ஷாருக் – அட்லீ படத்தின் அடுத்த அப்டேட்...நேற்று ஹீரோயின், இன்று டைட்டில்

ஷாருக்கை இயக்கும் அட்லீ

ஆனால் விஜய், தற்போது நெல்சன் திலீப்குமார் இயக்கத்தில் பீஸ்ட் படத்தில் நடித்து வருகிறார். இதற்கிடையில் பாலிவுட்டிற்குள் நுழைந்துள்ள அட்லீ, தனது முதல் படத்தை ஷாருக்கானை வைத்து இயக்க உள்ளார். இந்த படம் ஆக்ஷன் கதை கொண்டதாக இருக்க வேண்டும் என சமீபத்தில் தான் முடிவு செய்தனர்.

ஹீரோயின் நயன்தாராவா

இந்நிலையில் இந்த படத்தில் ஷாருக்கானுக்கு ஜோடியாக நயன்தாராவை நடிக்க வைக்க உள்ளதாக நேற்று அப்டேட் வெளியிடப்பட்டது. இன்று அடுத்த அப்டேட்டாக படத்தின் டைட்டில் என்னவென்று முடிவு செய்யப்பட்டு விட்டதாக கூறப்படுகிறது.

டைட்டில் அறிவிப்பு எப்போது

ஷாருக்கான் தற்போது, ஹிருத்திக் ரோஷனை வைத்து வார் படத்தை இயக்கிய சித்தார்த் ஆனந்த் இயக்கும் பதான் படத்தில் நடித்து வருகிறார். இந்த படத்தின் வேலைகள் முடிவடைவதற்குள் அட்லீ படத்தின் டைட்டில் பற்றிய அதிகாரப்பூர்வ அறிவிப்பு வெளியிடப்பட உள்ளதாம்.

3 ஆண்டுகளாக ஷாருக் படமில்லை

பதான் படத்தில் ஷாருக்கிற்கு ஜோடியாக தீபிகா படுகோன் நடிக்கிறார். ஜான் ஆப்ரகாம் வில்லனாக நடிக்கிறார். கடைசியாக ஷாருக்கான் நடித்த ஜீரோ படம் 2018 ல் ரிலீசானது. அனுஷ்கா சர்மா, கத்ரினா கைஃப் நடித்த இந்த படம் எதிர்பார்த்த வரவேற்பை பெறவில்லை.