நாளை வியாழக்கிழமை முதல் சமூக வலைத் தளங்கள் மற்றும் வானொலிகளில் ஒளி-ஒலிபரப்பாகும்.

இந்தப் பாடலை விஜய் பிரகாஷ், கானா பாலா பாடியுள்ளனர். விக்னேஷ் சிவன் பாடலை எழுதியுள்ளார். ஹாரிஸ் ஜெயராஜ் இசையமைத்துள்ளார்.

அதுமட்டுமல்ல, என்னை அறிந்தால் படத்தின் டீசரை பெரிய திரையிலும் போட்டு ரசிகர்களைக் குஷிப்படுத்த முடிவு செய்துள்ளனர். எனவே நாளையிலிருந்து அனைத்து திரையரங்குகளிலும் என்னை அறிந்தால் டீசரையும் கண்டு மகிழலாம்.