முகப்பு

செய்திகள்

சக்ரி டோலாட்டி இயக்கத்தில் அஜீத் குமார், பார்வதி ஓமனக்குட்டன், புரூனா அப்துல்லா நடித்துள்ள பில்லா 2 படம் வரும் 22ம் தேதி ரிலீஸ் ஆகும் என்று அதிகாரப்பூர்வமாக அறிவிக்கப்பட்டது. வரும் 22ம் தேதி நடிகர் விஜய் தனது 38வது பிறந்தநாளைக் கொண்டாடுகிறார் என்பது குறிப்பிடத்தக்கது.

இந்நிலையில் விஜய் நடித்துள்ள துப்பாக்கி மற்றும் சிம்புவின் வாலு ஆகிய படங்களின் டீசர்களையும் பில்லா 2 படம் ரிலீஸாகும் அதே தினத்தில் வெளியிட திட்டமிட்டுள்ளனராம். துப்பாக்கி பட வேலைகள் முடியும் தருவாயில் உள்ளது. ஆனால் வாலு படம் அண்மையில் தான் துவங்கப்பட்டது.

அஜீத் ரசிகர்களுக்கு சர்பிரைஸாக வாலு பட டீசரை பில்லா 2 இடைவேளையில் விட சிம்பு திட்டமிட்டுள்ளார் என்று நாம் ஏற்கனவே செய்தி வெளியிட்டிருந்தோம். இந்த ஆண்டில் பெரிய எதிர்பார்ப்பை ஏற்படுத்தியுள்ள படம் பில்லா 2 என்பது குறிப்பிடத்தக்கது.

விஜய் பிறந்தநாள் அன்று ரிலீஸாவதால் பில்லா 2 அவரின் பிறந்தநாள் பரிசு என்று கூட சொல்லலாம்.