'சிம்புவால் ஏற்பட்ட நஷ்டத்தில் இருந்து இன்றளவும் மீளமுடியவில்லை'... தயாரிப்பாளர் வேதனை!

வல்லவன் காப்புரிமை

" சிம்பு நடித்து இயக்கிய வல்லவன் திரைப்படத்தின் இந்தி மற்றும் வடஇந்திய உரிமை எனது நிறுவனத்துக்கு சொந்தமானதாகும். அவ்வுரிமையை ஜெமினி கலர் லேப் மூலம் முறையாக பெற்றுள்ளேன்.

டி.ராஜேந்தர் பழி

இந்நிலையில் சிம்புவின் தந்தை நடிகர் டி ராஜேந்தர் வல்லவன் படத்தின் உரிமை தன்னிடம் உள்ளதாகவும், எங்கள் மீது பழி சுமத்தும் வகையிலும் பேசியுள்ளார்.

சிம்புவால் பாதிப்பு

நான் வல்லவன் படத்தை தயாரித்து, அதில் சிம்புவின் ஒத்துழையாமையால் படத்தின் பட்ஜெட் பல மடங்காகி, அதனால் ஏற்பட்ட நஷ்டத்தினால் இன்றளவும் மீளமுடியாமல் தவித்துக் கொண்டிருக்கிறேன்.

எத்தனையோ தயாரிப்பாளர்கள்

என்னை போலவே எத்தனைவே தயாரிப்பாளர்கள் சிம்புவால் பாதிக்கப்பட்டு, எல்லாவற்றையும் இழந்து தவிக்கும் கதைகள் திரையுலகம் அறிந்ததே.

டி.ராஜேந்தருக்கு கண்டனம்

இந்நிலையில் என்னையும், எனது திரையுலகம் அனுபவத்தையும் கேலிக் கூத்தாக்கும் வகையில் பேசிய டி.ராஜேந்தரை வன்மையாக கண்டிக்கிறேன். என் நற்பெயருக்கு களங்கம் விளைவித்த டி.ராஜேந்தர் மீது மான நஷ்ட வழக்கு தொடர நேரிடும் என்பதையும் தெரிவித்து கொள்கிறேன்", என தேனப்பன் கூறியுள்ளார்.