Thunivu Box office worldwide: அசராத அஜித்... பாக்ஸ் ஆபிஸில் 100 கோடியை நெருங்கிய துணிவு

ஆக்‌ஷன் ட்ரீட் கொடுத்த துணிவு

அஜித் - ஹெச் வினோத் - போனி கபூர் கூட்டணி மூன்றாவது முறையாக இணைந்துள்ள துணிவு திரைப்படம் கடந்த 11ம் தேதி வெளியானது. வியாழன் ரிலீஸ் என்ற சென்டிமெண்ட்டில் இருந்து விலகி புதன்கிழமையே வெளியானது துணிவு. ஹெச் வினோத் இயக்கியுள்ள இந்தப் படத்தில் அஜித்துடன் மஞ்சு வாரியர், சமுத்திரகனி உள்ளிட்ட பலர் நடித்திருந்தனர். அஜித் டார்க் டெவில் என்ற நெகட்டிவ் ரோலில் ரசிகர்களுக்கு ஆக்‌ஷன் ட்ரீட் கொடுத்து அசத்தியுள்ளார்.

பாக்ஸ் ஆபிஸ் நிலவரம்

மியூச்சல் பண்ட், கிரெடிக் கார்டு என வங்கிகளில் நடக்கும் மோசடிகளின் பின்னணி தான் இந்தப் படத்தின் ஒன்லைனாக உருவாகியுள்ளது. நேர்கொண்ட பார்வை, வலிமை படங்களை கொடுத்த அஜித் - ஹெச் வினோத் கூட்டணி, துணிவில் ரசிகர்களின் எதிர்பார்ப்பை வீணடிக்கவில்லை என்றே சொல்லப்படுகிறது. அதனால் முதல் நாளில் இருந்த அதே ஓப்பனிங், தொடர்ந்து அடுத்தடுத்த நாட்களிலும் கிடைத்து வருகிறது. முதல் நாளில் தமிழ்நாட்டில் மட்டும் 22 முதல் 25 கோடி வரை வசூலித்த துணிவு, உலகம் முழுவதும் 35 முதல் 40 கோடி வரை கலெக்‌ஷன் செய்துள்ளதாக சொல்லப்படுகிறது.

100 கோடி கிளப்பில் துணிவு

அதனைத் தொடர்ந்து இரண்டாவது நாளிலும் துணிவு படத்திற்கு ரசிகர்களிடம் நல்ல வரவேற்பு கிடைத்துள்ளது. அதன்படி, தமிழ்நாடு முழுவதும் 12 முதல் 15 கோடி ரூபாய் வசூலித்துள்ளது. உலகம் முழுவதும் 20 முதல் 25 கோடி ரூபாய் வரை கலெக்‌ஷன் செய்ததாக கூறப்படுகிறது. அதேபோல், மூன்றாவது நாளில் தமிழ்நாட்டில் 9 முதல் 12 கோடி ரூபாயும், உலகம் முழுவதும் 15 முதல் 18 கோடியும் வசூலித்துள்ளதாக தகவல்கள் வெளியாகியுள்ளன.

அசராத அஜித்

விஜய்யின் வாரிசு திரைப்படத்துடன் அஜித்தின் துணிவு மோதுவதால் வசூலில் பாதிப்பு வரும் என எதிர்பார்க்கப்பட்டது. ஆனால் அப்படியில்லாமல் நான்காவது நாளிலும் துணிவு வசூல் புதிய நம்பிக்கையை கொடுத்துள்ளது. அதன்படி 4வது நாளில் மொத்தம் 17 முதல் 20 கோடி ரூபாய் வரை வசூலித்துள்ளது. மேலும் இதுவரை துணிவு படத்தின் மொத்த வசூல் 90 முதல் 95 கோடி ரூபாய் வரை இருக்கலாம் எனவும் தகவல் வெளியாகியுள்ளது. இன்று முதல் பொங்கல் விடுமுறை என்பதால் இன்னும் கலெக்‌ஷன் அதிகரிக்கும் என்றே எதிர்பார்க்கப்படுகிறது.