சிறுநீரக பாதிப்பு: டிஎம் சௌந்திரராஜனுக்கு தீவிர சிகிச்சை

சென்னை: பிரபல பின்னணி பாடகர் டி.எம். சௌந்திரராஜனுக்கு சிறுநீரகத்தில் ஏற்பட்ட பாதிப்பு காரணமாக சென்னை மருத்துவமனையில் தீவிர சிகிச்சை அளிக்கப்பட்டு வருகிறது.

மதுரையைச் சேர்ந்தவர் டி.எம். சௌந்திரராஜன். திரையுலக ஜாம்பவான்கள் எம்ஜிஆர், சிவாஜி கணேசன், ரஜினி, கமல் என பலருக்கும் பின்னணி பாடிய பெருமை கொண்டவர். சமீபத்தில் கூட, ஏஆர் ரஹ்மான் இசையில் செம்மொழி மாநாட்டுக்காக பாடினார்.

அவருக்கு நேற்று திடீரென உடல்நலக் குறைவு ஏற்பட்டது. உடனே அவரது உறவினர்கள் அவரை ராஜா அண்ணாமலைபுரத்தில் உள்ள காளியப்பா மருத்துவமனையில் சிகிச்சைக்காக அனுமதித்தனர்.

அவரைச் சோதித்த மருத்துவர்கள் சிறுநீரகத்தில் பாதிப்பு ஏற்பட்டதாக கூறி அவரை தீவிர சிகிச்சை பிரிவில் அனுமதித்து சிகிச்சை அளித்து வருகின்றனர்.