சம்பளம் வாங்காமல் நடித்த முதல் ஹீரோ அவர்தான்.. ரஜினியை புகழ்ந்து தள்ளிய திருப்பூர் சுப்பிரமணியம்!

முதல் ஹீரோ ரஜினி

நடிகர் ரஜினிகாந்தை தலைவர் என்று குறிப்பிட்டு பேசிய திருப்பூர் சுப்பிரமணியம் அவர் மீது தனக்கு அதிக மரியாதை இருப்பதாக கூறியுள்ளார். மேலும் தன்னைப் பொறுத்தவரை, சம்பளமின்றி படத்தில் நடித்த முதல் தமிழ் ஹீரோ ரஜினி தான் கூறியுள்ளார்.

வேலைக்காரன் படம்

மேலும் ஸ்ரீராகவேந்திரா படம் தோல்வி அடைந்ததால் கவிதாலயா புரடெக்ஷனுக்காக வேலைக்காரன் படத்திற்கு எந்த சம்பளமும் வாங்காமல் நடித்தார் நடிகர் ரஜினிகாந்த். அந்தப் படம் அவரது 100வது படமாகும்.

பாபா தோல்வியின் போது

பாபா படம் தோல்வியை தழுவிய போதுக்கூட நடிகர் ரஜினிகாந்த் எவ்வளவு தாராளமாக இருந்தார் என்பதையும் திருப்பூர் சுப்பிரமணியம் நினைவு கூர்ந்தார். அதாவது நடிகர் ரஜினிகாந்த் வெளிநாட்டில் இருந்து வந்தவுடன் பாபா படத்தால் நஷ்டமடைந்தவர்கள் குறித்த தகவலை என்னிடம் கேட்டார்.

அப்படி செய்த முதல் நடிகர்

மேலும் இந்தப் பிரச்சனையை எப்படி தீர்ப்பது என்றும் அவர் என்னிடம் உதவிக் கேட்டார். தன்னால் நஷ்டமடைந்தவர்களுக்கு அதனை ஈடுக்கட்ட முயற்சி செய்த முதல் நடிகரும் அவர்தான். அது அவருடைய அக்கறையுள்ள மனதைக் காட்டுகிறது. சூப்பர் ஸ்டார், ஒரு கட்டத்தில், வடக்கு ஆர்காடு, தெற்கு ஆர்காடு மற்றும் செங்கல்பட்டு பகுதிகளுக்கான உரிமைகளை தனது சம்பளமாகக் கேட்டிருந்தார்.

பெரிய இதயம் இருந்தது

இன்று, பல ஹீரோக்கள் தங்கள் சம்பளத்தை உயர்த்துகிறார்கள், இது தொழில்துறைக்கு ஆரோக்கியமற்ற போக்கு. தன்னுடைய தகுதி என்று நினைத்த சம்பளத்தை மட்டுமே கேட்க அவருக்கு ஒரு பெரிய இதயம் இருந்தது என நடிகர் ரஜினிகாந்தை புகழ்ந்து தள்ளியுள்ளார் மூத்த விநியோகஸ்தரான திருப்பூர் சுப்பிரமணியம்.