தளபதி 66 படத்தை தயாரிக்கும் பிரபல நிறுவனம்.. காத்திருக்கும் 4 இயக்குனர்கள்!

மீண்டும் இணைவாரா!?

ஏற்கனவே தளபதி விஜயை வைத்து லோகேஷ் கனகராஜ் மாஸ்டர் படத்தை இயக்கியுள்ளார். ரசிகர்கள் மத்தியில் பேராதரவும், வெற்றியும் கிடைத்துள்ளது. இதை தொடர்ந்து இந்த கூட்டணி தேனாண்டாள் பிலிம்ஸ் தயாரிக்கும் படத்தில் மீண்டும் இணையவுள்ளதாக சொல்லப்படுகிறது.

ஹாட்ரிக் பிளாக்பஸ்டர்

தளபதி விஜயை வைத்து தெறி, மெர்சல், பிகில் என ஹாட்ரிக் பிளாக்பஸ்டர் கொடுத்த இயக்குனர் அட்லீ. இதில் மெர்சல் படத்தை தேனாண்டாள் பிலிம்ஸ் தயாரித்தது. மெர்சல் வசூல் ரீதியாக பல சாதனைகள் படைத்ததை தொடர்ந்து மீண்டும் #தளபதி66 ல் இந்த கூட்டணி இணையவுள்ளதாக சொல்லப்படுகிறது.

ரசிகர்கள் எதிர்பார்ப்பு

டிமாண்டி காலணி, இமைக்கா நொடிகள் போன்ற வெற்றி படங்களை இயக்கியவர் அஜய் ஞானமுத்து. தற்போது விக்ரமின் கோப்ரா படத்தை இயக்கி வருகிறார். #தளபதி66 படத்தை அஜய் ஞானமுத்து இயக்க வாய்ப்புள்ளதாக சினிமா வட்டாரங்கள் தெரிவிக்கின்றன. இந்த கூட்டணியை ரசிகர்கள் எதிர்பார்த்து காத்துள்ளார்.

இணைய வாய்ப்பு

சதுரங்க வேட்டை, தீரன் அதிகாரம் ஒன்று, நேர்கொண்ட பார்வை போன்ற வெற்றி படங்களை இயக்கியவர் H.வினோத். தற்போது அஜித்தின் வலிமை படத்தை இயக்கி வருகிறார். தேனாண்டாள் பிலிம்ஸ் தயாரிக்கும் #தளபதி66 படத்தை H. வினோத் இயக்க வாய்ப்புள்ளதாக சொல்லப்படுகிறது.