துணிவு, வாரிசு படத்தின் டிக்கெட் விலை எவ்வளவு தெரியுமா? ஷாக்கான ரசிகர்கள் !

துணிவா,வாரிசா

வீரம், ஜில்லா படத்திற்கு பிறகு கிட்டத்தட்ட 8 ஆண்டுகளுக்கு பிறகு விஜய் - அஜித் படங்கள் நேருக்கு நேர் மோத உள்ளது. இரண்டு படங்களும் பொங்கலுக்கு வெளியாகும் என்று அறிவித்ததில் இருந்தே துணிவா...வாரிசா என ரசிகர்கள் போட்டா போட்டி போடத் தொடங்கிவிட்டனர். இணையத்தில் இரு ரசிகர்களுக்கு மத்தியில் ஒரு யுத்தமே நடந்தது எனலாம்.

எதிர்பார்ப்பில் ரசிகர்கள்

வாரிசு திரைப்படத்தில் இருந்து பர்ஸ்ட் லுக்போஸ்டர், பாடல் என அடுத்தடுத்த அப்டேட்டுகள் வெளிவந்த நிலையில், துணிவு திரைப்படத்தின் அப்டேட்டை கேட்டு ரசிகர்கள் சோஷியல் மீடியாவை திணறடித்தார்கள் இதையடுத்து, ரஞ்சிதமே ரஞ்சிதமே பாடலுக்கு போட்டியாக சில்லா சில்லா பாடல் வெளியானது. இந்த இரண்டு பாடல்களுமே சோஷியல் மீடியாவில் ஹிட்டடித்தது.

எந்த படத்தைப் பார்ப்பது

இதையடுத்து வாரிசு திரைப்படம் ஜனவரி 12ந் தேதியும், துணிவு ஜனவரி 11ந் தேதியும் வெளியாகும் என்று பரவலாக பேசப்பட்டு வந்த நிலையில் திடீரென வாரிசு படம் ஜனவரி 11ந் தேதி வெளியாகும் என்ற அறிவிப்பை படக்குழு வெளியிட்டது. இதனால்,எந்த படத்தை முதலில் பார்ப்பது என்று தெரியாமல் சினிமா ஆர்வலர்கள் இருக்கிறார்கள்.

போட்டி போடும் ரசிகர்கள்

இந்நிலையில், வாரிசு மற்றும் துணிவு திரைப்படத்திற்கான முன்பதிவு தொடங்கி விறுவிறுப்பாக நடைபெற்று வருகிறது. இதில் அதிகாலை ஒரு மணி மற்றும் நான்கு மணி காட்சி திரையிடப்பட உள்ளதால், ரசிகர்கள் போட்டி போட்டு கொண்டு டிக்கெட்டுகளை வாங்கி வருகின்றனர்.

ஷாக்கான ரசிகர்கள்

படம் வெளியாக இன்னும் 3 நாட்களே உள்ளதால், முதல் நாள் முதல் ஷோவைப் பார்க்க ரசிகர்கள் ஆர்வமாக உள்ளதால், டிக்கெட்டின் விலை 2 ஆயிரம் ரூபாய் முதல் 3 ஆயிரம் ரூபாய் வரை விற்பனை செய்யப்பட்டு வருவதாக தகவல் வெளியாகி உள்ளது. வழக்கமாக பெரிய நடிகர்களின் படங்கள் ரிலீஸ் ஆனாலே முதல் ஷோ டிக்கெட்டின் விலை அதிகமாகத்தான் இருக்கும் என்றாலும் இது ரொம்ப ஓவர் என்று பொதுமக்கள் கருத்து கூறி வருகின்றனர்.